德化 大路 直透行 ， 行 到 消坑 好 名聲 ， 消坑 洋 中 上墘厝 ， 蘇家 共伊 配 親成 。	Tiak-huè tuā-lōo ti̍t-thàu-kiânn , Kiânn kàu Siau-khinn hó miâ-siann , Siau-khinn iûnn tng tsiūnn-kînn-tshù , Soo--ka kāng-i phuè tshin-tsiânn . Tiak-hòe tōa-lō͘ ti̍t-thàu-kiâⁿ , Kiâⁿ kàu Siau-khiⁿ hó miâ-siaⁿ , Siau-khiⁿ iûⁿ tng chiūⁿ-kîⁿ-chhù , So͘--ka kāng-i phòe chhin-chiâⁿ .
消坑 一位 王 炮 郎 ， 鄉中 稱 伊 大富翁 ， 厛頭 掛 起 廿四孝 ， 琴 棋 書 畫 掛 兩邊 。	Siau-khinn tsi̍t-uī Ông Phàu lông , Hiunn-tng tshing i tuā-hù-ong , Thiann-thâu kuà khí lia̍p-sì-hàu , Khîm kî si uē kuà nn̄g-pinn . Siau-khiⁿ chi̍t-ūi Ông Phàu lông , Hiuⁿ-tng chheng i tōa-hù-ong , Thiaⁿ-thâu kòa khí lia̍p-sì-hàu , Khîm kî si ōe kòa nn̄g-piⁿ .
王 炮 本身 納草監 ， 大兄 王 點 文秀才 ， 王 炮 生 有 一女子 ， 小名 叫做 王 抄娘 。	Ông Phàu pún-sin la̍p-tsháu-kann , Tuā-hiann Ông Tiám bûn-siù-tsâi , Ông Phàu sinn ū ti̍t-lí-tsí , Sió-miâ kiò-tsuè Ông Tshau-niû . Ông Phàu pún-sin la̍p-chháu-kaⁿ , Tōa-hiaⁿ Ông Tiám bûn-siù-châi , Ông Phàu siⁿ ū ti̍t-lí-chí , Sió-miâ kiò-chòe Ông Chhau-niû .
頭上 梳 起 盤龍髻 ， 腳下 弓鞋 三寸長 ， 玉貌 珠唇 石榴齒 ， 賽 過 嫦娥 无 第二 。	Thâu-tsiūnn sue khí phuân-liông-kè , Kha-ē king-uê sann-tshùn-tn̂g , Gio̍k-bāu tsu-tûn siā-liû-khí , Sè kè siông-ngôo bô tuē-lī . Thâu-chiūⁿ soe khí phôan-liông-kè , Kha-ē keng-ôe saⁿ-chhùn-tn̂g , Gio̍k-bāu chu-tûn siā-liû-khí , Sè kè siông-ngô͘ bô tōe-lī .
日是 在 房 綉 針只 ， 冥是 孤枕 獨自 眠 。	Li̍t--sî tī pâng siù tsiam-tsí , Mî--î koo-tsím to̍k-tsī bîn . Li̍t--sî tī pâng siù chiam-chí , Mî--î ko͘-chím to̍k-chī bîn .
抄娘 年 登 十五歲 ， 配乞 蘇 採 結 成親 ， 抄娘 年 登 十八歲 ， 十八 青春 未 出門 。	Tshau-niû nî ting tsa̍p-gōo-hè , Phuè-khit Soo Tshái kiat sîng-tshin . Tshau-niû nî ting tsa̍p-pue̍h-hè , Si̍p-pak tshing-tshun bē tshut-bûn . Chhau-niû nî teng cha̍p-gō͘-hè , Phòe-khit So͘ Chhái kiat sêng-chhin . Chhau-niû nî teng cha̍p-poe̍h-hè , Si̍p-pak chheng-chhun bē chhut-bûn .
再 說 下厝 一 典哥 ， 王 典 做人 是 風梭 ， 日日 上厝 來 撻桃 。	Tsài seh ē-tshù tsi̍t Tián-ko , Ông Tián tsuè-lâng sī hong-so , Li̍t-li̍t tsiūnn-tshù lâi thit-thô . Chài seh ē-chhù chi̍t Tián-ko , Ông Tián chòe-lâng sī hong-so , Li̍t-li̍t chiūⁿ-chhù lâi thit-thô .
