首頁 >資料庫介紹
目錄
回上頁

冊名 食新娘茶講四句歌
編者 林有來
出版社 新竹竹林書局
出版年 1989
篇名 討冬瓜講四句
顯示 的款式:
Lô-má-jī 是
漢字是
新娘 行踏 真 好派 ，
一對 夫妻 行 相排 ；
食茶 恭賀 有 至再 ，
福 祿 壽 全 一齊 來 。
Sin-niû kiânn-ta̍h tsin hó-phài ,
Tsi̍t-tuì hu-tshe kiânn sann-pâi ;
Tsia̍h-tê kiong-hō ū tsi̍h-tsài ,
Hok lo̍k siū tsuân tsi̍t-tsuê lâi .
新娘 請茶 真 清甜 ，
做 過 高中 女先生 ；
匹配 好尫 看見見 ，
入門 發家 團團圓 。
Sin-niû tshiánn-tê tsin tshing-tinn ,
Tsuè kè ko-tiong lú-sian-sinn ;
Phit-phuè hó-ang khuànn-kìnn-kìnn ,
Li̍p-bn̂g hua̍t-ke thuân-thuân-înn .
維新 剪髮 電頭鬃 ，
穿插 歸身 閣 清香 ；
新娘 型体 真 活動 ，
子婿 大學 讀書 人 。
Uî-sin tsián-huat tiān-thâu-tsang ,
Tshīng-tshah kui-sin koh tshing-phang ;
Sin-niû hîng-thé tsin ua̍h-tāng ,
Kiánn-sài tāi-ha̍k tha̍k-tsu lâng .
新娘 女德 好 品幸 ，
德 和 同事 甲 學生 ；
甜茶 相請 真 欽敬 ，
配 夫 發達 萬年 興 。
Sin-niû lú-tik hó phín-hīng ,
Tik hô tông-sū kah ha̍k-sing ;
Tinn-tê sann-tshiánn tsin khim-kìng ,
Phuè hu hua̍t-ta̍t bān-nî hing .
新娘 穿插 真 齊整 ，
師範 畢業 好 學生 ；
請茶 好禮 肴 尊敬 ，
恭賀 富貴 又 添丁 。
Sin-niû tshīng-tshah tsin tsuê-tsíng ,
Su-huān pit-gia̍p hó ha̍k-sing ;
Tshiánn-tê hó-lé gâu tsun-kìng ,
Kiong-hō hù-kuì iū thaim-ting .
新娘 伶俐 真 文理 ，
無人 勝 伊 肴 作詩 ；
請茶 恭賀 真 歡喜 ，
福 祿 壽 全 就是 伊 。
Sin-niû líng-lī tsin bûn-lí ,
Bô-lâng sìng i gâu tsoh-si ;
Tshiánn-tê kiong-hō tsin huann-hí ,
Hok lo̍k siū tsuân tio̍h-sī i .
來 看 新娘 人 真 多 ，
甜茶 食過 討 冬瓜 ；
獨个 朗 有 說 好話 ，
子婿 福氣 中 頭科 。
Lâi khuànn sin-niû lâng tsin tsuē ,
Tinn-tê tsia̍h--kè thó tang-kue ;
Ta̍k-ê lóng ū seh hó-uē ,
Kiánn-sài hok-khì tiòng thâu-khue .
新娘 插 紅花 ，
腳 穿 紅皮鞋 ；
阮 來 無 別 做 ，
閣再 討 冬瓜 。
Sin-niû tshah âng-hue ,
Kha tshīng âng-phê-uê ;
Gún lâi bô pa̍t tsuè ,
Koh-tsài thó tang-kue .
頭 插 紅桃 ，
身 穿 紅襖 ；
夫妻 保老 ，
百年 和好 。
Thâu tshah âng-thô ,
Sin tshīng âng-ó ;
Hu-tshe pó-ló ,
Pah-nî hô-hó .
冬瓜 是 菜 ，
夫妻 恩愛 ；
有事 公開 ，
七 子 八 婿 。
Tang-kue sī tshài ,
Hu-tshe un-ài ;
Iú-sū kong-khai ,
Tshit tsú pueh sài .
人 我 上 不黨 ，
四句 袂曉 廣 ；
新娘 廣 無煌 ，
永有 一句 通 。
Lâng guá siōng put-tóng ,
Sì-kù buē-hiáu kóng ;
Sin-niû kóng bû-hông ,
Íng-ū tsi̍t-kù thong .
