Chit-tāi kòe liáu koh chit-tāi
|
一 代 過 了 koh 一 代 |
|---|---|
| Tân Lûi | 陳雷 |
|
Chit-tāi kòe liáu koh chit-tāi , Chhun-thiⁿ kòe liáu joa̍h- thiⁿ lâi , Lâng kóng chia sī hó só͘-chāi , Gio̍k-lân khui hoe bián lâng chai . |
一代過了koh一代， 春天過了熱天來， 人講chia 是好所在， 玉蘭開花免人栽。 |
|
Chit-tāi kòe liáu koh chit-tāi , Sin-lô phah-piàⁿ tio̍h chhîⁿ-chai , Lâng kóng chia sī sió só͘-chāi , Khe-lâu ta khì bô lâng ài . |
一代過了koh一代， 辛勞拍拚著chhîⁿ-chai, 人講chia是小所在， 溪流乾去無人愛。 |
|
Chit-tāi kòe liáu koh chit-tāi , Chhiáⁿ mn̄g chia sī siáⁿ só͘-chāi ? A-má kóng ōe sun m̄ chai , Lâng kóng che sī hó lô͘-châi . |
一代過了koh一代， 請問chia是啥所在？ 阿媽講話孫m̄知， 人講che是好奴才。 |
|
Chit-tāi kòe liáu koh chit-tāi , Chhun-thiⁿ kòe liáu joa̍h-thiⁿ lâi , Sù-kùi chháu -bok lóng chū-chāi , Chóaⁿ-iūⁿ chò lâng bô chú chāi ? |
一代過了koh一代， 春天過了熱天來， 四季草木攏自在， 怎樣作人無自在？ |
|
( Tha̍k Tēⁿ Liông úi kàu-siù [chit-tāi kòe chit-tāi ] liáu siá )
|
(讀鄭良偉教授『一代過一代』了寫) |
