An-lo̍k ke_07
|
安樂街_07 |
|---|---|
| Bô chù-bêng | 無注明 |
|
Tē chhit Chiuⁿ
|
第七章 |
|
Tē-jī-ji̍t thàu-chá, Lī-su-tē cheng-sîn, sim-lāi put-chí an-jiân, ē-kì-tit chā-hng só͘ kiû ê , ia̍h chhim-sìn Chú í-keng ín lah; koh ēng pó-hoeh sé-khì i lóng-chóng ê chōe. To̍k-to̍k Tok-hui sim-lāi bô chit-ê khoán-sit, koh gî-ngái kiaⁿ-hiâⁿ khí-lâi, ka-tī teh siūⁿ, chiông-chêng chò lōa-chē chōe, hóng-hut chhin-chhiūⁿ khǹg tī sim-lāi, kiaⁿ thiⁿ-mn̂g iáu koaiⁿ-teh; tùi Lī-su-tē kóng, "Góa ū tām-po̍h m̄ pàng-sim."
|
第2日透早，Lī-su-tē 精神，心內不止安然，會記得chā-hng所求--ê，亦深信主已經允lah；koh用寶血洗去伊攏總 ê 罪。獨獨Tok-hui 心內無這個款式，koh 疑礙驚惶起來，家己teh想，從前做偌濟罪，彷彿親像囥 tī 心內，驚天門iáu關teh；對Lī-su-tē 講：「我有淡薄 m̄放心。」 |
|
Lī-su-tē kóng, "Siáⁿ-sū m̄ pàng-sim?"
|
Lī-su-tē 講：「啥事m̄放心？」 |
|
Tok-hui kóng, "Chiàu góa khòaⁿ sià-chōe bô ún-tàng, bô kàu hiah khoài; góa iáu kú chai móa- sim sī chōe."
|
Tok-hui 講：「照我看赦罪無穩當，無到hiah 快；我iáu kú知滿心是罪。」 |
|
Lī-su-tē kóng, "Lí kiám m̄-sī kiû Iâ-so͘ sé-khì lí ê chōe mah?"
|
Lī-su-tē 講：「你敢m̄是求耶穌洗去你ê 罪mah？」 |
|
Ìn-kóng, "Ū, kiû liáu lah."
|
應講：「有，求了lah。」 |
|
Chit-chi̍t-sî thiaⁿ Tok-hui ê siaⁿ-im, oán-jiân chhin-chhiūⁿ sī bô chi̍t-tiám-á ê ǹg-bāng, Lī-su-tē kóng, "Iâ-so͘ kiám m̄-sī kóng, lí nā kiû i, i tek- khak ín mah?"
|
這一時聽Tok-hui ê 聲音，宛然親像是無一點仔 ê 向望，Lī-su-tē 講：「耶穌敢 m̄是講，你若求伊，伊的確允mah？」 |
|
Tok-hui kóng, "Góa ē-kì-tit lí sī án-ni kā góa kóng."
|
Tok-hui講：「我會記得你是án-ni kā 我講。」 |
|
Lī-su-tē kóng, "Nā-sī án-ni, lán tāi-ke ê chōe i tiāⁿ-tio̍h chhat-siau."
|
Lī-su-tē 講：「若是án-ni，咱大家 ê 罪伊 tiāⁿ著擦消。」 |
|
Tok-hui kóng, "Góa bē-kì-tit, sim-lāi iáu-kú m̄ an-ún, góa bē-hiáu-tit góa ê chōe í-keng sià-bián lah."
|
Tok-hui講：「我bē記得，心內iáu-kú m̄ 安穩，我bē曉得我ê 罪已經赦免 lah。」 |
|
Chiàu án-ni lâi siūⁿ, Lī-su-tē chhin-chhiūⁿ tiàm tī kng ê só͘-chāi; Tok-hui sī chhin-chhiūⁿ tī àm ê só͘-chāi; ū-sî ū tām-po̍h ǹg-bāng, ū-sî giâu- gî kiaⁿ-hiâⁿ, bô sî-sî khek-khek choan-sim teh óa- khò Chú.
