听 唱 新 編 一 歌詩 ， 正是 加義 崙仔 人氏 ， 一位 姓 陳 名 辦 兄 ， 平生 凨流 結 朋友 。	Thiann tshiùnn sin pian tsi̍t kua-si , Tsiànn-sī Ka-gī Lūn-á jîn-sī , Tsi̍t-uī sìnn Tân miâ Pān hiann , Pîng-sing hong-liû kiat pîng-iú . Thiaⁿ chhiùⁿ sin pian chi̍t koa-si , Chiàⁿ-sī Ka-gī Lūn-á jîn-sī , Chi̍t-ūi sìⁿ Tân miâ Pān hiaⁿ , Pêng-seng hong-liû kiat pêng-iú .
粵庄 牽 伊 個 牛牯 ， 庄老 呌着 牛 還 伊 ， 客仔 就 請 吃 牛肉 ， 若 卜 活牛 再 出世 ，	Uat-tsng khan i ê gû-kóo , Tsng-ló kiò-tio̍h gû hîng i , Kheh-á tiō tshiánn tsia̍h gû-bah , Nā beh ua̍h-gû tsài tshut-sì , Oat-chng khan i ê gû-kó͘ , Chng-ló kiò-tio̍h gû hêng i , Kheh-á tiō chhiáⁿ chia̍h gû-bah , Nā beh oa̍h-gû chài chhut-sì ,
老天 一時 有 主意 ， 回家 問着 陳 辦 兄 ， 漳 泉 人人 受 着驚 ， 一時 受氣 沖起天 。	Ló-hu tsi̍t-sî ū tsú-ì , Huê-ka mn̄g-tio̍h Tân Pān hiann , Tsiang Tsuânn lâng-lâng siū tio̍h-kiann , Tsi̍t-sî siū-khì tshiong-khí-thinn . Ló-hu chi̍t-sî ū chú-ì , Hôe-ka mn̄g-tio̍h Tân Pān hiaⁿ , Chiang Chôaⁿ lâng-lâng siū tio̍h-kiaⁿ , Chi̍t-sî siū-khì chhiong-khí-thiⁿ .
招集 人馬 攻 客庄 ， 双溪 客仔 驚惶惶 ， 請出 縂理 來 主意 ， 整頓 器械 力 妻兒 。	Tsio-tsi̍p jîn-má kong kheh-tsng , Siang-khe kheh-á kiann-hiânn-hiânn , Tshiánn-tshut tsóng-lí lâi tsú-ì , Tsíng-tùn khì-hâi lia̍h tshe-jî . Chio-chi̍p jîn-má kong kheh-chng , Siang-khe kheh-á kiaⁿ-hiâⁿ-hiâⁿ , Chhiáⁿ-chhut chóng-lí lâi chú-ì , Chéng-tùn khì-hâi lia̍h chhe-jî .
陳 辦 伊 母 受 迫辱 ， 伊 妻 客庄 慢 凌遲 。 屡次 攻 庄 庄 不入 ， 客仔 守 庄 修 竹圍 ，	Tân Pān in bú siū pik-jio̍k , In tshe kheh-tsng bān lîng-tî . Lí-tshù kong tsng tsng buē-ji̍p . Kheh-á siú tsng siu tik-uî , Tân Pān in bú siū pek-jio̍k , In chhe kheh-chng bān lêng-tî . Lí-chhù kong chng chng bōe-ji̍p . Kheh-á siú chng siu tek-ûi ,
陳 辦 一時 無 計智 ， 挪帖 請出 張 炳 兄 ， 詹 通 黃 城 并 黃 奉 ， 刘 港 刘 仲 与 蔡 恭 ，	Tân Pān tsi̍t-sî bô kè-tì , The̍h-thiap tshiánn-tshut Tiunn Piánn hiann , Tsiam Thong N̂g Siânn kah N̂g Hōng , Lâu Káng Lâu Tiōng í Tshuà Kiong , Tân Pān chi̍t-sî bô kè-tì , The̍h-thiap chhiáⁿ-chhut Tiuⁿ Piáⁿ hiaⁿ , Chiam Thong N̂g Siâⁿ kah N̂g Hōng , Lâu Káng Lâu Tiōng í Chhòa Kiong ,
陳 連 江 七 連 候 虎 ， 番婆 刘 邦爿口 歐 綜 ， 咬 指 揷血 盟 兄弟 ， 若 得 諸羅 做 帝都 。	Tân Liân Kang Tshit liân Hâu hóo , Huan-pô Lâu Pang-tíng Au Tsòng , Kā tsńg tshap-hiat bîng hiann-tī , Nā tit Tsu-lô tsuè tè-too . Tân Liân Kang Chhit liân Hâu hó͘ , Hoan-pô Lâu Pang-téng Au Chòng , Kā chńg chhap-hiat bêng hiaⁿ-tī , Nā tit Chu-lô chòe tè-to͘ .
