Kap Hoat-lân-se Sian-siⁿ kòe Sèng-tàn_01
|
Kap 法蘭西先生過聖誕_01 |
|---|---|
| Bô Chù-bêng | 無注明 |
|
Thâu-sū
|
頭序 |
|
（Chú-tôe khek khai-sí tôaⁿ ê sî tio̍h hō͘ chi̍t ê gín-ná ê ián-oân lâi kóng chit ê sū-giân, chit ê chú-tôe-khek bô-lūn sī Sèng-si á-sī Chàn-bí-koa tùi thâu kàu bé lóng ū teh sûn-khoân chàu-chhut）.
|
（主題曲開始彈ê時著hō͘一個囡仔ê演員來講這個序言，這個主題曲無論是聖詩抑是讚美歌tùi頭到尾攏有teh循環奏出）。 |
|
Chit tè ke̍k pò lán chai chit ūi tī Í-tāi-lī ê A-si-si̍h ê Sèng Hoat-lân-se Sian-siⁿ chin-chiàⁿ ê kò͘-sū.
|
這tè劇報咱知這位tī義大利ê 阿西西ê聖法蘭西先生真正ê故事。 |
|
Sèng Hoat-lân-se Sian-siⁿ chhut-sì tī Chú-āu 1226 nî. Sì cha̍p sì hè chiū kè sin, I sī chi̍t ūi chin hó-gia̍h ê seng-lí lâng ê kiáⁿ, chóng-sī I pàng-sak it-chhè,lâi ūi lâng ho̍k-bū, êng-iāu Siōng-tè. I ê seng-oa̍h chin chhin-chhiūⁿ lán ê Chú Iâ-so͘ ê khiam-pi thiàⁿ-thàng. Só͘-í m̄-nā tng-sî ê lâng, hiān-chāi I iā pang-chān lán hoaⁿ-hí chhin-kūn Siōng-tè.
|
聖法蘭西先生出世tī主後1226年。44歲就過身，伊是一位真好額ê 生理人ê子，總--是伊放sak一切，來為人服務，榮耀上帝。伊ê生活真親像咱ê主耶穌ê謙卑疼痛。所以m̄-nā當時ê人，現在伊也幫贊咱歡喜親近上帝。 |
|
Tī chia goán beh chòe (piáu-ián) Hoat-lân-se Sian-siⁿ tng-sî cháiⁿ-iūⁿ kà-sī hiah ê hiong-chhoan ê lâng jīn-bat Chú Iâ-so͘ ê chhut-sì ê sū.
|
Tī chia阮beh做(表演)法蘭西先生當時怎樣教示hiah ê鄉村ê人認bat主耶穌ê出世ê事。 |
|
Thâu chi̍t bō͘ sī tī chhī-tiûⁿ, tē-jī bō͘ sī hoat-seng tī soán-ni̍h chi̍t ê chhò chhâ ê cha-bó͘-lâng ê chhù ê sū.
|
頭一幕是tī市場，第二幕是發生tī山--裡一個剉柴ê查某人ê厝ê事。 |
|
Chhiáⁿ lia̍t-ūi tī ke̍k chòe āu ê sî chham-ka tī goán ê hâng-lia̍t(行列）ê āu-bīn tè goán kiâⁿ kàu bé-chô hia, hō͘ lán koh chi̍t piàn hôe-sióng tī Pek-li-hêng siâⁿ thâu chi̍t pái ê Sèng-tàn choeh.
|
請列位tī劇最後ê時參加tī阮ê行列ê後面tè阮行到馬槽hia，hō͘咱koh一遍回想tī伯利恆城頭一擺 ê聖誕節。 |
|
Tē 1 bō͘. Tī chhī-tiûⁿ.