|
照án-ni 來想，Lī-su-tē 親像tiàm tī 光ê 所在；Tok-hui是親像tī 暗ê 所在；有時有淡薄向望，有時giâu疑驚惶，無時時刻刻全心teh 倚靠主。 |
|
Chit lé-pài ê tiong-kan, Lī-su-tē chhut siâⁿ kàu ū hoe-hn̂g ê the̍h-á, tú-tú kàu lî-pa mn̂g-kháu, Bí-lī kap i-ê lāu-bó chhut--lâi; Bí-lī khòaⁿ-kìⁿ khîm, chiū cháu kàu hit-ê gín-ná bīn-chêng, kiò in lāu-bó tāi-seng kiâⁿ, thèng-hāu i choān la̍k-ê khîm chiah kiâⁿ.
|
這禮拜 ê中間，Lī-su-tē 出城到有花園 ê 宅仔，抵抵到籬笆門口，Bí-lī 佮伊ê老母出--來；Bí-lī 看見琴，就走到hit個囡仔面前，叫 in 老母第先行，聽候伊轉6個琴才行。 |
|
Thài-thài kap Lī-su-tē kóng chi̍t-sî-á ê ōe; Lī-su-tē kā i kóng, Tok-hui teh-beh sí lah. Chit-ê thài-thài teh lâu-ba̍k-sái, mn̄g kóng, "Tok-hui khiā-khí tī sím-mi̍h só͘-chāi?"
|
太太佮 Lī-su-tē 講一時仔 ê 話；Lī- su-tē kā 伊講，Tok-hui teh beh死lah。這個太太teh流目屎，問講：「Tok-hui 企起 tī 啥物所在？」 |
|
Lī-su-tē chiū chiong i teh khiā ê só͘-chāi kóng- bêng. Bí-lī tùi in lāu-bô kóng, "Án niâ, góa ài kap lí kóng kúi-kù àm-chiⁿ ê ōe." I-ê lāu-bó thìm-thâu ìn i kóng, "Hó lah."
|
Lī-su-tē 就將伊 teh企 ê 所在講明。Bí-lī 對in老母講：「阿娘，我ài 佮你講幾句暗靜ê 話。」伊ê老母 thìm頭應伊講：「好--lah。」 |
|
Bí-lī chiū cháu-ji̍p chhù-lāi, thêng chi̍t-sî-á kú koh cháu--chhut-lâi, chhiú--n̍i̍h kia̍h chi̍t-ki hó ê hoe, hoe-lúi sī soat-pe̍h, hoe-hio̍h sī le̍k-le̍k. Bí- lī the̍h hō͘ Lī-su-tē kóng, "Che sī góa ê î-á hō͘ góa-ê, lí the̍h khì sàng lāu Tok-hui, khòaⁿ i hoaⁿ-hí á-bô." Lī-su-tē kóng, "I tek-khak hoaⁿ-hí."
|
Bí-lī 就走入厝內，停一時仔久 koh 走--出來，手--n̍i̍h 舉一枝好ê 花，花蕊是雪白，花葉是綠綠。Bí- lī 提hō͘ Lī-su-tē 講：「Che是我ê 姨仔 hō͘ 我ê，你提去送老Tok-hui，看伊歡喜抑無。」 |
|
Lī-su-tē kóng: “I tek-khak hoaⁿ-hí.”
|
Lī-su-tē 講：「伊的確歡喜。」 |
|
Hit-ê ko͘-niû ê lāu-bó tùi Bí-lī kóng, "Lí ē-kì- tit góa kā lí kóng, nā khòaⁿ-kìⁿ chit-ê hoe, chiū tio̍h oa̍t-liām kî-tó-bûn, lí chiong che kà Lī-su-tē."
|
Hit個姑娘 ê老母對Bí-lī 講：「你會記得我kā 你講，若看見這個花，就著閱念祈禱文，你將che 教Lī-su-tē。」 |
|
Bí-lī kóng, "Góa ē-kì-tit, ia̍h ē kà i." Chiū tùi Lī-su-tē kóng, "Kiû Chú sé góa, hō͘ góa pe̍h seh khah pe̍h."
|
Bí-lī 講：「我會記得，亦會教伊。」就對 Lī-su-tē 講：「求主洗我，hō͘ 我白雪較白。」 |
|
Lī-su-tē thiaⁿ-kìⁿ chit kúi-kù-ōe, kia̍h-khí-thâu lah, sim-koaⁿ teh siū chiàⁿ-chiàⁿ kap lé-pài-tn̂g lāi só͘ thiaⁿ-kìⁿ ê ōe sio-tâng. Thài-thài mn̄g Lī-su-tē kóng, "Lí khéng ēng che ōe kî-tó mah?"