張 丙 一時 有 主意 ， 請出 吳 三江 商議 ， 若 還 謀乱 只 事志 ， 須着 陳 水 來 幫 伊 。	Tiunn Piánn tsi̍t-sî ū tsú-ì , Tshiánn-tshut Gôo Sam-kang siong-gī , Nā iā bôo-luān tsí tāi-tsì , Su-tio̍h Tân Tsuí lâi pang i . Tiuⁿ Piáⁿ chi̍t-sî ū chú-ì , Chhiáⁿ-chhut Gô͘ Sam-kang siong-gī , Nā iā bô͘-lōan chí tāi-chì , Su-tio̍h Tân Chúi lâi pang i .
泥鰍 無 水 不成 龍 ， 封了 三江 做 軍師 ， 諸羅 太爷 聞 反意 ， 就 吊 衙役 來 查 伊 。	Hōo-liu bô tsuí m̄-tsiânn liông , Hong-liáu Sam-kang tsuè kun-su , Tsu-lô thài-iâ bûn huán-ì , Tiō tiàu gê-i̍k lâi tsa i . Hō͘-liu bô chúi m̄-chiâⁿ liông , Hong-liáu Sam-kang chòe kun-su , Chu-lô thài-iâ bûn hóan-ì , Tiō tiàu gê-e̍k lâi cha i .
張 丙 用 銀 買 足 伊 ， 回覆 並 無 只 事志 ， 朱 太爷 一時 有 主意 ， 点起 義民 卜 力 伊 ，	Tiunn Piánn iōng gîn bué tsiok i , Huê-hok pìng bô tsí tāi-tsì , Tsu thài-iâ tsi̍t-sî ū tsú-ì , Tiám-khí gī-bîn beh lia̍h i , Tiuⁿ Piáⁿ iōng gîn bóe chiok i , Hôe-hok pèng bô chí tāi-chì , Chu thài-iâ chi̍t-sî ū chú-ì , Tiám-khí gī-bîn beh lia̍h i ,
義民 一時 到 伊 庄 ， 殺死 一半 归 陰司 ， 朱 太爷 一時 無 主意 ， 張 丙 就來 審問 伊 。	Gī-bîn tsi̍t-sî kàu in tsng , Thâi-sí tsi̍t-puànn kui im-si , Tsu thài-iâ tsi̍t-sî bô tsú-ì , Tiunn Piánn tiō-lâi sím-mn̄g i , Gī-bîn chi̍t-sî kàu in chng , Thâi-sí chi̍t-pòaⁿ kui im-si , Chu thài-iâ chi̍t-sî bô chú-ì , Tiuⁿ Piáⁿ tiō-lâi sím-mn̄g i ,
貪官 污吏 正 名字 ， 若 還 不 寫 大旗字 ， 呌出 刀手 來 砍 伊 ， 寫出 復漢 滅滿 字 。	Tham-kuann ù-lī tsiànn miâ-jī , Nā iā m̄ siá tuā-kî-jī , Kiò-tshut to-tshiú lâi tsám i , Siá-tshut hok-Hàn bia̍t-Buán jī . Tham-koaⁿ ù-lī chiàⁿ miâ-jī , Nā iā m̄ siá tōa-kî-jī , Kiò-chhut to-chhiú lâi chám i , Siá-chhut hok-Hàn bia̍t-Bóan jī .
