Tâi-oân ê lō͘-piⁿ-tàⁿ-á
|
台灣ê路邊擔仔 |
| Gân Sìn-seng |
顏信星 |
|
Chia̍h Tâi-oân ê lō͘-pīⁿ tàⁿ-á ū kúi-á hāng sóng, thâu chi̍t hāng, thng-thâu tiⁿ, tē-jī hāng, sió kè-chîⁿ, tē-saⁿ hāng, thong lâng chhiáⁿ ōe khí, tē-sì hāng, khut tō sà, tē-gō͘ hāng, ōe sòa-phah, tē-la̍k hāng, pau kun chia̍h kàu pá.
|
食台灣ê路邊擔仔有幾仔項爽。頭一項，湯頭甜。第二項，小價錢。第三項，通人請會起。第四項，屈tō sà。第五項，會sòa-phah。第六項，包君食到飽。 |
|
Chêng-ji̍t ū kúi ê pêng-iú lâi Tâi-lâm, chhōa in khì chia̍h chi̍t-tǹg bah-sò pn̄g phòe ló͘-N̄g, kiam lâi chi̍t-óaⁿ kòng-oân thng, chheⁿ-chhài, chhiat-liāu chham lo̍h-khì sǹg, N̄g, saⁿ-pah tō ū châi-tiâu thang kiâⁿ chhut-mn̂g, nā-sī khì “麥當勞”, góa liân “Ok-bīn-ê” kìⁿ kng mā sí bô kàu, só͘-í khǹg lín nā beh chhiáⁿ lâng-kheh, siōng hó sī chhōa lâi Tâi-oân chē, tong-jiân, sī chē tiàm í-á téng ōe sái khiau-kha ê Tâi-oân.
|
前日有幾個朋友來台南，chhōa in去食一頓肉燥飯配滷卵，兼來一碗貢丸湯、青菜、切料chham落去算，兩、三百tō有才調thang行出門。若是去「麥當勞」，我連「惡面--ê」見光mā死無夠。所以勸lín若beh請人客，上好是chhōa來台灣坐，當然，是坐tiàm椅仔頂會使蹺腳ê台灣。 |
|
(Gân Sìn-seng Tâi-gí Bûn-ha̍k soán, 2002 nî Chin-pêng Khì-gia̍p Chhut-pán)
|
（顏信星台語文學選，2002年真平企業出版） |
