Choan-gia̍p hâng-ōe_Chhiúⁿ-kiap
|
專業行話－－搶劫 |
| A-jîn |
阿仁 |
|
Ū chi̍t-keng gîn-hâng ūi-tio̍h lâng-kheh lóng ē tán beh hā-pan ê sî-kan chiah pâi-lia̍t beh kià-khóaⁿ iah-sī niá-khóaⁿ，gîn-hâng chin thâu-khak thiàⁿ，tō kā piah téng ê sî-cheng tiâu hō͘ kín gō͘-hun-cheng.
|
有一間銀行為著人客攏會等beh下班ê時間才排列beh寄款抑是領款，銀行真頭殼疼，tō kā壁頂ê時鐘調hō͘緊五分鐘。 |
|
Ū chi̍t-pái,chi̍t-ê chhiúⁿ-kiap--ê ji̍p-lâi chhiúⁿ chîⁿ，chîⁿ chóng sa lī,beh cháu ê sî khòaⁿ tio̍h piah téng ê sî-cheng bô-chún,tō kā tiâu tò-tńg--lâi chiah lī-khui。Sū-āu,kéng-chhat-á lâi pān-àn,chai-iáⁿ chhiúⁿ-húi kā sî-cheng siu-lí hó chiah cháu--ê,chi̍t-ê kéng-chhat-á kóng:「Góa chai-iáⁿ chhiúⁿ-kiap--ê sī siáng--a。」
|
有一擺，一個搶劫--ê入來搶錢，錢總sa 離，beh走ê時看著壁頂ê時鐘無準，tō kā調倒轉--來才離開。事後，警察仔來辦案，知影搶匪kā時鐘修理好才走--ê,一個警察仔講：「我知影搶劫--ê是siáng--a。」 |
|
「I ū ho̍k-bīn,lí ná-ē chai sī siáⁿ-lâng?」Gîn-hâng ê keng-lí bô-siáⁿ beh sìn。
|
「伊有覆面，你哪會知啥人？」銀行經理無啥beh信。 |
|
「Goán tau lâu-kha hit-ê Tiuⁿ--sian-siⁿ，i tiāⁿ-tiāⁿ chhiàng-kóng,piān-nā hō͘ i khòaⁿ--tio̍h ê sî-cheng iah-sī chhiú-pió-á nā ū sî-kan bô chún --ê,i choa̍t-tùi bô beh pàng i kòe。」Kéng-chhat koh pó͘-chhiong kóng:「Tiuⁿ--sian-siⁿ leh khui cheng-pió-hâng。」
|
「阮兜樓腳hit ê張--先生，伊定定唱講，便若hō͘伊看--著ê時鐘抑是手錶仔，若有時間無準--ê,伊絕對無beh放伊過。」警察koh補充講：「張--先生leh開鐘錶行。」 |
|
(Tâi-bûn Bóng-pò tē 33 kî, 1999 nî 6 goe̍h)
|
（台文罔報第33期，1999年6月） |