看見 抄娘 笑微微 ， 冥日 思想 愛 問 伊 ， 典哥 想 了 一 計智 ， 請 看 小妹 做 在哖 。	Khuànn-kìnn Tshau-niû tshiò-bi-bi , Mî-li̍t si-siúnn ài mn̄g i , Tián-ko siūnn liáu tsi̍t kè-tì , Tshiánn khuànn sió-bē tsuè tsāi--nî . Khòaⁿ-kìⁿ Chhau-niû chhiò-bi-bi , Mî-li̍t si-siúⁿ ài mn̄g i , Tián-ko siūⁿ liáu chi̍t kè-tì , Chhiáⁿ khòaⁿ sió-bē chòe chāi--nî .
典哥 伸手 去 摸 伊 ， 就 看 小妹 障 行儀 ， 抄娘 被 摸 淂 一驚 ， 看見 典哥 不做聲 。	Tián-ko tshun-tshiú khì bong i , Tio̍h khuànn sió-bē tsiùnn kiânn-gî , Tshau-niû pī bong tit tsi̍t-kiann , Khuànn-kìnn Tián-ko m̄-tsuè-siann . Tián-ko chhun-chhiú khì bong i , Tio̍h khòaⁿ sió-bē chiùⁿ kiâⁿ-gî , Chhau-niû pī bong tit chi̍t-kiaⁿ , Khòaⁿ-kìⁿ Tián-ko m̄-chòe-siaⁿ .
典哥 看見 心 歡喜 ， 行 到 面前 問 起理 ， 抄娘 共 哥 說 透機 。	Tián-ko khuànn--kìnn sim huann-hí , Kiânn kàu bīn-tsuînn mn̄g khí-lí , Tshau-niû kāng ko seh thàu-ki . Tián-ko khòaⁿ--kìⁿ sim hoaⁿ-hí , Kiâⁿ kàu bīn-chûiⁿ mn̄g khí-lí , Chhau-niû kāng ko seh thàu-ki .
日中 共 哥 說 不通 ， 恐畏 厝內 也 有人 ， 今冥 行來 也 未遲 ， 雙人 斷約 三更時 。	Li̍t-tiong kāng ko seh m̄-thang , Khióng-uì tshù-lāi iā ū-lâng , Kin-mî kiânn--lâi iā bē-tî , Sang-lâng tuàn-iok sann-kinn-sî . Li̍t-tiong kāng ko seh m̄-thang , Khióng-ùi chhù-lāi iā ū-lâng , Kin-mî kiâⁿ--lâi iā bē-tî , Sang-lâng tòan-iok saⁿ-kiⁿ-sî .
爹娘 困靜 无人 疑 ， 一更 煩惱 哥 未來 ， 卜是 爹娘 也未 困 ， 卜是 典哥 久 未來 。	Tia-niû khùn-tsīnn bô-lâng gî , Tsi̍t-kinn huân-ló ko bē-lâi , Beh-sī tia-niû iá-bē khùn , Beh-sī Tián-ko kù bē-lâi . Tia-niû khùn-chīⁿ bô-lâng gî , Chi̍t-kiⁿ hôan-ló ko bē-lâi , Beh-sī tia-niû iá-bē khùn , Beh-sī Tián-ko kù bē-lâi .
一更 過了 二更 催 ， 二更 困靜 无人知 。	Tsi̍t-kinn kè-liáu lī-kinn tshui , Lī-kinn khùn-tsīnn bô-lâng-tsai . Chi̍t-kiⁿ kè-liáu lī-kiⁿ chhui , Lī-kiⁿ khùn-chīⁿ bô-lâng-chai .
典哥 來 到 門口庭 ， 輕腳 細手 厝前 行 ， 听見 烏犬 吠 几聲 ， 典哥 一時 大着驚 。 抄娘 听見 烏犬 吠 ， 卜是 典哥 厝前 行 。	Tián-ko lâi kàu mn̂g-kháu-tiânn , Khin-kha suè-tshiú tshù-tsuînn kiânn , Thiann-kìnn oo-káu puī kuí-siann , Tián-ko tsi̍t-sî tuā-tio̍h-kiann . Tshau-niû thiann-kìnn oo-káu puī , Beh-sī Tián-ko tshù-tsuînn kiânn . Tián-ko lâi kàu mn̂g-kháu-tiâⁿ , Khin-kha sòe-chhiú chhù-chûiⁿ kiâⁿ , Thiaⁿ-kìⁿ o͘-káu pūi kúi-siaⁿ , Tián-ko chi̍t-sî tōa-tio̍h-kiaⁿ . Chhau-niû thiaⁿ-kìⁿ o͘-káu pūi , Beh-sī Tián-ko chhù-chûiⁿ kiâⁿ .
