老歲仔 雄雄 走出來 ， 有話 講 予 咱 朋友 弟兄 逐家 知 。 頂來 勸 大兄 ， 下來 勸 小弟 ， 勸 咱 出門 毋通 佮 人 膏膏纏 ， 你 若 濫摻 來 做起 ， 連鞭 會 犯 詐欺 ， 外國 你 無才能 通好 去 。	Lāu-huè-á hiông-hiông tsáu-tshut-lâi , Ū-uē kóng hōo lán pîng-iú tī-hiann ta̍k-ke tsai , Tíng--lâi khǹg tuā-hiann , Ē--lâi khǹg sió-tī , Khǹg lán tshut-mn̂g m̄-thang kah lâng ko-ko-tînn , Lí nā lām-sám lâi tsò-khí , Liân-pīnn ē huān tsà-ki , Guā-kok lí bô-tsâi-lîng thang-hó khì . Lāu-hòe-á hiông-hiông cháu-chhut-lâi , Ū-ōe kóng hō͘ lán pêng-iú tī-hiaⁿ ta̍k-ke chai , Téng--lâi khǹg tōa-hiaⁿ , Ē--lâi khǹg sió-tī , Khǹg lán chhut-mn̂g m̄-thang kah lâng ko-ko-tîⁿ , Lí nā lām-sám lâi chò-khí , Liân-pīⁿ ē hōan chà-ki , Gōa-kok lí bô-châi-lêng thang-hó khì .
予 你 上敖力走 ， 鳳山 高雄 屏東 基隆 基隆頭 ， 刑事 警官 葉葉 到 ， 索仔 蹛佇 褲底仔頭 ， 捎 咧 共 你 縛 ， 火車 送 你 到 台北 。	Hōo lí siōng-gâu-tsáu , Hōng-suann Ko-hiông Pîn-tong Kue-lâng Kue-lâng-thâu , Hîng-sū kìng-kuan ia̍p-ia̍p kàu , Soh-á tuà-tī khòo-té-á-thâu , Sa leh kā lí pa̍k , Hué-tshia sàng lí kàu Tâi-pak . Hō͘ lí siōng-gâu-cháu , Hōng-soaⁿ Ko-hiông Pîn-tong Koe-lâng Koe-lâng-thâu , Hêng-sū kèng-koan ia̍p-ia̍p kàu , Soh-á tòa-tī khò͘-té-á-thâu , Sa leh kā lí pa̍k , Hóe-chhia sàng lí kàu Tâi-pak .
台北 雞寮 刑務所 ， 犯人 關甲 暗暗 烏 ， 犯人 食飯 串 配 蕹菜水 ， 餓 袂 死 ， 漲 袂 肥 。	Tâi-pak kue-liâu hîng-bū-sóo , Huān-lâng kuainn-kah àm-àm oo , Huān-lâng tsia̍h-pn̄g huàn phuè ìng-tshài-tsuí , Gō bē sí , Tiùnn bē puî . Tâi-pak koe-liâu hêng-bū-só͘ , Hōan-lâng koaiⁿ-kah àm-àm o͘ , Hōan-lâng chia̍h-pn̄g hòan phòe èng-chhài-chúi , Gō bē sí , Tiùⁿ bē pûi .
犯人 食飯 格 五點 ， 衰出來 看守 偷 搣 鹽 ， 看守 看着 tsam3 真忝 。 紅衫 紅褲 來 穿 ， 號頭 掛佇 面頭前 ， 鍊仔 鍊佇 腹肚頂 ， 宛然 親像 牽猴 上介 成 ， 閣咧 上介 成 。	Huān-lâng tsia̍h-pn̄g kik gōo-tiám , Sue--tshut--lâi khan-siú thau mi iâm , Khan-siú khuànn-tio̍h tsàm tsin-thiám . Âng-sann âng-khòo hiannh lâi tshīng , Hō-thâu kuà-tī bīn-thâu-tsîng , Liān-á liān-tī pak-tóo-tíng , Uán-liân tshin-tshiūnn khan-kâu siōng-kài sîng , Koh-leh siōng-kài sîng . Hōan-lâng chia̍h-pn̄g kek gō͘-tiám , Soe--chhut--lâi khan-siú thau mi iâm , Khan-siú khòaⁿ-tio̍h chàm chin-thiám . Âng-saⁿ âng-khò͘ hiaⁿ̍h lâi chhēng , Hō-thâu kòa-tī bīn-thâu-chêng , Liān-á liān-tī pak-tó͘-téng , Óan-liân chhin-chhiūⁿ khan-kâu siōng-kài sêng , Koh-leh siōng-kài sêng .