冬瓜 着閣 乒 ，
閣 請 眾 同窓 ；
含慢 又閣 宋 ，
不敢 講 凸風 。
Tang-kue tio̍h-koh phóng ,
Koh tshiánn tsiòng tông-tshong ;
Hâm-bān iū-koh sông ,
M̄-kánn kóng phòng-hong .
來 乎 新娘 請 食茶 ，
一對 美貌 好 夫妻 ；
新娘 肴 廣 閣 肴 做 ，
可比 一蕊 牡丹花 。
Lâi hōo sin-niû tshiánn tsia̍h-tê ,
Tsi̍t-tuì bí-bāu hó hu-tshe ;
Sin-niû gâu kóng koh gâu tsuè ,
Khó-pí tsi̍t-luí bóo-tan-hue .
冬瓜 蜜 白糖 ，
每塊 寸外 長 ；
緊 卜 去 做酸 ，
一醒 到 天光 。
Tang-kue bi̍t pe̍h-thn̂g ,
Muí-tè tshùn-guā tn̂g ;
Kín beh khì tsuè-sńg ,
Tsi̍t-tshínn káu thinn-kng .
新娘 冬瓜 捧 權權 ，
夫妻 恩愛 兩 相 全 ；
二姓 婚姻 相 甘願 ，
子孫 代代 出 狀元 。
Sin-niû tang-kue phóng kuân-kuân ,
Hu-tshe un-ài lióng siong tsuân ;
Ln̄g-sìnn hun-in sann kam-guān ,
Kiánn-sun tāi-tāi tshut tsiōng-guân .
乎 恁 今夜 好 洞房 ，
可比 魚 水 得 相逢 ；
冬尾 天上 送 貴子 ，
富貴 長壽 福 滿堂 。
Hōo lín kim-iā hó tōng-pông ,
Khó-pí hî tsuí tit siong-hông ;
Tang-bé thian-siōng sàng kuì-tsú ,
Hù-kuì tn̂g-siū hok buán-tông .
新娘 娶 入 來 ，
家財 年年 富 ；
今年 娶 心婦 ，
明年 起 大厝 。
Sin-niû tshuā li̍p lâi ,
Ka-tsâi nî-nî pù ;
Kin-nî tshuā sin-pū ,
Bîn-nî khí tuā-tshù .
冬瓜 提 到 嘴 ，
四句 講 會 對 ；
財庫 兼 富貴 ，
收刈 那 山 歸 。
Tang-kue the̍h kàu tshuì ,
Sì-kù kóng ē tuì ;
Tsâi-khòo kiam hù-kuì ,
Siu-kuah ná suann kui .
新娘 冬瓜 捧出來 ，
看着 一表 好 人才 ；
致蔭 夫家 有 至在 ，
祝 恁 年尾 生 双胎 。
Sin-niû tang-kue phóng-tshut--lâi ,
Khuànn-tio̍h it-piáu hó lîn-tsâi ;
Tì-ìm hu-ke ū tsi̍h-tsài ,
Tsiok lín nî-bé sinn sang-thai .
朋友 兄弟 ，
冬瓜 好味 ；
免 皆 客氣 ，
不通 細字 。
Pîng-iú hiann-tī ,
Tang-kue hó-bī ;
Bián kai kheh-khì ,
M̄-thang sè-lī .
今日 好 日子 ，
兩姓 結 連理 ；
冬尾 得恰 生 ，
閣 來 恁 恭喜 。
Kin-li̍t hó li̍t-tsí ,
Lióng-sìng kiat liân-lí ;
Tang-bé tik-khah sinn ,
Koh lâi lín kiong-hí .
新娘 正粧 ，
學問 相當 ；
英語 肴 廣 ，
腹內 能通 。
Sin-niû tsiànn-tsong ,
Ha̍k-būn siong-tong ;
Ing-gú gâu kóng ,
Pak-lāi lîng-thong .
新娘 順從 ，
夫妻 久長 ；
女胎 變相 ，
麟趾 呈祥 。
Sin-niû sūn-tsiông ,
Hu-tshe kiú-tiông ;
Lú-thai piàn-siòng ,
Lîn-tsí thîng-siông .
冬瓜 捧 一凸 ，
詩句 着 緊 廣 ；
看 省 恰 能通 ，
無 廣 人 笑 宋 。
Tang-kue phâng tsi̍t-phóng ,
Si-kù tio̍h kín kóng ;
Khuànn siánn khah lîng-thong ,
Bô kóng lâng tshiò sông .