看見 典哥 入 下堂 ， 抄娘 起來 開 房門 ， 典哥 緊緊 入 門 來 ， 不知 小妹 在 何處 ？ 不知 眠床 在 何方 ？ 抄娘 攜 哥 坐 眠床 。	Khuànn-kìnn Tián-ko li̍p ē-tn̂g , Tshau-niû khí-lâi khui pâng-mn̂g , Tián-ko kín-kín li̍p mn̂g lâi , M̄-tsai sió-bē tī hô-tshì ? M̄-tsai bîn-tshn̂g tī hô-hng ? Tshau-niû hê ko tsē bîn-tshn̂g . Khòaⁿ-kìⁿ Tián-ko li̍p ē-tn̂g , Chhau-niû khí-lâi khui pâng-mn̂g , Tián-ko kín-kín li̍p mn̂g lâi , M̄-chai sió-bē tī hô-chhì ? M̄-chai bîn-chhn̂g tī hô-hng ? Chhau-niû hê ko chē bîn-chhn̂g .
未 脫 衣裳 先 脫裙 ， 雙人 攬來 笑微微 ， 雙人 恰是 食藥魚 ， 一个 親象 魚 得 水 。	Bē thǹg i-tsiûnn sing thǹg-kûn , Sang-lâng lám--lâi tshiò-bi-bi , Sang-lâng khap-sī tsia̍h-io̍h-hî , Tsi̍t-ê tshin-tshiūnn hî tit tsuí . Bē thǹg i-chiûⁿ seng thǹg-kûn , Sang-lâng lám--lâi chhiò-bi-bi , Sang-lâng khap-sī chia̍h-io̍h-hî , Chi̍t-ê chhin-chhiūⁿ hî tit chúi .
一个 呂 布 戰 張 飛 ， 雙人 攬來 不放離 ， 恰是 鴛央 做 一池 。	Tsi̍t-ê Lí Pòo tsiàn Tiunn Hui , Sang-lâng lám--lâi m̄-pàng-lī , Khah-sī uan-iunn tsuè tsi̍t-tî . Chi̍t-ê Lí Pò͘ chiàn Tiuⁿ Hui , Sang-lâng lám--lâi m̄-pàng-lī , Khah-sī oan-iuⁿ chòe chi̍t-tî .
偷來 暗去 漏紛紛 ， 我 今 必定 有 一孫 ， 典哥 見說 心 驚疑 ， 典哥 思量 一 計智 。	Thau-lâi àm-khì luān-hun-hun , Guá tann pit-tīng ū tsi̍t-sun , Tián-ko kìnn-seh sim kiann-gî , Tián-ko si-niû tsi̍t kè-tì . Thau-lâi àm-khì lōan-hun-hun , Góa taⁿ pit-tēng ū chi̍t-sun , Tián-ko kìⁿ-seh sim kiaⁿ-gî , Tián-ko si-niû chi̍t kè-tì .
人 說 食藥 能 打瀉 ， 藥 今 食了 有 不瀉 ， 抄娘 煩惱 心 驚疑 。	Lâng seh tsia̍h-io̍h ē tánn-sià , Io̍h tann tsia̍h-liáu iū m̄-sià , Tshau-niû huân-ló sim kiann-gî . Lâng seh chia̍h-io̍h ē táⁿ-sià , Io̍h taⁿ chia̍h-liáu iū m̄-sià , Chhau-niû hôan-ló sim kiaⁿ-gî .
食藥 不瀉 想 一場 ， 典哥 看見 无思量 ， 我 厝 爹娘 都 不知 ， 孩兒 生出 即 取裁 。	Tsia̍h-io̍h m̄-sià siūnn tsi̍t-tiûnn , Tián-ko khuànn--kìnn bô-si-niû , Guá tshù tia-niû too m̄-tsai , Hâi-lî sinn-tshut tsiah tshú-tshâi . Chia̍h-io̍h m̄-sià siūⁿ chi̍t-tiûⁿ , Tián-ko khòaⁿ--kìⁿ bô-si-niû , Góa chhù tia-niû to͘ m̄-chai , Hâi-lî siⁿ-chhut chiah chhú-chhâi .
