Chiok Sèng-tàn Ke̍k_02
|
祝聖誕劇_02 |
| Bô Chù-bêng |
無注明 |
|
Seng-Kiáⁿ Iâ-so͘
|
聖子耶穌 |
|
第一幕
|
第一幕 |
|
(馬利亞跪在室內椅子前祈讀聖經，祈禱後忽然一位天使出現向她說話)
|
(馬利亞跪在室內椅子前祈讀聖經，祈禱後忽然一位天使出現向她說話) |
|
天: Tit-tio̍h tōa-un ê lâng ah, pêng-an, Chú kap lí tī-teh Má-lī-a ah, bo̍h-tit kiaⁿ in-ūi lí tit-tio̍h Siōng-tè ê un-tián. Taⁿ lí beh hoâi-īn siⁿ-kiáⁿ, tio̍h kā I hō miâ kiò Iâ-so͘ I beh chòe tōa, chheng-chòe chì-koâiⁿ-ê ê kiáⁿ, Chú Siōng-tè beh ēng I ê chó͘ Tāi-pi̍t ê ūi hō͘ I, I beh chòe ông tī Ngá-kok ê ke kàu tāi-tāi, I ê kok iā bô kiông-chīn.
|
天：得著大恩ê 人--ah，平安，主kap 你 tī teh 馬利亞--ah，莫得驚因為你得著上帝ê 恩典。今你beh 懷孕生子，著 kā 伊號名叫耶穌伊beh 最大，稱做至高--ê ê 子，主上帝beh 用伊 ê 祖大衛ê 位hō͘ 伊，伊 beh 做王tī 雅各ê 家到代代，伊ê 國也無窮盡。 |
|
馬: Góa bē ū kè lâng, cháiⁿ-iūⁿ beh ū chit-ê sū?
|
馬：我bē 有嫁--人，cháiⁿ-iūⁿ beh 有這個事？ |
|
天: Siōng-tè ê lêng beh lîm-kàu lí, chì-koâiⁿ-ê ê koân-lêng beh tì-ìm lí, só͘-í tùi lí siⁿ ê beh chheng chòe sèng, chòe Siōng-tè ê Kiáⁿ, Siōng-tè só͘ kóng ê ōe, bô chi̍t-kù bô la̍t.
|
天：上帝ê 能beh 臨到你，至高--ê ê 權能beh 致蔭你，所以tùi 你生--ê beh 稱做聖，做上帝ê 子，上帝所 講ê 話，無一句無力。 |
|
馬: Góa sī Chú ê lú-pī, goān chiàu Lí ê ōe èng-giām tī góa. (天使離開)
|
馬：我是主ê 女婢，願照你ê 話應驗 tī 我。（天使離開） |
|
(合手祈禱之姿勢，面向天使去的方向，舉頭向上)。
|
(合手祈禱之姿勢，面向天使去的方向，舉頭向上)。 |
|
馬: Góa ê sim chun-kèng Chú chòe tōa, góa ê sìn in-ūi kiù góa ê Siōng-tè lâi hoaⁿ-hí, in-ūi I khòaⁿ-kò͘ lú-pī ê pi-bî, tùi taⁿ í-āu bān sè-tāi beh kóng góa ū hok-khì, in-ūi hit ê ū koân-lêng ê, ūi-tio̍h góa chòe tōa ê tāi-chì, I ê miâ sī sèng, kèng-ùi I ê lâng I lîn-bín in, kàu tāi-tāi, I bat ēng I ê chhiú chhut khùi-la̍t, sīm-chì kiau-ngō͘ ê lâng I ū kóaⁿ sòaⁿ in, ū koân-lêng ê lâng I lut in ê ūi, pi-bî ê lâng, I seng in chòe koâiⁿ. Iau ê lâng I beh ēng hó-mi̍h hō͘ in chia̍h kàu pá, pù ê lâng I hō͘ in khang-khang tò-khì, I hû-chō͘ I ê lô͘-po̍k Í-sek-lia̍t, lâi kì-liām lîn-bín, lâi si-lo̍h hō͘ A-pek-la̍h-hán kap i ê hō͘-è kàu éng sè-tāi.
