Koh-oa̍h chāi Ki-tok_02
|
復活在基督_02 |
|---|---|
| Bô Chù-bêng | 無注明 |
|
第二幕 開場白
|
第二幕 開場白 |
|
惠：Tu.Tu…hmh，thó-ià sí kóaⁿ kui pòaⁿ ji̍t iáu-sī m̄ ji̍p-khì，ná kóaⁿ，cháu ná hn̄g. Tu.Tu. khì-sí-lâng。(拿著袖子擦擦汗，回頭看見 ke-tà 露個笑) Hó！chia ū chi̍t ê ke-tà chin hó-sè lah. (舉起 ke-tà chài tui)
|
惠：Tu，tu …嗯，討厭死，趕歸半日iáu 是m̄ 入去，那趕走那遠。Tu，tu，氣死人。（拿著袖子擦擦汗，回頭看見雞罩露個笑。）好！chia 有一個雞罩真好勢lah。（舉起雞罩再追） |
|
繼：(從幕後喊) Siù-hūi a！
|
繼：（從幕後喊）秀惠啊！ |
|
惠：Ma…góa tī chia leh！( Tà 一兩次tàn bô tà tio̍h ke-á se̍h一lîn 再往左邊追時她用力一撲但沒撲住，反而撞到剛出來的繼母，把她手裡的雞餌都弄散了。)
|
惠：媽……我tī chia leh！（罩一兩次但無罩著雞仔，se̍h 一 lìn 再往左邊追時，他用力一撲，但無撲住，反而撞到剛出來的繼母，把他手裡ê 雞餌都弄散了。） |
|
繼：(撲撲衣服氣昂地站起來，左手插著腰右手指推秀惠) Lí chit ê kâu-sí gín-á bô ba̍k-chiu sī-m̄? Lín pē khiā tī chia lí lóng bô khòaⁿ kìⁿ？ Lí lia̍h chún lí tōa hàn lah bô lâng káⁿ kà-sī lí lah. Chiah kā chhì khòaⁿ māi leh.
|
繼：（撲撲衣服氣昂地站起來，左手插著腰，右手指推秀惠）你這個猴死囝仔無目珠是m̄? Lín 父企tī chia 你攏無看見？你掠準你大漢lah，無人敢教示你lah，chiah kā 試看māi leh。 |
|
惠：Bô lah！ Góa m̄ káⁿ lah ma-ma chhiáⁿ sià-bián góa lah。
|
惠：無lah ！我m̄ 敢lah ！媽媽請赦免我了。 |
|
繼：ma-ma tán lí kui po͘ tō bô tńg-lâi. chúi-kng ê chúi à-bô taⁿ, lāi-bīn iā bô sàu, kan-ta lōa kóaⁿ ke-á chiū ē tàng soah sū sī bô? Kin-ná-ji̍t tú-hó lín ché-ché tùi Tâi-pak tha̍k-chheh tńg-lâi beh phah lí ū khah pháiⁿ-sè chi̍t-sut-á. Chóng kóng lí iā tōa hàn lah, m̄-bián tō hō͘ lâng phah chiah beh jīn-chin…Kóaⁿ-kín seng khì taⁿ chúi chiah sàu-tè. (秀惠擦眼往牆邊拿個水桶，沉默而從左退場。)
|
繼：媽媽等你歸晡tō 無轉來，水缸ê 水a 無擔，內面也無掃，干單賴趕雞仔就會tàng 煞事是無？今仔日tú 好lín 姐姐tùi 台北讀書回來beh 扑你有較歹勢一sut 仔。總講你也大漢lah，m̄ 免tō hō͘ 人扑才beh 認真。趕緊先去擔水才掃地。（秀惠擦眼往牆邊拿個水桶沈默而從左退場） |
|
繼：(目送她回頭) A̍i̍h！Hiah ni̍h tōa-hàn lah, iáu sī m̄-thiaⁿ góa ê ōe, pīn-tōaⁿ sí-sí sím-mi̍h tō m̄-khéng kā-kī khì chò. Chit kúi-nî lâi góa ūi-tio̍h chiah ê gín-ná m̄-chai hùi-liáu gōa chē sim-sîn, m̄-chai-iáⁿ ê lâng beh kóng góa sī teh khó͘-to̍k chêng-lâng-kiáⁿ, kî-si̍t góa sī ūi tio̍h in ê chiong-lâi góa ka-tī iā kan-khó͘ bē chió lah！(坐下劈柴) Siù-eng í-keng ji̍p tāi-ha̍k bô su-iàu góa khì koán i，kóng tio̍h A-bûn chiah sī m̄-bat pòaⁿ-hāng m̄ thiaⁿ ōe si̍t-chāi chin kan-khó͘.
