首頁 >文學作品
文學作品
回上一頁
本篇文章總共有8個段落，24個語句，125個語詞，167個音節
Kî-tó 祈禱
Tēⁿ Ngá-î 鄭雅怡
Hō͘ góa chiū-kūn Lí:
Biān-tùi àm-mî tn̂g-tn̂g,
O̍h Lí kî-tó kàu thiⁿ-kng. 		Hō͘我就近你：
面對暗暝長長，
學你祈禱到天光。
Hō͘ góa chhin-chhiūⁿ Lí:
Chāi-siⁿ bô kiû lâng an-ùi,
Kan-ta kiû kā lâng an-ùi. 		Hō͘我親像你：
在生無求人安慰，
Kan-ta求kā人安慰。
Hō͘ góa kàu Lí kha-chêng:
Góa ê kiau-ngō͘ siū Lí phah-chi̍h8,
Thang o̍h-tio̍h chin-chiàⁿ ê khiam-pi. 		Hō͘我到你腳前：
我ê驕傲受你扑chi̍h，
Thang學著真正ê謙卑。
Hō͘ góa khîⁿ tiàm Lí sin-piⁿ:
Thang tī poa̍h-tó ê sî,
Khiú Lí ê saⁿ-á-ki. 		Hō͘我khîⁿ tiàm你身邊：
Thang tī跋倒ê時，
Khiú你ê衫仔裾。
Hō͘ góa thè Lí pōe si̍p-jī-kè:
Góa ê ba̍k-sái kiû Lí chhit-ta,
Khan góa kiâⁿ hiòng Kok-kok-tha. 		Hō͘我替你背十字架：
我ê目屎求你拭礁，
牽我行向各各他。
Hō͘ góa kin Lí ê kha-jiah:
Góa ê kha-chiah hō͘ lâng kiâⁿ,
Lí ê gī chá-ji̍t tit-chiâⁿ. 		Hō͘我跟你ê腳跡：
我ê kha-chiah hō͘人行，
你ê義早日得成。
Hō͘ góa chòe Lí ê kan-chèng:
Bīn-chêng ū tùi-te̍k kui-pâi,
Kiû Lí chòe góa ê tîn-pâi. 		Hō͘我做你ê干證：
面前有對敵歸排，
求你做我ê藤牌。
Hō͘ góa chhin-chhiūⁿ eⁿ-á phak tī Lí heng-chêng:
Sè-chiūⁿ ê kang taⁿ chòe-soah,
Chhōa góa kap Lí koh-oa̍h. 		Hō͘我親像嬰仔仆tī你胸前：
世上ê工今做煞，
Chhōa我kap你復活。
回上一頁    終戰後，   1998年,   詩