|
馬：我ê 心尊敬主最大，我ê 信因為救我ê 上帝來歡喜，因為伊看顧女婢ê 卑微，tùi 今以後萬世代beh 講我有福氣，因為hit個有權能--ê,為著我做大ê 代誌，伊ê 名是聖，敬畏伊ê 人伊憐憫in，到代代，伊bat 用伊ê 手 出氣力，甚至驕傲ê 人伊有趕散--in，有權能ê 人伊lut in ê 位，卑微ê 人，伊升in 做懸。枵 ê 人伊beh 用 好物hō͘ --in 食夠飽，富ê 人伊hō͘ --in 空空倒去，伊扶助伊ê 奴僕以色列，來紀念憐憫，來施樂hō͘ 亞伯拉罕kap 伊ê 後裔到永世代。 |
|
第二幕
|
第二幕 |
|
(在幕後說明路加2:1-7)
|
(在幕後說明路加2:1-7) |
|
(在伯利恆的曠野地有好幾個牧者照顧羊群)
|
(在伯利恆的曠野地有好幾個牧者照顧羊群) |
|
牧1: O͘! chin-kôaⁿ, chin-kôaⁿ, chin-kôaⁿ, kôaⁿ kah liān kha chhiú koh ē thiàu-bú, si̍t-chāi tòng lóng bē-tiâu, oeh! lín sím-mi̍h lâng ū hóe-chhè bô?
|
牧1：O͘！真寒，真寒，真寒，寒kah 連腳手koh 會跳舞，實在擋攏 bē tiâu,oeh！Lín 甚mi̍h人有火chhè --無？ |
|
牧2: Thài ū? Lán lóng kheh chòe hóe chiū ōe khah sio là, lâi là, khah óa lâi là, kiu thâu kha thó͘, kiu kha thâu thó͘, bô kiu sī siang-thâu-thó͘, à hó à, lóng-chóng kiu nò͘ kiu-kiu hō͘ i chi̍t-pak-tó͘. （少??????笑????良????）
|
牧2：Thài有？咱攏kheh 做伙就會較燒--là,來--là,較倚來--là,kiu 頭腳吐， kiu 腳頭吐，無kiu 是雙頭吐，à 好 --à,攏總kiu--nò͘ kiu kiu hō͘ --伊一腹肚。 |
|
牧3: Òe! Hiaⁿ-tī ah, lí khòaⁿ, kôaⁿ bóng kôaⁿ thiⁿ chheng chheng, goe̍h îⁿ-îⁿ, chhiⁿ koh kng-kng ò͘! O͘h! hia koh ū chi̍t-lia̍p te̍k-piat tōa ê chhiⁿ. （指???）O͘h2! lí khòaⁿ lí khòaⁿ chin-kng chin-kng, si̍h-chi̍t-ē si̍h-chi̍t-ē si̍t-chāi ū kàu tōa, ū kàu kng.
|
牧3：Òe!兄弟--ah ，你看，寒罔寒天清清，月圓圓，星koh 光光--ò͘!O͘h！hia koh 有一粒特別大ê 星。O͘h2!你看你看真光真光，si̍h --1 下si̍h --1 下實在有夠大，有夠光。 |
|
(忽然天使到四面發亮牧者懼畏俯伏於地上登場)
|
(忽然天使到四面發亮牧者懼畏俯伏於地上登場) |
|
(天使長導約四五名天軍)
|
(天使長導約四五名天軍) |
|
天長: Bo̍h-tit kiaⁿ, in-ūi góa pò lín tōa hoaⁿ-hí ê hó siau-sit hō͘ peh-sìⁿ lóng ū hūn, in-ūi kin-á-ji̍t tī Tāi-pi̍t ê siâⁿ í-keng ūi-tio̍h lín siⁿ chi̍t ê chín-kiù ê, chiū-sī Chú Ki-tok, lín beh khòaⁿ-kìⁿ chi̍t ê eⁿ-á ēng pò͘ pau, khùn tī chô-n̍i̍h-ê, chit ê chiū sī hō͘ lín chòe kì-hō.
|
天長：莫得驚，因為我報lín 大歡喜ê 好消息hō͘ 百姓攏有份，因為今仔日tī 大衛 ê 城已經為著lín 生一個拯救--ê,就是主基督，lín beh 看見一 個嬰仔用布包，睏tī 槽ni̍h--ê,這個就是hō͘ lín 做記號。 |
|
天軍一同: Tī ke̍k-koâiⁿ ê ūi êng-kng kui tī Siōng-tè, tōe-chiūⁿ hô-pêng tī I só͘ hoaⁿ-hí ê lâng ê tiong-kan. (天使長與天使離開他們退場)
|
天軍一同：Tī 極懸ê 位榮光歸tī 上帝， 地上和平tī 伊所歡喜ê 人ê 中 間。（天使長與天使離開他們退場） |
|
牧1: Ò͘! kiaⁿ chi̍t-ê hiám sí, nái ū hiah chhàn-lān ê kng ho͘N3, ba̍k-chiu lóng peh bē khui, èⁿ! hit ê siaⁿ kóng sím-mi̍h, lín ōe kì-tit bē?
