Pe̍h-ōe-jī ê Koa
|
白話字ê歌 |
|---|---|
| Tân Chhong-hoat | 陳聰發 |
|
Lia̍t-ūi hiaⁿ-chí. Lán chū kàu-taⁿ iáu bô Pe̍h-ōe-jī ê koa, kiám bô kám-kak tùi kà Pe̍h-ōe-jī ū khùn-lân mah? Góa chin kám-kek kè-khì ê sian-pòe kap lāu-su ê úi-tāi, m̄-nā hō͘ góa ōe hiáu Pe̍h-ōe-jī, koh hō͘ múi chi̍t ê chhin-kūn Pe̍h-ōe-jī ê lâng lóng hō͘ i kap in saⁿ-bat, tī chia ài piáu kúi-kù tùi in seh-siā.
|
列位兄姊。咱自到今iáu無白話字ê歌，kiám無感覺tùi教白話字有困難--mah？我真感激過去ê先輩kap老師ê偉大，m̄-nā hō͘我會曉白話字，koh hō͘ 每一個親近白話話字ê人攏hō͘伊kap in 相bat，tī chia ài表幾句tùi in說謝。 |
|
Góa bat siūⁿ kóng, pa̍t ê bîn-cho̍k (如日本,英國) lóng ū in ê jī-bú koa, iā chin ài phian chit ê koa, kám-kak tùi kàu-ha̍k-siōng ke chin lī-piān, iā hō͘ sòe-kiáⁿ á-sī tú-chiah lâi o̍h tha̍k ê lâng khoài kì tī náu-lāi, koh ǹg-bāng hit ê hāu-kó jú-hó. Tú-tú teh siūⁿ chit ê tāi-chì, goán ū chhōa Chú-ji̍t-o̍h ê ha̍k-seng khì Liú-goân kàu-hōe oán-chiok, khòaⁿ-kìⁿ in ū án-ni chòe, iā hit ê sêng-chek pí kè-khì ke chin ū khòaⁿ-kìⁿ chìn-pō͘, āu-lâi goán iā án-ni si̍t-ēng, kó-jiân ū iáⁿ. Taⁿ góa ài chiong tùi Liú-goân kàu-hōe só͘ o̍h hit ê koa pun hō͘ tāi-ke, ǹg-bāng tāi-ke chhì khòaⁿ-māi. Koh bô kú Chhun-kùi ha̍k-hāu iā beh kàu lah, chhiáⁿ tāi-ke ēng oán-tāi ê kè-e̍k lâi sàu-tû bûn-bông ê lâng, m̄-nā án-ni, kèng ka hō͘ khah chōe lâng lâi bat Siōng-tè ê ōe, sī góa só͘ ǹg-bāng.
|
我bat想講，別個民族 (如日本、英國) 攏有in ê字母歌，也真愛這個歌，感覺tùi 教學上加真利便，也hō͘細子抑是tú才來學讀ê人快記tī腦內，koh 向望hit個效果愈好。Tú-tú teh 想這個代誌，阮有chhōa主日學ê學生去柳原教會遠足，看見in有án-ni做，也hit個成績比過去加真有看見進步，後--來阮也án-ni實行，果然有影。今我ài將tùi柳原教會所學hit個歌分hō͘逐家，向望逐家試看māi。Koh無偌久春季學校也 beh到--lah，請逐家用遠大ê計劃來掃除文盲ê人，m̄-nā án-ni，更加hō͘較濟人來bat 上帝ê話，是我所向望。 |
|
Taⁿ hit ê koa sī án-ni
|
今hit個歌是án-ni |
|
4/4 Key D | 1 1 5 5| 6- 5-| a i u e o o͘ | 4 4 3 3| 2- 1-| chiah ê kiò chòe bú-im |
4/4 Key D | 1 1 5 5 | 6- 5-| a i u e o o͘ | 4 4 3 3| 2- 1-| chiah ê 叫做母音 |
|
| 5 5 4 -| 3 3 2 -| b ch chh g h j | 5 5 4 -| 3 53 2 -| k kh l m n ng | 1 1 5 5| 6 - 5 -| p ph s t th ch | 4 4 3 3| 2 - 1 -| chiah ê kiò chòe chú-im |
| 5 5 4 -| 3 3 2 -| b ch chh g h j | 5 5 4 -| 3 53 2 -| k kh l m n ng | 1 1 5 5| 6 - 5 -| p ph s t th ch | 4 4 3 3| 2 - 1 -| chiah ê叫做子音 |
|
(Tâi-oân Kàu-hōe Kong-pò tē 925 hō, 1964 nî 1 ge̍h)
|
(台灣教會公報第925號，1964年1月) |