|
第一幕 Tī市場 |
|
Thâu-sū kóng liáu chiū thiaⁿ-kìⁿ –Siu-tō-sū (Thok-Pún siu-sū) teh chhiùⁿ kap ke̍k-chêng saⁿ-ha̍p ê koa ê siaⁿ. Siat-sú Li-ô͘ hiaⁿ nā siū soán chòe kóng thâu-sū ê, I chiū thang the̍h chit nâ ê bah. Siu-sū(修士）kiâⁿ kūn ê sî, I chìn-chêng kap I saⁿ tú, chiong nâ-lāi ê án-ni hō͘ I khòaⁿ. Chiah ê siu-sū chiū chi̍p chòe tui khiā tī si̍p-jī-lō͘ kháu. Hoat-lân-se Sian-siⁿ khiā tī in tām-po̍h hn̄g ê só͘-chāi. （Chiā-lī it-ti̍t khòaⁿ nâ-tiong ê án-ni8).
|
頭序講了就聽見修道士(Thok-Pún修士)teh唱kap劇情相合ê歌ê聲。設使李湖兄若受選做講頭序--ê,伊就thang提一籃ê 肉。修士行近ê時，伊進前kap伊相tú,將籃內ê物hō͘伊看。Chiah ê修士就集做堆企tī十字路口。法蘭西先生企tī in淡薄遠ê所在。（謝利一直看籃中ê物)。 |
|
Chiā-lī: Lí-ô͘ hiaⁿ, lí pun chin chē chin hó, bîn-á-chài lán ē thang hióng-siū tōa chheⁿ-chhau. Sèng-tàn mî lâng-lâng lóng chin khóng-khài.
|
謝利：李湖兄，你分真濟真好，明仔再咱會thang享受大chheⁿ-chhau。聖誕暝人人攏真慷慨。 |
|
Jîn-pún: Suh! Lí khòaⁿ sian-siⁿ teh lâu ba̍k-sái. Sian-siⁿ lí sī án-chóaⁿ-iūⁿ? Lí bô hoaⁿ-hí goán pun án-ni8-kiāⁿ mah?（The̍h chhut chi̍t tè).
|
仁本：Suh！你看先生teh流目屎。先生你是án-chóaⁿ樣？你無歡喜阮分物件mah？（提出一塊）。 |
|
Hoat-lân-se: Jîn-pún, hē hō͘ hó-sè!
|
法蘭西：仁本，下hō͘好勢！ |
|
Lí-ô͘: Góa siūⁿ kìm chia̍h ê sū bē-ē hō͘ lí hiah-ni̍h siong-sim chiah tio̍h, Sian-siⁿ, chhin-chhiūⁿ lán lóng ū hūn tī pa̍t hāng sū, chhiáⁿ lí iā hō͘ goán ū hūn tī lí pi-siong ê sim-chêng.
|
李湖：我想禁食ê事bē會hō͘你hiah-n̍i̍h傷心才著，先生，親像咱攏有份tī別項事，請你也hō͘阮有份tī你悲傷ê心情。 |
|
Hoat: Góa sī teh siūⁿ tī Pek-li-hêng thâu pái ê Sèng-tàn tī góa ê sióng-siōng lāi, góa bêng-bêng ē khòaⁿ-kìⁿ ióng-kám ê Iok-sek tī kheh-koán tiong siū-tio̍h chho͘-ló͘ bô chêng ê khoán-thāi ê sî, cháiⁿ-iūⁿ lâi pó-hō͘ Má-lī-a hō͘ I bô siū hân-léng.
|
法：我是teh想tī伯利恆頭擺 ê聖誕tī我ê想像內，我明明會看見勇敢ê約瑟tī客館中受著粗魯無情ê款待ê時，怎樣來保護馬利亞hō͘伊無受寒冷。 |
|
Jîn: Sian-siⁿ, góa iā ná chhin-chhiūⁿ ē khòaⁿ-kìⁿ hit ê phòa-kū chhiⁿ-chhìn ê bé-tiâu lāi, chí-ū gû kap bé ê chhoán khùi ē hō͘ in tit-tio̍h un-loán.