新娘 真 賢會 ，
女德 閣 肴 做 ；
恁 且 冬瓜茶 ，
實在 食 真 多 。
Sin-niû tsin hiân-huē ,
Lú-tik koh gâu tsuè ;
Lín tshiánn tang-kue-tê ,
Si̍t-tsāi tsia̍h tsin tsuē .
冬瓜 食過 討 檳榔 ，
換 食 檳榔 恰 甜 糖 ；
新娘 理家 肴 打算 ，
三多 九如 慶 十全 。
Tang-kue tsia̍h--kè thó pin-nn̂g ,
Uānn tsia̍h pin-nn̂g khah tinn thn̂g ;
Sin-niû lí-ke gâu phah-sǹg ,
Sam-too kiú-lû khìng tsa̍p-tsn̂g .
檳榔 食過 捧 去 勤 ，
新娘 今日 娶 入 門 ；
嫁妝 又閣 足 多 物 ，
出丁 發財 福壽 長 。
Pin-nn̂g tsia̍h--kè phâng khì khǹg ,
Sin-niû kin-li̍t tshuā li̍t bn̂g ;
Kè-tsng iū-koh tsiok tsuē bn̍gh ,
Tshut-ting hua̍t-tsâi hok-siū tn̂g .
氷糖 食過 討 紅棗 ，
祝 恁 全家 兮 合和 ；
夫妻 百年 真 和好 ，
宜室 宜家 敬 公婆 。
Ping-thn̂g tsia̍h--kè thó âng-tsó ,
Tsiok lín tsuân-ke ē ha̍p-hô ;
Hu-tshe pah-nî tsin hô-hó ,
Gî-sik gî-ka kìng kong-pô .
紅棗 食過 討 福員 ，
俗名 龍眼 亦 有 拴 ；
夫妻 配合 真 水款 ，
生子 生孫 上 金鑾 。
Âng-tsó tsia̍h--kè thó hok-uân ,
Sio̍k-miâ lîng-gíng ia̍h ū tshuân ;
Hu-tshe phuè-ha̍p tsin suí-khuán ,
Sinn-kiánn sinn-sun tsiūnn kim-luân .
社會 這款 恁 看覓 ，
一對 新婚 行 相排 。
人 講 是 卜 傳 後代 ，
天 賜 麒麟 降生 來 。
Siā-huē tsit-khuán lín khuànn-bāi ,
Tsi̍t-tuì sin-hun kiânn sann-pâi .
Lâng kóng sī beh thuân āu-tāi ,
Thian sù kî-lîn kàng-sing lâi .
新娘 水 閣 肴 反變 ，
因 兮 爸母 肴 皆 生 。
一對 可 比 鳳凰鳥 ，
致蔭 尫家 大 趁錢 。
Sin-niû suí koh gâu píng-pìnn ,
In ê pē-bú gâu kai sinn .
Tsi̍t-tuì khó pí hōng-hông-tsiáu ,
Tì-ìm ang-ke tāu thàn-tsînn .
新娘 維新 電 頭鬃 ，
子婿 本 是 讀書人 。
新娘 體格 真 活動 ，
身 穿 紅襖 透 身 香 。
Sin-niû uî-sin tiàn thâu-tsang ,
Kiánn-sài pún sī tha̍k-tsu-lâng .
Sin-niû thé-keh tsin ua̍h-tāng ,
Sin tshīng âng-ó thàu sin phang .
新娘 生 做 好 ，
目尾 肴 拖刀 。
我 緊 共 恁 報 ，
美觀 世間 無 。
Sin-niû sinn tsuè hó ,
Ba̍k-bé gâu thua-to .
Guá kín kā lín pò ,
Bí-kuan sè-kan bô .
新娘 品倖 我 相信 ，
生 囝 朗 兮 做 大臣 。
順孝 女德 一方面 ，
入門 對 人 加倍 親 。
Sin-niû phín-hīng guá siong-sìn ,
Sinn kiánn lóng ē tsuè tāi-sîn .
Sūn-hàu lú-tik tsi̍t-hong-bīn ,
Lip-bn̂g tuì lâng kā-pē tshin .
新郎 伊 有 大 福氣 ，
得 着 富家人 女兒 。
請茶 恭賀 真 歡喜 ，
今日 入門 年尾 生 。
Sin-lông i ū tuā hok-khì ,
Tit tio̍h hù-ka-lâng lú-lî .
