天地 創造 人 ， 男女 脚 相同 ， 算是 天 生成 ， 好走 又 好行 。	Thinn-tē tshòng-tsō lâng , Lâm-lú kha sann-kâng , Sǹg-sī thinn sinn-tsiânn , Hó-tsáu iū hó-kiânn . Thiⁿ-tē chhòng-chō lâng , Lâm-lú kha saⁿ-kâng , Sǹg-sī thiⁿ siⁿ-chiâⁿ , Hó-cháu iū hó-kiâⁿ .
可惜 戇 父母 ， 以為 縛脚 好 ， 愛 子 來 縛脚 ， 情理 講 一拋 。	Khó-sioh gōng pē-bó , Í-uî pa̍k-kha hó , Ài kiánn lâi pa̍k-kha , Tsîng-lí kóng tsi̍t-pha . Khó-sioh gōng pē-bó , Í-ûi pa̍k-kha hó , Ài kiáⁿ lâi pa̍k-kha , Chêng-lí kóng chi̍t-pha .
着 縛 即是 娘 ， 無 縛 不成樣 ， 女姪 未曉 想 ， 不可 看 世上 。	Tio̍h pa̍k tsiah-sī niû , Bô pa̍k m̄-tsiânn-iūnn , Lí-ti̍t buē-hiáu siūnn , M̄-thang khuànn sè-tsiūnn . Tio̍h pa̍k chiah-sī niû , Bô pa̍k m̄-chiâⁿ-iūⁿ , Lí-ti̍t bōe-hiáu siūⁿ , M̄-thang khòaⁿ sè-chiūⁿ .
別人 此號 樣 ， 出在 爾 爹娘 ， 老母 心肚 殘 ， 脚帛 推 緊緊 。	Pa̍t-lâng tsit-hō iūnn , Tshut-tsāi lí tia-niû , Lāu-bú sim-kuann tshân , Kha-pe̍h tshui ân-ân . Pa̍t-lâng chit-hō iūⁿ , Chhut-chāi lí tia-niû , Lāu-bú sim-koaⁿ chhân , Kha-pe̍h chhui ân-ân .
縛到 弗弗彈 ， 遍身 流 冷汗 ， 女姪 好 脚骨 ， 不 縛 強鬱 鬱 。	Pa̍k-kah hu̍t-hu̍t-tuānn , Piàn-sin lâu líng-kuānn , Lí-ti̍t hó kha-kut , M̄ pa̍k kiông-kiông ut . Pa̍k-kah hu̍t-hu̍t-tōaⁿ , Piàn-sin lâu léng-kōaⁿ , Lí-ti̍t hó kha-kut , M̄ pa̍k kiông-kiông ut .
害 伊 啼 哮哮 ， 暗靜 去 偷 透 ， 有人 父母 無 ， 出 有 戇 嬸婆 。	Hāi i thî kháu-kháu , Àm-tsīnn khì thau tháu , Ū-lâng pē-bú bô , Tshut ū gōng tsím-pô . Hāi i thî kháu-kháu , Àm-chīⁿ khì thau tháu , Ū-lâng pē-bú bô , Chhut ū gōng chím-pô .
看 人 塊 縛脚 ， 脚帛 色褲 加 ， 縛 到 又 大個 ， 親相 角廣螺 。	Khàunn lâng teh pa̍k-kha , Kha-pe̍h sik-khòo ka , Pa̍k kah iū tuā-ê , Tshin-tshiūnn kak-kńg-lê . Khàuⁿ lâng teh pa̍k-kha , Kha-pe̍h sek-khò͘ ka , Pa̍k kah iū tōa-ê , Chhin-chhiūⁿ kak-kńg-lê .
縛脚 不 行遠 ， 艱苦 難 出門 。 婦女 講 無差 ， 縛 只 死人脚 。	Pa̍k-kha m̄ kiânn-hn̄g , Kan-khóo lân tshut-mn̂g . Hū-lí kóng bô-tsha , Pa̍k tsí sí-lâng-kha . Pa̍k-kha m̄ kiâⁿ-hn̄g , Kan-khó͘ lân chhut-mn̂g . Hū-lí kóng bô-chha , Pa̍k chí sí-lâng-kha .