|
仁：先生，我也那親像會看見hit ê破舊chhiⁿ凊ê馬tiâu內，只有牛kap馬ê喘氣會hō͘ in得著溫暖。 |
|
Hoat: Sī, Jîn-pún, góa iā sióng-siōng, hiah ê khó-lîn ê tōng-bu̍t sui-jiân chin iau, iáu-kú in bô chia̍h hiah ê chháu, lâi lâu ta chháu hō͘ Siōng-tè ê Kiáⁿ, chòe chit ê un-loán ê bîn-chhn̂g.
|
法：是，仁本，我也想像，hiah ê可憐ê動物雖然真枵，iáu-kú in無食hiah ê草，來留乾草hō͘上帝ê子，做一個溫暖ê眠床。 |
|
Chiā: O͘h! góa lóng m̄-chai chiah ê sū, chóng-sī lí hō͘ hit ê kò͘-sū tī góa ê thâu-náu tiong koh oa̍h khí-lâi lah. Sian-siⁿ ah, chhiáⁿ lí chiap-sòa koh kóng.
|
謝：O͘h！我攏m̄知chiah ê事，總--是你hō͘ hit ê故事tī我ê頭腦中koh活起來--lah。先生ah，請你接續koh講。 |
|
Hoat: Siat-sú Siōng-tè ūi-tio̍h lán ê iân-kò͘, hiah-ni̍h khiam-pi lâi soán-te̍k sòng-hiong chò I tī tē-chiūⁿ ê thâu chi̍t ê pêng-iú. Lán kiám m̄-sī tio̍h koh-khah ài hit ê sòng-hiong, án-ni lán nā ūi-tio̍h Siōng-tè ê iân-kò͘ lâi hoan-gêng hit ê sòng-hiong, Siōng-tè it-tēng ē te̍k-pia̍t koh-khah thiàⁿ lán.
|
法：設使上帝為著咱ê緣故，hiah-n̍i̍h謙卑來選擇散hiong做伊tī地上ê頭一個朋友。咱kiám m̄是著koh較ài hit ê散hiong，án-ni咱若為著上帝ê緣故來歡迎hit ê散hiong，上帝一定會特別koh較疼--咱。 |
|
Lí: A̍i̍h, to tio̍h m̄!Bo̍k-koài Sèng-keng kóng, “Sim-lāi sòng-hiong ê lâng ū hok-khì; in-ūi thian-kok sī in ê.”
|
李：A̍i̍h，to著m̄!莫怪聖經講：「心內散hiong ê人有福氣；因為天國是in ê。」 |
|
（Chng lāi ê lâng gîm-si ê siaⁿ ná tōa).
|
（庄內ê人吟詩ê聲那大）。 |
|
Chiā: Hiah ê chng-siā ê lâng tùi chhiū nâ tńg-lâi lah.
|
謝：Hiah ê庄社ê人tùi樹林轉來--lah。 |
|
Jîn: In ūi-tio̍h Sèng-tàn cheh teh poaⁿ in ê hóe-chhâ kap Sèng-tàn chhiū.
|
仁：In為著聖誕節teh搬in ê火柴kap聖誕樹。 |
|
Hoat: Hiaⁿ-tī ah, lán khiā khah piⁿ-á lè, in ū chi̍t ê si̍p-koàn chiū-sī ài tī hiong-chhoan ê si̍p-jī-lō͘ kháu hioh-khùn chi̍t-ē.
|
法：兄弟--ah，咱企較邊--仔lè,in有一個習慣就是ài tī鄉村ê十字路口歇睏--一下。 |
|
（In lóng chi̍p tī piⁿ-á, chhoan-bîn kiâⁿ kàu si̍p-jī-lō͘ kháu chiū thêng-chí chhiùⁿ koa, koh chiong án-ni8-kiāⁿ hē tī thô͘-kha.）
|
（In攏集tī邊仔，村民行到十字路口就停止唱歌，koh將物件下tī塗腳）。 |
|
Lāu hū: O͘h! Si̍t-chāi chin siān, chhiáⁿ tāi-ke lâi hioh-khùn tia̍p-á-kú, hō͘ góa ê lāu kut-thâu hioh-khùn leh.