老歲仔 卜 來 勸 咱 朋友 ， 勸 按怎 ？ 勸 恁 跋繳 。 講 繳仔 若 毋煞 ， 任 你 仙趁 你 着 袂快活 。 人 講 繳仔 若 無 跋 ， 講 錢死 就 袂活 。 好 來 ， 我 來 唸 一个 勸跋繳歌 。	Lāu-huè-á beh lâi khǹg lán pîng-iú , Khǹg àn-tsuánn ? Khǹg lín pua̍h-kiáu . Kóng kiáu-á nā m̄-suah , Līm lí sian-thàn lí tio̍h m̄-khuìnn-ua̍h . Lâng kóng kiáu-á nā bô pua̍h , Kóng tsînn-sí tio̍h bē-ua̍h , Hó lâi , Guá lâi liām tsi̍t-ê khǹg-pua̍h-kiáu-kua . Lāu-hòe-á beh lâi khǹg lán pêng-iú , Khǹg àn-chóaⁿ ? Khǹg lín poa̍h-kiáu . Kóng kiáu-á nā m̄-soah , Līm lí sian-thàn lí tio̍h m̄-khùiⁿ-oa̍h . Lâng kóng kiáu-á nā bô poa̍h , Kóng chîⁿ-sí tio̍h bē-oa̍h , Hó lâi , Góa lâi liām chi̍t-ê khǹg-poa̍h-kiáu-koa .
老歲仔 卜來 勸世 恁 跋繳 ， 有的 叫 伊 來去 做工 擋袂牢 ， 咱 兩鮮錢 去 十八仔 搦了了 ， 你 一个 腹肚 定定 攬 佇 枵 。	Lāu-huè-á beh-lâi khǹg-sè lín pua̍h-kiáu , Ū-ê kiò i lâi-khì tsò-kang tòng-buē-tiâu , Lán ln̄g-sián-tsînn khì si̍p-pat-á la̍k-liáu-liáu , Lí tsi̍t-ê pak-tóo tiānn-tiānn lám tī iau . Lāu-hòe-á beh-lâi khǹg-sè lín poa̍h-kiáu , Ū-ê kiò i lâi-khì chò-kang tòng-bōe-tiâu , Lán ln̄g-sián-chîⁿ khì si̍p-pat-á la̍k-liáu-liáu , Lí chi̍t-ê pak-tó͘ tiāⁿ-tiāⁿ lám tī iau .
有人 愛跋 十胡牌 ， 牌 分 四色 通人 知 ， 十八仔 的 繳 最 厲害 ， Phe3-sih 的 繳 外國 傳來 。	Ū-lâng ài-pua̍h tsa̍p-hôo-pâi , Pâi hun sì-sik thong-lâng tsai , Si̍p-pat-á ê kiáu tsuè lī-hāi , Phè-si̍h ê kiáu guā-kok thuân--lâi . Ū-lâng ài-poa̍h cha̍p-hô͘-pâi , Pâi hun sì-sek thong-lâng chai , Si̍p-pat-á ê kiáu chòe lī-hāi , Phè-si̍h ê kiáu gōa-kok thôan--lâi .
繳 真 濟項 今着 講袂透 ， 中部 有人 咧 跋 輦骰 ， 有人 路邊 佇塊 叫 骰九 ， 墨賊仔 天貢 的 繳 上介 敖力 。	Kiáu tsin tsē-hāng tann-tio̍h kóng-buē-thàu , Tiong-pōo ū-lâng leh pua̍h lián-tâu , Ū-lâng lōo-pinn tī-teh kiò tâu-káu , Ba̍k-tsa̍t-á thian-kòng ê kiàu siōng-kài gâu . Kiáu chin chē-hāng taⁿ-tio̍h kóng-bōe-thàu , Tiong-pō͘ ū-lâng leh poa̍h lián-tâu , Ū-lâng lō͘-piⁿ tī-teh kiò tâu-káu , Ba̍k-cha̍t-á thian-kòng ê kiàu siōng-kài gâu .
