| 冊名 | 新選笑談俗語歌 |
| 編者 | 未知 |
| 出版社 | 《台灣俗曲集》(台灣總督府圖書館輯) |
| 出版年 | 1841 |
| 篇名 | 全本 |
| 一 出門 ， 雨 漂漂 ， 大仔 啼 ， 小仔 帶 ， 風騷審 ， 去 值處 ， 門 開開 ， 我 來 尋 。 |
Tsi̍t tshut-bn̂g , Hoö pher-pher , Tuā-kánn thî , Suè-kánn tèr , Hong-so-tsím , Khìr tï-tèr , Bn̂g khui-khui , Guá lâi tshēr . |
| 我 坏呵 ， 都 是 尔 ， 死鬼仔 ， 來 只處 ， 今 是 食 ， 呵是 未 ？ |
Guá hāi-a , Too sï lír , Sí-kuí-kánn , Ttsin bô-pher , Tsuah oh-kìnn , Lâi tsí-tèr , Tann sï tsia̍h , á-sï bēr ? |
| 我 煎茶 ， 我 起火 ， 我 崎椅 ， 請 尔 坐 。 莫 魯力 ， 不用 坐 ， 有 乜話 ， 罔 來 說 。 |
Guá tsuann-tê , Guá khí-hér , Guá kia̍h-í , Tshiánn lír tsër . Mo̍h lóo-la̍t , M̄-īng tsër , Ū mi̍h-uē , Bóng lâi serh . |
| 又 一年 ， 目 尔 搃妙 ， 不使 說 。 恁 年兜 ， 吹 几塊 。 通 說 伊 ， 做 家伙 。 |
Iū tsi̍t-nî , Ba̍k sut-phah , Lír tsóng-biāu , M̄-sír serh . Lín nî-tau , Tsher kuí-tèr , Thang serh i , Tsuè ke-hér . |
| 搃 罔食 ， 好之 貨 ， 不照 恁 ， 年年 吹 ， 十甑 龜 ， 八甑 粿 ， 亦 縛粽 ， 亦 煎 米多 。 |
Tsóng bóng-tsia̍h , Hó-hó hèr , M̄-tsiàu lín , Nî-nî tsher , Tsa̍p-sn̂g ku , Pueh-sn̂g kér , Ia̍h pa̍k-tsàng , Ia̍h tsian ter . |
| 煎 个 煎 ， 焙 个 焙 ， 公 一塊 ， 婆 一塊 。 大小仔 ， 提 相賽 ， 恁 好命 ， 連 疊胎 。 |
Tsian gê tsian , Pēr gê pēr , Kong tsi̍t-tèr , Pô tsi̍t-tèr . Tuā-suè-kánn , Thue̍h sann-sèr , Lín hó-miā , Liân thia̍p-ther . |
| 大 生日 ， 小 度止二 ， 一 子 仔 ， 卜 滿月 。 袂 京瘋 ， 袂 着病 ， 好 邀降 ， 無 俐納 。 |
Tuā sinn-li̍t , Suè tōo-tsèr , Tsi̍t inn kánn , Berh muá-ge̍rh . Buē kann-hong , Buē tio̍h-pīnn , Hó io-kàng , Bô lí-le̍rh . |
| 引 嬸 恁 ， 落 值月 ？ 到 只處 ， 生 几胎 ？ 總 快便 ， 不使 說 。 |
Ín tsím lín , Lo̍h tï-ge̍rh ? Kàu tsí-tèr , Sinn kuí-ther ? Tsóng khuài-piān , M̄-sái serh . |
| 通 說 阮 ， 死老貨 。 拾所 年 ， 無 相尋 ， 亦 下佛 ， 亦 拔課 ， 無 祀公 ， 下 傀儡 ， 池頭媽 ， 排 燈賽 。 |
Thang serh gún , Sí-laü-hèr . Tsa̍p-sóo nî , Bô sann-tshēr , Ia̍h hë-pu̍t , Ia̍h pua̍h-kér , Bô sïr-kong , Hë ka-lér , Tî-thâu-má . Pâi ting-sèr . |
| 買 三牲 ， 做 龜粿 ， 天 面前 ， 一百 阝果 。 有 不着 ， 都 改過 ， 阮 厝邊 ， 落 女只妹 。 |