|
Lī-su-tē 聽見這幾句話，舉起頭 lah，心肝teh 受正正佮禮拜堂內 所聽見ê 話相同。太太問Lī-su-tē 講：「你肯用che 話祈禱mah？」 |
|
I kóng, "Khéng lah ; chit-ê ōe-ì tú-tú chhin- chhiūⁿ chā-ji̍t kap Tok-hui só͘ ēng ê kî-tó-bûn siāng chi̍t-iūⁿ." I chiū sòa liām nn̄g kù si kóng:
|
伊講：「肯lah；這個話意抵抵親像chā日佮Tok-hui所用ê 祈禱文像一樣。」伊就續念2句詩講， |
|
Chheng-khì góa pháiⁿ-sim, Chheng-khì góa pháiⁿ-sim, Só͘ kiâⁿ lóng bô khiàm-khoeh. |
清氣我歹心， 清氣我歹心， 所行攏無欠缺。 |
|
Thài-thài thiaⁿ-kìⁿ, bīn tài-chhiò-iông ê khoán- sit kóng, "Lí kì-jiân chai sé-chheng ê hoat-tō͘, sī put-chí hó; góa khòaⁿ-kìⁿ chit-ê pe̍h-pe̍h ê hoe, chiū siū-tio̍h hō͘ Iâ-so͘ ê pó-hoeh sé-chheng sim- koaⁿ lah."
|
太太聽見，面帶笑容 ê 款式講：「你既然知洗清 ê 法度，是不止好；我看見這個白白 ê花，就受著hō͘ 耶穌ê 寶血洗清心肝lah。」 |
|
Thài-thài kóng-liáu chiū kap Bí-lī kiâⁿ--khì; Lī-su-tē teh khòaⁿ chit-ê hoe. Chiông-chêng pún-jiân sī ài chit-ê pe̍h hoe, kàu kin-á-ji̍t thiaⁿ- kìⁿ chiah-ê ōe, koh-khah ka-pōe ì-ài; ài thàn chhiⁿ-chhiⁿ hō͘ Tok-hui; chiū kóaⁿ-kín cháu tò- khì, kiaⁿ-liáu tī lō͘--n̍i̍h lian--khì. Nā gū-tio̍h gín-ná ài kā i thó chit-ê hoe, i lóng bô beh chhap i; kàu lâu-téng khui mn̂g, khòaⁿ-kìⁿ ū lâng kap Tok-hui tī-hia teh kóng-ōe, goân-lâi sī thoân-tō ê sian-siⁿ, kap i siông-sè pek-chhiat kóng-khí tō-lí.
|
太太講了就佮 Bí-lī 行--去； Lī-su-tē teh 看這個花。從前本然是愛這個白花，到今仔日聽見chiah-ê 話，koh較加倍意愛；愛趁生生 hō͘ Tok-hui；就趕緊走倒--去，聽了tī 路--ni̍h lian--去。若遇著囡仔愛kā 伊討這個花，伊攏無beh chhap 伊；到樓頂開門，看見有人佮 Tok-hui tī-hia teh講話，原來是傳道 ê 先生，佮伊詳細迫切講起道理。 |
|
Sian-siⁿ khòaⁿ-kìⁿ Lī-su-tē tò lâi,ōe chiū thêng, mn̄g i hó mah. Koh tùi Tok-hui kóng, Iâ-so͘ àn-cháiⁿ-iūⁿ thè lâng siū sí, àn-cháiⁿ-iūⁿ sé-khì lâng ê chōe.”
|
先生看見Lī-su-tē倒--來，話就停，問伊好mah。Koh對Tok-hui講：「耶穌 àn- cháiⁿ-iūⁿ替人受死？àn- cháiⁿ-iūⁿ洗去人 ê 罪？ 」 |
|
Tok-hui kóng, "Góa iáu-bōe chai góa ê chōe sià-bián, sim-lāi hô͘-hô͘ hūn-hūn, bô tit-tio̍h pêng-an."
|
Tok-hui 講：「我iáu-bōe知我ê 罪赦免，心內hô͘-hô͘ hūn-hūn，無得著平安。」 |
|
Sian-siⁿ kóng, "An-chái-iūⁿ lí siūⁿ góa khéng kā lí kóng pe̍h-chha̍t mah?"