|
牧1：Ò͘!驚一下險死，nái 有hiah 燦爛ê 光--ho͘N3，目珠攏peh bē 開，èⁿ！hit個聲講甚mi̍h，lín 會記得--bē? |
|
牧2: Sím-mi̍h kóng “Pò lán tōa hoaⁿ-hí ê sū, hō͘ lóng-chóng ê lâng chai-iáⁿ,” sím-mi̍h kóng “在大衛之城lò͘”, chi̍t ê Kiù-chú kiò chòe Iâ-so͘ ê chhut-sì, kóng ēng pò͘ pau khùn tī bé-chô-n̍i̍h ê, chit-ê chiū-sī kì-hō.
|
牧2：甚mi̍h講「報咱大歡喜ê 事，hō͘ 攏總ê 人知影，」甚mi̍h講「在大衛之城--lò͘,一個救主叫做耶穌--ê 出 世，講用布包睏tī 馬槽ni̍h--ê,這個就是記號。」 |
|
牧3: Oeh! Tāi-pi̍t ê siâⁿ góa chai, góa sè-hàn ê sî tī hia, bat kah ū chhun lè, lâi khì, góa chhōa lín lâi khì, hiah ê lâng chin kú í-chêng tio̍h it-tit teh thèng-hāu chi̍t ê sè-kan ê Kiù-chú chhut-sì, lâi khì, lán iā lâi pài I.
|
牧3：Oeh！大衛 ê 城我知，我細漢ê 時tī hia，bat kah 有chhun --lè,來--去，我chhōa lín 來 --去，hiah ê 人真久以前著 一直teh 聽候一個世間ê 救主出世，來--去，咱也來拜--伊。 |
|
第三幕
|
第三幕 |
|
(希律王坐於寶座，人臣二人在旁仕奉 另外一個人臣恐肅地進入來)
|
(希律王坐於寶座，人臣二人在旁仕奉另外一個人臣恐肅地進入來) |
|
臣: Ông ah bān-sòe! Ông ah! gōa-bīn ū saⁿ ê phok-sū tùi Tang-hng lâi beh pài-kìⁿ bān ông ê ông bān chú ê chú.
|
臣：王ah 萬歲！王ah！外面有三個博士 tùi 東方來beh 拜見萬王ê 王萬 主ê 主。 |
|
王: Sím-mi̍h! saⁿ ê phok-sū beh chhōe góa, sī sím-mi̍h iàu-sū, sûi-sî chhōa lâi!
|
王：甚mi̍h！三個博士beh chhōe 我，是甚mi̍h要事，隨時chhōa--來！ |
|
臣: Hah! chun-bēng, goān ông-kok heng-ōng kàu bān-sè. (人臣chhōa三個博士入宮)
|
臣：Hah！尊命，願王國興旺到萬世。（人臣chhōa 三個博士入宮） |
|
臣: Bān-ông ê ông, bān-chú ê chú, chit saⁿ ê chiū-sī.
|
臣：萬王ê 王，萬主ê 主，這三個就是。 |
|
王:??! lín sī博士, ū sím-mi̍h tāi-chì?
|
王：U--m--！Lín 是博士，有甚mi̍h代誌？ |
|
博1: Pài-kiàn chun-gân, bû-siōng kong-êng, goān ông bān-sòe, (三博一齊kiok-kiong) goán saⁿ lâng, sī phok-sū, choan-bûn gián-kiù chhiⁿ, chit-ji̍t thiⁿ-téng chhut tōa chhiⁿ, hoat-chhut tōa-kng chiò àm-mî, goán saⁿ lâng chiū khí-sin, iān lō͘ ti̍t-ti̍t chìn, chhōe kàu chit ê Iû-thài-tōe chiah chai sin ông chia chhut-tōe.