|
繼：（目送他，回頭）哎！Hiah-ni̍h 大漢lah iáu 是m̄ 聽我ê 話，貧憚死死，甚mi̍h tō m̄ 肯家己去做。這幾年來我為著chiah 個囝仔m̄ 知費了外濟心神，m̄ 知影ê 人beh 講我是teh 苦毒前人子，其實我是為著in ê 將來，我家己也艱苦未少lah。（坐下劈柴）秀英已經進大學，無須要我去管她，說到阿文才是m̄-bat 半項m̄ 聽話，實在真艱苦。 |
|
文：(衣服弄髒，手裡帶著一塊肉也弄髒，心裡害怕走近母前) ma-ma，bé tńg lah (chiong 肉 the̍h hō͘ 媽媽。)
|
文：（衣服弄髒，手裡帶著一塊肉也弄髒，心裡害怕走進母前。）媽媽買轉lah （將肉提hō͘ 媽媽） |
|
繼：(The̍h 肉khit lâi khòaⁿ ) Oh！A-bûn，chit tè bah ná ē chiah kiaⁿ-lâng?
|
繼：（提肉起來看）Oh ！阿文，這tè 肉那會chiah 驚人？ |
|
文：(撲撲衣裳的髒泥而畏懼地) Kā la̍uh thô-kha ê lah. In-ūi keh-piah ê káu ti̍t-ti̍t kā góa jiok, góa kiaⁿ chiū án-ni poa̍h-tó lo̍h khì.
|
文：（撲撲衣服的髒泥而畏懼地）kā la̍uh土腳--ê lah，因為隔壁ê 狗直直kā 我jiok，我驚就án-ni 跋倒落去。 |
|
繼：Hńg! Gōng tō sī gōng, kiò lí khì bé chi̍t tè bah iā bē hó-hó kā góa bé tńg lâi, iu-sī koh tòa lō͘-ni̍h pòaⁿ sńg pòaⁿ chit-thô. Nā m̄-sī lín ché-ché tńg-lâi siūⁿ beh chú chi̍t tǹg chheⁿ-chhau hō͘ i chia̍h mā bē kiò lí khì bé. (自嘆，把肉提給他嚴厲地) lâi the̍h khì chàu-kha sé-sé hō͘ chheng-khì tiàu hē teng-á ni̍h.(阿文轉身默然走一兩步才故意搖擺手裡的肉闊步而退場。)
|
繼：哼！憨tō 是憨，叫你去買一塊肉，也bē好好kā 我買轉來，又是koh tòa 路ni̍h 半sńg 半chhit-thô。若m̄ 是lín 姐姐轉來，想beh 煮一頓chheⁿ-chhau hō͘ 伊食，mā bē叫你去買。（自嘆）（把肉提給他嚴厲地）來提去灶腳洗洗hō͘ 清氣，吊下釘仔ni̍h。（阿文轉身默然走一兩步才故意搖擺手裡的肉闊步而退場） |
|
繼：(目送他) Heh！Gōng gín-ná liân kiâⁿ-lō͘ to bô chèng-keng. (再收拾柴) (秀英帶阿仁唱著聖詩304首進場。)
|
繼：（目送他）嘿！憨囝仔連行路都無正經。（再收拾柴）（秀英帶阿仁唱著聖詩304 首進場） |
|
英：A-jîn ē chhiùⁿ a，lâi chhiùⁿ hō͘ ma-ma thiaⁿ hó m̄-hó？
|
英：阿仁會唱了，來唱給媽媽聽好不好？ |
|
繼：(停止工作，笑容注意阿仁) Heh，A-jîn ē chhiùⁿ-koa，chhiùⁿ hō͘ ma-ma thiaⁿ hó m̄-hó？(鼓掌地)
|
繼：（停止工作，笑容注意阿仁）嘿！阿仁會唱歌，唱給媽媽聽好不好？（鼓掌地） |
|
仁：Chhiùⁿ，Iâ-so͘ thiàⁿ góa góa chai bêng……(記不起來)
|
仁：唱，耶穌疼我，我知明……（記不起來） |
|
英：(笑著提醒他)
|
英：（笑著提醒他） |
|
繼：(不等他繼續唱便鼓掌拍他) koai-kiáⁿ lâi，ma-ma phō chi̍t-ê.
