Le̍k-sek ê ho͘-hoàn_5 | 綠色ê呼喚 (5) |
---|---|
Gân Sìn-seng | 顏信星 |
Le̍k-sek teh ho͘-hoàn, Ho͘-hoàn piàn-sek ê Tâi-oân, Hêng goán chhiⁿ-chhùi ê san-hô, Hêng goán bí-lē ê pó-tó, Hō͘ goán tāi-tāi ê kiáⁿ-sun; hó-khùn, Hó-chia̍h, hó thit-thô. |
綠色teh呼喚, 呼喚變色ê台灣, 還阮青翠ê山河, 還阮美麗ê寶島, Hō͘阮代代ê子孫;好睏, 好食,好thit-thô。 |
Le̍k-sek teh ho͘-hoàn, Ho͘-hoàn phòa-pēⁿ ê tâi-oân, Hêng goán sin-sian ê khong-khì, Hêng goán chheng-khì ê hái-piⁿ, Hō͘ goán tāi-tāi ê kiáⁿ-sun; hó-khùn, Hó-chia̍h, hó khiā-khí. |
綠色teh呼喚, 呼喚破病ê台灣, 還阮新鮮ê空氣, 還阮清氣ê海邊, Hō͘阮代代ê子孫;好睏, 好食,好企起。 |
Mî tńg ji̍t, ji̍t tńg mî, Liû choán ê sòe-goa̍t nî-nî ngiâ chhun-thiⁿ, Koah tn̄g tham-lâm ê tō͘-châi, Kiâⁿ chhut chêng-io̍k ê sè-kài, Le̍k-sek ê ho͘-hoàn, Chio lí khì bong thiⁿ-téng ê hûn-chhái. |
暝轉日,日轉暝, 流轉ê歲月年年迎春天, 割斷貪婪ê肚臍, 行出情慾ê世界, 綠色ê呼喚, 招你去摸天頂ê雲彩。 |
(Tâi-oân Kàu-hōe Kong-pò tē 2117 kî, 1992 nî, 9 goe̍h) | (台灣教會公報第2117期,1992年9月) |
(Gân Sìn-seng Tâi-gí Bûn-ha̍k soán, 2002 nî Chin-pêng Khì-gia̍p Chhut-pán) | (顏信星台語文學選,2002年真平企業出版) |