奸貪 狗官 無 道理 ， 剮 心剜 肉 痛半死 ， 一條 性命 归 陰司 。	Kan-tham káu-kuann bô tō-lí , Kuánn simóo bah thiànn-puànn-sí , Tsi̍t-tiâu sìnn-miā kui im-si . Kan-tham káu-koaⁿ bô tō-lí , Kóaⁿ simó͘ bah thiàⁿ-pòaⁿ-sí , Chi̍t-tiâu sìⁿ-miā kui im-si .
邵 太爷 真正 是 賢 ， 整起 民壮 來 救 伊 ， 賊馬 兴旺 救不起 ， 請 賊 來 殺 伊 忠義 ，	Siāu thài-iâ tsin-tsiànn sī gâu , Tsíng-khí bîn-tsòng lâi kiù i , Tsha̍t-bé hing-ōng kiù-buē-khí , Tshiánn tsha̍t lâi thâi i tiong-gī , Siāu thài-iâ chin-chiàⁿ sī gâu , Chéng-khí bîn-chòng lâi kiù i , Chha̍t-bé heng-ōng kiù-bōe-khí , Chhiáⁿ chha̍t lâi thâi i tiong-gī ,
报馬 一時 飛來到 ， 报得 太爷 得 知机 ， 新旧 二 官 屍 已 死 ， 加義 無 県 障 行宜 。	Pò-bé tsi̍t-sî pue-lâi-kàu , Pò-tit thài-iâ tit tsai-ki , Sin-kū nn̄g kuann si í sí , Ka-gī bô kuān tsiùnn kiânn-gî . Pò-bé chi̍t-sî poe-lâi-kàu , Pò-tit thài-iâ tit chai-ki , Sin-kū nn̄g koaⁿ si í sí , Ka-gī bô kōan chiùⁿ kiâⁿ-gî .
呂 府 一時 有 主意 ， 点起 民壮 及 軍馬 ， 連 夜 赶到 店仔口 ， 賊馬 追赶 迫 半死 ，	Lī hú tsi̍t-sî ū tsú-ì , Tiám-khí bîn-tsòng kah kun-má , Liân iā kuánn-kàu Tiàm-á-kháu , Tsha̍t-bé tui-kuánn pik puànn-sí , Lī hú chi̍t-sî ū chú-ì , Tiám-khí bîn-chòng kah kun-má , Liân iā kóaⁿ-kàu Tiàm-á-kháu , Chha̍t-bé tui-kóaⁿ pek pòaⁿ-sí ,
民壮 軍馬 死 一半 ， 呂 府 一命 归 陰司 。 張 丙 一時 思量智 ， 坐 簥 鑼牌 印連起 ， 斬殺 自由 由在 伊 ，	Bîn-tsòng kun-má sí tsi̍t-puànn , Lī hú tsi̍t-miā kui im-si . Tiunn Piánn tsi̍t-sî su-niūnn-tì , Tsē kiō lô-pâi ìn-liân-khí , Tsám-sat tsū-iû iû-tsāi i , Bîn-chòng kun-má sí chi̍t-pòaⁿ , Lī hú chi̍t-miā kui im-si . Tiuⁿ Piáⁿ chi̍t-sî su-niūⁿ-tì , Chē kiō lô-pâi ìn-liân-khí , Chám-sat chū-iû iû-chāi i ,
即 差 詹 通 來 攻 城 ， 礼 在 西門 城墻 邊 ， 百姓 家內 着大驚 ， 蘇 半城 查ㄙ 無看見bo5-khuainn3- 。	Tsiah tshe Tsiam Thong lâi kong siânn , Tsah tsāi Se-mn̂g siânn-tshiûnn pinn , Peh-sìnn ka-lāi tio̍h-tuā-kiann , Soo Puànn-siânn tsa-bóo bô-khuàinn- iánn . Chiah chhe Chiam Thong lâi kong siâⁿ , Chah chāi Se-mn̂g siâⁿ-chhiûⁿ piⁿ , Peh-sìⁿ ka-lāi tio̍h-tōa-kiaⁿ , So͘ Pòaⁿ-siâⁿ cha-bó͘ bô-khoàiⁿ- iáⁿ .