Bué sam-sing , Tsuè ku-kér , Thinn bīn-tsuînn , Tsi̍t-pah khér . Ū m̄-tio̍h , Too kué-kèr , Gún tshù-pinn , Lo̍h tsí-bēr . |
| 嫌 叫 阮 ， 臭 蘆薈 ， 阮 思量 ， 上 南街 ， 芸香堂 ， 買 香袋 ， 素 香花 ， 滿 州髟告 。 |
Hiâm kiò gún , Tshàu lôo-hēr , Gún sir-niû . Tsiünn lâm-kue , Ûn-hiong-tn̂g , Bué hiunn-tēr , Sòo hiong-hue , muá tsiu-kèr . |
| 買 胭脂 ， 掞 唇皮 ， 打 水粉 ， 白 如雪 ， 粧起來 ， 乜 調口冡 ， 又 共 伊 ， 做 若科 。 |
Bué ian-tsi , Tänn tûn-phêr , Phah tsuí-hún , Pe̍h lîr-serh , Tsng--khí--lâi , Mi̍h tiau-terh , Iū kāng i , Tsuè tshiò-kher . |
| 做 伊 面 ， 看 別處 ， 印 一聲 ， 莫 來 掇 。 目 反白 ， 叫 苦痛 ， 乞 厝邊 ， 落 女只妹 ， 看 一見 ， 就 相說 ： |
Tsèr i bīn , Khuànn pa̍t-tèr , Ìn tsi̍t-siann , Mo̍h lâi tèr . Ba̍k puínn-pe̍h , Kiò khóo-thàng , Khit tshù-pinn , Lo̍h tsí-bēr , Khuànn tsi̍t-kìnn , To̍h sann-serh : |
| 八死 長 ， 八死 短 ， 秋 九溜 ， 折 面皮 ， 面頂 水 ， 滴 几回 。 |
Pueh-sí tn̂g , Pueh-sí tér , Tshiu kiú-liu , Thiah bīn-phêr , Bīn-tíng tsuí , Ti̍h kuí-hêr . |
不通 說 ， 一冥 夜 ， 房內 坐 ， 暗 苦切 ， 思 行 短 ， 剩陳上 ， 挂 傀儡 。 |
Siàu- lîn-lâng , M̄-thang serh , Tsi̍t-mî iā , Pâng-lāi tsër , Àm khòo-tshueh , Sir kiânn tér , Sîn-tîn-tsiünn , Kuì ka-lér . |
| 一條 索 ， 軟 噪匕 ， 拔落來 ， 做 几塊 ， 撞 一下 ， 流 白瀑 ， 凢辶 包心 ， 結 成 塊 。 |
Tsi̍t-tiâu soh , Lńg sêr-sêr , Pua̍h--lo̍h-lâi , Tsuè kuí-tèr , Lòng tsi̍t-ë , Lâu pe̍h-phe̍rh , Hui̍h pau-sim , Kiat tsiânn tèr . |
| 昏 了 昏 ， 死 几過 ， 險 無命 ， 就 了絕 ， 袂 啟聲 ， 無話 說 ， 臭瘟病 ， 也 瘟遭 。 |
Hun lòo hun , Sí kuí-kèr , Hiám bô-miā , Tio̍h liáu-tse̍rh , Buē khé-siann , Bô-uē serh , Tshàu-un-pīnn , Ā un-tser . |
| 袂 割捨 ， 來 只處 。 因 老母 ， 驚 厥厥 。 變 身 悌 ， 探 頭髟告 ， 謹 打米祭 ， 頭 到尾 。 |
Buē kuah-sià , Lâi tsí-tèr . In laü-bú , Kiann ke̍rh-ke̍rh . Piàn sin the , Tsang thâu-kèr , Kín phah-tshe , Thâu kàu-bér . |
| 請 先生 ， 內外科 ， 沛 藥貼 ： 久 陳皮 ， 杞桃芒 ， 當歸尾 ， 沉香 末 ， 木香 塊 ， 酒 紅花 ， 昔酉 春皮 ， 加 童便 ， 文武火 。 |
Tshiánn sian-sinn , Lāi-guā-kher , Phài io̍h-thiap : Kiú tîn-phêr , Kí-thô-bông , Tong-kui-bér , Tîm-hiunn bua̍h , Ba̍k-hiunn tèr , Tsiú âng-hue , Tshòo tshun-phêr , Ka tông-piān , Bûn-bú-hér . |
