| 冊名 | 戶蠅蚊仔大戰歌 |
| 編者 | 林有來改編 |
| 出版社 | 竹林書局 |
| 出版年 | 1987 |
| 篇名 | 中本 |
| 真人 毒鎗 極 利害 ， 娘娘 喜時 朗 不知 ， 好得 無死 上 加再 ， 沖毒 腸肚 大聲 哀 。 |
Tsin-lîn to̍k-tshiunn ki̍k lī-hāi , Niû-niû hit-sî lóng m̄-tsai , Hó-tit bô-sí siōng ka-tsài , Tiòng-to̍k tn̂g-tōo tuā-siann ai . |
| 蜘蛛 肚 大 又 袂死 ， 着驚 不敢 去 咬 伊 ， 知 伊 身軀 有 暗器 ， 娘娘 十分 塊 張池 。 |
Ti-tu tōo tuā iū buē-sí , Tio̍h-kiann m̄-kánn khì kā i , Tsai i sin-khu ū àm-khì , Niû-niû tsa̍p-hun teh tiunn-tî . |
| 蚊仔 知影 事 呆代 ， 真人 有去 無 返來 ， 條在 蜘蛛 个 網內 ， 逐日 大聲 小聲 哀 。 |
Báng-á tsai-iánn sū phái-tāi , Tsin-lîn ū-khì bô tńg--lâi , Tiâu-tsāi ti-tu ê bāng-lāi , Ta̍k-li̍t tuā-siann suè-siann ai . |
| 蚊仔 再去 叫 田嬰 ， 田嬰 出戰 夯 大旗 ， 田嬰 即共 伊 廣起 ， 我 去 有 死 允 無 生 。 |
Báng-á tsài-khì kiò tshân-inn , Tshân-inn tshut-tsiàn giâ tuā-kî , Tshân-inn tsiah-kā i kóng-khí , Guá khì ū sí ún bô sinn . |
| 田嬰 着驚 不敢 來 ， 蚊仔 將 情 講 伊 知 ， 無 汝 共 我 想 看覓 ， 卜 請 省人 來 安排 。 |
Tshân-inn tio̍h-kiann m̄-kánn lâi , Báng-á tsiong tsîng kóng i tsai , Bô lí kā guá siūnn khuànn-bāi , Beh tshiánn siánn-lâng lâi an-pâi . |
| 田嬰 就 共 伊 指示 ， 汝 着 去請 蟬先生 ， 大蟬 帶治 樹林寺 ， 汝 今 赶緊 去 請 伊 。 |
Tshân-inn tio̍h kā i tsí-sī , Lí tio̍h khì-tshiánn Siân--sian-sinn , Tuā-siân tuà-tī Tshiū-nâ-sī , Lí tann kuánn-kín khì tshiánn i . |
| 蚊仔 受氣 做 伊 走 ， 想卜 閣去 請 肚猿 ， 肚猿 帶治 空仔口 ， 蚊仔 隨時 去 因兜 。 |
Báng-á siū-khì tsuè i tsáu , Siūnn-beh koh-khì tshiánn tōo-kâu , Tōo-kâu tuà-tī Khang-á-kháu , Báng-á suî-sî khì in-tau . |
| 肚猿 廣 伊 無法度 ， 蜘蛛 算 是 老江湖 ， 這號 陣圖 難得 破 ， 伊 在 空中 我 在 土 。 |
Tōo-kâu kóng i bô-huat-tōo , Ti-tu sǹg sī lāu-kang-ôo , Tsit-hō tīn-tôo lân-tit phòo , I tsāi khong-tiong guá tsāi thôo . |
| 肚猿 加 廣 不敢 來 ， 蚊仔 走 去 請 姑玳 ， 伊 帶 水府 石洞 內 ， 蚊仔 卜去 請 伊 來 。 |
Tōo-kâu ka kóng m̄-kánn lâi , Báng-á tsáu khì tshiánn koo-tai , I tuà Tsuí-hú tsio̍h-tōng lāi , Báng-á beh-khì tshiánn i lâi . |
| 蚊仔 去 到 姑玳府 ， 卜請 姑玳 做 軍師 ， 姑玳 共 伊 廣 几句 ， 我 無法度 掠 蜘蛛 。 |