詹 通 一時 有 主意 ， 一千 銭銀 來 買 命 ， 查厶 顧 我 來 開封 ， 將 銀 來送 賊兵餉 。	Tsiam Thong tsi̍t-sî ū tsú-ì , Tsi̍t-tshing tsînn-gîn lâi bué miā , Tsa-bóo kōo guá lâi khui-hong , Tsiong gîn lâi-sàng tsha̍t-ping-hiáng . Chiam Thong chi̍t-sî ū chú-ì , Chi̍t-chheng chîⁿ-gîn lâi bóe miā , Cha-bó͘ kō͘ góa lâi khui-hong , Chiong gîn lâi-sàng chha̍t-peng-hiáng .
張 丙 大哥 自思量 ， 点起 賊馬 到 塩水 ， 得了 一位 大 龍砲 ， 六七十 人 扛進 城 。	Tiunn Piánn tuā-kua tsū-su-niūnn , Tiám-khí tsha̍t-má kàu Kiâm-tsuí , Tit-liáu tsi̍t-uī tuā lōng-phàu , La̍k-tshit-tsa̍p lâng kng-tsìn siânn . Tiuⁿ Piáⁿ tōa-koa chū-su-niūⁿ , Tiám-khí chha̍t-má kàu Kiâm-chúi , Tit-liáu chi̍t-ūi tōa lōng-phàu , La̍k-chhit-cha̍p lâng kng-chìn siâⁿ .
大砲 一放 轟天响 ， 砲子 一粒 八九 斤 ， 墜落 北城 倒 一角 ， 百姓 哀怨 哭連天 。	Tuā-phàu tsi̍t-pàng hong-thian-hiáng , Phàu-tsí tsi̍t-lia̍p pueh-káu kin , Tuī-lo̍h Pak-siânn tó tsi̍t-kak , Peh-sìnn ai-uàn khàu-liân-thinn . Tōa-phàu chi̍t-pàng hong-thian-hiáng , Phàu-chí chi̍t-lia̍p poeh-káu kin , Tūi-lo̍h Pak-siâⁿ tó chi̍t-kak , Peh-sìⁿ ai-òan khàu-liân-thiⁿ .
刘 鎮 听說 整 軍馬 ， 殺的 數陣 退入 城 ， 守的 加義 是 功勞 。 溫陵 一品 來 助戦 ， 城上 尽是 女英靈 ，	Lâu Tìn thiann-sueh tsíng kun-má , Thâi-tit sòo-tīn thuè-ji̍p siânn , Siú-tit Ka-gī sī kong-lô . Un-lîng it-phín lâi tsōo-tsiàn , Siânn-tíng tsīn-sī lú-ing-lîng , Lâu Tìn thiaⁿ-soeh chéng kun-má , Thâi-tit sò͘-tīn thòe-ji̍p siâⁿ , Siú-tit Ka-gī sī kong-lô . Un-lêng it-phín lâi chō͘-chiàn , Siâⁿ-téng chīn-sī lú-eng-lêng ,
賊仔 一時 無 計智 ， 連 圍 一 月 不下 伊 ， 張 丙 一時 有 主意 ， 請出 沙連 九龍庄 。	Tsha̍t-á tsi̍t-sî bô kè-tì , Liân uî tsi̍t gue̍h buē-hā i , Tiunn Piánn tsi̍t-sî ū tsú-ì , Tshiánn-tshut Sa-liân Káu-liông-tsng . Chha̍t-á chi̍t-sî bô kè-tì , Liân ûi chi̍t goe̍h bōe-hā i , Tiuⁿ Piáⁿ chi̍t-sî ū chú-ì , Chhiáⁿ-chhut Sa-liân Káu-liông-chng .