|
繼：（不等他繼續唱便鼓掌拍他）乖子來，媽媽抱一個。 |
|
英：Kin-ná-ji̍t góa chhōa i khì lé-pài-tn̂g tha̍k Chú-ji̍t-o̍h，i chin hoaⁿ-hí chiong koa lóng kì-khit-lâi lah.
|
英：今仔日我chhōa 伊去禮拜堂讀主日學，伊真歡喜，將歌攏記起來lah。 |
|
繼：Oh！Sit-chāi chin chhong-bêng tán āu lé-pài chiah koh kiò ché-ché chhōa lí khì hó m̄ hó? (問阿仁)
|
繼：Oh ！實在真聰明，等後禮拜才 koh 叫姐姐chhōa 你去好m̄ 好？（問阿仁） |
|
仁：Hó (但又從媽媽的懷抱逃出) ché-ché góa…beh khì ché-ché hia.
|
仁：好。（但又從媽媽的懷抱逃出）姐姐我…beh 去姐姐hia。 |
|
英：Hó，lâi！ (抱阿仁過來)……Ah tio̍h, (想起似地) ma-ma kin-ná-ji̍t kàu-hōe ê lâng lóng beh chhéng-an pa-pa kap ma-ma。Chú-ji̍t-o̍h ê hāu-tiúⁿ iā teh mn̄g Siù-hūi kap A-bûn chiah kú cháiⁿ-iūⁿ lóng bô lâi Chú-ji̍t-o̍h？
|
英：好，來。（抱阿仁過來）…ah 著！（想起來似）媽媽，今仔日教會的人攏beh 請安爸爸和媽媽，主日學的校長也teh 問秀惠和阿文chiah 久怎樣攏無來主日學…… |
|
繼：Sī lah, to-siā. Siù-hūi A-bûn lóng tī ha̍k-hāu tha̍k chheh, tńg lâi chhù-ni̍h iu chin bô êng, só͘-í lé-pài-ji̍t góa chiū kiò in tī chhù-ni̍h pang-bâng. Tùi Lí khì Tâi-pak tha̍k chheh í-lâi in chiū chin chió khì hù Chú-ji̍t-o̍h a。
|
繼：是lah，多謝，秀惠、阿文攏tī 學校讀冊，轉來厝ni̍h 又真無閑，所以禮拜日我就叫in tī 厝ni̍h 幫忙。Tùi 你去台北讀冊以來in 就真少去赴主日學了。 |
|
英：Chóng-sī ma-ma，Chú-ji̍t-o̍h koh kap phó͘-thong ê ha̍k-hāu bô sio-siâng neh！I kà lâng chò hó-sū thiaⁿ-thàng pē-bú。Jû-kó ma-ma iā khì thiaⁿ tō ē koh khah chheng-chhó.