|
老婦：O͘h！實在真siān,請大家來歇睏tiap仔久，hō͘我ê老骨頭歇睏--leh。 |
|
Lâm chheng: Mài lah! Lāu a-ḿ-à, ji̍t-thâu iáu bē lo̍h soaⁿ lán khah kín tńg-lâi khì, thang pò͘-tì lán ê chhù.
|
男青：Mài lah！老阿姆--à,日頭iáu bē落山，咱較緊轉來去，thang布置咱ê厝。 |
|
Lú chheng: Li siong-sìn tng-sî Ki-tok tī Pek-lī-hêng chhut-sì ê sî ê Sèng-tàn-cheh ū chiah-ni̍h léng bô?
|
女青：你相信當時基督tī伯利恆出世ê時ê聖誕節有chiah-ni̍h冷--無？ |
|
(Tī chit bō͘ ê tiong-kan khah hó hō͘ khah chōe lâng chham-ka, kî tiong pau-kâm khit chia̍h, Má-lī-a, Bí-ná).
|
(Tī這幕ê中間較好hō͘較濟人參加，其中包含乞食、馬利亞、美娜)。 |
|
Lāu lú: Bô tú-tú oh, m̄-kú he í-keng sī chheng-gōa nî chêng ê sū lah.
|
老女：無tú-tú o͘h，m̄-kú he已經是千外年前ê事lah。 |
|
Lâm Chheng: Múi-nî lán teh pò͘-tì lán ê chhù beh ngiâ-chi̍h I, m̄-kú sit7-chāi ū sî oh-tit hō͘ lán siong-sìn, I chin-chiàⁿ ū ūi lán lâi kàu sè-kan.
|
男青：每年咱teh布置咱ê厝beh迎接伊，m̄-kú實在有時oh得hō͘咱相信，伊真正有為咱來到世間。 |
|
Lú chheng: Si̍t-chāi ū iáⁿ, beh hō͘ chhin-chhiūⁿ lán chiah-ni̍h chheng-hân koh sòng-hiong ê siong-sìn, si̍t-chāi oh.
|
女青：實在有影，beh hō͘親像咱chiah-ni̍h清寒koh散hiong ê相信，實在oh。 |
|
Hoat: Sèng Kiáⁿ ê lāu-bú ia̍h kap lí sio-siâng, chóng sī chhin-ài ê chí-bē, sui-jiân Sèng Kiáⁿ ia̍h tú-tio̍h kôaⁿ koh sòng-siong, iáu-kú I chin-chiàⁿ ū lâi.
|
法：聖子ê老母亦kap你相siâng,總是親愛ê姊妹，雖然聖子亦tú著寒koh散siong，iáu-kú伊真正有來。 |
|
Chhiⁿ: Hit ê sī chī-chūi? Góa tùi chit ê siaⁿ-im ná chhin-chhiūⁿ chin se̍k.
|
星：Hit ê是是誰？我對這個聲音那親像真熟。 |
|
Má: Hit ê sī A-sí-si̍h ê sòng-hiong lâng, m̄-kú lán chêng pái tú-tio̍h i ê sî i bat hō͘ lán mī-pau.
|
馬：Hit ê是阿西西 ê散hiong人，m̄-kú咱前擺tú著伊ê時，伊bat hō͘咱麵包。 |
|
Hoat: Má-lī-a, lí the̍h lí ê tē-á lâi, Jîn-pún the̍h lí ê bah lâi.
|
法：馬利亞，你提你ê袋仔來，仁本提你ê肉來。 |
|
Jîn: M̄-kú Sian-siⁿ ah! lí kóng bîn-á-chài lán beh chia̍h chheⁿ-chhau, kin-á-ji̍t lán kìm chia̍h.
|
仁：M̄-kú先生--ah！你講明仔再咱beh食chheⁿ-chhau，今仔日咱禁食。 |
|
Hoat: Sī lah, m̄-kú chit ê chhiⁿ-mî lâng kap gín-ná chin iau, Jîn-pún, chiong chòe hó ê hō͘ in (Jîn-pún chiū chiàu án-ni chòe).
