An-lo̍k ke_09
|
安樂街_09 |
| Bô chù-bêng |
無注明 |
|
Tē káu Chiuⁿ
|
第九章 |
|
Lī-su-tē tùi tn̂g-lāi tò-lâi, chiong só͘ ē-kì-tit ê lóng kā Tok-hui kóng, koh liām hit chhiú si ê tē saⁿ chat. Tok-hui chiū kóng, "Nā-sī án-ni Chú ē- tit-thang khoài-khoài kà-sī ín-chhōa góa, in-ūi sî- chūn liâm-piⁿ kàu lah."
|
Lī-su-tē 對堂內倒--來，將所會記得 ê 攏kā Tok-hui 講，koh 念hit首詩 ê 第3節。Tok-hui 就講：「若是án-ni 主會得thang快快教示引chhōa 我，因為時陣liâm-piⁿ到lah。」 |
|
Lī-su-tē kóng, "Che bô it-tēng ê, kiám-chhái bô kah hiah khoài."
|
Lī-su-tē 講：「Che無一定ê，kiám-chhái 無 kah hiah 快。」 |
|
Tok-hui kóng, "Chiàu i-seng só͘ kóng chi̍t-goe̍h- ji̍t ê an-kî í-keng beh kòe-khì lah; góa phah-sǹg lī êng-kng ê siâⁿ bô lōa-hn̄g, kap An-lo̍k-ke put- chí kīn; góa ū-sî hóng-hut khòaⁿ-kìⁿ mn̂g-téng ū kng-nà-nà ê jī."
|
Tok-hui 講：「照醫生所講一月日 ê an-kî 已經 beh 過去--lah；我打算離榮光 ê 城無偌遠，佮安樂街不止近；我有時彷彿看見門頂有光-nà-nà ê 字。」 |
|
Lī-su-tē bô ìn i, oa̍t-kòe bīn, thâu-khak thìm-- lo̍h-khì, lún-bē-tiâu háu chi̍t-siaⁿ.
|
Lī-su-tē無應伊，越過面，頭殼thìm--落去，忍bē-tiâu哮一聲。 |
|
Tok-hui in-ūi chit ê gín-ná ia̍h siong-sim khí-- lâi, bong Lī-su-tē ê thâu-khak, nn̄g lâng lóng bô kóng-ōe. Kòe chi̍t-sî-á Tok-hui koh kóng, " Lī- su-tē ah, lí kiám ài lâu góa tì An-lo̍k-ke ê mn̂g- kháu mah?”
|
Tok-hui 因為這個囡仔亦傷心起--來，摸 Lī-su-tē ê 頭殼，兩人攏無講話。過一時仔Tok-hui koh 講：「 Lī-su-tē ah，你敢愛留我tì 安樂街 ê 門mah？」 |
|
Lī-su-tē kóng, "Góa bô lâu lí ê ì-sù, chóng-sī ū chi̍t-ê iūⁿ, góa kam-goān ì-ài kap lí chò-hóe ji̍p-khì."
|
Lī-su-tē 講：「我無留你ê 意思，總--是有一個樣，我甘願意愛佮你做夥入去。」 |
|
Tok-hui kóng, "Góa phah-sǹg Chú lâu lí tī sè- kan, sī hō͘ lí chò i-ê kang; góa sī lāu-lâng, loán- jio̍k, ū pīⁿ, bē-ē chò sím-mi̍h; só͘-í Chú beh kiò góa tò-khì. Lí sī siàu-liân, ū khùi-la̍t ê lâng, thang ēng lín chit-chi̍t-pòe ho̍k-sāi Chú."
|
Tok-hui 講：「我打算主留你tī 世間，是 hō͘ 你做伊 ê 工；我是老人，軟弱、有病，bē會做啥物；所在主beh 叫我倒--去。你是少年，有氣力 ê 人，thang用 lín 這一輩服事主。」 |
|
Lī-su-tē thó͘-khùi kóng, "Nā-sī án-ni sim-lāi siūⁿ oa̍h kàu chhin-chhiūⁿ lāu-peh chiah chē hòe, Thian-tông ê mn̂g chiah beh kā góa khui, m̄ chai beh thèng-hāu lōa-kú leh."
