Kāng Bú koh pē
|
共母各父 |
| Tiuⁿ Ho̍k-chû |
張復聚 |
|
Iap-peh..á ū 4 ê kiáⁿ. Tōa..ê chò I-seng. Jī..ê chò seng-lí, chiok sêng-kong. Láu saⁿ..ê sī tāi-ha̍k kàu-siū. Ban..ê siōng m̄ chiâⁿ lâng, kui kang sì-kè lōa-lōa-sô, beh chia̍h m̄ thó-thàn !
|
Iip伯仔有四個子。大--ê做醫生。二--ê做生理真成功。老三--ê是大學教授。屘--ê上m̄成人，歸工四界lōa-lōa趖，beh食m̄討趁！ |
|
Iap-peh..á kiàn-pái nā siūⁿ-tio̍h chit 4 ê kiáⁿ tio̍h ē hiâu-gî chi̍t hāng tāi-chì: Ban..ê kiám-sī góa ê? Chi̍t tiâu tāi khùn-jiáu i chiok kú, chiok kú. Sim lāi ê kat lóng tháu bē khui.
|
Iip伯仔見擺若想著這四個子就會僥疑一項代誌：屘--ê kiám會m̄是我ê?這條代困擾伊足久，足久。心內ê 結攏tháu bē開。 |
|
Kàu Iap-peh..á 80 hòe, phòa-pēⁿ beh sí ê sî, mn̄g i kiat-hun 60 nî ê lāu khan-chhiú: “Lāu..ê, lí chiàu-si̍t kā góa kóng, Ban..ê sī m̄ sī kap i hiah-ê hiaⁿ-ko bô kāng lāu-pē?”
|
到Iip伯仔八十歲，破病beh死ê時，問伊結婚六十年ê老牽手：「老--ê,你老實kā我講，屘--ê是m̄是kap伊hiah-ê 阿兄無共老父？」 |
|
In lāu-bó͘ thiaⁿ liáu, bīn-á âng-âng, piáu-chêng put-chí-á koài-kî, ba̍k-kîⁿ kâm ba̍k-sái, iōng pháiⁿ-sè kiam phō-khiám ê kháu-khì kóng: “Sī--lah. Ban..ê chiah sī lí ê !”
|
In老某聽了，面仔紅紅，表情不止仔怪奇，目墘含目屎，用歹勢兼抱歉ê 口氣講：「是--lah！屘--ê 才是你ê!」 |