|
法：是--lah，m̄-kú這個青瞑人kap囡仔真枵，仁本，將做好--ê hō͘ in(仁本就照án-ni做)。 |
|
Lâm chheng: Sian-siⁿ, chhiáⁿ lí chiok-hok in ê lim-chia̍h.
|
男青：先生，請你祝福in ê lim食。 |
|
Choân-thé: Chhiáⁿ chiok-hok goán, chhiáⁿ chiok-hok goán, hō͘ goán bô tú-tio̍h kè-thâu kôaⁿ.
|
全體：請祝福--阮，請祝福--阮，hō͘阮無tú著過頭寒。 |
|
Hoat: Goān lín Sèng-tàn khoài-lo̍k.
|
法：願lín聖誕快樂。 |
|
Lú chheng: Tùi tī hiah ê ū sìn-sim ê lâng án-ni sī chin hó, chóng-sī tû liáu lí ê ōe í-gōa, goán ōe thang tit-tio̍h sím-án-ni8?
|
女青：對tī hiah ê有信心ê人án-ni是真好，總是除了你ê話以外，阮會thang得著甚án-ni？ |
|
Hoat: Chhin-ài ê chí-bē, che m̄-sī góa ê ōe, sī Siōng-tè ê ōe, lí ia̍h tio̍h ū sìn-sim, lâi khîⁿ-tiâu tī ǹg-bāng kap Siōng-tè ê jîn-chû, án-ni lí chiah ōe thang chhē tio̍h hit ê Sèng ê sòng-hiong.
|
法：親愛ê姊妹，che m̄是我ê話，是上帝ê話，你亦著有信心，來擒tiâu tī向望kap上帝ê仁慈，án-ni你才會thang chhē著hit ê聖ê散hiong。 |
|
Lú chheng: Góa m̄-ài sòng-hiong.
|
女青：我m̄-ài散hiong。 |
|
Chhoan-bîn: Góa iā sī! góa iā sī.
|
村民：我也是！我也是。 |
|
Lāu Hū: Góa m̄-chai thiⁿ-téng ê Chú kap sòng-hiong ê lâng ū sím-án-ni8 koan-hē.
|
老婦：我m̄知天頂ê主kap散hiong ê人有甚án-ni關係。 |
|
Hoat: Lín kim-ê-àm beh khòaⁿ tio̍h hit ê sī chin ê thiàⁿ beh kap sòng-hiong siāng-sî lâi, thiàⁿ beh hō͘ it-chhè ê sū chiâⁿ-chòe tiⁿ-bi̍t ê.
|
法：Lín今ê暗beh看著hit ê是真ê疼beh kap散hiong siāng時來，疼beh hō͘一切ê事成做甜蜜--ê。 |
|
Lú chheng: Hō͘ goán khòaⁿ, goán chiū beh siong-sìn.
|
女青：Hō͘阮看，阮就beh相信。 |
|
Chhoan-bîn: Sī, pek-bûn put-jû it-kiàn.
|
村民：是，百聞不如一見。 |
|
Hoat: Bô khòaⁿ-kìⁿ lâi sìn ê lâng khah ū hok-khì. Chóng-sī tùi tī Siōng-tè ê thiàⁿ kap I ê pang-chān, lín kim-ê-àm beh khòaⁿ tio̍h Pek-lī-hêng.
|
法：無看--見來信ê人較有福氣。總是對tī上帝ê疼kap伊ê幫贊，lín今ê暗beh看著伯利恆。 |
|
Chhoan-bîn: Pek-lī-hêng? I teh hoat-kông lah.
|
村民：伯利恆？伊teh發狂--lah。 |
|
Hoat: Kim-mî lín kap góa khì kèng-pài.
|
法：今暝lín kap我去敬拜。 |
|
Lāu hū: Lōa hn̄g? Góa ê kut-thâu tòng bōe tiâu lah.
