Góa bô-ài ēng chóa-kin chóa-pôaⁿ chóa-poe
|
我無愛用紙巾、紙盤、紙杯 |
| Tân Gī-jîn |
陳義仁 |
|
e̍k
|
譯 |
|
Chè chóa sī ù-jiám chin lī-hāi ê kang-gia̍p, tùi chúi, tùi khong-khì, lóng ū éng-hióng.
|
製紙是污染真厲害ê工業，對水、對空氣，攏有影響。 |
|
Lán sú-iōng chóa-kin, chóa-pôaⁿ, chóa-poe, ū-sî sī in-ūi lâng-kheh siuⁿ chōe, chhù-lāi bô hiah-nī chōe ê chhan-kin á-sī poe-á, pôaⁿ-á, iā ū-sî sī chhiáⁿ lâng-kheh, pūn-tōaⁿ sé hiah-nī chōe ê poe-á pôaⁿ-á. In-ūi chhan-kin, poe-á, pôaⁿ-á bô-kàu chiah ēng chóa--ê iáu bián-kióng ē-kóng--tit, chóng-sī, iā èng-kai phiah-bián sú-iōng ìn-soat chin iām-lē ê chóa-khì.
|
咱使用紙巾、紙盤、紙杯，有時是因為人客siuⁿ濟，厝內無hiah-nī濟ê餐巾抑是杯仔、盤仔，也有時是請人客，貧惰洗hiah-nī濟ê杯仔盤仔。因為餐巾、杯仔、盤仔無夠才用紙--ê iáu勉強會講--tit。總是，也應該避免使用印刷真豔麗ê紙器。 |
|
Ji̍t-siông ka-têng seng-oa̍h, èng-kai ēng mî--ê, á-sī môa-chit ê chhan-kin lâi chhú-tāi chóa-kin, ēng toh-pò͘ lâi chhú-tāi ēng chóa chhit, ēng po-lê kap hûi--ê chhan-kū lâi chhú-tāi chóa-poe chóa-pôaⁿ, in-ūi chiah-ê mi̍h-kiāⁿ m̄-nā ē-tàng ēng liáu koh chài-ēng, chiah-ê mi̍h-kiāⁿ iā khah ū chit-kám.
|
日常家庭生活，應該用綿--ê,抑是麻織ê餐巾來取代紙巾；用桌布來取代用紙拭；用玻璃kap瓷--ê餐具來取代紙杯、紙盤。因為chiah-ê物件m̄若會當用了koh再用，chiah-ê物件也較有質感。 |
|
It-poaⁿ ê chhan-thiaⁿ, tāi-to-sò͘ sú-iōng hûi-khì kap po-lê-poe, ū ê tàⁿ-á sī sú-iōng pho͘-lí-lóng chhan-kū, koh chòe-kīn chin liû-hêng ê sok-si̍t-tiàm, lóng sī sú-iōng chóa-pôaⁿ chóa-poe, iā sú-iōng sok-ka kap pho͘-lí-lóng sán-phín. Chhin-chhiūⁿ chit khoán lōng-hùi chóa-kin chóa-poe chóa-tē-á .... ê só͘-chāi, iā sī koan-sim khoân-kéng ê lâng bô èng-kai khì ê só͘-chāi.
|
一般ê餐廳，大多數使用瓷器kap玻璃杯，有ê擔仔是使用保麗龍餐具。Koh最近真流行ê速食店，攏是使用紙盤紙杯，也使用塑膠kap保麗龍產品。親像這款浪費紙巾紙杯紙袋仔.... ê 所在，也是關心環境ê人無應該去ê所在。 |
|
(Hong-hiòng Tē 1 kî, 1989 nî 11 goe̍h)
|
（風向第1期，1989年11月） |