黃 城 黃 奉 兄弟 知 ， 先 打 斗六 可 便宜 ， 黃 城 招集 張 洪 知 ， 若 破 斗六 通 義民 ，	N̂g Siânn N̂g Hōng hiann-tī tsai , Sing phah Táu-la̍k khah pān-gî , N̂g Siânn tsio-tsi̍p Tiunn Âng tsai , Nā phuà Táu-la̍k thong gī-bîn , N̂g Siâⁿ N̂g Hōng hiaⁿ-tī chai , Seng phah Táu-la̍k khah pān-gî , N̂g Siâⁿ chio-chi̍p Tiuⁿ Âng chai , Nā phòa Táu-la̍k thong gī-bîn ,
義民 先入 营盤內 ， 馬 步衢 实是 不知 智 ， 真心 用了 義民 伊 ， 黃 城 打入 营盤 去 。	Gī-bîn sing-ji̍p iânn-puânn-lāi , Má Pōo-kû si̍t-sī put-ti tì , Tsin-sim iōng-liáu gī-bîn i , N̂g Siânn phah-ji̍p iânn-puânn khì . Gī-bîn seng-ji̍p iâⁿ-pôaⁿ-lāi , Má Pō͘-kû si̍t-sī put-ti tì , Chin-sim iōng-liáu gī-bîn i , N̂g Siâⁿ phah-ji̍p iâⁿ-pôaⁿ khì .
力得 馬 總 焚 半死 ， 一條 性命 归 陰司 ， 張 丙 大哥 思量智 ， 請出 南路 許 成 兄 ，	Lia̍h-tit Má tsóng hûn puànn-sí , Tsi̍t-tiâu sìnn-miā kui im-si , Tiunn Piánn tuā-ko su-niūnn-tì , Tshiánn-tshut Lâm-ōo Kóo Sîng hiann , Lia̍h-tit Má chóng hûn pòaⁿ-sí , Chi̍t-tiâu sìⁿ-miā kui im-si , Tiuⁿ Piáⁿ tōa-ko su-niūⁿ-tì , Chhiáⁿ-chhut Lâm-ō͘ Kó͘ Sêng hiaⁿ ,
白 良 柯 神庇 名字 ， 相共 攻 城 得 城池 ， 開國 功臣 有 名字 ， 澎湖 大老 無 計智 。	Pe̍h Liông Kua Sîn-pì miâ-jī , Sann-kāng kong siânn tit siânn-tî , Khai-kok kong-sîn ū miâ-jī , Pînn-ôo tāi-ló bô kè-tì . Pe̍h Liông Koa Sîn-pì miâ-jī , Saⁿ-kāng kong siâⁿ tit siâⁿ-tî , Khai-kok kong-sîn ū miâ-jī , Pîⁿ-ô͘ tāi-ló bô kè-tì .
圍困 脫迯 被 賊 追 ， 曾門 軍馬 死 一半 ， 大老 一時 無 思量 ， 一條 性命 归 陰司 。	Uî-khùn thuat-tô pī tsha̍t tui , Tsan-mn̂g kun-má sí tsi̍t-puànn , Tāi-ló tsi̍t-sî bô su-niūnn , Tsi̍t-tiâu sìnn-miā kui im-si . Ûi-khùn thoat-tô pī chha̍t tui , Chan-mn̂g kun-má sí chi̍t-pòaⁿ , Tāi-ló chi̍t-sî bô su-niūⁿ , Chi̍t-tiâu sìⁿ-miā kui im-si .
安平 大人 有 主意 ， 排兵 佈陣 慢慢 追 ， 追 至 城下 救 刘 鎮 ， 賊馬 暗埋 文昌祠 ，	An-pîng tāi-jîn ū tsú-ì , Pâi-ping pòo-tīn bān-bān tui , Tui kàu siânn-ē kiù Lâu tìn , Tsha̍t-má àm-bâi Bûn-tshiong-sû , An-pêng tāi-jîn ū chú-ì , Pâi-peng pò͘-tīn bān-bān tui , Tui kàu siâⁿ-ē kiù Lâu tìn , Chha̍t-má àm-bâi Bûn-chhiong-sû ,
橫腰 斬殺 不由 伊 。 单刀 匹馬 扶 囯主 ， 可憐 性命 归 陰司 。 平 道 一時 商議智 ，	Huâinn-io tsám-sat put-iû i . Tan-to phit-má hû kok-tsú , Khó-liân sìnn-miā kui im-si , Pîng tō tsi̍t-sî siong-gī-tì . Hoâiⁿ-io chám-sat put-iû i . Tan-to phit-má hû kok-chú , Khó-liân sìⁿ-miā kui im-si , Pêng tō chi̍t-sî siong-gī-tì .