| 煎 滾滾 ， 立刻 坐 。 阮 外家 ， 在 溪尾 ， 探听 知 ， 就 來 尋 ， 過 几冥 ， 中秋月 。 |
Tsuann kún-kún , Li̍p-khiak tsër . Gún guā-ke , Tïr khue-bér , Thàm-thiann tsai , Tio̍h lâi tshēr , Kèr kuí-mî , Tiong-tshiu-ge̍rh . |
| 手 神女只 ， 全頭 說 ： 只 大志 ， 乜 天禍 ， 一 查某 ， 叫 姓郭 ， 因 長大 ， 做家和 ， |
Hōo sîn-tsí , Tsn̂g-thâu serh : Tsí tāi-tsì , Mi̍h thinn-hër , Tsi̍t tsa-bóo , Kiò sìnn-kerh , In tióng-tāi , Tsuè-ka-hêr , |
| 因 男仔 ， 賣 柴破 ， 翁 卜 扁 ， 某 卜 瀑 ， 無 食飯 ， 假 印气口 ， 無 穿衫 ， 假 調啄 。 |
In lâm-kánn , bēr Tshâ-phèr , Ang Berh pinn , Bóo berh pha̍k , Bô tsia̍h-pn̄g , Ké ìn-khuì , Bô tshīng-sann , Ké tiau-terh . |
| 查某仔 ， 做 滿月 ， 燒 床母 ， 吹 糖粿 ， 做 月內 ， 不 食 粥 ， 專  飯 ，三飡 吹 。 |
Tsa-bóo-kánn , Tsuè muá-ge̍rh , Sio tshn̂g-bú , Tsher thn̂g-kér , Tsuè ge̍rh-lāi , M̄ tsia̍h bêr , Tsuan hôo-pn̄g , Sann-tshan tsher . |
| 當 破裘 ， 賣 破被 ， 借 天俴 ， 賒 物配 ， 討 久 請 ， 相 足嗇尾 ， 天 之 禮 ， 大 之 塊 。 |
Tǹg phuà-hiû , Buē phuà-phēr , Tsioh thinn-tsînn , Sia bn̍gh-phèr , Thó kú tsiánn , Sann ta̍h-bér , Thian tsi lé , Tāi tsi tèr . |
| 據人 等 ， 木处 人 坐 ， 亦 不孝 ， 亦 俐螺 ， 罵 兄嫂 ， 打 小妹 ， 惡 沛利 ， 真 無賽 。 |
Kìr-lâng tán , Kìr lâng tsër , Ia̍h put-hàu , Ia̍h lī-le̍rh . Mā hiann-só , Phah sió-bēr . Ok phài-lī , Tsin bô-sèr . |
| 乾家 死 ， 未 一月 ， 簸箕鼓 ， 礼 几過 。 脫 腳帛 ， 代 通金 ， 拖 鐵銚 ， 鄉里 頭 ， 街路尾 ， |
Ta-ke sí , Bēr tsi̍t-ge̍rh , Puà-ki-kóo , Lué kuí-kèr . Thǹg kha-pe̍h , Tāi thong-kim , Thua thi̍h-tiō , Hiunn-lí thâu , Kue-lōo-bér , |
| 札 罵 話 ， 捷 飛飛 ， 人 看見 ， 六毒火 。 許 一年 ， 七月 尾 ， 因 許厝 ， 放 烟火 ， |
Lué mā uē , Tsia̍p per-per , Lâng khuànn-kìnn , La̍k-ta̍k-hér . Hír tsi̍t-nî , Tshit-ge̍rh bér , In hír-tshù , Pàng ian-hér , |
| 亦 有 戲 ， 抽 傀儡 ， 表 子 娼 ， 使 目尾 ， 連 戍目 ， 二三 次 ， 相 叫 翁 ， 相 連掇 ， |
Ia̍h ū hì , Thiu ka-lér , Piáu kánn tshiong , Sái ba̍k-bér , Liân sut-ba̍k , Ln̄g-sann tshìr , Sann kiò ang , Sann liân-tèr , |
| 墻腳 邊 ， 壁 頭尾 ， 人 看見 ， 不敢 說 ， 別人 叫 ， 走 飛飛 ， 不痛 阮 。 使 暗行 ， 無聲說 。 |