|
Lī-su-tē 吐氣講：「若是 án-ni 心內想活到親像老伯 chiah 濟歲，天堂 ê 門 chiah beh kā 我開，m̄知 beh 聽候偌久leh。」 |
|
Tok-hui kóng, "Lí tī chia ho̍k-sāi Chú hián- bêng thiàⁿ-Chú ê sim, kiám thang kóng lí m̄ kam- goān mah?" Lī-su-tē sè-á-siaⁿ kóng, "Put-chí kam-goān." Tok-hui kóng, "Chhin-chhiūⁿ góa nā ē koh oa̍h chi̍t nî, khó-í chīn-sim chīn-khùi-la̍t ho̍k-sāi Chú, hián-chhut ài kèng i-ê sim chiū kam-goān, sim chiong lóng-chóng só͘-ū--ê kap ke̍k bē-siá-tit ê khîm lóng pàng-sak--khì. Chú thè góa pàng-sak sìⁿ-miā siū-khó͘ kàu sí; góa chiông-chêng m̄-chai thang pò-tap, kàu chit-tia̍p to̍k-to̍k chhun kúi-ji̍t nā-tiāⁿ, ē hián-bêng ài kèng-i ê sim, hóng-hut chhin-chhiūⁿ ko͘-hū i-ê tōa in-tián, siūⁿ kàu chiah- ê bē-bián-tit siong-pi."
|
Tok-hui 講：「你tī chia 服事主顯明疼主ê 心，敢thang講你m̄ 甘願 mah？」 Lī-su-tē 細仔聲講：「不止甘願。」 Tok-hui 講：「親像我若會koh活一年，可以真心盡氣力服事主，顯出愛敬伊 ê心就甘願，心將攏總所有--ê 佮極bē-sài得ê 琴攏放sak--去。主替我放sak 性命受苦到死；我從前m̄知thang報答，到這tia̍p 獨獨偆幾日nā-tiāⁿ，會顯明愛敬伊 ê 心，彷彿親像辜負伊 ê大恩典，想到chiah-ê bē免得傷悲。」 |
|
Chiông-chêng Tok-hui sī teh an-ùi Lī-su-tē, kàu kin-á-ji̍t i hoán-tńg an-ùi Tok-hui kóng, "Lāu- peh ah, lí tio̍h chiong chit-ê ì-sù kā Iâ-so͘ kóng, i tek-khak bêng-pe̍k."
|
從前 Tok-hui 是teh 安慰 Lī-su-tē，到今仔日伊反轉安慰Tok-hui 講：「老伯--ah，你著將這個意思 kā 耶穌講，伊的確明白。」 |
|
Tok-hui chhiú kiok-kiong pek-chhiat teh khún- kiû kóng, "Chú Iâ-so͘ góa si̍t-chāi thiàⁿ lí, kam- goān pò-tap lí ê in, nā-sī góa chí-ū chhun chi̍t ê lé-pài nā-tiāⁿ, chiū beh sí lah, góa si̍t-chāi sim- koaⁿ kám-siā lí, góa nā ē koh-chài oa̍h kúi-ji̍t hián-chhut si̍t-chāi ê sim thiàⁿ lí, góa chiū-sī chiong lóng-chóng sim-ài--ê lóng pàng-sak--khì, kiû Chú thiaⁿ góa kî-tó bêng-bêng chai góa ê ì-sù, thé-thiap góa sim-lāi só͘ kóng bē-chhut-lâi ê ōe."
|
Tok-hui 手鞠躬迫切 teh 懇求講：「主耶穌我實在疼你，甘願報答你ê 恩，若是我只有偆一個禮拜nā-tiāⁿ，就beh死lah，我實在心肝感謝你，我若會koh再活幾日顯出實在 ê 心疼你，我就是將攏總心愛--ê 攏放sak--去，求主聽我祈禱明明知我ê 意思，體貼我心內所講bē出來 ê 話。」 |
|
Tok-hui kóng-liáu, chiū hoan-sin khùn--khì.