行踏 不 自在 ， 真正 自已 害 ， 上船 着 人 牽 ， 過船 亦 艱難 。	Kiânn-ta̍h put tsū-tsāi , Tsin-tsiànn ka-kī hāi , Tsiūnn-tsûn tio̍h lâng khan , Kè-tsûn ia̍h kan-lân . Kiâⁿ-ta̍h put chū-chāi , Chin-chiàⁿ ka-kī hāi , Chiūⁿ-chûn tio̍h lâng khan , Kè-chûn ia̍h kan-lân .
一生 袂 粗重 ， 輸人 真 多項 ， 想真 大 星慘 ， 致到 身軀 覽 。	It-sing bē tshoo-tāng , Su-lâng tsin tsuē-hāng , Siūnn-tsin tuā tshinn-tshám , Tì-kàu sin-khu lám . It-seng bē chho͘-tāng , Su-lâng chin chōe-hāng , Siūⁿ-chin tōa chhiⁿ-chhám , Tì-kàu sin-khu lám .
縛 大 鹽菜 綑 ， 纏 小 又 損身 ， 有人 知 不是 ， 風俗 放 未離 。	Pa̍k tuā kiâm-tshài khún , Pa̍k sè iū sńg-sin , Ū-lâng tsai m̄-sī , Hong-sio̍k pàng bē-lī . Pa̍k tōa kiâm-chhài khún , Pa̍k sè iū sńg-sin , Ū-lâng chai m̄-sī , Hong-sio̍k pàng bē-lī .
無 縛 驚 呆看 ， 親相 大戲旦 ， 愛卜 好 名聲 ， 纏了 不好 行 。	Bô pa̍k kiann phái-khuànn , Tshin-tshiūnn tuā-hì-tuànn , Ài-beh hó miâ-siann , Tînn-liáu m̄-hó kiânn . Bô pa̍k kiaⁿ phái-khòaⁿ , Chhin-chhiūⁿ tōa-hì-tòaⁿ , Ài-beh hó miâ-siaⁿ , Tîⁿ-liáu m̄-hó kiâⁿ .
縛脚 呌 苦痛 ， 二個 成 肉棕 ， 其實 懶哥鬼 ， 見 人 又 畏強 。	Pa̍k-kha kiò khóo-thàng , Ln̄g-ê sîng bah-tsàng , Kî-si̍t thái-ko-kuí , Kìnn lâng iū kiûnn-uì . Pa̍k-kha kiò khó͘-thàng , Ln̄g-ê sêng bah-chàng , Kî-si̍t thái-ko-kúi , Kìⁿ lâng iū kiûⁿ-ùi .
縛 到 那 羌牙 ， 恰慘 掛 脚枷 ， 曲龜 若 龍蝦 ， 愈 洗 又 愈 爬 。	Pa̍k kah ná kiunn-gê , Khah-tshám kuà kha-kê , Khiau-ku ná lîng-hê , Lú sué iū lú pê . Pa̍k kah ná kiuⁿ-gê , Khah-chhám kòa kha-kê , Khiau-ku ná lêng-hê , Lú sóe iū lú pê .
破皮 又 成空 ， 即 着 抹 紅丹 ， 五指 做 一員 ， 方 着 糝 明礬 。	Phuà-phê iū tsiânn-khang , Tsiah tio̍h buat âng-tan , Gōo-tsáinn tsuè tsi̍t-uân , Png tio̍h sám bîng-huân . Phòa-phê iū chiâⁿ-khang , Chiah tio̍h boat âng-tan , Gō͘-cháiⁿ chòe chi̍t-ôan , Png tio̍h sám bêng-hôan .