|
英：總是媽媽 主日學又和普通的學校無相像neh ！它會教人做好事，疼痛父母。如果媽媽也去聽就會koh 較清楚。 |
|
繼：sī，góa chai-iáⁿ，góa chai-iáⁿ。Lí khòaⁿ ma-ma chiah ni̍h bô-êng, ná ū hit hō sî-kan neh？ Oh！Í-keng tàu lah, góa kín lâi khì chhá bí-hún hō͘ lín chia̍h. Lí chiah ê chhâ siu-siu leh.
|
繼：是，我知道，我知道，你看媽媽chiah ni̍h 無閑，那有hit 號時間neh ？Oh！已經晝lah，我緊來去炒米粉hō͘ lín 食，你chiah ê 柴收收leh。 |
|
英：Hó，A-jîn lí khiā chia, ché beh siu-chhâ.
|
英：好，阿仁你企chia，姐姐beh 收柴。 |
|
仁：góa iā beh kā ché-ché tàu siu.
|
仁：我也beh kā 姐姐鬥收。 |
|
英：(露笑) hó！(便開始收拾火柴，二人唱304首，最後一束柴疊積在柴堆表示工作已完將進去屋內。這時秀惠兩手提兩個水桶進來，臉上顯出憂愁的樣子，把水桶放在牆邊，伸一伸腰再用袖口擦擦臉，往牆邊拿一把掃帚回過身才注意到秀英。)
|
英：（露笑）好。（便開始收拾火柴。二人唱304 首，最後一束柴疊積在柴堆表示工作已完將進去屋內，這時秀惠兩手提兩個水桶進來，臉上顯出憂愁的樣子，把水桶放在牆邊伸一伸腰再用袖口擦擦臉，往牆邊拿一把掃帚回過身才注意到秀英） |
|
惠：Oh！Ché-ché lí iā tī chia.
|
惠：噢！姐姐你也tī chia。 |
|
英：Siù-hūi lâi，hō͘ lí chin tio̍h-bôa, ché-ché pang-bâng lí。 (欲從她接過掃帚)
|
英：秀惠來，hō͘ 你真著磨，姐姐幫忙你。（欲從她接過掃帚） |
|
惠：M̄-bián, 姐姐 góa liâm-piⁿ ē sàu hó.
|
惠：m̄ 免，姐姐我liam-piⁿ 會掃好。 |
|
仁：(走近也想接掃帚) Góa iā beh sàu.
|
仁：（走近也想接掃帚）我也beh 掃。 |
|
惠：(生氣地推開他) 阿仁！ Lí beh chhòng 什麼？ Cháu lah！
|
惠：（生氣地推開他）阿仁你beh 創什麼？走lah。 |
|
仁：(哭出聲來) 嗡！媽媽啊！二姊啦……
|
仁：（哭出聲來）嗡嗡媽啊！二姐啦…… |
|
英：(責她) Oh！秀惠！ Lí m̄-thang án-ni. (轉向阿仁) Oh！阿仁！ Lí m̄-thang khàu, 姐姐kā mē二姐lah.
|
英：（責他）Oh ！秀惠你m̄-thang án-ni. （轉向阿仁）Oh ！阿仁，你m̄-thang 哭，姐姐kā 罵二姐leh。 |
|
惠：討厭死，sòa bē hiauh tit koh 去 tâu 媽媽。 (恨阿仁而自己便開始掃地)
|
惠：討厭死，續未曉tit koh 去投媽媽。（恨阿仁而自己便開始掃地） |
|
英：好，阿仁 m̄-thang khàu lah, chin koai 媽媽 teh chú chhe-chhau beh hō͘ lí chia̍h, lí去看 chú hó bōe hó bô?(送他進屋內，回過身走進) 秀惠 Lí m̄-tio̍h, 他也沒 tek 罪你。 (用慈愛的眼光望著她)
|
英：好，阿仁，m̄-thang 哭啦，真乖，媽媽teh 煮chheⁿ-chhau beh hō͘ 你食，你去看煮好未好無？（送他進屋內回過身走進）秀惠，你m̄ 著，他也沒得罪你（用慈愛眼光望著她） |
|
惠：是，chóng-sī chin thó-ià他 (望低下) 因為媽媽只愛他一人。
|
惠：是，總是真討厭他。（望低下）因為媽媽 只愛伊一人。 |
|
英：(深思的) 秀惠！Góa chai-iáⁿ lí ê 心情，但是…秀惠 Lán èng-kai jím-nāi chiah-hó.