|
先生講：「an- chai-iu°你想我肯 kā 你講白賊 mah？」 |
|
Tok-hui kóng, "Góa chai lí bô án-ni, góa kap lí sui-jiân m̄ sio-bat, iáu-kú khòaⁿ lí ê bīn-māu, khiok ē-hiáu-tit lí sī sêng-si̍t ê lâng."
|
Tok-hui 講：「我知你無 án-ni，我佮你雖然m̄ 相bat，iáu-kú 看你ê 面貌，卻會曉得你是誠實 ê 人。」 |
|
Sian-siⁿ tùi chîⁿ-tē-á-lāi the̍h-chhut chi̍t-ê gîn ài-beh hō͘ Tok-hui, kóng, "Lí hiān-chāi bē-ē thàn chîⁿ, chit-ê hō͘ lí khì bé khiàm-ēng ê mi̍h."
|
先生對錢袋仔內提出一個銀 ài-beh hō͘ Tok-hui，講：「你現在bē會趁錢，這個hō͘ 你去買欠用 ê 物。」 |
|
Tok-hui tī teh lâu-ba̍k-sái kóng, "Put-chí kám- siā; hiān-chāi góa kap Lī-su-tē si̍t-chāi oh-tit-kòe."
|
Tok-hui tī teh流目屎講：「不止感謝；現在我佮 Lī-su-tē 實在oh得過。」 |
|
Sian-siⁿ kóng, "Chîⁿ iáu-bōe sǹg sī lí ê, lí seng the̍h-khì." Tok-hui chhun-chhiú kiok-kiong koh kám-siā, i chiah kā i the̍h-lâi.
|
先生講：「錢 iáu-bōe 算是你ê，你先提去。」Tok-hui 偆手鞠躬 koh 感謝，伊chiah kā 伊提來。 |
|
Sian-siⁿ kóng, "Lí ū the̍h--tio̍h á-bô?" Tok- hui kóng, "Tī góa chhiú-lāi." Sian-siⁿ koh mn̄g chi̍t-piàn kóng, "Lí tek-khak chai ū tit-tio̍h mah?"
|
先生講：「你有提著抑無？」Tok- hui 講：「Tī 我手內。」先生 koh 問一遍講：「你的確知有得著mah？」 |
|
Tok-hui kóng, "Góa chai tit-tio̍h lah, nā-sī m̄ chai lí sī sím-mi̍h ì-sù."
|
Tok-hui 講：「我知得著 lah，若是 m̄ 知你是啥物意思？」 |
|
Sian-siⁿ kóng, "Thang thiàⁿ ê Iâ-so͘, i lâi kàu chit-ê só͘-chāi, chiong só͘ ài siúⁿ-sù-ê hō͘ lí, chhin- chhiūⁿ góa hō͘ lí chit-ê gîn; i só͘ siúⁿ-sù ê kè-chîⁿ sī chin kùi-ê; i ê kè-chîⁿ só͘ tiōng-ta̍t ê, chiū-sī i-ê sèⁿ-miā; i lâi kàu chit só͘-chāi kóng, "Tok-hui ah, lí kam-goān óa-khò góa á m̄?" Chiong góa só͘ kóng ê ōe ū lia̍h-chò láu-si̍t á-bô?" I só͘ ài hō͘ lí-ê, í-keng the̍h-chhut, hoan-hù lí eng-kai tio̍h chiap-la̍p siū--khì, che sī lí só͘ eng-kai tit-ê. Chhin- chhiūⁿ án-ni, lí tio̍h àn-cháiⁿ-iūⁿ leh? Tú-á lí the̍h góa só͘ hō͘ lí-ê ia̍h sī án-ni; lí m̄-sái siū kan- khó͘, m̄-sái thèng-hāu, chhun-chhiú chiū the̍h--kòe-khì. Lí chai Chú ài siúⁿ-sù lí-ê sím-mi̍h?”
|
先生講：「Thang疼ê 耶穌，伊來到這個所在，將所愛賞賜-ê hō͘ 你，親 像我hō͘ 你這個銀；伊所賞賜 ê 價錢是真貴ê；伊 ê 價錢所重值 ê，就是伊 ê 性命；伊來到這所在講：「Tok-hui--ah，你甘願倚靠我抑 m̄?將我所講 ê 話有亦做老實抑無？伊所愛hō͘ 你ê，已經提出，吩咐你應該著接納受--去，che是你所應該得--ê。親像 án-ni，你著àn- cháiⁿ-iūⁿleh？抵抵你提我所hō͘--你--ê亦是án-ni；你m̄-sái 受艱苦，m̄-sái 聽候，偆手就提--過去。Lí知主愛賞賜你ê 啥物？」 |
|
Tok-hui bô ìn-tap. Sian-siⁿ kóng, “Chiū-sī sià- chōe ê in, chheng-khì ê sim sī lí ǹg-bāng ē tit- tio̍h mah? Ia̍h sī lí só͘ kiû kàu An-lo̍k-ke ê lō͘- thâu; lí khéng chiap-la̍p á m̄-khéng?”