|
老婦：偌遠？我ê骨頭擋bōe tiâu--lah。 |
|
Hoat: Bô lōa hn̄g, iàu-kín chhin-chhiūⁿ góa kóng, lín tī lêng-sèng-siōng iā tio̍h lú-hêng khì Pek-lī-hêng.
|
法：無偌遠，要緊親像我講，lín tī靈性上也著旅行去伯利恆。 |
|
Lâm chheng: Góa beh khì.
|
男青：我beh去。 |
|
Lú Chheng: Góa iā beh.
|
女青：我也beh。 |
|
Chhiⁿ: Góa iā bô beh lo̍k-hō͘.
|
星：我也無beh落後。 |
|
Lāu-hū: Góa iā sī.
|
老夫：我也是。 |
|
Choân-thé: Goán lóng beh khì, khì Pek-lī-hêng.
|
全體：阮攏beh去，去伯利恆。 |
|
Hoat: Kim-mî chhiⁿ chhut lâi ê sî, lán koh tī chia saⁿ-kìⁿ, lín tio̍h ài tòa lín chòe hó ê lé-án-ni8, ūi-tio̍h Siōng-tè ê thiàⁿ kap I ê kan-khó͘ lâng, lán beh chiūⁿ koân lâi khì khòaⁿ Sèng-eⁿ. Taⁿ lín lóng tńg-khì ūi-tio̍h chit ê Sèng-tàn ê ji̍t-chí, ēng hoaⁿ-hí lâi pī-pān lín ê sim.
|
法：今暝星出來ê時，咱koh tī chia相見，lín著ài帶lín最好ê禮物，為著上帝ê疼kap伊ê艱苦人，咱beh上懸來去看聖嬰。今 lín攏轉去為著這個聖誕ê日子，用歡喜來備辦lín ê心。 |
|
Chhoan-bîn: Lí chhiáⁿ, lán ê-hng tiàm chia saⁿ-kìⁿ.
|
村民：你請，咱ê昏tiàm chia相見。 |
|
(In the̍h khí in ê án-ni8 chiū lī-khui, ū é khai-sí chhiùⁿ-koa, ná kiâⁿ tāi-ke iā lóng ka-ji̍p khì chhiùⁿ. Tâi-téng chí-ū chhun Hoat-lân-se, Siu-sū, Bí-ná, Jîn-pún chin pi-siong teh khòaⁿ i ê nâ-á).
|
(In提起in ê物就離開，有--ê開始唱歌，那行大家也攏加入去唱。台頂只有chhun法蘭西、修士、美娜，仁本真悲傷teh看伊ê籃仔)。 |
|
Jîn: Lán ê pak-tó͘ nā chhin-chhiūⁿ chhek-chiáu-á ê ūi hiah-ni̍h sòe, lán chiū ōe tàng khui iân-sia̍h lah!
|
仁：咱ê腹肚若親像粟鳥仔ê胃hiah-ni̍h細，咱就會tàng開筵席--lah！ |
|
Hoat: Jin-pún, chì chió lán ōe thang ēng lán ê ba̍k-chiu lâi hióng-siū iân-sia̍h.
|
法：仁本，至少咱會thang用咱ê目珠來享受筵席。 |
|
Lí: (Ǹg Jîn-pún). Lí ná chhin-chhiūⁿ chhek-chiáu-á hiah-ni̍h hoaⁿ-hí lah hòⁿ! (Ǹg Hoat). Sian-siⁿ, taⁿ lán beh pe-khì tó-ūi?
|
李：(向仁本)。你若親像粟鳥仔hiah-ni̍h歡喜--lah ho͘hN！(向法)。先生，今咱beh飛去tó位？ |
|
Hoat: Pe khì soaⁿ-piⁿ ê tōng-lāi, lán beh kah hiah ê lâng tio̍h sìn Siōng-tè ê thiàⁿ.
|
法：飛去山邊ê洞內，咱beh教hiah ê人著信上帝ê疼。 |
|
Chiā: Tû liáu lán sî-siông tī hia kî-tó hit ê tōng í-gōa, kiám iáu ū pa̍t ê tōng?
