Lāu Chheng-kap-á ê Kò͘-sū
|
老青蛤仔ê故事 |
| Lí Chiàu-hiong |
李Chiàu-hiong |
|
Hu̍t-tô ū kóng-kòe chi̍t-ê sió kò͘-sū. Chit-ê sió kò͘-sū sī án-ni.
|
佛陀有講過一個小故事。這個小故事是án-ni 。 |
|
Ū chi̍t-chiah lāu chheng-kap-á tòa tī chi̍t-ê chúi-tî-á lāi. Chit-ê chúi-tî-á téng-bīn khui chin chē chin súi chin phang ê liân-hoe. M̄-kú chit-chiah lāu chheng-kap-á ta̍k-kang lóng tī liân-hoe-kha sì-kòe teh lōa-lōa-sô, iā lóng m̄-bat thiàu-khì liân-hoe ê téng-bīn phīⁿ-khòaⁿ-māi leh : I m̄ chai liân-hoe tàu-té ū jōa-phang?Iā m̄-bat khì khòaⁿ liân-hoe tàu-té ū jōa-súi? Ná chhin-chhiūⁿ liân-hoe lóng kap i bô koan-hē.
|
有一隻老青蛤仔tòa tī 一個水池仔內。這個水池仔頂面開真濟真súi真芳ê蓮花。M̄-kú 這隻老青蛤仔逐工攏tī 蓮花腳四界teh loa̍h-loa̍h趖，也攏m̄-bat 跳去蓮花ê頂面phīⁿ看māi--leh：伊m̄ 知蓮花到底有偌芳？也m̄-bat去看蓮花到底有偌súi?若親像蓮花攏kap伊無關係。 |
|
Hoán-tò-tńg sī tùi gōa-ūi poe--lâi ê bi̍t-phang, pu̍t-sî ong ong-ong-ong poe-kòe-lâi, poe-kòe-khì, chhái-hoe-bi̍t.Liân-hoe tang-sî beh khui, tang-sî beh siā, tang-sî ti̍t-thang chhái-bi̍t, bi̍t-phang lóng hui-siông chheng-chhó.
|
反倒轉是tùi外位飛--來ê 蜜蜂，不時嗡嗡嗡飛過來，飛過去，採花蜜。蓮花tang時beh 開，tang時beh 謝，tang時會得thang採蜜，蜜蜂攏非常清楚。 |
|
Lāu chheng-kap-á sui-jiân tòa-tī chia, m̄-kú tùi liân-hoe tang-sî hoe-khui, tang-sî hoe-siā, hoe-phang, kiat-chí ê chéng-kô kòe-têng soah lóng-chóng bōe-thangbêng-liâu chheng-chhó!
|
老青蛤仔雖然tòa tī chia,m̄-kú 對蓮花tang時花開，tang時花謝，花芳，結子ê 整個過程煞攏總bōe-thang明瞭清楚！ |
|
Kò͘-sù kóng kàu chia, só͘ beh piáu-ta̍t ê ì-sù, tio̍h ài hō͘ lín tāi-ke ka-kī khì siūⁿ !
|
故事講到chia,所beh 表達ê 意思，著ài hō͘ lín 大家家己去想！譯者 余玉娥 |
|
(Tâi-oân Hiong-thó͘ cha̍p-chì Tē 30 kî, 1999 nî 1 goe̍h)
|
(台灣鄉土雜誌第30期，1999年1月) |