|
Tok-hui 講了，就翻身睏--去。 |
|
Lī-su-tē iáu-kú óa hóe teh chē; khí-thâu kúi- ji̍t khiok ū khah khòaⁿ-oa̍h tām-po̍h, kàu ê-hng thiaⁿ-kìⁿ Tok-hui chit-kúi-kù ê ōe, liân chiông- chêng ê sū lóng hoan--khí-lâi siūⁿ put-chí tōa-tōa iu-chhiû hoân-ló; sè-kan bô lūn sím-mi̍h lâng nā chí-ū chi̍t ê Pêng-iú hut-jiân beh éng-oán lī-khui, i-ê sim tek-khak bē an-jiân, pí-phēng chhin-chhiūⁿ kiâⁿ-lō͘ chêng-bīn ū ba̍t-ba̍t ê hûn-bū, sui-jiân bêng-bêng chai jia-khàm oh-tit kiâⁿ, khiok ia̍h ē- tit-thang chìn-chêng.
|
Lī-su-tē iáu-kú 倚火 teh 坐；起頭幾日卻有較快活淡薄，到e昏聽見 Tok-hui 這幾句 ê 話，連從前 ê 事攏翻--起來想不止大大憂愁煩惱；世間無論啥物人若只有一個朋友忽然 beh 永遠離開，伊 ê 心的確 bē安然，比並親像行路前面有 ba̍t-ba̍t ê 雲霧，雖然明明知遮蓋難得行，卻亦會得thang進前。 |
|
Lī-su-tē hiān-chāi só͘ tú-tio̍h ê kéng-hóng, chiū- sī chit ê khoán-sit. I ji̍p-khì hit tiâu ê lō͘-chām, chiū sim-koaⁿ kiaⁿ-hiâⁿ tám-hân, siū-khí Tok-hui tú-á teh kóng ê ōe, chiū pek-chhiat teh khún-kiû Chú kóng, “Chú Iâ-so͘ lí tio̍h pang-chān góa, hō͘ góa chiong góa chi̍t-sì-lâng ê sî-ji̍t lóng hiàn hō͘ lí, iū-koh thò-thò-tòng-tòng lâi ho̍k-sāi Tok-hui sī sim só͘ goān.”
|
Lī-su-tē 現在所著 ê 景況，就是這個款式。伊入去hit條 ê 路站， 就心肝驚惶膽寒，想起Tok-hui抵抵teh 講 ê 話，就迫切 teh 懇求主講：「主耶穌你著幫贊我，hō͘ 我將我一世人 ê 時日攏獻hō͘ 你，又koh 妥妥當當來服事Tok-hui 是心所願。」 |
|
Kî-tó liáu, sim-lāi chai ū tām-po̍h pêng-an, chiū khì khùn.
|
祈禱了，心內知有淡薄平安，就去睏。 |
|
Tē-jī-ji̍t chá-khí kàu Tok-hui bīn-chêng liû sim teh khòaⁿ i; khòaⁿ-kìⁿ pí chêng ji̍t koh-khah loán- jio̍k, chiū m̄ káⁿ lī-khui i ; nā-sī hiān-sî to̍k-to̍k chhun kúi ê chîⁿ nā-tiāⁿ, khòaⁿ Tok-hui ū ì-sù ài kiò i chhut-khì choān khîm, só͘-í Lī-su-tē sim-lāi siong-pi, sûi-sî chiū khì-kiâⁿ; siūⁿ beh khì siâⁿ-gōa chhōe Thài-thài kap Bí-lī kóng-khí Tok-hui pīⁿ- tāng ê chêng-hêng. Hoān-nā lâng ū kan-lân ê tāi-chià tek-khak siūⁿ-tio̍h pêng-ji̍t-lîn-bín thiàⁿ- thàng i ê lâng kap i kóng-kóng leh.