|
謝：除了咱時常tī hia祈禱hit ê洞以外，kiám iáu有別ê洞？ |
|
Hoat: Lán lâi chhōa in kap lán saⁿ-kap kî-tó, bô-lūn khit-chia̍h, chòe-sit lâng, bú-sū, sin-sū, pù-lâng á-sī sòng-hiong lâng tāi-ke kiat chiâⁿ tōa ê hâng-lia̍t, chhiú gia̍h hé-pé lâi tâng siaⁿ gîm-si…
|
法：咱來chhōa in kap咱相kap祈禱，無論乞食、做穡人、武士、紳士、富人抑是散hiong人，大家結成大行列，手gia̍h火把來同聲吟詩… |
|
Lí: Lán nā kàu hia, lán ōe thang khòaⁿ tio̍h sím-án-ni8?
|
你：咱若到hia，咱會thang看著甚án-ni？ |
|
Hoat: Lán beh tī hia ngiâ-chi̍h Ki-tok ê chhut-sì, soaⁿ-tōng beh chòe bé-tiâu, lán beh chòe chi̍t ê bé-chô, lāi-bīn beh khǹg ta-chháu, Jîn-pún tio̍h chioh chi̍t chiah gû kap chi̍t chiah lû-á lâi.
|
法：咱beh tī hia迎接基督ê出世，山洞beh做馬tiâu,咱beh做一個馬槽，內面beh囥礁草，仁本著借一隻牛kap一隻驢仔來。 |
|
Jîn: Hó, góa nā chhē bô gû kap lû, góa ka-kī lâi chòe.
|
仁：好，我若chhē無牛kap驢，我家己來做。 |
|
Hoat: It-tēng ōe chhōe tio̍h, hit ê oân-gōe ōe kióng-kip ló gû kap lû. Chiā-lī, lí kap i khì, kā i kóng lán beh chòe sím-án-ni8, koh kiû i pang-chān, i ōe chin hoaⁿ-hí pang-chān lán.
|
法：一定會chhōe著，hit ê員外會供給老牛kap驢。謝利，你kap伊去，kā伊講咱beh做甚án-ni，koh求伊幫贊，伊會真歡喜幫贊咱。 |
|
Chiā: Hó, lán lâi khì, m̄-kú lán nā ū chhē tio̍h gû kap lû, lán beh khì tó-ūi chhē thiⁿ-sài.
|
謝：好，咱來去，m̄-kú咱若有chhē著牛kap驢，咱beh去tó位chhē天使。 |
|
Hoat: Lán nā ū sìn-sim, lán chiū ōe thang ēng sin ê ba̍k-chiu khòaⁿ-kìⁿ lán ê Kiù-chú tī hia, án-ni Pek-lī-hêng chiū beh koh-oa̍h tī lán ê sim-lāi. (Nn̄g ê siu-sū chhut-khì).
|
法：咱若有信心，咱就會thang用新ê目珠看見咱ê救主tī hia，án-ni伯利恆就beh koh活tī咱ê心內。(兩個修士出去)。 |
|
Lí: Sian-siⁿ, góa beh khì tó-ūi?
|
李：先生，我beh去tó位？ |
|
Hoat: Lí kap hiah ê hiaⁿ-tī khì, kiò in ū ê ēng sió-sió ê chhn̂g chòe bé-chô, kî-thaⁿ ê khì tōa-koe sió-hāng chio lâng lâi chham-ka lán ê tōa hâng-lia̍t tàu-tīn lâi khì tiâu-pài lán ê Kiù-chú, kā in kóng lán beh khì Pek-lī-hêng. (Lí-ô͘ chhut-khì).
|
法：你kap hiah ê兄弟去，叫in有ê用小小ê床做馬槽，其他--ê去大街小巷招人來參加咱ê大行列鬥陣來去朝拜咱ê救主，kā in講咱beh去伯利恆。(李湖出--去)。 |
|
Bí: Sian-siⁿ, goán tiàm tī chhiū-nâ-lāi goán m̄-chai ōe thang khì bōe?