寫出 表文 奉 圣旨 ， 調撥 三馬 去 平 台 ， 直 徃 下門 配 船企 ， 順凨 順水 駛 鹿耳 ， 登岸 府城 去 看 伊 。	Siá-tshut piáu-bûn hōng Sìng-tsí , Tiāu-puah sam-má khì pîng Tâi , Ti̍t óng Ē-mn̂g phuè tsûn-khiā , Sūn-hong sūn-tsuí sái Lo̍k-ní , Ting-huānn Hú-siânn khì khuànn i . Siá-chhut piáu-bûn hōng Sèng-chí , Tiāu-poah sam-má khì pêng Tâi , Ti̍t óng Ē-mn̂g phòe chûn-khiā , Sūn-hong sūn-chúi sái Lo̍k-ní , Teng-hōaⁿ Hú-siâⁿ khì khòaⁿ i .
義民 軍兵 面 失色 ， 城垛 点 火 暗 守 更 ， 大隊 操練 的 精熟 ， 直攻 西港 斬 添福 ， 拔 营 遇的 刘 仲 哥 。	Gī-bîn kun-ping bīn si̍t-sik , Siânn-tó tiám hué àm siú kinn , Tuā-tuī tshau-liān tit tsing-sik , Ti̍t-kong Sai-káng tsám Thiam-hok , Pua̍t iânn gū-tit Lâu Tiōng ko . Gī-bîn kun-peng bīn si̍t-sek , Siâⁿ-tó tiám hóe àm siú kiⁿ , Tōa-tūi chhau-liān tit cheng-sek , Ti̍t-kong Sai-káng chám Thiam-hok , Poa̍t iâⁿ gū-tit Lâu Tiōng ko .
蔡 恭 賊夥 真 不是 ， 艷雲 小旦 排 計智 ， 一位 阿玉 背 印緩 ， 一位 阿月 背 龍旗 ，	Tshuà Kiong tsha̍t-hué tsin put-sī , Iām-hûn sió-tuànn pâi kè-tì , Tsi̍t-uī A-gio̍k phāinn ìn-siū , Tsi̍t-uī A-gua̍t phāinn liông-kî , Chhòa Kiong chha̍t-hóe chin put-sī , Iām-hûn sió-tòaⁿ pâi kè-tì , Chi̍t-ūi A-gio̍k phāiⁿ ìn-siū , Chi̍t-ūi A-goa̍t phāiⁿ liông-kî ,
軍師 欲沂 調 賊馬 ， 敗陣 來 营 審問 伊 ， 過去 未來 尔 總 知 ， 今日 生死 如何 筭 ，	Kun-su Lo̍k-kî tiāu tsha̍t-má , Pāi-tīn lâi iânn sím-mn̄g i , Kuè-khì bī-lâi lí tsóng tsai , Kin-ji̍t sinn-sí jû-hô sǹg , Kun-su Lo̍k-kî tiāu chha̍t-má , Pāi-tīn lâi iâⁿ sím-mn̄g i , Kòe-khì bī-lâi lí chóng chai , Kin-ji̍t siⁿ-sí jû-hô sǹg ,
啞口 無 言 归 陰司 。 刘 仲 一時 思量智 ， 整頓 札 营 帳房 起 ， 整起 土垛 鎮 鎗子 ，	Ē-káu bô giân kui im-si . Lâu Tiòng tsi̍t-sî su-niūnn-tì , Tsíng-tùn tsah iânn tiùnn-pâng khí , Tsíng-khí thôo-tó tìn tshìng-tsí , Ē-káu bô giân kui im-si . Lâu Tiòng chi̍t-sî su-niūⁿ-tì , Chéng-tùn chah iâⁿ tiùⁿ-pâng khí , Chéng-khí thô͘-tó tìn chhèng-chí ,