Báng-á khì kàu Koo-tai-hú , Beh-tshiánn koo-tai tsuè kun-su , Koo-tai kā i kóng kuí-kù , Guá bô-huat-tōo lia̍h ti-tu . |
| 蚊仔 想着 也 有影 ， 戶架 樹頂 上好 請 ， 因為 戶蠅 做 不正 ， 今日 卜 皆 大輸營 。 |
Báng-á siūnn-tio̍h iā ū-iánn , Hōo-kê tshiū-tíng siōng-hó tshiánn , In-uī hôo-sîn tsuè put-tsiànn , Kin-li̍t beh kai tuā-su-iânn . |
| 戶架 就共 伊 廣起 ， 汝 今 去 請 阮 小弟 ， 我 弟 名 叫 老樟茲 ， 日 在 府中 暗 無治 。 |
Hōo-kê tio̍h-kā i kóng-khí , Lí tann khì tshiánn gún sió-tī , Guá tī miâ kiò lāu-tsiunn-tsî , Li̍t tsāi hú-tiong àm bô-tī . |
| 叫 我 送 肉 去 飼 虎 ， 戶架 做事 真 何徒 ， 着 請 別人 恰 套棟 ， 只个 那 去 允 成功 。 |
Kiò guá sàng bah khì tshī hóo , Hōo-kê tsuè-sū tsin hôo-tôo , Tio̍h tshiánn pa̍t-lâng khah thò-tòng , Tsit-ê nā khì ún sîng-kong . |
| 蚊仔 走 去 草猿府 ， 因厝 帶 在 山崑崙 ， 草猿 共 伊 廣 几句 ， 汝 着 去請 阮 姉夫 。 |
Báng-á tsáu khì Tsháu-kâu-hú , In-tshù tuà tsāi Suann-khun-lûn , Tsháu-kâu kā i kóng kuí-kù , Lí tio̍h khì-tshiánn gún tsí-hu . |
| 身軀 二枝 吾梅刺 ， 通人 看着 都 驚 伊 ， 阮 姉 頭殼 紅記記 ， 姉夫 外號 叫 草耳 。 |
Sin-khu nn̄g-ki gôo-muî-tshì , Thong-lâng khuànn-tio̍h to kiann i , Gún tsí thâu-khak âng-kì-kì , Tsí-hu guā-hō kiò Tsháu-ní . |
| 祖傳 乎 伊 吾梅刺 ， 而后 死了 傳 乎 伊 ， 寶貝 是 伊 學 上起 ， 看 又 軟軟 無 半糸 。 |
Tsóo-thuân hōo i gôo-muî-tshì , Lî-hiō sí-liáu thuân hōo i , Pó-puè sī i o̍h siōng-khí , Khuànn iū nńg-nńg bô puànn-si . |
| 蚊仔 听着 草猿 廣 ， 叫 伊 去請 草耳 公 ， 卜破 天羅 甲 地網 ， 着請 伊 來 允 成功 。 |
Báng-á thiann-tio̍h tsháu-kâu kóng , Kiò i khì-tshiánn tsháu-ní kong , Beh-phuà thian-lô kah tē-bóng , Tio̍h-tshiánn i lâi ún sîng-kong . |
| 蚊仔 廣 乎 草耳 听 ， 請 汝 去 收 蜘蛛精 ， 蜘蛛 法術 萬項 件 ， 別人 請來 無 允營 。 |
Báng-á kóng hōo tsháu-ní thiann , Tshiánn lí khì siu ti-tu-tsiann , Ti-tu huat-su̍t bān-hāng kiānn , Pa̍t-lâng tshiánn--lâi bô ún-iânn . |
| 蚊仔 知影 事 呆紡 ， 塊求 草耳 罩 相共 ， 草耳 未崁 求 歸暗 ， 恰苦 共 汝 罩 幫忙 。 |
Báng-á tsai-iánn sū phái-pháng , Teh-kiû tsháu-ní tàu sann-kāng , Tsháu-ní bē-kham kiû kui-àm , Khah-khóo kā lí tàu pang-bâng . |
