![]() |
遺書---Hō͘我ê父母 |
---|---|
Tēⁿ Ngá-î | 鄭雅怡 |
![]() Chá-chêng tùi lín ê ko͘-hū. Bô-thang hō͘ lín Tī che ài phòng-chhèng ê sè-kan, Tit-tio̍h khoa-kháu. |
請lín原諒我 早前對lín ê辜負。 無thang hō͘ lín Tī che愛phòng-chhèng ê世間, 得著誇口。 |
![]() Ge̍k lín ê ì, Kian-chhî Kiâⁿ ka-kī ê lō͘, Ū-sî bêng-chai Kiâⁿ--lo̍h-khì tiāⁿ-tio̍h poa̍h-tó, Piàn-sin thàng-thiàⁿ. |
一擺koh一擺 逆lín ê意, 堅持 行家己ê路, 有時明知 行--落去定著跋倒, 遍身痛疼。 |
![]() Ka-kī it-seng só͘ kiû, Bô sio̍k sè-sio̍k ê chō-chiū, Iā bōe-ōe tī kim-seng tit-chiâⁿ. |
但是我知 家己一生所求, 無屬世俗ê造就, 也bōe會tī今生得成。 |
![]() Chí-sī chá lâng chi̍t-pō͘ Khòaⁿ-tio̍h chi̍t-ê bí-lē sin sè-kài, Bāng lâng só͘ m̄-káⁿ bāng ê lí-sióng-kok, Kiàn-li̍p tī hn̄g-hn̄g ê chiong-lâi. |
M̄是空顛,m̄是囡仔性, 只是早人一步 看著一個美麗新世界, 夢人所m̄敢夢ê理想國, 建立tī遠遠ê將來。 |
![]() Minority ê lō͘ chù-tiāⁿ ko͘-toaⁿ? Kan-ta ǹg-bāng Chì-chhin ê lín, Kàu lō͘-bóe, Thiaⁿ góa kóng-soah, Tng choân sè-kài lóng chhiò góa gōng, ---- lín iā án-ni kóng. |
生成悲劇ê性格, Minority ê路注定孤單? Kan-ta向望 至親ê lín, 到路尾, 聽我講煞, 當全世界攏笑我憨, ---- lín也án-ni講。 |
![]() Hō͘ góa tòa lín ê chhim-sìn, Sè-chiūⁿ chòe-āu chi̍t-pha kng-bêng, Lo̍h thô͘-té: Góa, chāi-siⁿ m̄-bat khí-siáu, Hoán-tńg pí chōe-chōe oa̍h-teh ê lâng Iáu khah chheng-chhéⁿ. |
今我生命ê燈接近hoa, Hō͘我帶lín ê深信, 世上最後一葩光明, 落塗底: 我,在生m̄-bat起痟, 反轉比濟濟活--teh ê人 Iáu較清醒。 |