Tshiánn-tê kiong-hō tsin huann-hí ,
Kin-li̍t li̍p-bn̂g nî-bé sinn .
兩姓 合婚 好 日子 ，
新娘 生子 着 新年 。
祝 恁 一家 造化是 ，
全家 幸福 團團圓 。
Lióng-sìng ha̍p-hun hó li̍t-tsí ,
Sin-niû sinn-kiánn tio̍h sin-nî .
Tsiok lín tsi̍t-ke tsō-huà-sī ,
Tshuân-ke hīng-hok thuân-thuân-înn .
新娘 插 紅花 ，
高崎 白 皮鞋 。
嫁 着 好 子弟 ，
有福 中 雙科 。
Sin-niû tshah âng-hue ,
Kuân-kia̍h pe̍h phê-uê .
Kè tio̍h hó tsú-tē ,
Ū-hok tiòng sang-khue .
四句 治 腹內 ，
阮 即 敢 來 。
子孫 歸船載 ，
配 着 好 尫婿 。
Sì-kù tī pat-lāi ,
Guán tsiah kánn tshuā--lâi .
Kiánn-sun kuī-tsûn-tsài ,
Phuè tio̍h hó ang-sài .
好話 若 袂講 ，
人 兮 笑 罔黨 。
新娘 足 活動 ，
等 卜 打 ___phin2- 乓 乒___ 。
Hó-uē nā bē-kóng ,
Lâng ē tshiò bóng-tóng .
Sin-niû tsiok ua̍t-tōng ,
Tán beh phah phín- phóng .
新娘 真 色當 ，
歡迎 咱 同窗 。
盡量 閣 甲 講 ，
免 呼 笑 凸風 。
Sin-niû tsin sik-tòng ,
Huan-gîng lán tông-tshong .
Tsīn-liōng koh kā kóng ,
Bian hōng tshiò phòng-hong .
甜茶 冬瓜 食 真 多 ，
新郎 新娘 水 美麗 。
恁 是 媒人 做好細 ，
亦是 戀愛 用 寫批 ？
Tinn-tê tang-kue tsia̍h tsin tsē ,
Sin-lông sin-niû suí bí-lē .
Lín sī hm̂-lâng tsuè-hó-sè ,
Iah-sī luān-ài īng siá-phe ?
盡量 好話 今 着 講 ，
若無 人 卜 去 洞房 。
正式 夫妻 無 煽動 ，
即 兮 魚 水 得 相逢 。
Tsìn-liōng hó-uē tann tio̍h kóng ,
Nā-bô lâng beh khì tōng-pông .
Tsìng-sik hu-tshe bô siàn-tōng ,
Tsiah ē hî tsuí tit siong-hông .
冬瓜 蜜 白糖 ，
新房 新 眠床 。
新娘 真 伶俐 ，
今日 娶 過門 。
Tang-kue bi̍t pe̍h-thn̂g ,
Sin-pâng sin bîn-tshn̂g .
Sin-niû tsin líng-lī ,
Kin-li̍t tshuā kè-bn̂g .
大炮 一直 放 ，
歸宮 專是 人 。
有 人 門｜ 即 來 ，
亦 有 塊 共 送 。
Tuā-phàu it-ti̍t pàng ,
Kui-king tsuan-sī lâng .
Ū lâng tú tsiah lâi ,
Ia̍h ū teh ka sàng .
人客 歸大廳 ，
袂 輸 北京城 。
遠人 都 知影 ，
即有 即 出名 。
Lâng-kheh kui-tuā-thiann ,
Bē su pak-kiann-siânn .
Hn̄g-lâng too tsai-iánn ,
Tsiah-ū tsiah tshut-miâ .
今日 娶 心婦 ，
入門 蔭 丈夫 。
新年 起 大厝 ，
珠寶 歸身軀 。
Kin-li̍t tshuā sin-pū ,
Li̍p-bn̂g ìm tiōng-hu .
Sin-nî khí tuā-tshù ,
Tsu-pó kui-sin-khu .
娶 着 新娘 水 ，
鳳肉 送 到位 。
今夜 敢 着 跪 ？
無者 難 解為 。
Tshuā tio̍h sin-niû suí ,
Hōng-bah sáng kàu-uī ,
Kim-iā kánn tio̍h kuì ?
Bô-tsia lân kái-uî .
大家 免 世字 ，
物件 排 齊備 。
提提 起來 食 ，
即 知 好 氣味 。
Ta̍k-ke bián sè-lī ,
Bn̍gh-kiānn pâi tsuê-pī .