| 卜破 陰陽 天羅帳 ， 通好 煞 拿 施娘娘 ， 卜破 天羅 地網陣 ， 着 上 崑崙 請 門人 。 |
Beh-phuà im-iông thian-lô-tiùnn , Thang-hó suà lia̍h Si-niû-niû , Beh-phuà thian-lô tē-bóng-tīn , Tio̍h tsiūnn Khun-lûn tshiánn bûn-lîn . |
| 來 到 崑崙 就 入 去 ， 白鶴洞 中 請 師弟 ， 白鶴 先師 即 廣起 ， 戶蠅 蚊仔 起 交邊 。 |
Lâi kàu Khun-lûn tio̍h li̍p khì , Pe̍h-ho̍h-tōng tiong tshiánn su-tī , Pe̍h-ho̍h sian-su tsiah kóng-khí , Hôo-sîn báng-á khí kau-pinn . |
| 白鶴 閣去 孔雀洞 ， 鶴鈞 老師 做 仙翁 ， 鳳凰 燕 集 做 一黨 ， 鴛鴦 水鴨 來 相逢 。 |
Pe̍h-ho̍h koh-khì Khóng-tshiok-tōng , Ho̍h-kun lāu-su tsuè sian-ong , Hōng-hông ìnn tsi̍p tsuè tsi̍t-tóng , Uan-iunn tsuí-ah lâi siong-hông . |
| 老龜 伊 去 背 戰鼓 ， 石降 打鵠 皮 粗粗 ， 水蛙 腹大 袂行路 ， 跳 遠 一步 甚 歸埔 。 |
Lāu-ku i khì phāinn tsiàn-kóo , Tsio̍h-kàng phah-khok phuê tshoo-tshoo , Tsuí-ke tōo-tuā buē-kiânn-lōo , Thiàu hn̄g tsi̍t-pōo sīm kui-poo . |
| 蝴蝶 本是 水 查某 ， 影戲 伊 是 做 紅姑 ， 有學 劍光 个 法度 ， 是 沈 雌霞 个 門徒 。 |
Ôo-tia̍p pún-sī suí tsa-bóo , Iánn-hì i sī tsuè âng-koo , Ū-o̍h kiàm-kong ê huat-tōo , Sī Sím tshu-hâ ê bûn-tôo . |
| 就点 烏鴉 去 通報 ， 門｜着 一隻 破 筆羅 ， 代志 驚了 做 不好 ， 煞閣 斷着 伊 蜜婆 。 |
Tio̍h-tiám oo-a khì thong-pò , Tú-tio̍h tsi̍t-tsiah phuà pit-lô , Tāi-tsì kiann-liáu tsuè m̄-hó , Suah-koh tn̄g-tio̍h i bi̍t-pô . |
| 加走 靠 伊 好 腳手 ， 伐落 水底 好塊 燕仔 走 去 救 ， 那無 性命 伊 着休 。 |
Ka-tsáu khò i hó kha-tshiú , Pua̍h-lo̍h tsuí-té phîng-phông- siû , Hó-teh ìnn-á tsáu khì kiù , Nā-bô sìnn-miā i tio̍h-hiu . |
| 目虱 界肴 放 臭屁 ， 毛蟹 上肴 噴 雞歸 ， 嘴瀾 不時 湳滲 隧 ， 乎 火金姑 皆 轆墜 。 |
Ba̍k-sat kài-gâu pàng tshàu-phuì , Môo-hē siōng-gâu pûn ke-kui , Tshuì-nuā put-sî lām-sám suî , Hōo hé-kim-koo kai lak-sui . |
| 鳥鼠 第一 好 計智 ， 偷咬 蜘蛛 兮 戰書 ， 天羅 地網 八卦 起 ， 實在 難得 來 破 伊 。 |
Niáu-tshí tē-it hó kè-tì , Thau-kā ti-tu ê tsiàn-si , Thian-lô tē-bóng Pat-kuà khí , Si̍t-tsāi lân-tit lâi phuà i . |
| 蝙蝠 計智 上 界好 ， 伊 即 走去 假 蜜婆 ， 蚊仔 着驚 走 返倒 ， 好 得 鴛鴦 來 廣和 。 |
