Góa beh kap lí tī-teh
|
我beh kap你tī teh |
| Khu Sìn-tián |
邱信典 |
|
Tī Hui-chiu khai-thok pò͘-tō ê eng-hiông , Lí-un-su-tun ( David Livengstone , 1813-1873 ) I tī Hui-chiu kang-chok 16 nî í-āu , tò-tńg lâi So͘-kek-lân . Pún-tē ê Kek-lah-su-ko ( Glasgow ) Tāi-ha̍k koat-tēng beh sàng Bêng-ū Hoat-ha̍k Phok-sū ha̍k-ūi hō͘ i. Pêng-siông sī nā ū-lâng niá-siū ha̍k-ūi ê sî , tāi-ke lóng jia̍t-sim phah-phok-á , lâi piáu-sī khèng-chiok.
|
Tī非洲開拓佈道ê英雄， David Livengstone(1813-1873）伊tī非洲工作16年以後，倒轉來蘇格蘭。本地ê格拉斯高（Glasgow）大學決定beh送名譽法學博士學位hō͘伊。平常是若有人領受學位ê時，大家攏熱心扑phok仔，來表示慶祝。 |
|
Chóng-sī hit-ji̍t , hōe-tiûⁿ chhiong-móa giâm-siok ê khì-hun . In-ūi tāi-ke khòaⁿ-kìⁿ Lí-un-su-tun ê tò-chhiú chhiú-kut , hō͘ Hui-chiu ê sai kā-liáu siū-siong , khòa tī sin-khu bōe-ōe tín-tāng . I tī Hui-chiu 16 nî-kú , sin-khu hō͘ iam-ji̍t pha̍k-o͘ , koh hoān-tio̍h 27 pái ê jia̍t-pīⁿ , bīn-sek sī o͘ koh sán , sim-lāi siⁿ-khí chun-kèng ê liām-thâu , beh ná-ū sim-chêng khì phah-phok-á ?
|
總是hit日，會場充滿嚴肅ê氣氛。因為大家看見Livengstone ê倒手手骨，hō͘非洲ê獅咬了受傷，khòa tī身軀bōe會振動。伊tī非洲16年久，身軀hō͘炎日曝烏，koh犯著27擺ê熱病，面色是烏koh sán,心內升起尊敬ê念頭，beh那有心情去扑phok仔？ |
|
Chit-ê ūi-tio̍h chin-lí phoe-miā ê thoân-tō-lâng , chòe-āu khia-khí-lâi ián-káng kóng, “Góa beh koh-khì Hui-chiu ! Góa khí-thâu bōe-hiàu Hui-chiu ê ōe; koh Hui-chiu lâng ê thài-tō͘ bô tiāⁿ-tio̍h ; só͘-í góa ê sìⁿ-miāⁿ , siông-siông tī gûi-hiám tiong , nā-sī ē-thang tiàm-chiah-kú , sī in-ūi ū Sèng-keng ê ōe kiat-liân góa ê sim; chit-kù ōe sī kóng : Khòaⁿ ah ! Góa beh kap lí tī-teh , ti̍t-kàu tōe ê ke̍k-thâu.”
|
這個為著真理批命ê傳道人，最後企起來演講講：「我beh koh去非洲！我起頭bōe曉非洲ê話；koh非洲人ê態度無定著；所以我ê生命，常常tī危險中，若是會thang tiàm-chiah久，是因為有聖經ê話結連我ê心；這句話是講：看ah！我beh kap你tī-teh，直到地ê極頭。」 |
|
( Tâi-oân Kàu-hōe Kong-pò tē 2073 kî , 1991 nî 11 goe̍h )
|
（台灣教會公報第2073期，1991年11月） |