王 炮 看見 心 可疑 ， 吩咐 蘇家 來 去 ， 蘇 採 見說 真 歡喜 ， 就 去 上街 看日只 。	Ông Phàu khuànn--kìnn sim khónn-gî , Hun-hù Soo--ka lâi tshuā--khì , Soo Tshái kìnn-seh tsin huann-hí , Tio̍h khì tsiūnn-kue khuànn-li̍t-tsí . Ông Phàu khòaⁿ--kìⁿ sim khóⁿ-gî , Hun-hù So͘--ka lâi chhōa--khì , So͘ Chhái kìⁿ-seh chin hoaⁿ-hí , Tio̍h khì chiūⁿ-koe khòaⁿ-li̍t-chí .
日 擇 八月 十五冥 ， 夫妻 相會 月 團圓 ， 蘇 採 提來 笑微微 。	Li̍t tia̍k pueh-ge̍h tsa̍p-gōo-mî , Hu-tshue siong-huē ge̍h tuânn-înn , Soo Tshái the̍h--lâi tshiò-bi-bi . Li̍t tia̍k poeh-ge̍h cha̍p-gō͘-mî , Hu-chhoe siong-hōe ge̍h tôaⁿ-îⁿ , So͘ Chhái the̍h--lâi chhiò-bi-bi .
一時 办盆 送日頭 ， 典哥 心酸 目泪 流 ， 你 今 去 得 親郎 ， 害 我 想思 割 斷 腸 。	Tsi̍t-sî pān-puânn sàng-li̍t-thâu , Tián-ko sim-sng ba̍k-luī lâu , Lí tann tshuā--khì tit tshin-ln̂g , Hāi guá siunn-si kuah tn̄g tn̂g . Chi̍t-sî pān-pôaⁿ sàng-li̍t-thâu , Tián-ko sim-sng ba̍k-lūi lâu , Lí taⁿ chhōa--khì tit chhin-ln̂g , Hāi góa siuⁿ-si koah tn̄g tn̂g .
抄娘 勸 哥 心 莫悲 ， 小妹 返來 也 有時 ， 小妹 无物 通 相送 ， 白綾 荷包 送 典哥 ， 呆呆 去 帶 何強无 。	Tshau-niû khǹg ko sim bo̍h-pi , Sió-bē tńg--lâi iā ū-sî , Sió-bē bô-bn̍gh thang sa-sàng , Pe̍h-lîng hô-pau sàng Tián-ko , Bái-bái khì tuà khah-kiûnn-bô . Chhau-niû khǹg ko sim bo̍h-pi , Sió-bē tńg--lâi iā ū-sî , Sió-bē bô-bn̍gh thang sa-sàng , Pe̍h-lêng hô-pau sàng Tián-ko , Bái-bái khì tòa khah-kiûⁿ-bô .
不嫌 小妹 个 呆意 ， 送 典哥 你 做 表記 ， 抄娘 說出 拙 恩情 ， 典哥 无物 通 送行 。	M̄-hiâm sió-bē ê phái-ì , Sàng Tián-ko lí tsuè piáu-kì , Tshau-niû seh-tshut tsuah un-tsîng , Tián-ko bô-bn̍gh thang sàng-hîng . M̄-hiâm sió-bē ê phái-ì , Sàng Tián-ko lí chòe piáu-kì , Chhau-niû seh-chhut choah un-chêng , Tián-ko bô-bn̍gh thang sàng-hêng .
帶着 恩情 无通 送 ， 送 你 糸線 共 鞋面 ， 送 你 金針 共 金釵 ， 拜別 典哥 要 起身 。	Tuà-tio̍h un-tsîng bô-thang sàng , Sàng lí si-suànn kāng uê-bīn , Sàng lí kim-tsam kāng kim-thue , Pài-pia̍t Tián-ko beh khí-sin . Tòa-tio̍h un-chêng bô-thang sàng , Sàng lí si-sòaⁿ kāng ôe-bīn , Sàng lí kim-cham kāng kim-thoe , Pài-pia̍t Tián-ko beh khí-sin .
雙人 相愛 惜 如 金 ， 一時 分別 難 虧心 ， 割吊 典哥 你 一身 ， 千割 萬吊 割 了 腸 。	Sang-lâng siong-ài sioh lî kim , Tsi̍t-sî hun-pia̍t lân khui-sim , Kuah-tiàu Tián-ko lí tsi̍t-sin , Tshuinn-kuah bān-tiàu kuah liáu tn̂g . Sang-lâng siong-ài sioh lî kim , Chi̍t-sî hun-pia̍t lân khui-sim , Koah-tiàu Tián-ko lí chi̍t-sin , Chhuiⁿ-koah bān-tiàu koah liáu tn̂g .