這碼 有人 佇塊 拍麻雀 ， 路邊 有人 咧 搖 三六 ， 有 繳 無跋 的 人 就 斟酌 ， 跋繳 也 會 強 欺 弱 。	Tsit-má ū-lâng tī-teh phah-mâ-tshiok , Lōo-pinn ū-lâng leh iô sam-lio̍k , Ū kiáu bô-pua̍h ê lâng tio̍h tsim-tsiok , Pua̍h-kiáu iā ē kiông khi lio̍k . Chit-má ū-lâng tī-teh phah-mâ-chhiok , Lō͘-piⁿ ū-lâng leh iô sam-lio̍k , Ū kiáu bô-poa̍h ê lâng tio̍h chim-chiok , Poa̍h-kiáu iā ē kiông khi lio̍k .
繳 若 愛跋 攏 盡呼 ， 咱 台北 若咧 跋 六跤 ， 有人 佇咧 跋 八胡 ， 抑 若 跋 濁的 會用 倚 砍大肚 ， 抑 若 艋舺 跋 清的 對君 是 講 四胡 。	Kiáu nā ài-pua̍h lóng tsīn-hoo , Lán Tâi-pak nā-leh pua̍h la̍k-kha , Ū-lâng tī-leh pua̍h peh-hôo , Ah nā pua̍h lô-ê ē-īng uá khám-tuā-tōo , Ah nā Báng-kah pua̍h tshing-ê tuì-kun sī kóng sì-hôo . Kiáu nā ài-poa̍h lóng chīn-ho͘ , Lán Tâi-pak nā-leh poa̍h la̍k-kha , Ū-lâng tī-leh poa̍h peh-hô͘ , Ah nā poa̍h lô-ê ē-ēng óa khám-tōa-tō͘ , Ah nā Báng-kah poa̍h chheng-ê tùi-kun sī kóng sì-hô͘ .
六跤 上捷 跋 五龍 ， 就 唯 遐 川跤 拴 頭先 ， 二跤 抾着 好手 ， 牌仔 撜咧 革 士清 ， 予 人因 五个 總喝 ， 從 按呢 摃死 二跤 講 誠 可憐 。	La̍k-kha siōng-tsia̍p pua̍h ngóo-lîng , Tio̍h uì hia tshuan-kha tshuân thâu-sing , Lī-kha khioh-tio̍h hó-tshiú , Pâi-á tinn-leh kik sū-tshing , Hōo in gōo-kha tsóng-huah , Tsiông àn-ne kòng-sí lī-kha kóng tsiânn khó-lîn . La̍k-kha siōng-chia̍p poa̍h ngó͘-lêng , Tio̍h ùi hia chhoan-kha chhôan thâu-seng , Lī-kha khioh-tio̍h hó-chhiú , Pâi-á tiⁿ-leh kek sū-chheng , Hō͘ in gō͘-kha chóng-hoah , Chiông àn-ne kòng-sí lī-kha kóng chiâⁿ khó-lîn .
二跤 佇咧 說 ： 共 伊 講 免跋 矣 ， 抾 規暗 干焦 抾 這斗 ， 無彩 我 抾起來 起手 着咧 等 白炮 ， 起手等 哦 ， 予 人因 硬 五个 總喝 來 摃死 二跤 ， 想起來 足 剋喉 。	Lī-kha tī-leh sueh : Kā i kóng bián-pua̍h ā , Khioh kui-àm kan-ta khioh tsi̍t-táu , Bô-tshái guá khioh--khí--lâi khí-tshiú to̍h-leh tán pe̍h-phàu , Khí-tshiú-tán oo , Hōo in ngē gōo-ê tsóng-huah lâi kóng-sí lī-kha , Siūnn--khì--lâi tsiok khik-âu . Lī-kha tī-leh soeh : Kā i kóng bián-poa̍h ā , Khioh kui-àm kan-ta khioh chi̍t-táu , Bô-chhái góa khioh--khí--lâi khí-chhiú to̍h-leh tán pe̍h-phàu , Khí-chhiú-tán o͘ , Hō͘ in ngē gō͘-ê chóng-hoah lâi kóng-sí lī-kha , Siūⁿ--khì--lâi chiok khek-âu .