Pian-hok kè-tì siōng kài-hó , I tsiah tsáu-khì ké bi̍t-pô , Báng-á tio̍h-kiann tsáu tńg-tò , Hó tit uan-iunn lâi kóng-hô . |
| 烏秋 治塊 做 大將 ， 黃卿 相打 第一 雄 ， 着是 粉鳥 上 有量 ， 乎 伊 点着 孤不章 。 |
Oo-tshiu tī-teh tsuè tāi-tsiòng , N̂g-phang sio-phah tē-it hiông , Tio̍h-sī hún-tsiáu siōng ū-liōng , Hōo i tiám-tio̍h koo-put-tsiong . |
| 貓葉 高飛 塊 科風 ， 門｜斷 一隻 大鳳凰 ， 花眉 無信 伊 來 廣 ， 就是 粟鳥 上 大戇 。 |
Bā-hio̍h kuân-pe teh kho-hong , Tú-tn̄g tsi̍t-tsiah tuā-hōng-hông , Hue-bî m̄-sìn i lâi kóng , Tio̍h-sī tshik-tsiáu siōng tuā-gōng . |
| 白鶴 仙師 肴 想計 ， 去請 太乙 伊 一个 ， 即点 蠟里 去 串地 ， 獨角金龜 夯 鐵叉 。 |
Pe̍h-ho̍h sian-su gâu siūnn-kè , Khì-tshiánn Thài-it i tsi̍t-ê , Tsiah-tiám lâ-lí khì tsǹg-tē , To̍k-kak-kim-ku giâ thi̍h-tshe . |
| 鶯哥 去借 巴蕉扇 ， 卜破 只陣 大鵬 靠 伊 肴 飛天 ， 孔雀 親像 順風耳 。 |
Ing-ko khì-tsioh pa-tsiau-sìnn , Beh-phuà tsit-tīn ba̍k-tsi̍t-ni̍h , Tāi-phîng khò i gâu pe-thinn , Khóng-tshiok tshin-tshiūnn Sūn-hong-ní . |
| 燕仔 典 伊 上肴 飛 ， 南洋 大海 飛 兮 過 ， 老君 看 伊 無目地 ， 而後 即命 姜 子牙 。 |
Ìnn-á tián i siōng-gâu pe , Lâm-iûnn tuā-hái pe ē kè , Nóo-kun khuànn i bô-ba̍k-tē , Lî-āu tsiah-bīng Khiunn Tsú-gê . |
| 元始天尊 來 做正 ， 塊 共 老君 說 分明 ， 飛天 串地 無路用 ， 天羅地網 天 生成 。 |
Guân-sí-thian-tsun lâi tsuè-tsìng , Teh kā Nóo-kun seh hun-bîng , Pe-thinn tsǹg-tē bô-lōo-īng , Thian-lô-tē-bóng thinn sinn-sîng . |
| 天羅 地網 八卦 起 ， 銅墻 鐵壁 一般年 ， 飛天 串地 走 袂 去 ， 着用 法度 來 破 伊 。 |
Thian-lô tē-bóng Pat-kuà khí , Tâng-tshiûnn thi̍h-piah it-puann-nî , Pe-thinn tsǹg-tē tsáu buē khì , Tio̍h-īng huat-tōo lâi phuà i . |
| 蜘蛛 不是 小可人 ， 道倖 算來 五千冬 ， 卜破 伊 个 蜘蛛網 ， 着点 門徒 罩 相幫 。 |
Ti-tu m̄-sī sió-khuá-lâng , Tō-hīng sǹg--lâi gōo-tshing-tang , Beh-phuà i ê ti-tu-bāng , Tio̍h-tiám bûn-tôo tàu sann-pang . |
| 白象 一條 捆 仙索 ， 月兔 頭 插 二枝刀 ， 老猿 典 伊 腳手 好 ， 伊 能 上天 偷 仙桃 。 |
Pe̍h-tshiūnn tsi̍t-tiâu khún sian-soh , Gua̍t-thòo thâu tshah nn̄g-ki-to , Lāu-kâu tián i kha-tshiú hó , I ē tsiūnn-thinn thau sian-thô . |