|
美：先生，阮tiàm tī樹林內，阮m̄知會thang去--bōe? |
|
Hoat: Chin hoan-gêng, lín lóng thang lâi, khah-kín tńg-khì pò hō͘ lín ê ma-ma chai, m̄-thang siū òaⁿ khoài-lo̍k ê Sèng-tàn kūn lah.
|
法：真歡迎，lín攏thang來，較緊轉去報hō͘ lín ê媽媽知，m̄-thang siuⁿ晏，快樂ê聖誕近--lah。 |
|
(Bí-ná tìm-thâu chiū lī-khui. Teh ōaⁿ bō͘ ê sî, Hoat kiâⁿ chhut kóng).
|
(美娜tìm頭就離開。Teh換幕ê時，法行出講)。 |
|
Lí sī Sèng ê Chú Siōng-tè. Sī chèng-sîn tiong ê Sîn, kiâⁿ kî-sū ê Siōng-tè. Sī kian-kò͘ ū koân-lêng, chì-koân ê Chú. Ū khùi-la̍t Sèng ê Pē. Sam-ūi-it-thé ê Chú Siōng-tè. Sī hó, sī hó ê Sîn, goán ê hó ê Siōng-tè. |
你是聖ê主上帝。 是眾神中ê神，行奇事ê上帝。 是堅固有權能，至懸ê主。 有氣力聖ê父。 三位一體ê主上帝。 是好，是好ê神，阮ê好ê上帝。 |
|
Oa̍h-oa̍h ê Chú Siōng-tè, chin-lí ê Sîn. Chû-pi móa-móa. Chhiong-móa tì-hūi, koh khiam pi. Ū sià-bián, koan-sim chiàu-kò͘ goán. Sī goán an-choân tô-siám ê só͘-chāi. Sī ū hoaⁿ-hí kap khoài-lo̍k ê bīn. |
活活ê主上帝，真理ê神。 慈悲滿滿。 充滿智慧，koh謙卑。 有赦免，關心照顧阮。 是阮安全逃閃ê所在。 是有歡喜kap快樂ê面。 |
|
Kiû Lí ēng kong-gī lâi chiat-chè góa. Hō͘ góa móa-chiok koh chhiong-móa khùi-la̍t. Lí sī chû-pi kap thiàⁿ-thàng. Sī goán ê pó-hō͘-chiá. Sī goán ê koân-tâi kap pó-hō͘ pī-lān-só͘. Sī goán ê sìn-gióng, ǹg-bāng ê si-un-chiá. |
求你用公義來節制我。 Hō͘我滿足koh充滿氣力。 你是慈悲kap疼痛。 是阮ê保護者。 是阮ê懸台kap保護避難所。 是阮ê信仰，向望ê施恩者。 |
|
Tī Lí ê lāi-bīn ū chhiong-móa tiⁿ-bi̍t. Goán éng-oàn ê sìⁿ-miā. Bô-hān ê thiàⁿ kap úi-tāi ê chok-ûi. Koân-lêng ê Chú Siōng-tè, ū thiàⁿ kap un-tián ê Kiù-chú. |
Tī你ê內面有充滿甜蜜。 阮永遠ê性命。 無限ê疼kap偉大ê作為。 權能ê主上帝， 有疼kap恩典ê救主。 |
|
(Hoat kiâⁿ khui thang ín-chhōa hit ê tōa-hâng-lia̍t, nā sī bō͘ iáu-bē ōaⁿ hó, chiū thang chàu chhut chú-tôe khek, nā bô chiū tē jī bō͘ sûi-sî khai-sí. Ēng Lô-piat chìn-ji̍p chhò chhâ ê sió-chhù chòe khai8-sí).
|
(法行開thang引chhōa hit ê大行列，若是幕iáu-bē換好，就thang奏出主題曲，若無就第二幕隨時開始。用羅別進入剉柴ê小厝做開始)。 |