牌底 一下 看 ， 看着 講 第二跤 彼支 牌底 ， 掀起來 拄仔好 白炮 ， 按呢 伊 就 到 ， 閣 予人 摃跤 ， 看 一支 白炮 ， 目屎 煞 強卜 流 。	Pâi-té tsi̍t-ē khuànn , Khuànn-tio̍h kóng tē-lī-kha hit-ki pâi-té , Hian--khí--lâi tú-á-hó pe̍h-phàu , Án-ne i tio̍h kàu , Koh hōo-lâng kòng-kha , Khuànn tsi̍t-ki pe̍h-phàu , Ba̍k-sái suah kiông-beh lâu . Pâi-té chi̍t-ē khòaⁿ , Khòaⁿ-tio̍h kóng tē-lī-kha hit-ki pâi-té , Hian--khí--lâi tú-á-hó pe̍h-phàu , Án-ne i tio̍h kàu , Koh hō͘-lâng kòng-kha , Khòaⁿ chi̍t-ki pe̍h-phàu , Ba̍k-sái soah kiông-beh lâu .
有 看 的人 講 ： 共 恁 摃死 二跤 你 咧 suainn7 啥 ， 抑 無 你 嘛 有通 趁 兩底 。 咱 抾起來 好手 無 跋 ， 予人 加 摃跤 ， 按呢 上介 衰 。	Ū khuànn ê-lâng kóng : Kā lín kòng-sí lī-kha lí leh suāinn siánn , Ah bô lí mā ū-thang thàn ln̄g-tué . Lán khioh--khì--lâi hó-tshiú bô pua̍h , Hōo-lâng ka kòng-kha , Àn-ne siōng-kài sue . Ū khòaⁿ ê-lâng kóng : Kā lín kòng-sí lī-kha lí leh soāiⁿ siáⁿ , Ah bô lí mā ū-thang thàn ln̄g-tóe . Lán khioh--khì--lâi hó-chhiú bô poa̍h , Hō͘-lâng ka kòng-kha , Àn-ne siōng-kài soe .
予 人因 五个 從 按呢 加 跋 和去 ， 和去 連 一底 通 趁 嘛 無 ， 按呢 即 狼狽 ， 彼陣 從 按呢 輸繳 輸 甲 轉來 頭 犁犁 。	Hōo in gōo-ê tsiông àn-ne ka pua̍h hô--khì , Hô--khì liân tsi̍t-tué thang thàn mā bô , Àn-ne tsiah liông-puē , Hit-tsūn tsiông àn-ne su-kiáu su kah tńg--lâi thâu luê-luê . Hō͘ in gō͘-ê chiông àn-ne ka poa̍h hô--khì , Hô--khì liân chi̍t-tóe thang thàn mā bô , Àn-ne chiah liông-pōe , Hit-chūn chiông àn-ne su-kiáu su kah tńg--lâi thâu lôe-lôe .
有人 跋繳 按呢 那 阿舍 ， 出門 無嘛 佇咧 駛 轎車 。 毋過 你 若 輸繳 拄 磅壁 ， 連 卜 食 一支薰 你 都 毋敢 去 共人 賒 。	Ū-lâng pua̍h-kiáu àn-ne ná a-sià , Tshut-mn̂g bô-mā tī-leh sái kiau-tshia . M̄-kò lí nā su-kiáu tú pōng-piah , Liân beh tsia̍h tsi̍t-ki-hun lí to m̄-kánn khì kā-lâng sia . Ū-lâng poa̍h-kiáu àn-ne ná a-sià , Chhut-mn̂g bô-mā tī-leh sái kiau-chhia . M̄-kò lí nā su-kiáu tú pōng-piah , Liân beh chia̍h chi̍t-ki-hun lí to m̄-káⁿ khì kā-lâng sia .