Tshiûnn-kha pinn , Piah thâu-bér , Lâng khuànn-kìnn , M̄-kánn serh , Pa̍t-lâng kiò , Tsáu per-per , M̄-thiànn gún . Sír àm-kiânn , Bô-siann-serh . |
| 阮 靜靜 ， 只處 坐 。 昷 剌油 ， 沫 阮 髟告 ， 死人 毒 ， 入 骨髓 。 |
Gún tiām-tiām , Tsí-tèr tsër . Ùn la̍h-iû , Buah gún kèr , Sí-lâng ta̍k , Li̍p kut-tshér . |
亦 袂 木科 ， 今 終世 ， 臭 蘆薈 ， 呵惱 阮 ， 嫁 好處 ， 恁 官人 ， 富 吹螺 。 |
Thái- ko- tshiú , Ia̍h buē khêr , Tann tsiong-sè , Tshàu lōo-hēr , O-ló gún , Kèr hò-tèr , Lín kuann-lâng , Pù tsher-lêr . |
| 煮 點心 ， 三五過 ， 獨 睡床 ， 甲 錦被 ， 縐 紗巾 ， 白 綾袜 ， 綠 膝褲 ， 結 糸柸 。 |
Tsír tiám-sim , Sann-gōo-kèr , To̍k khùn-tshn̂g , Kah kím-phēr , Kiuh se-kun , Pe̍h lîng-be̍rh , Lia̍k siak-khòo , Kat si-pher . |
| 綉 弓鞋 ， 三寸 短 ， 一雙 腳 ， 細 無賽 ， 慢慢行 ， 障 調啄 ， 衣食 事 ， 無 欠缺 。 |
Siù king-uê , Sann-tshùn tér , Tsi̍t-sang kha , Suè bô-sèr , Bān-bān-kiânn , Tsiùnn tiau-terh , I-si̍t sīr , Bô khiàm-kherh . |
| 恁 官人 ， 月月月 ， 見 恁 面 ， 雲 開 月 ， 親像 恁 ， 白 如雪 。 |
Lín kuann-lîn , Ge̍rh-ge̍rh-ge̍rh , Kìnn lín bīn , Hûn khui ge̍rh , Tshin-tshiūnn lín , Pe̍h lîr-serh . |
| 通 說 伊 ， 向 碢螺 。 三飡 食 ， 泇  粥 ， 動 一着 ， 大枝 枴 ， 無 罪靠 ， 打 几回 ， 不 本分 ， 不 沛柸 。 |
Thang serh i , Hiùnn er-lêr . Sann-tshan tsia̍h , Kà ám-bêr , Tāng tsi̍t-tio̍h , Tuā-ki kuái , Bô tsër-kòo , Phah kuí-hêr , M̄ pún-hūn , M̄ phài-pher . |
| 不 痛 阮 ， 不通 說 ， 別人 叫 ， 走 飛飛 ， 上 街 去 ， 買 物配 ， 買 醉蝦 ， 十所 尾 。 |
M̄ thiànn gún , M̄-thang serh , Pa̍t-lâng kiò , Tsáu per-per , Tsiünn kue Khìr , bué bn̍gh-phèr , Bué tsuì-hê , Tsa̍p-sóo bér . |
| 熅 燒酒 ， 做 伊 配 ， 阮 愛食 ， 不敢 說 ， 假 無意 ， 去 偷拋 ， 伊 看見 ， 就 搶奪 。 |
Un sio-tsiú , Tsèr i phèr , Gún ài-tsia̍h , M̄-kánn serh , Ké bô-ì , Khìr Thau-phè , I khuànn-kìnn , Tio̍h tshiúnn-the̍rh . |
| 擲落 地 ， 據 圭 啄 ， 值 一文 ， 暗 几賠 。 三碟 龜 ， 二碟 粿 。 三 暖砵 ， 二 鐵銚 ， |
Tàn-lo̍h tuē , Kìr Kue terh , Ta̍t tsi̍t-bûn , Àm kuí-për . Sann-ti̍h ku , Ln̄g-ti̍h kér , Sann luán-puah , Ln̄g thi̍h-tiō . |
| 吞 心肝 ， 獨自 配 ， 口床 啷嚾 ， 無 一塊 。 反 甲 伊 ， 着 買 咅 ， 做 伊 臨 ， 嶢腳 坐 。 |
