首頁 >文學作品
文學作品
回上一頁
本篇文章總共有10個段落,37個語句,178個語詞,250個音節
Sin-nî ê Si 新年ê詩
Phian-chip-sek 編輯室
Sin-nî ê Si 新年ê詩
“ Siōng-tè, goán ê Siōng-tè, ji̍t goe̍h ku8-tn̂g, tek-khak chiàu-kè goán, kàu sí bô soah ” -Si-phian 48: 14. 「上帝,阮ê 上帝,日月久長,的確照過阮,到死無煞」詩篇48:14。
1.Chú ū in-tián tōa chû-pi,
Hō͘ goán an-jiân kòe chi̍t-nî.
Goán taⁿ kám-siā ēng sêng-sim,
Chhiáⁿ Chú Iâ-so͘ thiaⁿ goán gîm.
1.主有恩典大慈悲,
Hō͘ 阮安然過1年。
阮今感謝用誠心,
請主耶穌聽阮吟。
2.Chōe-kòa chē-chē kau-tāi lí,
Sī li tiâu-lâi thè goán sí .
Kòe-sin tāi-chì pàng chi̍t pêng,
N̄g-bāng êng-kng ti̍t chin8-chêng .
2.罪過濟濟交代你,
是你tiâu 來替阮死。
過身代誌放1爿,
向望榮光直進前。
3.Bōe lâi tāi-chì chin o͘-àm,
Goān Chú chhōa goán kàu lō͘-chām;
Tú-tio̍h tùi-te̍k hiông-ok lâi,
Chú lí chān goán kap i thâi.
3.Bōe來代誌真烏暗,
願主chhōa 阮到路站;
Tú著對敵凶惡來,
主你贊阮kap伊thâi。
4.Ū-sî loán-jio̍k kap iu-būn,
Kiû Chú kian-kò͘ goán sîn-hûn;
Kiâⁿ kàu khòng-iá tōa soa-po͘,
Jīn Chú éng-oa̍h chin ê lō͘.
4.有時軟弱kap憂悶,
求主堅固阮神魂;
行到曠野大沙埔,
認主永活真ê路。
5.Sí-sit ê lō͘ thang kiaⁿ-hiâⁿ,
Kin-nî chī-chūi tio̍h seng kiâⁿ ?
Thiⁿ-pē goān lí tōa kàng-lîm,
Lîm-chiong an-ùi i-ê sim.
5.死失ê路thang 驚惶,
今年是誰著先行?
天父願你大降臨,
臨終安慰伊ê 心。
6.Hō͘ goán chheng-sim kap sìn-si̍t,
Hō͘ goán kap Chú ná chhin-bi̍t.
Chān goán khùi-la̍t gâu un-jiû,
Kham tì èng-ún ê bián-liû.
6.Hō͘阮清心kap信實,
Hō͘阮kap主那親密。
贊阮氣力gâu 溫柔,
堪戴應允ê冕旒。
7.Thang siū in tī bêng-kiong-lāi,
Tōa chheng-chàn im-ūn hô-hâi,
O-ló Chú-cháiⁿ tiàm thian-tông,
Bān-chú ê Chú, ông ê Ông .
7.Thang受恩tī 明宮內,
大稱讚音韻和諧,
O-ló主宰tiàm 天堂,
萬主ê主,王ê王。
(Tâi-oân Hú-siâⁿ Kàu-hōe-pò tē 94 koàn, 1893 nî 2 ge̍h) (台灣府城教會報第94卷,1893年2月)
回上一頁    清國時代,   1893年,   詩