連連 敗的 二三 陣 ， 賊馬 驚惶 当不起 。 蔡 恭 刘 仲 有 主意 ， 飛 报 諸羅 張 丙 知 ，	Liân-liân pāi-tit jī-sann tīn , Tsha̍t-má kiann-hiânn tng-buē-khí . Tshuà Kiong Lâu Tiōng ū tsú-ì , Pue pò Tsu-lô Tiunn Piánn tsai , Liân-liân pāi-tit jī-saⁿ tīn , Chha̍t-má kiaⁿ-hiâⁿ tng-bōe-khí . Chhòa Kiong Lâu Tiōng ū chú-ì , Poe pò Chu-lô Tiuⁿ Piáⁿ chai ,
大哥 若 要 唐山 銭 ， 馬 大人 唐山 運 銀米 ， 若得 銀米 見 太平 ， 個個 賊仔 携 布袋 。	Tuā-ko nā beh Tn̂g-suann tsînn , Má tāi-jîn Tn̂g-suann ūn gîn-bí , Nā-tit gîn-bí kìnn thài-pîng , Kò-kò tsha̍t-á tsah òo-tē . Tōa-ko nā beh Tn̂g-soaⁿ chîⁿ , Má tāi-jîn Tn̂g-soaⁿ ūn gîn-bí , Nā-tit gîn-bí kìⁿ thài-pêng , Kò-kò chha̍t-á chah ò͘-tē .
小刀 竹透 相 隨侍 ， 詹 通 一時 思量智 ， 戦書 十八 午時 刻 ， 戦 敗 屡次 無 体面 。	Sió-to tik-thàu sann suî-sī , Tsiam Thong tsi̍t-sî su-niūnn-tì , Tsiàn-su tsa̍p-pue̍h ngóo-sî khik , Tsiàn pāi lú-tshù bô thé-bīn . Sió-to tek-thàu saⁿ sûi-sī , Chiam Thong chi̍t-sî su-niūⁿ-tì , Chiàn-su cha̍p-poe̍h ngó͘-sî khek , Chiàn pāi lú-chhù bô thé-bīn .
姦淫 塩水 人 婦女 ， 賊夥 個個 出氣 伊 ， 姿娘 罵的 賊小子 ， 酗撻 風流 無 久長 ， 腳帛 截布 撤吐 伊 ， 撤吐 恁 某 做 身边 。	Kan-îm Kiâm-tsuí lâng hū-lú , Tsha̍t-hué kò-kò tshut-khì i , Tsu-niû mā-tit tsha̍t-sió-kiánn , Hiông-that hong-liû bô kú-tn̂g , Kha-pe̍h tsah-pòo thiat-thò i , thiat-thò lín bóo tsuè sin-pinn . Kan-îm Kiâm-chúi lâng hū-lú , Chha̍t-hóe kò-kò chhut-khì i , Chu-niû mā-tit chha̍t-sió-kiáⁿ , Hiông-that hong-liû bô kú-tn̂g , Kha-pe̍h chah-pò͘ thiat-thò i , thiat-thò lín bó͘ chòe sin-piⁿ .
招集 十二 賊 夥伴 ， 札 在 竹仔 宿 竹边 ， 官兵 追赶 無 主意 ， 豬肉 米飯 泮 半天 。	Tsio-tsi̍p tsa̍p-jī tsha̍t hué-puānn , Tsah tī tik-á hioh tik-pinn , Kuann-ping tui-kuánn bô tsú-ì , Ti-bah bí-pn̄g phuānn puànn-thinn . Chio-chi̍p cha̍p-jī chha̍t hóe-pōaⁿ , Chah tī tek-á hioh tek-piⁿ , Koaⁿ-peng tui-kóaⁿ bô chú-ì , Ti-bah bí-pn̄g phōaⁿ pòaⁿ-thiⁿ .