The̍h-the̍h khí-lâi tsia̍h ,
Tsiah tsai hó khì-bī .
新娘 好 針只 ，
新郎 肴 讀書 。
新年 卜 赴試 ，
後年 進 墀池 。
Sin-niû hó tsiam-tsí ,
Sin-lông gâu tha̍k-tsi .
Sin-nî beh hù-tshì ,
Āu-nî tsàn tî-tî .
新娘 肴 化妝 ，
學問 真 相當 。
國語 閣 肴 講 ，
英語 亦 能通 。
Sin-niû gâu huà-tsong ,
Ha̍k-būn tsin siong-tong .
Kok-gú koh gâu kóng ,
Ing-gú ia̍h lîng-thong .
夫妻 肚量 ，
永久 保長 。
新郎 福相 ，
麒麟 呈祥 。
Hu-tshe tōo-liōng ,
Ing-kiú pó-tiông .
Sin-lông hok-siōng ,
Kî-lîn thîng-siông .
尫某 真 大風 ，
二人 平 能通 。
想 乎 恰 色當 ，
念乜 財 丁 旺 。
Ang-bóo tsin tāi-hong ,
Ln̄g-lâng pînn lîng-thong .
Siānn hoo khah sik-tòng ,
Liām-mi tsâi ting ōng .
好意 請 人客 ，
物件 捧 真 多 。
愛 食 閣 再 提 ，
不通 加 講話 。
Hó-ì tshiánn lâng-kheh ,
Bn̍gh-kiān phâng tsin tsē .
Ài tsia̍h koh tsài thue̍h ,
M̄-thang ke kóng-uē .
新娘 真 和平 ，
年尾 生 雙生 。
一个 理 國政 ，
一个 進 朝庭 。
Sin-niû tsin hô-pînn ,
Nî-bé sinn sang-sinn .
Tsi̍t-ê lí kok-tsìng ,
Tsi̍t-ê tsìn tiâu-tîng .
物件 食 乎 礁 ，
雙生 有 玍泡 。
一个 伴 聖駕 ，
一个 辦 國家 。
Bn̍gh-kiān tsia̍h hoo ta ,
Sang-sinn ū lānn-pha .
Tsi̍t-ê puānn sìng-kà ,
Tsi̍t-ê pān kok-ka .
歸棹 菜色 看現現 ，
若 愛 甲 食 不通 淺 。
只款 筵席 真 罕見 ，
乎 恁 富貴 萬萬年 。
Kui-toh tshài-sik khuànn-hiān-hiān ,
Nā ài kā tsia̍h m̄-thang tshiân .
Tsí-khuán iân-si̍k tsin hán-kiàn ,
Hōo lín hú-kuì bān-bān-liân .
實在 有影 肴 打算 ，
歸棹 全是 辦 好物 。
順孝 家官 恰 什問 ，
祝 天 壽元 食 甲長 。
Si̍t-tsāi ū-iánn gâu phah-sǹg ,
Kui-toh tsuân-sī pān hó-bn̍gh .
Sūn-hàu ke-kuann khah tsia̍p-bn̄g ,
Tsiok thinn siū-guân tsia̍h khah-tn̂g .
新郎 得着 好 牽手 ，
今日 幸福 真 自由 。
大家 共 恁 添 福壽 ，
家官 亦 着 配 千秋 。
Sin-lông tit-tio̍h hó khan-tshiú ,
Kin-li̍t hīng-hok tsin tsū-iû .
Ta̍k-ke kā lín thiam hok-siū ,
Ke-kuann ia̍h tio̍h phuè tshan-tshiu .
家官 老運 真 好命 ，
即 兮 娶 着 好 情成 。
有錢人 个 查某子 ，
看 人因 嫁妝 大家 驚 。
Ke-kuann lāu-ūn tsin hó-miā ,
Tsiah ē tshuā tio̍h hó tshin-tsiânn .
Ū-tsînn-lâng ê tsa-bóo-kiánn ,
Khuànn in kè-tsng ta̍k-ke kiann .
生 水 人 清讚 ，
女德 頭 一層 。
不是 水 大辨 ，
最 好 家 平安 。
Sinn suí lâng tshing-tsàn ,
Lú-tik thâu tsi̍t-tsân .
M̄-sī suí tuā-pān ,
Tsuè hó ka pîng-an .
收茶甌講四句 食新娘茶講四句歌二集