|
Tok-hui無應答。先生講：「就是赦罪 ê 恩，清氣ê 心是你向望會得著 mah？亦是你所求到安樂街ê 路頭；你肯接納抑 m̄肯？」 |
|
Tok-hui kóng, “Góa put-chí kam-goān ì-ài chiap-la̍p, nā-sī bē-hiáu-tit àn-cháiⁿ-iūⁿ tio̍h sêng- siū ê hoat-tō͘.”
|
Tok-hui 講：「我不止甘願意愛接納，若是bē曉得àn- cháiⁿ-iūⁿ著承 受ê 法度。」 |
|
Sian-siⁿ kóng, “Góa hō͘ lí chi̍t-tiám-á ê gîn, lí ū thèng-hāu teh siūⁿ sím-mi̍h hoat-tō͘ á-bô?”
|
先生講：「我hō͘ 你一點仔 ê 銀，你有聽候 teh 想啥法度抑無？」 |
|
Tok-hui kóng, “Bô thèng-hāu, the̍h kòe-lâi chiū-sī.”
|
Tok-hui 講：「無聽候，提過來就是。」 |
|
Sian-siⁿ kóng, “Lí chiap-la̍p Chú só͘ siúⁿ-sù-ê, sim-lāi ia̍h tio̍h chit-ê khoán-sit, chhin-chhiūⁿ góa hō͘ lí gîn, hit-chi̍t-sî lí m̄ chhun-chhiú, sim-koaⁿ siūⁿ bē-chò-tit, thèng-hāu chi̍t-sî-á chiah lâi the̍h, lí phah-sǹg góa ē siū-khì á bē?”
|
先生講：「你接納主所賞賜-ê， 心內亦著這個款式，親像我 hō͘ 你銀，hit一時你m̄ 偆手，心肝想bē做得，聽候一時仔才來提，你打算我會受氣抑 bē?」 |
|
Tok-hui kóng, “Lí it-tēng m̄ hoaⁿ-hí.”
|
Tok-hui 講：「你一定m̄歡喜。」 |
|
Sian-siⁿ kóng, “Lí kap góa bô chit-ê iūⁿ, kap Chú khiok tio̍h án-ni. Chú lâi kàu chit-ê só͘- chāi, si-in kiò lí sêng-siū; siat-sú lí iân-chhiân kóng, “Góa bē-ē sìn lí só͘ ín-ê, ia̍h m̄-káⁿ khò lí ê ōe, sim-koaⁿ teh siūⁿ chit-ê siúⁿ-sù m̄-sī beh hō͘ góa-ê, hiān chāi góa m̄-káⁿ chiap-la̍p, kiám ū chit-ê chêng-lí mah?”
|
先生講：「你佮我無這個樣，佮主卻著án-ni。主來到這個所在，施恩叫你承受；設使你iân-chhiân 講：「我bē-ē 信你所允ê，亦m̄敢靠你ê 話，心肝 teh 想這個賞賜 m̄是beh hō͘ 我ê，現在我m̄敢接納，敢有這個情理mah？」 |
|
Sian-siⁿ koh pek-chhiat kóng, “Lí sìn-thàn bâng-ho̍k góa, àn-cháiⁿ-iūⁿ m̄ sìn-thàn hâng-ho̍k Chú Iâ-so͘ mah?”
|
先生koh迫切講：「你信趁降服我，àn- cháiⁿ-iūⁿ m̄ 信趁降服主耶穌 mah？」 |
|
Tok-hui bô ōe thang ìn, to̍k-to̍k lâu-ba̍k-sái. Sian-siⁿ kóng, “Koh mn̄g lí chi̍t-kù-ōe, lí hiān-sî taⁿ khéng sìn Chú á m̄-khéng?”