大 痛 又 無葯 ， 只有 鹹菜葉 ， 真正 不 自然 ， 行踏 真 遲延 。	Tuā thiànn iū bô-io̍h , Tsí-ū kiâm-tshài-hio̍h , Tsin-tsiànn put tsū-liân , Kiânn-ta̍h tsin tî-iân . Tōa thiàⁿ iū bô-io̍h , Chí-ū kiâm-chhài-hio̍h , Chin-chiàⁿ put chū-liân , Kiâⁿ-ta̍h chin tî-iân .
遇着 西北雨 ， 卜 走 不 進步 ， 論至 此號 事 ， 星慘 實在 有 。	Gū-tio̍h sai-pak-hōo , Beh kiânn m̄ tsìn-pōo , Lūn-tsì tsit-hō sū , Tshinn-tshám si̍t-tsāi ū . Gū-tio̍h sai-pak-hō͘ , Beh kiâⁿ m̄ chìn-pō͘ , Lūn-chì chit-hō sū , Chhiⁿ-chhám si̍t-chāi ū .
痛去 將半死 ， 縛脚 个 情理 ， 是誰 來 說起 ， 流傳 是 旦已 。	Thiànn--khì tsiong-puànn-sí , Pa̍k-kah1 ê tsînglí , Sī-tsuî lâi seh-khí , Liû-thuân sī Thán-kí . Thiàⁿ--khì chiong-pòaⁿ-sí , Pa̍k-kah1 ê chênglí , Sī-chûi lâi seh-khí , Liû-thôan sī Thán-kí .
旦己 敗 紂王 ， 豈可 學 伊 狂 ， 伊 是 狐狸母 ， 從 伊 呆 規矩 。	Thán-kí pāi Tiū-ông , Khí-khó o̍h i kông , I sī hôo-lî-bú , Tsiông i phái kui-kú . Thán-kí pāi Tiū-ông , Khí-khó o̍h i kông , I sī hô͘-lî-bú , Chiông i phái kui-kú .
請 爾 致意 聽 ， 實在 太 可 京 ， 爾 着 想 伊 定 ， 不可 害 性命 。	Tshiánn lí tì-ì thiann , Si̍t-tsāi thài khó kiann , Lí tio̍h siūnn i tiānn , M̄-thang hāi sìnn-miā . Chhiáⁿ lí tì-ì thiaⁿ , Si̍t-chāi thài khó kiaⁿ , Lí tio̍h siūⁿ i tiāⁿ , M̄-thang hāi sìⁿ-miā .
的確 着 碗轉 ， 記得 長毛反 ， 昔日 長毛 來 ， 袂走 舉 伊 刣 。	Tit-khak tio̍h uán-tsuán , Kì-tit Tn̂g-mn̂g-huán , Sik-li̍t Tn̂g-mn̂g lâi , Buē-tsáu kù i thâi . Tit-khak tio̍h óan-chóan , Kì-tit Tn̂g-mn̂g-hóan , Sek-li̍t Tn̂g-mn̂g lâi , Bōe-cháu kù i thâi .
看真 大 癡歹 ， 災禍 對 招來 ， 父母 看 慈心 ， 女子 是 千金 。	Khuànn-tsin tuā tsi-tai , Tsai-hō tuì tsio-lâi , Pē-bú khuànn tsû-sim , Lí-tsú sī tshian-kim . Khòaⁿ-chin tōa chi-tai , Chai-hō tùi chio-lâi , Pē-bú khòaⁿ chû-sim , Lí-chú sī chhian-kim .
雙脚 四正正 ， 不可 害 伊 痛 ， 免京 人 呌 女間 ， 不 縛 出 在 咱 。	Siang-kha sì-tsiànn-tsiànn , M̄-thang hāi i thiànn , Bián-kiann lâng kiò kán , M̄ pa̍k tshut tsāi lán . Siang-kha sì-chiàⁿ-chiàⁿ , M̄-thang hāi i thiàⁿ , Bián-kiaⁿ lâng kiò kán , M̄ pa̍k chhut chāi lán .
