Kiâm-tôa
|
鹹tôa |
| Tiuⁿ Ho̍k-chû |
張復聚 |
|
Chá-chêng ê Tâi-oân-lâng chiok sàn-chhiah. Ū bí-pn̄g thang chia̍h chiū sǹg-sī bē bái--lah. Beh ū mi̍h thang phòe-pn̄g koh khah hán--tit. Nā ū, mā lóng-sī chhài-pó͘, kiâm-hî hit lūi ê kiâm-tôa. Oa̍h beh kiâm--sí.
|
早前ê 台灣人足散赤。有米飯thang 食就算是bē bái--lah。Beh有物thang配飯koh 較罕--tit。若有，mā攏是菜脯、鹹魚hit類ê 鹹tôa。活beh鹹死。 |
|
Kóng ū chi̍t ke-hóe-á, piah-téng tiàu chi̍t bóe kiâm-hî. Chia̍h pn̄g ê sî, lāu-pē chiū kā in N̄g ê kiáⁿ kóng :”Lín nā bô mi̍h phòe pn̄g chia̍h bē lo̍h--khì, tio̍h khòaⁿ chi̍t ē piah-téng ê kiâm-hî, chia̍h chi̍t chhùi pn̄g. Án-ne, lín ē kám-kak pn̄g khah hó chia̍h.”
|
講有一家伙仔，壁頂吊一尾鹹魚。食飯ê 時，老父就kā in兩個子講：「Lín若無物配飯食bē落去，就看一下壁頂ê 鹹魚，食一嘴飯。Án-ne lín會感覺飯較好食。」 |
|
Kòe chi̍t-ē-á, sió-tī tio̍h khêng-hun kóng :”A-pa, a-hiaⁿ chin iau-sâi, i lóng khòaⁿ N̄g-ē chiah chia̍h chi̍t-chhùi pn̄g.”
|
過一下仔，小弟就khêng-hun講：「阿爸，阿兄真枵sâi,伊攏看兩下才食一嘴飯。」 |
|
A-pa tùi-chhùi kā ìn kóng : “Mài chhap--i. Hō͘ i oa̍h-oa̍h kiâm--sí.”
|
阿爸對嘴kā應講：「Mài chhap伊。Hō͘伊活活鹹--死。」 |
|
(Tâi-bûn Thong-sìn Tē 67 kî, 1999 nî 8 goe̍h)
|
（台文通訊第67期，1999年8月） |