|
Tok-hui無話thang應，獨獨流目屎。 先生講：「Koh問你一句話，你現時今肯信主抑 m̄肯？」 |
|
Tok-hui kóng, “Góa taⁿ m̄-káⁿ m̄ sìn-thàn.”
|
Tok-hui 講：「我今m̄敢m̄ 信趁。」 |
|
Sian-siⁿ koh kóng, “Lí ē-kì-tit Iâ-so͘ chit-tia̍p tī lâu-téng kap lí, góa, put-chí kīn. Lán tāi-ke kap i kóng-ōe, i chi̍t-kù chi̍t-kù lóng thiaⁿ-kìⁿ lah, liân lán teh thó͘-khùi ê siaⁿ iah kàu i hī-khang- lāi; koh-chài lán ê sim hiòng tī tó͘-ūi, lán taⁿ m̄- sái tāi-seng kap Chú kóng siáⁿ-mi̍h, chóng-tio̍h thiaⁿ Chú tùi lán só͘ kóng ê ōe.” Chiū hian-khui Sèng-keng tha̍k nn̄g chat, teh tha̍k--ê sī Chú kóng, “Lín lóng lâi, góa kā lín kóng, lín ê chōe-ok koàn- boán, i-ê sek-tī tāng chhin-chhiūⁿ chhiah, chhim chhin-chhiūⁿ âng; góa tek-khak hō͘ i kàu chīn pe̍h chheng-khì, chhin-chhiūⁿ mî chhin-chhiūⁿ seh.(Í-sài-á 1:18)
|
先生koh 講：「你會記得耶穌這tia̍p tī 樓頂佮你，我，不止近。咱大家佮伊講話，伊一句一句攏聽見lah，連咱 teh 吐氣ê 聲iah到伊耳空內；koh再咱ê 心向tī 佗位，咱今 m̄- sái 第先佮主講啥物，總著聽主對咱所講 ê 話。」就掀開聖經讀二節，teh 讀--ê 是主講：「Lín攏來，我kā lín講，lín ê 罪惡貫滿，伊ê 色緻重親像赤，深親像紅；我的確hō͘伊到盡白清氣，親像棉親像雪。(以賽亞 1:18) |
|
“Siōng-tè ê Kiáⁿ Iâ-so͘ Ki-tok ê hoeh, tek-khak sé-khì lán tāi-ke lóng-chóng ê chōe.” (I lok. 1:7) “Tok-hui ah, lí ē sìn-thàn Chú Iâ-so͘ mah? Lí 52 lia̍h i só͘ kóng ê ōe m̄-sī si̍t-chāi mah?”
|
「上帝ê 子耶穌基督 ê血，的確洗去咱大家攏總 ê 罪。」(約翰一書。1:7) 「Tok-hui--ah，你會信趁主耶穌mah？你掠伊所講 ê 話m̄是實在 mah？」 |
|
Tok-hui kóng, “Góa chai sī si̍t-chāi.” Sian-siⁿ kóng, “Nā-sī án-ni, lán tāi-ke chiū thang kā Chú kóng.”
|
Tok-hui 講：「我知是實在。」先生講：「若是án-ni，咱大家就thang kā 主講。」 |
|
Sian-siⁿ kap Lī-su-tē kūi-lo̍h tī bîn-chhn̂g-piⁿ, Tok-hui bē-ē kūi, chiū chhiú kiok-kiong,sian-siⁿ teh kî-tó,Tok-hui ia̍h chi̍t-kù chi̍t-kù teh khún- kiû pek-chhiat tòe i teh kóng.
|
先生佮 Lī-su-tē 跪落 tī 眠床邊，Tok-hui bē會跪，就手鞠躬，先生 teh 祈禱，Tok-hui亦一句一句 teh 懇求迫切 tòe 伊teh 講。 |
|
Sian-siⁿ kóng liáu, Tok-hui iáu-kú chhiú kiok- kiong, ke-thiⁿ nn̄g-kù-ōe kóng, “Chú Iâ-so͘ ah, góa chit-tia̍p óa-khò lí lah,chiap-la̍p lí só͘ siúⁿ-sù- ê, ia̍h sìn-thàn lí ê ōe.”
|
先生講了，Tok-hui iáu-kú 手鞠躬，加添2句話講：「主耶穌--ah， 我這tia̍p倚靠你lah，接納你所賞賜 ê，亦信趁你ê 話。」 |
|
Sian-siⁿ mn̄g Tok-hui kóng, “Lī chiap-la̍p góa só͘ hō͘ lí ê, āu-lâi àn-cháiⁿ-iūⁿ?” Tok-hui kóng, “Góa kám-siā lí.”