|
英：（深思地）秀惠！我知影你ê 心情，但是…秀惠，咱應該忍耐才好。 |
|
惠：姐姐，媽媽 chi̍t-sut-á tō bô thiàⁿ lán. (淘氣的) Góa chin bô hoaⁿ-hí chheng i chò lán ê 媽媽。
|
惠：姐姐，媽媽一sut-á 都無疼咱。（淘氣的）我真無歡喜稱伊做咱 ê 媽媽。 |
|
英：秀惠，你又太過火了。Lí só͘ kám-kak ê 姐姐iā ū kám-kak tio̍h. Tùi lāu-bó sí liáu, lán chiū sī bô bó-a-kiáⁿ.Lán sī su-iàu jím-nāi 一切 ê.
|
英：秀惠你又太過火了。你所感覺--ê,姐姐也有感覺著。Tùi 老母死了，咱就是無母仔子。咱是須要忍耐一切--ê。 |
|
惠：姐姐 ê ōe góa lóng 明白。 Chóng-sī góa kiaⁿ liáu bô ū chit chióng ê jím-nāi 性。Tùi 學校 tńg lâi tō 已經 chin siān lah beh koh taⁿ 水、sàu-tè、看kò͘ 阿仁，媽媽 lóng m̄-bat kóng 1句 an-ùi ê ōe. Siat-sú lán ê 媽媽 nā tī teh……
|
惠：姐姐ê 話我攏明白，總是我驚了無有這種ê 忍耐性。Tùi 學校轉來都已經真siān lah，beh koh 擔水、掃地、看顧阿仁媽媽攏m̄-bat 講一句安慰ê 話，設使咱 ê 媽媽 若tī leh … |
|
英：(同情地) 是，秀惠 lán m̄-thang koh siūⁿ lo̍h 去 lah！來，秀惠 lán chē chia lâi kóng chi̍t-ē-á ōe 姐姐 chin ài kap lí kóng ōe.(二人坐下長椅)
|
英：（同情地）是，秀惠，咱 m̄-thang koh 想落去lah ！來，秀惠，咱坐chia 來講一下仔 話，姐姐真愛kap 你講話。（二人坐下長椅） |
|
惠：姐姐tī 台北的生活 cháiⁿ iūⁿ？
|
惠：姐姐tī 台北ê 生活怎樣？ |
|
英：Chin hó!Sui-jiân bô chin lī piān, chóng sī chin khoài-lo̍k.
|
英：真好！雖然無真利便，總是真快樂。 |
|
惠：Góa chin ài thiaⁿ hia ê siau-sit.
|
惠：我真愛聽hia ê 消息。 |
|
英：Hó!Góa kóng hō͘ lí thiaⁿ, chóng-sī kiaⁿ liáu chi̍t-sî kóng bē liáu. Ǹg-bāng lí kín pit-gia̍p thang chìn 大學，哈哈……
|
英：好，我講hō͘ 你聽，總是驚了一時講未了，向望你緊畢業thang 進大學，哈哈。 |
|
惠：哈！Góa iā ǹg-bāng chiong-lâi ē-tàng chìn大學 m̄-bián koh tòa chhù-ni̍h teh hō͘ 媽媽 mē.