Thun sim-kuann , Tā-tī phèr , Tshn̂g lông-kuàn , Bô tsi̍t-tèr . Puínn kah i , Tio̍h bué pêr , Tsuè i lîm , khiau-kha tsër . |
| 霜風 天 ， 寒  ， 風爐火 ， 失 几過 ， 一句 話 ， 罔 處 螺 ， 一石區 粥 ， 冷 漂 漂 。 |
Sng-huang thinn , Kuânn tshe̍rh-tshe̍rh , Huang-lôo-hér , Sit kuí-kèr , Tsi̍t-kù uē , Bóng tèr lêr , Tsi̍t-au bêr , Líng pher pher . |
| 三嘴 把 ， 二嘴 口切 ， 吞 一 了 ， 一口氣 瘚 ， |
Sann-tshuì pé , Ln̄g-tshuì tsherh , Thun tsi̍t liáu , Tsi̍t-khuì tse̍rh . |
| 假 袂 顧 ， 梯 處 坐 ， 叫 煎 茶 ， 叫 起火 ， 叫 阮 悌 ， 肚臍 尾 ， 不成 種 ， 那 許處 。 |
Kér buē kòo , The tèr tsër , Kiò tsuann tê , Kiò khí-hér , Kiò gún the , toö-tsâi bér , M̄-tsiânn tsíng , nā hír-tèr . |
| 牽 阮 手 ， 摸 伊 貨 ， 許 身下 ， 橈 飛飛 ， 甲 伊 摙 ， 大母 个 ， 阮 莫 摙 ， 是 乜貨 ？ |
Khan gún tshiú , Moo i hèr , Hír sin-ë , Gia̍unnh per-per , Kah i lián , Tuā-bú gê , Gún bo̍h lián , sï mi̍h-hèr ? |
| 做 阮 面 ， 越 別處 ， 醉 朦朧 ， 四界 尋 ， 不使 摸 ， 亦知 處 ， 抱 一 着 ， 強強 卜 。 |
Tsèr gún bīn , Ua̍t pa̍t-tèr , Tsuì bông-lông , Sì-kuè tshēr , M̄-sái moo , Ia̍h-tsai tèr , Phö tsi̍t tio̍h , kiông-kiông berh . |
| 共 伊 說 ， 阮 行月 ， 阮 未 不 ， 伊 未 卜 ， 長 囉囉 ， 伊 叫 短 ， 一口氣 濫 ， 亦不 退 。 |
Kāng i serh , Gún kiânn-ge̍rh , Gún bī m̄ , I bī berh , Tn̂g lò-lò , I kiò tér , Tsi̍t-khuì lām , Ia̍h-m̄ thèr . |
| 變 若 形 ， 做 苦科 ， 虎 落山 ， 龍 擺尾 ， 鯽魚 岸 ， 鯉魚 灘 ， 驢 捨 按 ， 善人 權 ， |
Pìnn lün hîng , Tsuè tshiò-kher , Hóo lo̍h-suann , Lîng pái-bér , Tsit-hîr huānn , Lír-hîr thuann , Lîr sià uann , Siān-lâng kuînn , |
| 蟑虫慈 坐 ， 螳螂 飛 。 都 做過 ， 落 一去 ， 汁 那 賽 ， 淡 泇泇 ， 粘 漷漷 ， 十種 屑 。 |
Tsiunn-tsîr tsër , Tông-bông per . Too tsuè-kèr , Lo̍h tsi̍t-Khìr , Tsa̍p ná sèr , Tâm kà-kà , Liâm kerh-kerh , Tsa̍p-tsióng serh . |
| 障 多波 ， 臭 青味 ， 碌 灰灰 ， 洗 三日 ， 亦 袂退 ， 乜 洩  ！卻 腳 使 ， 伊 叫 好 ， 阮 叫 呆 。 |
Tsiùnn tsuē-pho , Tshàu tshinn-bī , Lo̍k her-her , Sué sann-li̍t , Ia̍h buē-thèr , Mi̍h siap-siâu ! Khiap kha sái , I kiò hó , Gún kiò bái . |
| 拔出來 ， 硬 袂退 ， 乜 心肝 ， 思 別處 ， 番 一身 ， 轉 一過 。 |