|
先生問Tok-hui 講：「Lī 接納我 所hō͘ 你ê，後來àn- cháiⁿ-iūⁿ？」Tok-hui講：「我感謝你。」 |
|
Sian-siⁿ kóng, “Nā-sī án-ni, chit-tia̍p kiám m̄- eng-kai kám-siā Chú sià-chōe ê in mah?” Tok- hui lâu-ba̍k-sái kóng, “Góa chin-chiàⁿ sī sim goān.”
|
先生講：「若是án-ni，這tia̍p敢 m̄ 應該感謝主赦罪 ê 恩 mah？」Tok- hui 流目屎講：「我真正是心願。」 |
|
Sian-siⁿ kap Lī-su-tē koh kūi-teh, kám-siā Chú sià-bián Tok-hui ke̍k tōa ê chû-pi. Tok-hui koh- chài ke-thiⁿ nn̄g-kù kóng, “Chú ah, góa kám-siā lí, in-ūi lí sio̍k góa ê chōe; sī ēng lí ê sèⁿ-miā lâi sio̍k-ê, góa si̍t-chāi kám-siā bô kiông-chīn.”
|
先生佮 Lī-su-tē koh 跪teh，感謝主赦免Tok-hui極大 ê 慈悲。Tok-hui koh 再加添2句講：「主--ah，我感謝你，因為你贖我ê 罪；是用你ê 性命來贖ê，我實在感謝無窮盡。」 |
|
Kî-tó liáu, sian-siⁿ beh khí-kiâⁿ, koh mn̄g Tok- hui kóng, "Chhin-chhiūⁿ bîn-á-ji̍t Sat-tàn lâi chhì- thàm lí kóng, "Tok-hui ah, lí chai lí ê chōe sià-bián mah? kiaⁿ-liáu bô tek-khak, lí beh àn-cháiⁿ- iūⁿ ìn leh?"
|
祈禱了，先生beh起行，koh問Tok- hui講：「親像明仔日撒旦來試 探你講：「Tok-hui ah，你知你ê 罪赦免mah？聽了無的確，你beh按怎 樣應leh？」 |
|
Tok-hui kóng, "Ēng chit-chat-chheh ìn i kóng, "Siōng-tè ê Kiáⁿ Iâ-so͘ Ki-tok ê hoeh tek-khak sé- khì lóng-chóng ê chōe."
|
Tok-hui講：「用這節冊應伊講，上帝 ê 子耶穌基督 ê血的確洗去攏總 ê 罪。」 |
|
Sian-siⁿ kóng, "Nā-sī án-ni-siⁿ, Sat-tàn chiū bô hoat-tō͘ thang bê-he̍k lí. Chú hō͘ lí chai thang kóng lí ê chōe sià-bián, m̄-sī hō͘ lí chin-chiàⁿ bat, ē chai kap chin bat sī nn̄g iūⁿ ê khoán-sit; chhin- chhiūⁿ tú-á lí chiap góa só͘ hō͘ lí ê gîn, góa mn̄g lí bat á m̄-bat, lí bē-hiáu-tit góa ê ì-sù. Tit-tio̍h Chú ê in-tián ia̍h sī án-ni; lí in-ūi sìn, chiū ē chai ū sià-chōe ê in; nā-sī lūn-kàu lêng-hûn ē tit-tio̍h kiù, khiok put-chāi bat á m̄-bat, lí chiong sìn Chú tit-tio̍h kiù, kap khò Chú in-tián, chit nn̄g hāng ka-tī sim-lāi siūⁿ khòaⁿ-māi-teh chiū kàu-gia̍h.
|
先生講：「若是án-ni-siⁿ，撒旦就無法度thang迷惑你。主hō͘ 你知thang 講你ê 罪赦免，m̄是hō͘ 你真正bat，會知佮真bat是兩樣 ê 款式；親像抵仔你接我所hō͘ 你ê 銀，我問你bat抑m̄-bat，你bē曉得我ê 意思。得著主ê 恩典亦是án-ni；你因為信，就會知有赦罪 ê 恩；若是論到靈魂會得著救，卻不在bat抑m̄-bat，你將信主得著救，佮靠主恩典，這二項家己心內想看māi-teh 就到額。 |
|
Tok-hui kóng, "Góa í-keng chiàu chit-ê khoán- sit lâi kiâⁿ."