有人 跋甲 誠 凄慘 ， 責任 攏 放 予 人因厝 的 某囝 塊 負擔 ， 僥倖哦 ， 人因某 按呢 就 人因厝 做 到 暗 ， 你 定定 跋繳 仙 就 毋通 。	Ū-lâng pua̍h-kah tsiânn tshi-tshám , Tsik-līm lóng pàng hōo in-tshù ê bóo-kiánn teh hū-tam , Hiau-hīng--oo , In-bóo àn-ne tsiū in-tshù tsò kàu àm , Lí tiānn-tiānn pua̍h-kiáu sian tio̍h m̄-thang . Ū-lâng poa̍h-kah chiâⁿ chhi-chhám , Chek-līm lóng pàng hō͘ in-chhù ê bó͘-kiáⁿ teh hū-tam , Hiau-hēng--o͘ , In-bó͘ àn-ne chiū in-chhù chò kàu àm , Lí tiāⁿ-tiāⁿ poa̍h-kiáu sian tio̍h m̄-thang .
繳 若 卜愛 按呢 跋 毋煞 ， 任 你 仙 趁 袂 快活 ， 厝內 就會 放外外 ， 煞 予 恁厝 的 某囝 佇塊 受 拖磨 。	Kiáu nā beh-ài àn-ne pua̍h m̄-suah , Līm lí sian thàn bē khuìnn-ua̍h , Tshù-lāi tio̍h-ē pàng-guā-guā , Suah hōo lín-tshù ê bóo-kiánn tī-teh siū thua-buâ . Kiáu nā beh-ài àn-ne poa̍h m̄-soah , Līm lí sian thàn bē khùiⁿ-oa̍h , Chhù-lāi tio̍h-ē pàng-gōa-gōa , Soah hō͘ lín-chhù ê bó͘-kiáⁿ tī-teh siū thoa-bôa .
有人 輸繳 按呢 袂 覺醒 ， 今仔日 輸繳 ， 明仔載 講 想卜 閣 來 去 平 ， 誠濟 這款 的 毛病 ， 有的 輸繳 即 共人 偷標 會仔錢 。	Ū-lâng su-kiáu àn-ne bē kak-tshínn , Kin-á-li̍t su-kiáu , Bîng-á-tsài kóng siūnn-beh koh lâi khì phînn , Tsiânn-tsuē tsit-khuán ê môo-pīnn , Ū-ê su-kiáu tsiah kā-lâng thau-pio huē-á-tsînn . Ū-lâng su-kiáu àn-ne bē kak-chhíⁿ , Kin-á-li̍t su-kiáu , Bêng-á-chài kóng siūⁿ-beh koh lâi khì phîⁿ , Chiâⁿ-chōe chit-khóan ê mô͘-pīⁿ , Ū-ê su-kiáu chiah kā-lâng thau-pio hōe-á-chîⁿ .
有人 輸甲 按呢 咒 重誓 ， 咒誓咯 ， 斲斷 我的 掌頭仔 ， 講 我 以後 對 繳仔 今 攏總 都 毋跋 。 實在 伊的 心肝 想 卜 看破 ， 彼號 繳鬼 若 來招 心 就 活 。	Ū-lâng su-kah àn-ne tsiù tāng-tsuā , Tsiù-tsuā--lòo , Tok-tn̄g guá-ê tsíng-thâu-á , Kóng guá í-āu tuì kiàu-á tann lóng-tsóng to m̄-pua̍h , Si̍t-tsāi i-ê sim-kuann siūnn beh khuànn-phuà , Hit-lō kiáu-kuí nā lâi-tsio sim tio̍h ua̍h . Ū-lâng su-kah àn-ne chiù tāng-chōa , Chiù-chōa--lò͘ , Tok-tn̄g góa-ê chéng-thâu-á , Kóng góa í-āu tùi kiàu-á taⁿ lóng-chóng to m̄-poa̍h , Si̍t-chāi i-ê sim-koaⁿ siūⁿ beh khòaⁿ-phòa , Hit-lō kiáu-kúi nā lâi-chio sim tio̍h oa̍h .