Pue̍h--tshut-lâi , Ngī buē-thèr , Mi̍h sim-kuann , Sir pa̍t-tèr , Huan tsi̍t-sin , Tńg tsi̍t-kèr . |
| 按 後路 ， 硬硬 卜 ， 只處 起 ， 病 就 到 ， 一个 嘴 ， 嘔嘔 喇 ， 百般 病 ， 一時 到 。 |
Àn aü-lōo , Ngī-ngī berh , Tsì-tèr khí , Pīnn tio̍h kàu , Tsi̍t-gê tshuì , Au-au la , Pah-puann pīnn , tsi̍t-sî kàu . |
| 喇 袂坐 ， 是 乜 貨 ？ 今 吐 血 ， 大母 塊 ， 紅 泡泡 ， 永 袂 退 ， 請 先生 ， 來 到處 。 |
La buē-tsí , Sï mi̍h hèr ? Tann thòo hui̍h , Tuā-bú tèr , Âng pha-pha , íng buē thèr , Tshiánn sian-sinn , Lâi kàu-tèr . |
| 摸 伊 脈 ， 散飛飛 ， 內傷 症 ， 惡醫 退 ， 沛 藥數 ， 蘇 陳皮 ， 琵琶葉 ， 藕札 塊 。 |
Moo i be̍h , Suànn-per-per , Lāi-siong tsìng , Oh-i thèr , Phài io̍h-sòo , Soo tîn-phêr , Khî-pê-hio̍h , Ngāu-tsat tèr . |
| 當歸 身 ， 去 頭尾 ， 川貝 母 ， 入 柿粿 ， 正 燕荷 ， 圭公髓 ， 生仔 月衣 ， 取 頭胎 。 |
Tong-kui sin , Khìr thâu-bér , Tshuan-puè bú , Li̍p khī-kér , Tsiànn iàn-oo , Kue-kang-tshér , Sinn-kánn lâng , Tshú thâu-ther . |
| 秋 石丹 ， 煉屎 尾 ， 之了 屑 ， 都 食過 ， 氣 上升 ， 永 袂 坐 ， 無 一時 ， 就 過 處 。 |
Tshiu tsio̍h-tan , Liān-sái bér , Tsi-liáu serh , Too tsia̍h-kèr , Khìr tsiünn-sing , Íng buē tsër , Bô tsi̍t-sî , Tio̍h kèr tèr . |
| 因 兄弟 ， 死 袂絕 ， 竹犮 嘻嘻 ， 看 伊 過 ， 說 叫 伊 ， 風水 尾 ， 愛 伊 死 ， 占 家伙 。 |
In hiann-tī , Sí buē-tse̍rh , Tshiò hi-hi , Khuànn i kèr , Serh kiò i , Hong-suí bér , Ài i sí , Tsiàm ke-hér . |
| 共 伊 說 ， 尔 短命 ， 恁 兄弟 ， 無好貨 ， 尔 那 死 ， 阮 過處 ， 只 仔英 ， 即 滿月 。 |
Kāng i serh , Lír tér-miā , Lín hiann-tī , Bô-hó-hèr , Lír nā sí , Gún kèr-tèr , Tsí kánn-inn , Tsiah muá-ge̍rh . |
 被裙 ，洗 屎袋 ， 烏 子英 ， 卻 田螺 ， 水 深深 ， 袂 得 過 ， 只 子英 ， 母 在處 。 |
Hang phēr-kûn , Sué liō-tēr , Ônn kánn-inn , Khioh tshân-lêr , Suí tshim-tshim , buē tit kèr , Tsí kánn-inn , Bú tïr-tèr . |
| 帶 去 嫁 ， 又 煩惱 ， 做 后父 ， 無 好貨 。 |
Tuà Khìr kè , Iū huân-hó , Tsuè aü-pë , Bô hó-hèr . |
| 日午勞 ， 着 煮粥 ， 那 有閑 ， 即 來坐 ， 恁 後門 ， 借 阮 過 ， 阮 去 下 ， 恁 那 處 。 終 。 |
Li̍t-tàu--lòo , Tio̍h tsír-bêr , Nā ū-uînn , Tsiah lâi-tsër , Lín aü-bn̂g , Tsioh gún kèr , Gún Khìr ē , Lín tsit tèr . Tsiong . |