|
第二日早起到Tok-hui 面前留心teh 看伊；看見比前日koh較軟弱，就m̄敢離開伊；若是現時獨獨偆幾個錢nā-tiāⁿ，看Tok-hui 有意思ài叫伊出去轉琴，所在 Lī-su-tē 心內傷悲，隨時就去行；想beh去城外 chhōe 太太佮 Bí-lī 講起 Tok-hui 病重ê 情形。凡若人有艱難 ê 事誌的確想著平日憐憫疼痛伊 ê 人佮伊講講 leh。 |
|
Lī-su-tē kàu hoe-hn̂g ê the̍h-á, pe̍h-hoe lóng bô lah, sè-sè ê âng-hoe khui-khí put-chí hó khòaⁿ; i lóng bô khòaⁿ-chāi sim, ti̍t-ti̍t khòaⁿ tùi lâu-téng- khì, khòaⁿ Bí-lī ko͘-niû ū tī-hia á-bô, niá chai hit só͘-chāi bô pòaⁿ-lâng, i chiū choān An-lo̍k-ke ê khek-tiāu. Bí-lī chi̍t-ē thiaⁿ-kìⁿ khîm-siaⁿ, chiū kín-kín chhut-lâi, cháu kàu bīn-chêng. Lī-su-tē khòaⁿ i-ê bīn-māu, sī chhin-chhiūⁿ tú-tú háu-liáu ê khoán-sit. Bí-lī kóng, "Choān khîm ê gín-natek2-khak m̄-thang choān lah, góa lāu-bó ū pīⁿ tó tī bîn-chhn̂g, chi̍t-ē thiaⁿ-kìⁿ hiáng ê siaⁿ thâu- khak chiū thàng-thiàⁿ."
|
Lī-su-tē 到花園 ê 宅仔，白花攏無lah，細細 ê 紅花開起不止好看；伊攏無看在心，直直看對樓頂去，看Bí-lī 姑娘有tī-hia 抑無，niá知hit所在無半人，伊就轉安樂街 ê曲調。Bí-lī 一下聽見琴聲，就緊緊出來，走到面前。Lī-su-tē 看伊 ê面貌，是親像抵抵哮了 ê 款式。Bí-lī 講：「轉琴 ê 囡仔的確 m̄-thang 轉 lah，我老母有病倒tī 眠床，一個聽見響ê 聲頭殼就疼痛。」 |
|
Lī-su-tē kóaⁿ-kín chiong khîm pàng-soah--khì, chhun chi̍t-ê bóe-siaⁿ chhin-chhiūⁿ ū thó͘-khùi ê siaⁿ-im.
|
Lī-su-tē 趕緊將琴放煞--去，偆一個尾聲親像有吐氣 ê 聲音。 |
|
Lī-su-tē kóng, "Góa thiaⁿ-kìⁿ che, thè lí iu-būn."
|
Lī-su-tē 講：「我聽見che，替你憂悶。」 |
|
Bí-lī kap i khiā chò-hóe bô kóng sím-mi̍h. Lī-su-tē khòaⁿ-kìⁿ khó-liân i, chiū mn̄g kóng, "Thài-thài ê pīⁿ sī khin á-sī tāng." Bí-lī kóng, "Kiaⁿ-liáu sī siong-tiōng, khòaⁿ góa ' lāu-pē ê khoán-sit sī put-chí iu-chhiû, lāu-pô m̄ hō͘ goán chhit-thô, i tùi chú-chia̍h--ê kóng, góa ê lāu-bó bē hó lah." Kóng-tio̍h chiū thó͘-khùi háu chi̍t siaⁿ.
|
Bí-lī 佮伊企做夥無講啥物。Lī-su-tē 看見可憐伊，就問講：「太太 ê 病是輕抑是重？」Bí-lī 講：「聽了是傷重，看我老爸 ê 款式是不止憂愁，老婆 m̄ hō͘ 阮chhit-thô，伊對煮食--ê 講，我ê老母bē好--lah。」講著就吐氣哮一聲。 |
|
Lī-su-tē kóng, "Chin-chiàⁿ khó-liân ah! sió ko͘- niû m̄-thang háu kàu án-ni;" liân-liân kóng nn̄g kù. Ba̍k-chiu khòaⁿ Bí-lī bô tiuⁿ-tî ia̍h lâu-ba̍k-sái chhut--lâi ti̍h tī i-ê chhiú-tó͘. Bí-lī kia̍h-thâu kóng, "Góa phah-sǹg bó-chhin ài kàu An-lo̍k-ke, góa ia̍h ài kap i khì."
