Siōng-tè Só͘ Beh Ēng Ê Lâng_20
|
上帝所Beh用Ê人_20 |
| Sú-bi̍t-su |
Sú-bi̍t-su |
|
[hong-té bûn-jī]
|
[封底文字] |
|
Tù-chiá Sú-bi̍t-su Phok-sū, sī hiān-tāi chhut-miâ ê pò͘-tō-ka, iā sī iu-siù ê chok-chiá. Siōng-tè ū siúⁿ-sù i tui thiⁿ lâi ê tì-hūi, só͘-í i ū siá 20 gōa pún ê chheh. Chhin-chhiūⁿ “Chú beh koh lâi”, chiū-sī i ê tāi-piáu chok-phín. Kî-thaⁿ i iā ū siá 1000 gōa siú ê sèng-si. M̄ ná án-ni Siōng-tè iā siúⁿ-sù i chin tōa ê pò͘-tō un-sù, i ê kha-jiah piàn-thoân tī sè-kài 5 tōa chiū. In-ūi i só͘ thoân ê hok-im sī kán-tan koh ū tōa kám-tōng la̍t, só͘-í tùi thiaⁿ i só͘ thoân ê hok-im lâi chiap-la̍p Ki-tok ê lâng , hui-siông chōe.
|
著者Sú-bi̍t-su博士，是現代出名ê佈道家，也是優秀ê作者。上帝有賞賜i tùi天來ê智慧，所以i有寫20外本ê冊。親像「主beh koh來」，就是i ê代表作品。其他i也有寫1000外首ê聖詩。M̄ nā án-ni上帝也賞賜i真大ê佈道恩賜，i ê kha跡遍傳tī世界5大洲。因為i所傳ê福音是簡單koh有大感動力，所以tùi i所傳ê福音來接納基督ê人，非常chōe。 |
|
Siōng-tè m̄-nā siúⁿ-sù i pò͘-tō kap siá-chok ê un-sù, iā te̍k-pia̍t ēng i, lâi chhòng-siat Ka-ná-tāi To-lûn-to Bîn-chiòng kàu-hōe. Tùi tī i ê bo̍k-hōe, chit keng kàu-hōe kim-ji̍t í-keng chiâⁿ-chòe choân sè-kài pò͘-tō ê kì-hō. Hiān-sî Bîn-chiòng kàu-hōe ū phài 350 ê soan-kàu-su, hun-sòaⁿ tī sè-kài ta̍k só͘-chāi, tī 40 gōa ê thoân-thé teh thoân hok-im.
|
上帝m̄-nā賞賜i佈道kap寫作ê恩賜，也特別用i，來創設加拿大多倫多民眾教會。Tùi tī i ê牧會，chit間教會今日已經chiâⁿ做全世界佈道ê記號。現時民眾教會有派350 ê宣教師，分散tī世界ta̍k所在，tī 40外ê團體teh傳福音。 |
|
Sú Phok-sū hiān-chāi sī choan-jīm chò Bîn-chiòng kàu-hōe pò͘-tō bo̍k-su, kàu-hōe ê sū kau-tài i ê kiáⁿ Sú Pó-lô bo̍k-su teh siat-hoat. Siāng-sî Sú Phok-sū iā kiam-jīm chòe Sè-kài Bûn-jī Pò͘-tō Hia̍p-hōe Bêng-ū Hōe-tiúⁿ, hō͘ chit ê hōe tit-tio̍h chin tōa ê pang-chān, goān Siōng-tè ji̍t-ji̍t ke-thiⁿ sù-hok i ê kang-chok.
|
Sú博士現在是專任做民眾教會ê佈道牧師，教會ê事交代i ê kiáⁿ Sú Pó-lô牧師teh設法。Siāng時Sú博士也兼任做世界文字佈道協會名譽會長，hō͘ chit ê會得tio̍h真大ê幫贊，願上帝日日加添賜福i ê工作。 |