有人 跋甲 按呢 店 煞 倒 ， 自殺 去 跳 淡水河 ， 放 人因厝的 某囝 塊 煩惱 ， 你 繳 若 勿跋 事 就 無 。	Ū-lâng pua̍h-kah àn-ne tiàm suah tó , Tsū-sat khì thiàu Tiām-tsuí-hô , Pàng in-tshù-ê bóo-kiánn teh huân-ló , Lí kiáu nā mài-pua̍h sū to̍h bô . Ū-lâng poa̍h-kah àn-ne tiàm soah tó , Chū-sat khì thiàu Tiām-chúi-hô , Pàng in-chhù-ê bó͘-kiáⁿ teh hôan-ló , Lí kiáu nā mài-poa̍h sū to̍h bô .
一種 查某的 繳 若 愛跋 厚 債務 ， 十个 九个 聽講 去 跋輸 ， 有人 查甫的 輸繳 去 賣厝 ， 嘛有 彼 號 查某的 輸繳 無錢 偷走私 。	Tsi̍t-tsióng tsa-bóo-ê kiáu nā ài-pua̍h kāu tsè-bū , Tsa̍p-ê káu-ê thiann-kóng khì pua̍h-su , Ū-lâng tsa-poo-ê su-kiáu khì buē-tshù , Mā-ū hit lō tsa-bóo-ê su-kiáu bô-tsînn thau-tsáu-su . Chi̍t-chióng cha-bó͘-ê kiáu nā ài-poa̍h kāu chè-bū , Cha̍p-ê káu-ê thiaⁿ-kóng khì poa̍h-su , Ū-lâng cha-po͘-ê su-kiáu khì bōe-chhù , Mā-ū hit lō cha-bó͘-ê su-kiáu bô-chîⁿ thau-cháu-su .
何故 跋甲 即 歹命 ， 若 輸繳 去 走私 最 歹名 ， 繳 會 害人 放翁 佮 離囝 ， 拄着 的 人 即 知驚 。	Hô-kòo pua̍h-kah tsiah phái-miā , Nā su-kiáu khì tsàu-su tsuè pái-miâ , Kiáu ē hāi-lâng pàng-ang kah lî-kiánn , Tú--tio̍h ê lâng tsiah tsai-kiann . Hô-kò͘ poa̍h-kah chiah phái-miā , Nā su-kiáu khì chàu-su chòe pái-miâ , Kiáu ē hāi-lâng pàng-ang kah lî-kiáⁿ , Tú--tio̍h ê lâng chiah chai-kiaⁿ .
有種 查某的 跋甲 按呢 那 繳鬼 ， 繳 若 輸落去 一个 跤縫 擘開開 ， 即 佮 查甫的 坐 相對 ， 奉 加 看甲 兩蕊 目睭 微微微 。	Ū-tsióng tsa-bóo-ê pua̍h-kah àn-ne ná kiáu-kuí , Kiáu nā su-luè-khì tsi̍t-ê kha-phāng peh-khui-khui , Tsiah kah tsa-poo-ê tsē sio-tuì , Hông ka khuànn-kah ln̄g-luí ba̍k-tsiu bui-bui-bui . Ū-chióng cha-bó͘-ê poa̍h-kah àn-ne ná kiáu-kúi , Kiáu nā su-lòe-khì chi̍t-ê kha-phāng peh-khui-khui , Chiah kah cha-po͘-ê chē sio-tùi , Hông ka khòaⁿ-kah ln̄g-lúi ba̍k-chiu bui-bui-bui .
勸 恁 跋繳 改 較好 ， 毋通 講 我 言 迹多 ， 咱 若 認真 拍拚 來去 做 ， 若卜 成功 免驚無 。	Khǹg lín pua̍h-kiáu kái khah-hó , M̄-thang kóng guá giân tsiah-to , Lán nā tsīn-tsin phah-piànn lâi-khì tsò , Nā-beh sîng-kong bián-kiann-bô . Khǹg lín poa̍h-kiáu kái khah-hó , M̄-thang kóng góa giân chiah-to , Lán nā chīn-chin phah-piàⁿ lâi-khì chò , Nā-beh sêng-kong bián-kiaⁿ-bô .