|
Lī-su-tē 講：「真正可憐 ah！小姑娘 m̄-thang 哮到án-ni；」連連講兩句。目珠看Bí-lī無張持亦流目屎出--來滴 tī伊 ê手tó͘。Bí-lī 舉頭講：「我打算母親ài到安樂街，我亦愛佮伊去。」 |
|
Lī-su-tē kóng, "Góa ia̍h ū chit ê ì-sù, ài khoài- khoài khì lah, kiaⁿ-liáu thèng-hāu put-chí kú, thiⁿ- n̍i̍h ê mn̂g chiah kā góa khui." Kóng-liáu lāu-pê lâi kiò Bí-lī ji̍p-khì, Lī-su-tē bô ì bô sù ia̍h tò-khì. I khòaⁿ sè-kan ê kong 68 kéng, hóng-hut lóng sī khó͘-lān, bô chi̍t-tiám-á an-lo̍k. Hiān-chāi téng-bīn lâm-sek ê thiⁿ hō͘ o͘- hûn jia-lia-khì, hoe-ba̍k chháu-á khui kàu chhiⁿ- chhiⁿ-chhioh-chhioh, ia̍h hō͘ kông-hong chhoe siā- khì, ná-khòaⁿ ná-kiâⁿ lóng m̄ an-sim, ē hō͘ lâng iu-thâu khó͘-bīn; siūⁿ-liáu hóng-hut chhin-chhiūⁿ Chú bē-kì-tit in ê khoán-sit. I ê sè-hàn pêng-iú Bí-lī ke-lāi ia̍h gū-tio̍h kan-khó͘ hoān-lān ê sū, só͘- í lóng bô tit-tio̍h sím-mi̍h an-ùi chì-hó tò-khì, bān- bān peh-chiūn koân ê lâu-thui, kàu tī mn̂g-gōa thiaⁿ-kìⁿ sī Úi sian-siⁿ teh tha̍k-chheh hō͘ Tok- hui thiaⁿ.
|
Lī-su-tē 講：「我亦有這個意思，ài快快去 lah，聽了聽候不止久，天n̍i̍h ê 門 chiah kā 我開。」 講了老婆來叫 Bí-lī 入去，Lī-su-tē 無意無思亦倒--去。伊看世間 ê 光景，彷彿攏是苦難，無一點仔安樂。現在頂面藍色 ê 天hō͘黑雲遮lia去，花木草仔開到青青chhioh-chhioh，亦 hō͘ 狂風吹謝去，那看那行攏m̄ 安心，會hō͘ 人憂頭苦面；想了彷彿親像主bē記得 in ê 款式。伊 ê 細漢朋友Bí-lī 街內亦遇著艱苦犯難 ê 事，所以攏無得著啥物安慰chì好倒--去，慢慢peh上懸 ê 樓梯，到tī 門外聽見是Úi--先生 teh 讀書hō͘ Tok-hui 聽。 |
|
Tok-hui tī bîn-chhn̂g-téng teh chē, bīn-sek put- chí an-jiân, choan-sim teh thiaⁿ chhin-chhiūⁿ chhùi- ta ê lâng it-tio̍h lim ê khoán-sit. Lī-su-tē ji̍p-khì sian-siⁿ tha̍k chi̍t-chat chheh kóng, "Góa hō͘ lín pêng-an, chiū-sī chiong góa ê pêng-an lâi siúⁿ-sù lín; góa só͘ siúⁿ-sù; lín ê sim-koaⁿ m̄-bián iu-būn, ia̍h m̄-bián kiaⁿ-hiâⁿ."(Iok-hān14:27)
|
Tok-hui tī 眠床頂 teh 坐，面色不止安然，全心teh 聽親像嘴礁 ê 人憶著lim ê 款式。Lī-su-tē 入去先生讀一節冊講：「我hō͘ lín平安，就是將我ê 平安來賞賜lín；我所賞賜；lín ê 心肝m̄免憂悶，亦 m̄免驚惶。」(約翰14:27) |
|
Sian-siⁿ tùi Tok-hui kóng, " Chit-chat chheh chhin-chhiūⁿ tiâu-tî ūi-tio̍h lín lâi siá--ê." Tok-hui kóng, "Chin-chiàⁿ sī án-ni, ia̍h chhin- chhiūⁿ in-ūi Lī-su-tē lâi siá--ê, Lī-su-tē chím-má ê sim put-chí kip."
