Eng-kai tio̍h kín-sīn
|
應該著謹慎 |
| Phian-chip-sek |
編輯室 |
|
Ū chi̍t-ê hū-jîn-lâng, miâ-chò Khîn-ài-chím, bô-tâ-ôa tio̍h khì hn̂g--n̍i̍h pê chháu. I ū chi̍t-ê kiáⁿ kiò-chò Khùn-á. In-ūi hit-ê gín-ná sī sè-hàn bē-tit kā i pàng tī chhù--n̍i̍h, só͘-í tio̍h tòa i chò-hóe khì. Tng-teh chò kang ê sî tú-tio̍h Khûn-á ià-siān ài khùn, chiū kā i hē tī chháu--n̍i̍h, koh chiong hō͘-sòaⁿ khòa-teh kā i jia. Khîn-ài-chím teh khîn-khîn chò kang, iáu-kú it-tio̍h kiáⁿ, só͘-í chia̍p-chia̍p oa̍t-thâu teh khòaⁿ i ū ún-tàng á-bô.
|
有一個婦人人，名做勤愛嬸，無tâ-ôa著去園裡耙草。伊有一個囝叫做勤仔。因為hit-ê囡仔是細漢bē得kā伊放tī厝裡，所以著帶伊作伙去。當teh做工ê時tú著勤仔厭 siān ài睏，就kā伊下tī草裡，koh將雨傘掛teh kā伊遮。勤愛嬸teh勤勤做工，iáu-kú益著囝，所以捷捷oa̍t頭teh看伊有穩當抑無。 |
|
Chit-ê hū-jîn-lâng ū chi̍t-chiah káu, hō-chò Hoe-á, sī put-chí ū lō͘-ēng ê cheng-seⁿ. Hoe-á chiàu-kò͘ i. Tī Khùn-á sin-piⁿ ū chi̍t-pau kan- niû. Hoe-á iā chiàu-kò͘, lóng bô tham-sim beh óa-khì chia̍h.
|
這個婦人人有一隻狗，號做花仔，是不止有路用ê精牲。花仔照顧伊。Tī勤仔身邊一包乾糧。花仔也照顧，攏無貪心beh倚去食。 |
|
Hit-sî sī hó-thiⁿ, só͘-í chiáu-á kap bóe-ia̍h tī pòaⁿ-khong-tiong poe-lâi poe-khì.
|
Hit時是好天，所以鳥仔kap尾蝶tī半空中飛來飛去。 |
|
Hn̂g--n̍i̍h ê āu-bīn ū chi̍t-keng lé-pài-tn̂g chiū-sī hū-jîn-lâng kap gín-ná tú-tio̍h Lé-pài-ji̍t ū ji̍p-khì siú lé-pài.
|
園裡ê後面有一間禮拜堂就是婦人人kap囡仔tú著禮拜日有入去守禮拜。 |
|
Lán tāi-ke tio̍h o̍h Khìn-ài-chím ê khoán-sit; ia̍h tio̍h chiàu Hoe-á ê bô͘-iūⁿ lâi gâu kín-sīn.
|
咱大家著學勤愛嬸ê款式；亦著照花仔ê模樣來gâu謹慎。 |
|
(Tâi-lâm Hú-siâⁿ Kàu-hōe-pò tē 94 koàn, 1893 nî 2 ge̍h)
|
(台南府城教會報第94卷，1893年2月) |