勸 恁 跋繳 繳 就 改 ， 有人 佇 這个 繳場 佮 人 惹 出 禍災 ， 跋繳 算真 誠 厲害 ， 了 人 真大 的 家財 。	Khǹg lín pua̍h-kiáu kiáu tio̍h kái , Ū-lâng tī tsit-ê kiáu-tiûnn kah lâng lia̍h tshut hiō-tsai , Pua̍h-kiáu sǹg-tsin tsiânn lī-hāi , Liáu lâng tsin-tuā ê ka-tsâi . Khǹg lín poa̍h-kiáu kiáu tio̍h kái , Ū-lâng tī chit-ê kiáu-tiûⁿ kah lâng lia̍h chhut hiō-chai , Poa̍h-kiáu sǹg-chin chiâⁿ lī-hāi , Liáu lâng chin-tōa ê ka-châi .
勸 恁 跋繳 按呢 着 結束 ， 用 紙 包起來 做 記錄 ， 勿 跋 家內 即會 幸福 ， 致蔭 爸母 佮 家族 。	Khǹg lín pua̍h-kiáu àn-ne tio̍h kiat-sok , Iōng tsuá pau--khí--lâi tsuè kì-lo̍k , Mài pua̍h ka-lāi tsiah-ē hīng-hok , Tì-ìm pē-bú kah ka-tso̍k . Khǹg lín poa̍h-kiáu àn-ne tio̍h kiat-sok , Iōng chóa pau--khí--lâi chòe kì-lo̍k , Mài poa̍h ka-lāi chiah-ē hēng-hok , Tì-ìm pē-bú kah ka-cho̍k .
唸甲 到遮 卜來 扯 ， 唸歌 後面 誠 濟个 ， 無嫌 請 恁 來 遮 坐 ， 卜閣 聽 紲落 無問題 。	Liām-kah kah-tsia beh-lâi tshé , Liām-kua āu-bīn tsiânn tsuē-ê , Bô-hiâm tshiánn lín lâi tsia tsē , Beh-koh thiann suà--lo̍h bô-būn-tuê . Liām-kah kah-chia beh-lâi chhé , Liām-koa āu-bīn chiâⁿ chōe-ê , Bô-hiâm chhiáⁿ lín lâi chia chē , Beh-koh thiaⁿ sòa--lo̍h bô-būn-tôe .
阿伯仔 聽歌 老勇健 ， 跋繳人 若 聽歌 予 恁 場場 贏 ， 太太 聽 我 唸歌 轉去 生 好囝 ， 無嫌 禾黑歌 罔 加 聽 。	A-peh-á thiann-kua lāu-ióng-kiānn , Pua̍h-kiáu-lâng nā thiann-kua hōo lín tiûnn-tiûnn iânn , Thài-thài thiann guá liām-kua tńg--khì sinn hó-kiánn , Bô-hiâm bái-kua bong ka thiann . A-peh-á thiaⁿ-koa lāu-ióng-kiāⁿ , Poa̍h-kiáu-lâng nā thiaⁿ-koa hō͘ lín tiûⁿ-tiûⁿ iâⁿ , Thài-thài thiaⁿ góa liām-koa tńg--khì siⁿ hó-kiáⁿ , Bô-hiâm bái-koa bong ka thiaⁿ .
阿姆仔 聽 我 唸歌 老康健 ， 無煩 無惱 倒少年 ， 少年家仔 聽 我 唸歌 ， 轉去 娶某 毋免 鮮 ， 娶着 小姐 有人緣 。	A-ḿ-á thiann guá liām-kua lāu-khong-kiān , Bô-huân bô-ló tò-siàu-liân , Siàu-liân-ke-á thiann guá liām-kua , Tńg--khì tshuā-bóo m̄-bián sián , Tshuā-tio̍h siáu-tsê ū-lâng-iân . A-ḿ-á thiaⁿ góa liām-koa lāu-khong-kiān , Bô-hôan bô-ló tò-siàu-liân , Siàu-liân-ke-á thiaⁿ góa liām-koa , Tńg--khì chhōa-bó͘ m̄-bián sián , Chhōa-tio̍h siáu-chê ū-lâng-iân .