|
先生對 Tok-hui 講：「 這節冊親像刁持為著lín 來寫--ê。」 Tok-hui 講：「真正是 án-ni，亦親像因為Lī-su-tē 來寫--ê， Lī-su-tē chím-má ê 心不止急。」 |
|
Sian-siⁿ tah i-ê keng-kah-thâu kóng, “ Lí in-ūi sím-mi̍h tāi-chì iu-būn?”
|
先生tah 伊ê 肩胛頭講：「你因為啥物事誌憂悶？」 |
|
Lī-su-tē kóng, bē-tit chhut-lâi, hoan-sin khì tó tī Tok-hui ê bîn-chhn̂g tōa siaⁿ háu-khí--lâi.
|
Lī-su-tē 講，bē得出來，翻身去倒tī Tok-hui ê 眠床大聲哮起--來。 |
|
Sian-siⁿ móa-sim thé-thiap i, kap i kūi-teh kóng, “Lī-su-tē ah, góa kap lí saⁿ-tâng kàu Chú ê bīn- chêng chiong lí ê kan-lân kā Chú kóng.”
|
先生滿心體貼伊，佮伊跪teh 講：「Lī-su-tē--ah，我佮你相同到主ê 面-前將你ê 艱難kā 主講。」 |
|
Sian-siⁿ chiū ēng chhián-chhián ê ōe kóng, “Kiû Chú khòaⁿ-kò͘ ko͘-toaⁿ ê gín-ná, an-ùi i , pó-hō͘ i, hō͘ i sim-lāi chai tit-tio̍h ū chi̍t ūi, éng-oán bē lī- khui i ê pêng-iú.”
|
先生就用淺淺 ê 話講：「求主看顧孤單 ê 囡仔，安慰伊、保護伊，hō͘ 伊心內知得著有一位，永遠bē 離開伊 ê 朋友。」 |
|
Sian-siⁿ tò-khì, Tok-hui chiū khùn-khì. Lī-su- tē hóng-hut thiaⁿ-kìⁿ kóng, Lí sim-lāi m̄ sái iu- būn sím-mi̍h.”
|
先生倒--去，Tok-hui 就睏去。Lī-su-tē 彷彿聽見講：「你心內m̄ sái 憂悶啥物。」 |
|
I chiū pêng-pêng an-an teh khùn; kòe chi̍t-sî-á thiaⁿ-kìⁿ lāu-peh ê siaⁿ kiò i chhíⁿ. Lī-su-tē chiū kín-kín khí--lâi, Tok-hui kóng, “Kū khîm tī tó- ūi ?” Lī-su-tē kóng, “Hó-hó hē tī chia lah.” Tok-hui kóng, “Lí kā góa choān An-lo̍k-ke ê khek-tiāu.”
|
伊就平平安安teh 睏；過一時仔聽見老伯 ê 聲叫伊醒。Lī-su-tē 就緊緊起--來，Tok-hui 講：「舊琴 tī 佗位 ？」Lī-su-tē 講：「好好hē tī chia lah。」Tok-hui 講：「你kā 我轉安樂街 ê 曲調。」 |
|
Lī-su-tē kóng, “Saⁿ kiⁿ pòaⁿ-mî choān khîm hō͘ lâng kî-koài.”
