Lo̍k-tô Beh Chhiau Chhia
|
駱駝beh 超車 |
| Tiuⁿ Ho̍k-chû |
張復聚 |
|
Soa-bô͘ ê kong-lō͘ ū chi̍t ê lâng khiâ lo̍k-tô, tú-tio̍h chi̍t ê lâng sái kiâu-chhia lâi, tio̍h kā pài-thok: “Lí hó-sim--leh. Thiⁿ-khì chiah joa̍h, hō͘ góa chē piān-chhia, sūn-sòa chhoe léng-khì--chi̍t--ē kiám hó?”
|
沙漠ê 公路有一個人騎駱駝，tú著一個人駛轎車來，就kā拜託：「你好心--leh。天氣chiah熱，hō͘我坐便車，順續吹冷氣--一下kiám好？」 |
|
Chhia-chú chin khóng-khài: “Bô būn-tê. M̄-kú lí ê lo̍k-tô--leh?”
|
車主真慷慨：「無問題。M̄-kú你ê 駱駝--leh?」 |
|
“He lí bián hoân-ló. I ē tòe lán kiâⁿ.”
|
「He 你免煩惱。伊會tòe咱行。」 |
|
Chhia-chú tio̍h bān-bān-á sái kiâⁿ, lo̍k-tô mā khoaⁿ-khoaⁿ-á tòe. Chhia-sok kàu 40 mai (mile), lo̍k-tô lóng tòe ē tio̍h. Chhia-chú siūⁿ beh chhì khòaⁿ lo̍k-tô cháu ū jōa kín, tio̍h chhui kàu 60 mai, lo̍k-tô iû-goân tòe tiâu-tiâu. Khí-mo͘ bái, chhui kàu 80 mai. Chhia-chú tùi ba-khu-mi-á khòaⁿ-tio̍h lo̍k-tô teh thó͘ chi̍h8, tio̍h kā i ê chú-lâng kóng: “Lí ê lo̍k-tô teh thó͘ chi̍h8, ū iàu-kín--bô?”
|
車主就慢慢仔駛行，駱駝mā寬寬仔tòe。車速到40 mai （mile)，駱駝攏tòe會著。車主想beh 試看駱駝走有偌緊，就催到60 mai,駱駝猶原tòe tiâu-tiâu!Khí-mo͘-bái,催到80 mai。車主tùi ba-khu-mi-á （後視鏡）看著駱駝teh 吐舌，就kā 伊ê 主人講：「你ê 駱駝teh 吐舌，有要緊--無？」 |
|
“Thó͘ tùi tó chi̍t pêng?”
|
「吐tùi tó一爿？」 |
|
“Tò-pêng, án-chóaⁿ--sio͘h?”
|
「倒爿，án-chóaⁿ--sio͘h?」 |
|
“Lí kóaⁿ-kín kā chhia sái khah chiàⁿ-pêng--leh. I beh tùi tò-pêng kā lí chhiau chhia !”
|
「你趕緊kā 車駛較正爿--leh。伊beh tùi倒爿kā 你超車！」 |