|
博1：拜見尊顏，無上光榮，願王萬歲，（三博一齊鞠躬）阮三人， 是博士，專門研究星，這日天頂出大星，發出大光照暗暝，阮三人就起身，沿路直直進，chhōe 到這個猶太地才知新王chia 出地。 |
|
博2: Che sin ông, miâ Iâ-so͘, Sèng-keng kì chheng-chhó kó͘-chá sian-ti só͘ ū-giân, kàu chit sî chiah tōa hián-hiān.
|
博2：Che 新王，名耶穌，聖經記清楚古早先知所預言，到這時才大顯現。 |
|
博3: Goán saⁿ lâng, ēng sêng-sim the̍h pó-pòe lé-mi̍h n̂g-kim, jú-hiuⁿ kap bu̍t-io̍h, hiàn hō͘ sin ông bô pó-sioh.
|
博3：阮三人，用誠心提寶貝禮物黃金，乳香kap 沒藥，獻hō͘ 新王無保惜。 |
|
王: ?????......ū tì-hūi ê博士, siáⁿ-sū keng-kòe soa-bô͘ lâi kàu chia iáu m̄-chai sin-ông (大聲hoah kóng) goān-lâng (忽然站起來博士三名退後旁邊人臣懼怕的樣子) bān-ông ê ông bān-chú ê chú sin ê ông kiám m̄-sī tī lín ê ba̍k-chiu chêng! Kín kā góa chhut-khì, nā bô lín chiū bô miā (三個博士退場). (台上se̍h 1 lìn愈走愈說)
|
王：XXXXX…有智慧ê 博士，啥事經過沙漠來到chia iáu m̄ 知新王（大聲喝講）憨人（忽然站起來博士三名退後旁邊人臣懼怕的樣子）萬王ê 王，萬主ê 主新ê王kiám m̄ 是tī lín ê 目珠前！緊kā我出--去，若無lín 就無命（三個博士退場）。（台上se̍h 1 lìn愈走愈說） |
|
王: 世間iáu ū chit khoán goān phok-sū, tī ông ê bīn-chêng iáu siūⁿ beh kiû sím-mi̍h sin-ông. 哈哈哈哈哈哈...... (王teh笑ê中間幕慢慢koaiⁿ).
|
王：世間iáu有這款憨博士，tī 王ê面前iáu想beh 求甚mi̍h新王。哈哈哈哈哈哈......（王teh笑ê 中間幕慢慢關）。 |
|
第五幕
|
第五幕 |
|
約瑟, 馬利亞, 耶穌, 天使, 天使, 牧者, 博士
|
約瑟, 馬利亞, 耶穌, 天使, 天使, 牧者, 博士 |
|
幕前: 聖詩19. (唱, 彈都好, 若唱ōe tio̍h ài chin bêng khah hó)
|
幕前: 聖詩19. (唱、彈都好，若唱ōe 著 ài 真明較好) |
|
牧者登場拜耶穌: 聖詩23第一節
|
牧者登場拜耶穌: 聖詩23第一節 |
|
博士登場拜耶穌: 聖詩23第二節
|
博士登場拜耶穌: 聖詩23第二節 |
|
最後除馬利亞以外一同站起來向會眾唱 “普天同慶” (這幕要真壯嚴koh裝飾好)
|
最後除馬利亞以外一同站起來向會眾唱"普天同慶" (這幕要真壯嚴koh裝飾好) |
|
閉幕
|
閉幕 |
|
Góa Beh Hoán-hóe
|
我 Beh 反悔 |
|
布景: Toh-á-téng khǹg chheh, phō͘-á kiōng 5 pún, nn̄g-ê chheh-pau khǹg tī 2 tiuⁿ í-á-téng.
|
布景：桌仔頂囥冊，簿仔共5 本，2 個冊包囥 tī 2 張椅仔頂。 |
|
人物: A-gī. Sìn-hiông. Thiⁿ-sài. Nn̄g-ê ta-po͘ gín-ná 13 hòe, chi̍t ê cha-bó͘ gín-ná.
|
人物： 阿義、信雄、天使、兩個查甫囡仔13歲，1個查某囡仔。 |
|
第一幕
|
第一幕 |
|
Khai-bō͘ ê sî, A-gī piáu-sī tùi Sìn-hiông ê chheh-pau thau-the̍h 10 kho͘, khǹg tī i ka-kī ê chheh-pau-lāi, chiū lī-khui ha̍k-hāu mn̂g, kiâⁿ chin tōa-pō͘ beh kín tńg-khì. (幕chiū koaiⁿ khí-lâi, tiān-hóe chhòng hō͘ khah àm).