| 烏貓 本成 愛 格水 ， 烏狗 看 甲 嘴開開 ， 叫 伊 赤牛 來 做鬼 ， 條件 袂和 即 釵開 。 |
Oo-niau pún-tsiânn ài kik-suí , Oo-káu khuànn kah tshuì-khui-khui , Kiò i tshiah-gû lâi tsuè-kuí , Tiâu-kiānn buē-hô tsiah tshe-khui . |
| 閣点 黃貓 翻天印 ， 姜仔 甲 伊 格 氣人 ， 煞点 瀧猿 誅 頭陣 ， 狐狸 伊 也 下 凡塵 。 |
Koh-tiám n̂g-niau huan-thian-ìn , Khiunn-á kah i kik khì-lîn , Suà-tiám lîng-kâu tu thâu-tīn , Hôo-lî i iā hā huân-tîn . |
| 白頭鵠仔 界 憑段 ， 真人 叫 伊 下 仙山 ， 代志 到者 足 不願 ， 卜閣 起人 結 大冤 。 |
Pe̍h-thâu-khok-á kài pîn-tuānn , Tsin-lîn kiò i hā sian-suann , Tāi-tsì kàu-tsia tsiok m̄-guān , Beh-koh khí-lâng kiat tuā-uan . |
| 加走 飛身 入 陣內 ， 就 對 東門 打 過 來 ， 娘娘 法術 極 利害 ， 加走 崁 在 八卦台 。 |
Ka-tsáu pe-sin li̍p tīn-lāi , Tio̍h tuì Tang-mn̂g phah kè lâi , Niû-niû huat-su̍t ki̍k lī-hāi , Ka-tsáu khàm tsāi Pat-kuà-tâi . |
| |
應作鷹,鷹 |
翻筋斗. |
|
| 青爛 即去 照 火鏡 ， 協力 卜收 蜘蛛精 ， 蠟里 鑽地 不知影 ， 汶鼠 尋 無 路 通行 。 |
Tshinn-luā tsiah-khì tsioh hé-kiànn , Hia̍p-li̍k beh-siu ti-tu-tsiann , Lâ-lí tsǹg-tē m̄-tsai-iánn , Bùn-tshí tshuē bô lōo thang-kiânn . |
| 蜘蛛 看着 汶地鼠 ， 手 提 天羅 來 崁 伊 ， 好得 門｜着 伊 蠟里 ， 招 伊 鑽地 去 逃生 。 |
Ti-tu khuànn-tio̍h bùn-tē-tshí , Tshiú the̍h thian-lô lâi khàm i , Hó-tit tú-tio̍h i lâ-lí , Tsio i tsǹg-tē khì tô-sinn . |
| 蜘蛛 看 伊 串地 走 ， 地網 放落 土腳兜 ， 真言 咒語 念 了後 ， 土腳 變成 鐵 石頭 。 |
Ti-tu khuànn i tsǹg-tē tsáu , Tē-bóng pàng-lo̍h thôo-kha-tau , Tsin-giân tsiù-gú liām liáu-āu , Thôo-kha piàn-tsiânn thi̍h tsio̍h-thâu . |
| 喜拵 卜走 走 無路 ， 乎 伊 崁落 八卦爐 ， 神兵 神將 治塊 顧 ， 掌豆成兵 老江湖 。 |
Hit-tsūn beh-tsáu tsáu bô-lōo , Hōo i khàm-lo̍h Pat-kuà-lôo , Sîn-ping sîn-tsiòng tī-teh kòo , Tsióng-tāu-sîng-ping lāu-kang-ôo . |
| 金龜 赶緊 來 到位 ， 連 打 三粒 掌心雷 ， 去 乎 蜘蛛 嘴 叭開 ， 三粒 吞 做 合 一堆 。 |
Kim-ku kuánn-kín lâi kàu-uī , Liân phah sann-lia̍p tsóng-sim-luî , Khì hōo ti-tu tshuì peh-khui , Sann-lia̍p thun tsuè kap tsi̍t-tui . |
