I-su kap Lu̍t-su
|
醫師kap律師 |
| Tiuⁿ Ho̍k-chû |
張復聚 |
|
Tī lo̍h tōa hō͘ ê lō͘--ni̍h, 2 tâi kiâu-chhia sio lòng, sòa khōng-kha-khiàu. Thâu chi̍t tâi chhia ê kà-sú sī lu̍t-su, i pê--chhut--lâi liáu-āu, kín khì khòaⁿ lēng-gōa hit tâi chhia. Hit tâi chhia ê kà-sú sī chi̍t ê i-su.
|
Tī落大雨ê路--ni̍h，兩台轎車相撞，煞khōng 腳翹。頭一台車ê駕駛是律師，伊爬--出來了後，緊去看另外hit台車。Hit台車ê駕駛是一個醫師。 |
|
Lu̍t-su kóaⁿ-kín kā i-su thoa--chhut--lâi. Sūn-sòa tùi lak-tē-á lāi jîm chi̍t koàn sio-chiú, hō͘ i-su sip--chi̍t--chhùi. I-su lim liáu, kám-kak khah sio-lo̍h, khah chheng-sóng. I khòaⁿ-tio̍h lu̍t-sut kôaⁿ kàu gī-gī chùn, tio̍h kā lu̍t-su kóng: “Lí mā lim--chi̍t--chhùi, khah bē kôaⁿ.” Lu̍t-su chhiò-chhiò-á kā kóng: “Tán--chi̍t--ē, góa tán kéng-chhat lâi chiah lim.”
|
律師趕緊kā醫師拖--出來。順續tùi lak袋仔內jîm一罐燒酒，hō͘ 醫師sip--一嘴。醫師lim了感覺較燒lo̍h,較清爽。伊看著律師寒到gī-gī 顫，就kā律師講：「你mā lim--一嘴，較bē寒。」律師笑笑仔kā講：「等--一下，我等警察來才lim。」 |