現時 皇帝娘 ， 無 縛 作 模樣 ， 縛脚 不是 多 ， 無 縛 滿 四處 。	Hiān-sî hông-tè-niû , Bô pa̍k tsuè môo-iūnn , Pa̍k-kha m̄-sī tsuē , Bô pa̍k muá sì-tè . Hiān-sî hông-tè-niû , Bô pa̍k chòe mô͘-iūⁿ , Pa̍k-kha m̄-sī chōe , Bô pa̍k móa sì-tè .
咱 着 知 好呆 ， 不好 看 緊改 ， 水面 个 船波 ， 搖櫓 又 廷高 。	Lán tio̍h tsai hó-bái , M̄-hó tio̍h kín-kái , Tsuí-bīn ê tsûn-pho , Iô-lóo iū thinn-ko . Lán tio̍h chai hó-bái , M̄-hó tio̍h kín-kái , Chúi-bīn ê chûn-pho , Iô-ló͘ iū thiⁿ-ko .
無 縛 遍遍是 ， 即有 合 道理 ， 古時 無 縛 脚 ， 冊 有 致意 讀 。	Bô pa̍k piàn-piàn-sī , Tsiah-ū ha̍h tō-lí , Kóo-sî kha bô pa̍k , Tsheh ū tì-ì tha̍k . Bô pa̍k piàn-piàn-sī , Chiah-ū ha̍h tō-lí , Kó͘-sî kha bô pa̍k , Chheh ū tì-ì tha̍k .
婦女 中 狀元 ， 出身 做 官員 ， 有个 能 出征 ， 掛帥 有 領兵 。	Hū-lí tiòng tsiōng-guân , Tshut-sin tsuè kuann-uân , Ū-ê ē tshut-tsing , Kuà-suè iū niá-ping . Hū-lí tiòng chiōng-gôan , Chhut-sin chòe koaⁿ-ôan , Ū-ê ē chhut-cheng , Kòa-sòe iū niá-peng .
因何 能 如此 ， 是 對 有 順天 ， 道理 亦 憾化 ， 風俗 着 看破 。	In-hô ē lû-tshí , Sī tuì ū sūn-thinn , Tō-lí ia̍h kám-huà , Hong-sio̍k tio̍h khuànn-phuà . In-hô ē lû-chhí , Sī tùi ū sūn-thiⁿ , Tō-lí ia̍h kám-hòa , Hong-sio̍k tio̍h khòaⁿ-phòa .
縛脚 今 着 息 ， 出 在 閒人 唱 ， 作親 原在 有 ， 姻緣 天 所 注 。	Pa̍k-kha tann tio̍h hioh , Tshut tsāi îng-lâng tshiò , Tsò-tshin guân-tsāi ū , In-iân thinn sóo tsù . Pa̍k-kha taⁿ tio̍h hioh , Chhut chāi êng-lâng chhiò , Chò-chhin gôan-chāi ū , In-iân thiⁿ só͘ chù .
不在 縛 也無 ， 實在 是 真好 ， 無 縛 心 那 好 ， 人人 都 荷老 。	put-tsāi pa̍k iah-bô , Si̍t-tsāi sī tsin-hó , Bô pa̍k sim nā hó , Lâng-lâng too o-ló . put-chāi pa̍k iah-bô , Si̍t-chāi sī chin-hó , Bô pa̍k sim nā hó , Lâng-lâng to͘ o-ló .
有 縛 心 那 呆 ， 人人 呌 無釆 ， 生做 若 歹 格 ， 縛 了 亦 無體 。	Ū pa̍k sin nā bái , Lâng-lâng kiò bô-tshái , Sinn-tsò nā pháinn keh , Pa̍k liáu ia̍h bô-thé . Ū pa̍k sin nā bái , Lâng-lâng kiò bô-chhái , Siⁿ-chò nā pháiⁿ keh , Pa̍k liáu ia̍h bô-thé .
人才 亦是 巧 ， 無 脚 也 窈嬌 ， 心地 好 要緊 ， 縛脚 不使品 。	Lîn-tsâi ia̍h-sī khiáu , Bô pa̍k iā iau-kiau , Sim-tē hó iàu-kín , Pa̍k-kha m̄-sái-phín . Lîn-châi ia̍h-sī khiáu , Bô pa̍k iā iau-kiau , Sim-tē hó iàu-kín , Pa̍k-kha m̄-sái-phín .