|
開幕ê 時，阿義表示tùi 信雄ê 冊包偷提 10 箍，囥 tī 伊家己ê 冊包內，就離開學校門，行真大步beh 緊轉去。（幕就關起來，電火chhòng hō͘ 較暗）。 |
|
A: (chiū ná-kiâⁿ ná kóng) Chhám-lah, chhám-lah, thiⁿ teh o͘ chhin-chhiūⁿ beh lo̍h hō͘, góa bô hō͘-sòaⁿ beh án-chóaⁿ! (tiān-hóe chhòng hō͘ si̍h-lè si̍h-lè, chhin-chhiūⁿ si̍h-nà, koh kòng ian-tháng chhòng hō͘ chhin-chhiūⁿ lûi teh tân ê khoán, A-gī chiū chin kiaⁿ ê khoán-sit,) ná-kiâⁿ ná kiò Ma-ma, ma-ma góa chin kiaⁿ. (chiū kín chiong chheh-pau piaⁿ tī thô͘-kha, lâng sòa phak lo̍h-khì) Ma-ma kín-lâi, góa m̄-káⁿ lah. (Hit ê sî Thiⁿ-sài chiah chhut-hiān).
|
A：（就那行那講）慘--lah，慘--lah，天teh 烏親像beh 落雨，我無雨傘beh án-chóaⁿ！（電火chhòng hō͘ si̍h--lè si̍h --lè,親像si̍h nà,koh ian 桶 chhòng hō͘ 親像雷teh tân ê 款，阿義就真驚ê 款式，）那行那叫媽媽，媽媽我真驚。（就緊將冊包piaⁿ tī 塗腳，人續仆落去）媽媽緊來，我m̄ 敢--lah 。（hit ê 時天使才出現）。 |
|
T: A-gī, A-gī lí teh kiaⁿ mah?
|
T：阿義，阿義你teh 驚mah？ |
|
A: Góa chin kiaⁿ, lí sī sím-mi̍h lâng? (hit sî chiū gia̍h-thâu khòaⁿ hit ê lâng) Lí sī sím-mi̍h lâng góa m̄-bat lí, lí beh lâi kap góa chò-phōaⁿ sī m̄-sī? Lí tio̍h kiù góa.
|
A：我真驚，你是甚mi̍h人？（hit時就 gia̍h 頭看hit個人）你是甚mi̍h人 我m̄ bat 你，你beh 來kap 我作伴是m̄ 是？你著救我。 |
|
T: Lí ū khiàm-ēng góa sī m̄-sī, nā ū lí tio̍h hóe-kái, (hit sî lûi chiū tiām) thâu chi̍t-hāng lí siông-siông ài kā pêng-iú, pē-bú thau-the̍h chîⁿ, thau-the̍h mi̍h, kin-á-ji̍t tī lí chheh-pau-lāi ū 10 kho͘ sī lí ê hó pêng-iú Sìn-hiông ê, chit 10 kho͘ sī in pa-pa sak-chhia lâi thàn ê chîⁿ beh hō͘ i the̍h lâi kau ha̍k-hāu hùi, lí án-ni kā i thau-the̍h khì, chin m̄-tio̍h taⁿ lí tio̍h kín oa̍t tò-tńg-khì, i chit-chūn tī hia teh háu teh chhōe bô. Tē-jī hāng lí m̄ khì hù Chú-ji̍t-o̍h ài chò pháiⁿ gín-ná, ūi-tio̍h án-ni lí ê pē-bú siông-siông teh thòe lí kî-tó.
|
T：你有欠用我是m̄ 是，若有你著悔改，(hit時雷就tiām)頭一項你常常ài kā 朋友，父母偷提錢，偷提物，今仔日tī 你冊包內有10 箍 是你ê 好朋友信雄--ê,這10 箍是in 爸爸sak 車來趁ê 錢beh hō͘ 伊提來交學校費，你án-ni kā 伊偷提--去，真 m̄ 著今你著緊越倒轉去，伊這陣 tī hia teh 哮teh chhōe 無。第二項你m̄ 去赴主日學愛做歹囡仔，為著án-ni你 ê 父母常常teh 替你祈禱。 |
|
A: (Thiⁿ-sài teh kóng chiah ê ōe ê sî A-gī ûn-ûn-á peh khí-lâi chē tī thô͘-kha thiⁿ-sài kóng liáu ê sî A-gī chiū tùi thiⁿ-sài kóng). Lí sī tùi thiⁿ-n̍i̍h lâi, kiò chò thiⁿ-sài sī m̄-sī? chhiáⁿ lí sià-bián góa, góa chit-sî beh tò-tńg khì ha̍k-hāu chiong 10 kho͘ hêng khó-lîn ê Sìn-hiông (Hit sî thiⁿ-sài tùi i ê chhiú kā khan khí-lâi liáu chiū lī-khui. A-gī tùi chheh-pau lāi chiong 10 kho͘ the̍h chhut-lâi chheh-pau phāiⁿ-lè chiū ji̍p-khì.)