賊仔 大半 归 陰司 ， 安溪寮 一時 有 思量 ， 辦棹 就 請 詹 通 兄 ， 灌 酒 醉醉 梱縛 伊 。	Tsha̍t-á tuā-puànn kui im-si , An-khe-liâu tsi̍t-sî ū su-liûnn , Pān-toh tiō tshiánn Tsiam Thong hiann , Kuàn tsiú tsuì-tsuì khún-pa̍k i . Chha̍t-á tōa-pòaⁿ kui im-si , An-khe-liâu chi̍t-sî ū su-liûⁿ , Pān-toh tiō chhiáⁿ Chiam Thong hiaⁿ , Kòan chiú chùi-chùi khún-pa̍k i .
觧功 呌賞 上下 庄 ， 玉 大老 頭功 來 解 伊 ， 詹 通 黃掛 稱 先鋒 ， 賜的 酒肉 醉 半死 。	Kái-kong kiò-siúnn tíng-ē tsng , Gio̍k tāi-ló thâu-kong lâi kái i , Tsiam Thong n̂g-kuà tshing sian-hong , Sù-tit tsiú-bah tsuì puànn-sí . Kái-kong kiò-siúⁿ téng-ē chng , Gio̍k tāi-ló thâu-kong lâi kái i , Chiam Thong n̂g-kòa chheng sian-hong , Sù-tit chiú-bah chùi pòaⁿ-sí .
張 舉人 一時 有 計智 ， 請的 宗兄 來 商議 ， 力的 張 丙 刘 港 兄 ， 番婆 坐 簥 畏人驚 ，	Tiunn kí-jîn tsi̍t-sî ū kè-tì , Tshiánn-tit tsong-hiann lâi siong-gī , Lia̍h-tit Tiunn Piánn Lâu Káng hiann , Huan-pô tsē kiō uì-lâng-kiann , Tiuⁿ kí-jîn chi̍t-sî ū kè-tì , Chhiáⁿ-tit chong-hiaⁿ lâi siong-gī , Lia̍h-tit Tiuⁿ Piáⁿ Lâu Káng hiaⁿ , Hoan-pô chē kiō ùi-lâng-kiaⁿ ,
斗六 黃 城 不知 死 ， 張 洪 力 伊 來 凌遲 ， 黃 奉 江 七 并 侯 虎 ， 個個 英雄 殺 半死 。	Táu-la̍k N̂g Siânn m̄-tsai sí , Tiunn Âng lia̍h i lâi lîng-tī , N̂g Hōng Kang Tshit kah Hâu Hóo , Kò-kò ing-hiông thâi puànn-sí . Táu-la̍k N̂g Siâⁿ m̄-chai sí , Tiuⁿ Âng lia̍h i lâi lêng-tī , N̂g Hōng Kang Chhit kah Hâu Hó͘ , Kò-kò eng-hiông thâi pòaⁿ-sí .
張 丙 詹 通 并 陳 連 ， 解 京 臠肉 慢 凌遲 ， 陳 辦 割 肉 分 身屍 ， 劝 恁 世上 忍 一時 ，	Tiunn Piánn Tsiam Thong kah Tân Liân , Kè kiann luân-bah bān lîng-tī , Tân Pān kuah bah hun sin-si , Khǹg lín sè-siōng lím tsi̍t-sî , Tiuⁿ Piáⁿ Chiam Thong kah Tân Liân , Kè kiaⁿ lôan-bah bān lêng-tī , Tân Pān koah bah hun sin-si , Khǹg lín sè-siōng lím chi̍t-sî ,
不通 思量 只 謀意 ， 八月 間內 回榜 止 ， 骨肉 慢慢 痛 半死 ， 正是 台灣 反意 歌 。	M̄-thang su-liûnn tsí bôo-ì , Pueh-gue̍h kan-lāi huê-pńg tsí , Kut-bah bān-bān thiànn puànn-sí , Tsiànn-sī Tâi-uân huán-ì kua . M̄-thang su-liûⁿ chí bô͘-ì , Poeh-goe̍h kan-lāi hôe-pńg chí , Kut-bah bān-bān thiàⁿ pòaⁿ-sí , Chiàⁿ-sī Tâi-ôan hóan-ì koa .