苦心 戒 縛脚 ， 此話 無精差 ， 求 爾 聽 我 嘴 ， 無 縛 人 富貴 。	Khóo-sim kài pa̍k-kha , Tsit-uē bô-tsing-tsha , Kiû lí thiann guá tshuì , Bô pa̍k lâng hù-kuì . Khó͘-sim kài pa̍k-kha , Chit-ōe bô-cheng-chha , Kiû lí thiaⁿ góa chhùi , Bô pa̍k lâng hù-kùi .
甘願 聽 我 讀 ， 的確 不可 縛 ， 無 縛脚 原成 ， 允當 是 好行 。	Kam-guān thiann guá tha̍k , Tit-khak m̄-thang pa̍k , Bô pa̍k-kha guân-tsiânn , Ún-tòng sī hó-kiânn . Kam-gōan thiaⁿ góa tha̍k , Tit-khak m̄-thang pa̍k , Bô pa̍k-kha gôan-chiâⁿ , Ún-tòng sī hó-kiâⁿ .
未久 若願 解 ， 後來 好行走 ， 縛 久 若 肯 流 ， 免得 脚 歸求 。	Buē-kú nā-guān tháu , Āu-lâi hó-kiânn-tsáu , Pa̍k kú nā kíng liû , Bián-tit kha kui-kiû . Bōe-kú nā-gōan tháu , Āu-lâi hó-kiâⁿ-cháu , Pa̍k kú nā kéng liû , Bián-tit kha kui-kiû .
身體 是 聖殿 ， 不可 縛 帛練 ， 脚骨 顧 伊 好 ， 正是 孝 父母 。	Sin-thé sī sìng-tiān , M̄-thang pa̍k pe̍h-liān , Kha-kut kòo i hó , Tsiànn-sī hàu pē-bó . Sin-thé sī sèng-tiān , M̄-thang pa̍k pe̍h-liān , Kha-kut kò͘ i hó , Chiàⁿ-sī hàu pē-bó .
孝子 天 庇祐 ， 賞賜 長歲壽 ， 慈心 之 父母 ， 教子 有 處 取 。	Hàu-tsú thinn pì-iū , Siúnn-sù tn̂g-huè-siū , Tsû-sim tsi pē-bú , Kà-kiánn ū tè tshú . Hàu-chú thiⁿ pì-iū , Siúⁿ-sù tn̂g-hòe-siū , Chû-sim chi pē-bú , Kà-kiáⁿ ū tè chhú .
無脚 也是 兒 ， 免得 子 哭啼 ， 軟弱 男子漢 ， 情理 着 順從 。	Bô-kha iā-sī lî , Bián-ti4 kiánn khàu-thî , Luán-lio̍k lâm-tsù-hàn , Tsîng-lí tio̍h sūn-tsiông . Bô-kha iā-sī lî , Bián-ti4 kiáⁿ khàu-thî , Lóan-lio̍k lâm-chù-hàn , Chêng-lí tio̍h sūn-chiông .
將來 要 娶親 ， 要緊 着 認真 ， 新娘 取 女德 ， 細脚 無 利益 。	Tsiong-lâi beh tshuā-tshin , Iàu-kín tio̍h līn-tsin , Sin-niû tshú lí-tik , Sè-kha bô lī-ik . Chiong-lâi beh chhōa-chhin , Iàu-kín tio̍h līn-chin , Sin-niû chhú lí-tek , Sè-kha bô lī-ek .
大脚 粗幼 檬 ， 緊急 好 走崇 。 媳婦 取 等對 ， 通家 是 富貴 。	Tuā-kha tshoo-iù kán , Kín-kip hó tsáu-tsông . Sik-hū tshú tíng-tuì , Thong-ke sī hù-kuì . Tōa-kha chho͘-iù kán , Kín-kip hó cháu-chông . Sek-hū chhú téng-tùi , Thong-ke sī hù-kùi .