|
Lī-su-tē 講：「三更半瞑轉琴 hō͘ 人奇怪。」 |
|
Tok-hui bô ìn i; Lī-su-tē tiám-teng kàu i bīn- chêng khòaⁿ i-ê bīn-iông, khòaⁿ i ba̍k-chiu kheh- kheh, bīn lóng piàn-sek chhin-chhiūⁿ ngó͘-hêng teh thoat. Lī-su-tē hiòng-lâi m̄ bat khòaⁿ-kìⁿ chit-ê iūⁿ, m̄ chai beh àn-cháiⁿ-iūⁿ leh; chiū tùi thang- á-mn̂g-lāi teh khòaⁿ chhut-khì, móa thiⁿ o͘-àm, to̍k-to̍k ū chi̍t-lia̍p kng ê chhiⁿ, hóng-hut ū koh thiaⁿ-kìⁿ kóng, “Lí sim-lāi m̄ sái iu-būn,” chiū ìn i chi̍t-siaⁿ kóng, “Góa só͘-thiàⁿ ê Chú kiû lí pang- chān góa.”
|
Tok-hui無應伊； Lī-su-tē 點燈到伊面前看伊 ê面容，看伊目珠kheh- kheh，面攏變色親像 ngó͘-hêng teh 脫。Lī-su-tē 向來 m̄ bat 看見這 個樣，m̄知beh àn- cháiⁿ-iūⁿ leh；就對窗仔門內teh看出去，滿天黑暗，獨獨有一粒光 ê 星，彷彿有koh 聽見講：「你心內m̄ sái 憂悶，」就應伊一聲講：「我所疼ê 主求你幫贊我。」 |
|
I hoan-sim lâi kàu bîn-chhn̂g-piⁿ, Tok-hui koh kóng, “Khoài-khoài choān khîm.”
|
伊翻身來到眠床邊，Tok-hui koh講：「快快轉琴。」 |
|
Lī-su-tē bô koh-chài giâu-gî, chiū the̍h khîm kòe-lâi, tiàm tī o͘-àm ê lâu-téng, bān-bān teh choān An-lo̍k-ke ê khek-tiāu. Choān ê sî-chūn Tok-hui thí-khui ba̍k-chiu, kóaⁿ-kín thiaⁿ kàu chit- ê khek-tiāu bêng-pe̍k, chiū kiò Lí-su-tē kàu i bīn- chêng kìⁿ-tio̍h sè-á-siaⁿ kā kóng, “Hit ê mn̂g hiān- sî khui-teh, góa beh ji̍p-khì lah, lí koh-chài choān chi̍t-ē.”
|
Lī-su-tē無koh再 giâu疑，就提琴過來，tiàm tī 黑暗 ê 樓頂，慢慢teh 轉安樂街 ê 曲調。轉 ê 時陣 Tok-hui thí開目珠，趕緊聽到這個曲調明白，就叫Lí-su-tē 到伊面前見著細仔聲kā講：「Hit 個門現時開teh，我beh 入去--lah，你koh再轉一個。」 |
|
Hit-saⁿ-tè ê khek-tiāu ēng tī lâng beh sí ê sî bô ha̍p-sit. Lī-su-tē bô hoat-tō͘, kan-ta chi̍t-tè chi̍t-tè choān kòe-khì. Tok-hui lóng bô koán i, sè-á-siaⁿ kóng, “Kiû Chú sé góa, hō͘ góa pí seh khah pe̍h.” Lī-su-tē tē jī pái choān kàu An-lo̍k- ke ê khek-tiāu, tú-tú hit-tia̍p Tok-hui chiū ji̍p-khì siâⁿ-mn̂g-lāi kàu i-ê ke, chiū-sī An-lo̍k-ke.
|
Hit三塊 ê 曲調用 tī 人 beh死ê時無 ha̍p-sit。Lī-su-tē無法度， kan-ta 一塊一塊轉過去。Tok-hui 攏無管伊，細仔聲講：「求主洗我，hō͘ 我比雪較白。」Lī-su-tē 第2擺轉到安樂街 ê 曲調，抵抵 hit-tia̍p Tok-hui 就入去城門內到伊 ê 街，就是安樂街。 |
|
Lī-su-tē chi̍t ê lâng tiàm tī mn̂g-gōa, pi-siong tōa khàu.
|
Lī-su-tē 一個人tiàm tī 門外，悲傷大哭。 |
