Tùi Tâi-gú ê khòaⁿ-hoat
|
對台語ê看法 |
| Âng Bān-lêng |
洪曼玲 |
|
Gú-giân sī kóng-ōe ê kang-khū,sī lâng kap lâng tiong-kan ko͘-thong ê kiô-niû,bô hó、bái 、koân 、kē ê hun-pia̍t 。Siōng kè Tâi-gú ê khò,góa bêng-pe̍k gú-giân m̄-nā ū ko͘-thong ê kong-iōng,siāng-sî iā pān-ián bûn-hòa thoân-chiap ê tiōng-iàu kak-sek。Gú-giân hoán-èng seng-oa̍h hong-sek、lûn-lí tō-tek，hiān-kim seng-oa̍h hong-sek kap lông-gia̍p siā-hōe chin bô kāng-khoán,só͘-í chin chē ōe chit tāi ê siàu-liân-lâng lóng m̄ bat。
|
語言是講話ê工具，是人kap人中間溝通ê橋樑，無好、bái、懸低ê分別。上過台語ê課，我明白語言m̄ 但有溝通ê功能，像時也扮演文化傳接ê重要角色。語言反映生活方式、倫理道德，現今生活方式kap農業社會真無仝款，所以真濟話這代ê少年人攏m̄-bat。 |
|
Tùi Tâi-gú ê khò,koh chài thé-hōe Tâi-gú ê súi,te̍k-pia̍t sī sio̍k-gú,i hián chhut oa̍h-thiàu-thiàu ê chêng-kéng、seng-oa̍h si̍p-koàn,mā pau-hâm hong-hù ê jîn-seng tì-hūi,sīm-chì mē--lâng ê ōe,ōe tiong ū ōe,ke̍k ko-bêng。
|
Tùi語言課，koh再體會台語ê súi,特別是俗語，伊顯出活跳跳ê情景、生活習慣，mā包含豐富ê人生智慧，甚至罵--人ê話，話中有話，極高明。 |
|
Múi chi̍t chióng gú-giân piáu-ta̍t hong-sek bô kâng,Hôa-gú ū pháiⁿ-thiaⁿ ê só͘-chāi,Tâi-gú iā sī。Ū lâng bē-hiáu kóng Tâi-gú,khiok ōe-hiáu ēng 「saⁿ-jī-keng」mē--lâng,「saⁿ-jī-keng」kiám-chhái sī chi̍t chióng Tâi-gú bûn-hòa,tān-sī chit khoán ê ōe,thǹg khì lâng ê gōa-saⁿ kap lāi-saⁿ，chiū sī thiah phòa lâng ê bīn-chú,bô ha̍h sèng-keng ê kà-sī,só͘-í sìn-tô͘ tio̍h tû khì chit khoán ê ōe。
|
每一種語言表達方式無仝，華語有歹聽ê所在，台語也是。有人 bē 曉講台語，卻會曉「三字經」罵--人，「三字經」kiám-chhái 是一種台語文化，但是這款ê話，褪去人ê外衫kap內衫，就是拆破人ê面子，無合聖經ê教示，所以信徒著除去這款ê話。 |
|
Beh pó-chûn Tâi-oân-lâng ê bûn-hòa,tio̍h pó-chûn Tâi-gú,góa siūⁿ chèng-hú kàu-io̍k chèng-chhek nā chù-tiōng Tâi-gú,hō͘ gín-á tī sòe-hàn ê sî chiū o̍h Pe̍h-ōe-jī,án-ni ū bûn-jī ê pang-chān,Tâi-gú chiū ōe-tàng koh-khah oân-chéng lâi pó-chûn。
|
Beh保存台灣人ê文化，著保存台語，我想政府教育政策若注重台語，hō͘囡仔tī細漢ê 時就學白話字，án-ni有文字ê幫贊，台語就會當koh較完整來保存。 |