|
惠：哈！我也向望將來會tàng 進大學m̄ 免koh tòa 厝ni̍h teh hō͘ 媽媽罵。 |
|
英：嗯！台北chin鬧熱，什麼都有，什麼美ê mi̍h-kiāⁿ、漂亮ê衣服、汽車iā chin chē, kiâⁿ-lō͘ ê lâng koh kín, nā beh thit-thô,一個月mā thit-thô bē liáu. Chóng-sī góa chin chió khì ke-ni̍h thit-thô.禮拜日góa chiū 去 hù-kīn ê 禮拜堂 chò lé-pài. Tī hia chò禮拜ê人chin chē, lé-pài-tn̂g iā chin tōa. Pòaⁿ nî-kú góa chiū kap in se̍k-sāi liáu. Só͘-í góa lóng bē kám-kak bô phōaⁿ, hoán-tńg tit-tio̍h chin chē ê lī-ek. 秀惠， (轉問) Lín chia ê 教會怎樣？Kin-ná-ji̍t góa 去教會，牧師 teh mn̄g lín kóng 最近你和阿文 lóng chin hán-tit到教會
|
英：嗯！台北真鬧熱，什麼都有，什麼美ê 物件，漂亮ê 衣服，汽車也真濟，行路ê 人koh 緊，若beh thit-thô,一個月mā thit-thô bē了。總是我真少去街ni̍h thit-thô,禮拜日我就去附近ê 禮拜堂做禮拜。Tī-hia 做禮拜ê 人真濟，禮拜堂也真大。半年久我就kap in 熟悉了，所以我攏bē感覺無伴，反轉得著真濟ê 利益。秀惠，（轉問）lín chia ê 教會怎樣？今仔日我去教會，牧師teh 問lín 講最近你和阿文攏真罕tit 到教會。 |
|
惠：sī mà. 媽媽 m̄-khéng hō͘ goán去。
|
惠：是mà,媽媽m̄ 肯hō͘ 阮去。 |
|
英：是，我很了解，媽媽in-ūi bē hiáu-tit, 爸爸又 bô chin用心教會的事。
|
英：是，我很了解。媽媽 因為未曉得，爸爸又無真關心教會的事。 |
|
惠：爸爸 bô êng i ê tāi-chì. Siat-sú lán ê 媽媽 nā iáu tī-teh……
|
惠：爸爸無閑伊ê 代誌。設使lán ê 媽媽若iáu tī-teh … |
|
英：是！Siat-sú lán ê 媽媽nā iáu tī-teh,秀惠、阿文lán chiū m̄-bián chiah ni̍h bô phōaⁿ. Góa tī 台北 iā 常常 siàu-liām 你和阿文，kiaⁿ lín bô phōaⁿ, iu kiaⁿ lín kap 媽媽有…什麼 bô tú hó ê kám-chêng.
|
英：是！設使咱 ê 媽媽若iáu tī-teh，秀惠，阿文，咱就m̄ 免chiah ni̍h 無伴。我tī 台北也常常數念你和阿文，驚lín 無伴，又驚lín kap 媽媽有…什麼無tú 好ê 感情。 |
|
惠：姐姐，姐姐 góa si̍t-chāi chin kan-khó、chin bô phōaⁿ, chóng-sī kin-ná-ji̍t 起 góa beh jím-nāi lah.
|
惠：姐姐，姐姐我實在真艱苦、真無伴，總是今仔日起我beh 忍耐lah。 |
|
英：Tio̍h (握她的手) 秀惠已經 m̄-sī gín-ná 了, lán tio̍h jím-nāi, hō͘ siōng an-ùi, 有一日媽媽 ê thiàⁿ lán. Hit sî lán ê 媽媽 hoan-hù lán tio̍h jím-nāi iā tio̍h kî-tó. (二人相見顯出笑容)
|
英：著！（握她的手）秀惠已經m̄ 是囝仔了，咱著忍耐，互相安慰，有一日媽媽會 疼咱。Hit 時咱 ê 媽媽吩附咱著忍耐也著祈禱。（二人相見顯出笑容） |
|
英：Taⁿ lán kín lâi sàu hō͘ chheng-khì.
|
英：今咱緊來掃hō͘ 清氣。 |
|
繼：秀英啊！Beh chia̍h pn̄g lah (從幕後)
|
繼：秀英啊！Beh 食飯lah。（從幕後） |
|
英：媽媽 goán liâm-piⁿ khì lah. (吟著217首)
|
英：媽媽，阮liām-piⁿ 去lah。（吟著217首） |