|
A：(天使teh 講chiah ê 話ê 時阿義勻勻仔 peh --起來坐tī 塗腳天使講了ê 時阿義就tùi 天使講)。你是tùi 天--ni̍h來，叫做天使是m̄ 是？請你赦免--我，我這時beh 倒轉去學校將10箍 hêng 可憐ê 信雄（hit時天使tùi 伊ê 手kā 牽起來了就離開。阿義tùi 冊包內將10 箍提出來冊包phāiⁿ --lè 就入去。） |
|
第二幕
|
第二幕 |
|
Bō͘ khui ê sî Sìn-hiông tùi tē-á lāi ti̍t-ti̍t teh the̍h i ê chheh chhut lâi chhōe i 10 kho͘, tī chit ê sî piáu-chêng tio̍h hō͘ i ōe chhin-chhiūⁿ teh tio̍h-kip teh chhōe ê khoán, tú-tú hit ê sî-chūn A-gī ji̍p-tiûⁿ, tùi Sìn-hiông ê chhiú kā khan lè ná háu ná kóng.
|
幕開ê 時信雄tùi 袋仔內直直teh 提伊ê 冊出來chhōe 伊10 箍，tī 這個時表情著 hō͘ 伊會親像teh 著急teh chhōe ê 款，tú-tú hit ê 時陣阿義入場，tùi 信雄ê 手kā 牽--lè 那哮那講。 |
|
A: Sìn-hiông lí teh chhōe sím-mi̍h?
|
A：信雄你teh chhōe 甚mi̍h？ |
|
S: Goán pa-pa 10 kho͘ beh hō͘ góa kau ha̍k-hùi góa ōe kì-tit sī khǹg tī chit chheh-pau lāi, sòa teh chhōe bô.
|
S：阮爸爸10 箍beh hō͘ 我交學費我會記得是囥 tī 這冊包內，續 teh chhōe 無。 |
|
A: Sìn-hiông...(hit sî A-gī háu kah bōe kóng ōe thêng tia̍p-á-kú) lí hit 10 kho͘ sī góa kā lí the̍h-khì, taⁿ tī chia hêng lí, chhiáⁿ lí m̄-thang siū-khì iā tio̍h sià-bián góa, góa taⁿ beh hoán-hóe tùi chit tia̍p í-āu beh kái-piàn, iā beh khì hù Chú-ji̍t-o̍h lah. (Hit sî Sìn-hiông tùi A-gī ê keng-thâu kā hōaⁿ-lè).
|
A：信雄…（hit時阿義哮kah bōe 講話停tia̍p 仔久）你hit 10箍是我kā 你提--去，今 tī chia hêng 你，請你m̄ thang 受氣也著赦免--我，我今beh 反悔tùi 這 tia̍p 以後beh 改變，也beh 去赴主日學 --lah 。（hit時信雄tùi 阿義ê 肩頭kā hōaⁿ--lè)。 |
|
S: A-gī----góa chin hoaⁿ-hí lí nā ū-iáⁿ beh hoán-hóe góa beh chin thiàⁿ lí iā beh ta̍k lé-pài khì chio lí tha̍k Chú-ji̍t-o̍h, (Sìn-hiông tùi A-gī kā i khan khí-lâi) án-ni hó lah taⁿ kín tńg lâi khì. (2 lâng ná kiâⁿ A-gī chiū chiong i só͘ tú-tio̍h ê lóng kóng hō͘ Sìn-hiông thiaⁿ 2 lâng ná kóng ná thè-tiûⁿ).
|
S：阿義－我真歡喜你若有影beh 反悔我beh 真疼你也beh 逐禮拜去招你讀主學，(信雄tùi 阿義kā 伊牽 --起來)án-ni好mlah5今緊轉來--去。(2人那行阿義就將伊所tú著ê 攏講 hō͘ 信雄聽2 人那講那退場)。 |
|
閉幕
|
閉幕 |