|
Tok-hui 講：「我已經照這個款式來行。」 |
|
Sian-siⁿ kóng, "Nā-sī án-ni, lí sī chai chōe í-keng sià-bián lah."
|
先生講：「若是án-ni，你是知罪已經赦免 lah。」 |
|
Tok-hui kóng, "Góa chit-tia̍p chai góa sī sìn- thàn óa-khò Chú."
|
Tok-hui 講：「我這tia̍p知我是信趁倚靠主。」 |
|
Sian-siⁿ kap Tok-hui kóng soah, Lī-su-tē chiong hoe the̍h hō͘ Tok-hui kóng, "Che sī Bí-lī ko͘-niû hō͘--góa-ê, kah góa nā khòaⁿ-kìⁿ chit-ê hoe, chiū teh liām i só͘ kà góa ê kî-tó-bûn kóng, "Kiû Chú sé góa, hō͘ góa pí seh khah pe̍h, chit-hō ōe."
|
先生佮 Tok-hui 講煞，Lī-su-tē 將花提hō͘ Tok-hui 講：「Che是Bí-lī 姑娘 hō͘--我-ê，kah我若看見這個花，就 teh 念伊所教我ê 祈禱文講：「求主洗我，hō͘ 我比雪較白，這號話。」 |
|
Sian-siⁿ kóng, "Pí seh khah pe̍h, che ōe kiám m̄-hó thiaⁿ mah?"
|
Sian-siⁿ 講：「比雪較白，che話敢 m̄好聽mah？」 |
|
Tok-hui khòaⁿ hoe kóng, "Sim-koaⁿ ē hō͘ Chú ê hoeh sé kàu chhin-chhiūⁿ seh ê pe̍h, che ōe chin- chiàⁿ sī hó thiaⁿ."
|
Tok-hui 看花講：「心肝會hō͘ 主ê 血洗到親像雪ê 白，che話真正是好聽。」 |
|
Sian-siⁿ lo̍h lâu-ē iáu-bōe chhut gōa-bīn, thiaⁿ- kìⁿ āu-piah ū kha-pō͘ siaⁿ,khiok sī Lī-su-tē jiok-- lâi, chhiú--n̍i̍h the̍h chi̍t-ki hoe kóng, "Chit-ê lí ài mah?"
|
先生落樓下iáu-bōe 出外面，聽見後壁有腳步聲，卻是 Lī-su-tē jiok--來，手--n̍i̍h 提一枝花講：「這個你愛mah？」 |
|
Sian-siⁿ chi̍h-kòe chhiú kóng, "To-siā lah, chit- ê hoe chin-chiàⁿ thang ài." Sian-siⁿ sòa tòa--tò-khì in tau, nā khòaⁿ chit-ê hoe, sìn ê sim chiū seⁿ chhut-lâi; in-ūi kín-á-ji̍t ū nn̄g- ê hoān-tio̍h chōe-gia̍t ê lâng, tī hit-ê chúi-chôaⁿ- lāi sé kàu pe̍h-pe̍h chhin-chhiūⁿ seh, chiū-sī lāu- lâng kap sè-hàn gín-ná sìn-thàn óa-khò Chú ê ōe, chhōe kàu êng-kng ê siâⁿ An-lo̍k-ke ê lō͘-chām. Chú hō͘ i ē-hiáu-tit só͘ kóng ê tō-lí ū èng-hāu, chin-chiàⁿ sī Chú ê tōa in-tián.
|
先生chi̍h過手講：「多謝lah，這個花真正thang愛。」 所以續 tòa--倒-去 in兜，若看這個花，信ê 心就生出來；因為今仔日有二個犯著罪孽 ê人，tī hit個水泉 內洗到白白親像雪，就是老人佮細漢囡仔信趁倚靠主ê 話，chhōe 到榮光 ê 城安樂街 ê 路站。主hō͘ 伊會曉得所講ê 道理有應效，真正是主ê 大恩典。 |
|
Tùi hit-tia̍p í-āu, sian-siⁿ ê sim-koaⁿ chiū koat- ì, bē koh-chài giâu-gî Chú só͘ iā ê chéng-chí ka- la̍uh tī khang-khang.
|
Tùi hit-tia̍p以後，先生ê 心肝就決意，bē koh再 giâu疑主所掖ê 種子 ka落 tī 空空。 |