抄娘 上簥 卜 去 ， 典哥 目滓 也 好流 ， 未知 去 後 何時 返 ， 旦淂 何時 再相逢 。	Tshau-niû tsiūnn-kiō beh tshuā--khì , Tián-ko ba̍k-tsái iā hó-lâu , Bē-tsai khì āu hôo-sî tńg , Tān-tit hôo-sî tsài-siong-hông . Chhau-niû chiūⁿ-kiō beh chhōa--khì , Tián-ko ba̍k-chái iā hó-lâu , Bē-chai khì āu hô͘-sî tńg , Tān-tit hô͘-sî chài-siong-hông .
蘇家 一時 就 來 ， 來 一冥 心 遲疑 ， 蘇 採 開口 來 問 伊 ， 問 你 腸肚 乜 拙大 。	Soo--ka tsi̍t-sî tio̍h tshuā--lâi , Tshuā--lâi tsi̍t-mî sim tî-gî , Soo Tshái khui-tshuì lâi mn̄g i , Mn̄g lí pak-tóo mi̍h tsuah-tuā . So͘--ka chi̍t-sî tio̍h chhōa--lâi , Chhōa--lâi chi̍t-mî sim tî-gî , So͘ Chhái khui-chhùi lâi mn̄g i , Mn̄g lí pak-tó͘ mi̍h choah-tōa .
抄娘 出言 就 應 伊 ， 阮 是 脹氣 即 障生 ， 明日 上街 請 先生 。	Tshau-niû tshut-giân tio̍h ìn i , Gún sī tiùnn-khì tsiah tsiùnn-sinn , Bîn-li̍t tsiūnn-kue tshiánn sian-sinn . Chhau-niû chhut-giân tio̍h ìn i , Gún sī tiùⁿ-khì chiah chiùⁿ-siⁿ , Bîn-li̍t chiūⁿ-koe chhiáⁿ sian-siⁿ .
先生 入門 來 看 症 ， 不是 脹氣 不用 醫 ， 蘇 採 心中 就 含儀 ， 未有 一月 生 一兒 。	Sian-sinn li̍p-mn̂g lâi khuànn tsìng , M̄-sī tiùnn-khì m̄-īng i , Soo Tshái sim-tiong tio̍h hâm-gî , Bē-ū tsi̍t-ge̍h sinn tsi̍t-lî . Sian-siⁿ li̍p-mn̂g lâi khòaⁿ chèng , M̄-sī tiùⁿ-khì m̄-ēng i , So͘ Chhái sim-tiong tio̍h hâm-gî , Bē-ū chi̍t-ge̍h siⁿ chi̍t-lî .
蘇家 大小 漏吩吩 ， 抄娘 因乜 生 一孫	Soo--ka tuā-suè lāu-hun-hun , Tshau-niû in-mi̍h sinn tsi̍t-sun So͘--ka tōa-sòe lāu-hun-hun , Chhau-niû in-mi̍h siⁿ chi̍t-sun
蘇 採 問 知 就 不遲 ， 做緊 放簥 就 送去 ， 王 炮 看見 問 因 依 ， 仔兒 做 出 乜 代際 ？ 抄娘 跪落 說 起理 ， 女兒 今旦 无差耻 。	Soo Tshái mn̄g tsai tio̍h m̄-ti̍h , Tsuè-kín pàng-kiō tio̍h sàng--khì , Ông Phàu khuànn--kìnn mn̄g in i , Kiánn-lî tsuè tshut mi̍h tāi-tsì ? Tshau-niû kuī--lo̍h seh khí-lí , Lí-lî kin-tuànn bô-siu-thí . So͘ Chhái mn̄g chai tio̍h m̄-ti̍h , Chòe-kín pàng-kiō tio̍h sàng--khì , Ông Phàu khòaⁿ--kìⁿ mn̄g in i , Kiáⁿ-lî chòe chhut mi̍h tāi-chì ? Chhau-niû kūi--lo̍h seh khí-lí , Lí-lî kin-tòaⁿ bô-siu-thí .
王 炮 見說 心火 起 ， 就 罵 賤婢 敢 障生 ， 典哥 聞 知 驚半死 ， 就 問 小妹 障 行仪 。	Ông Phàu kìnn-seh sim-hé khí , Tio̍h mā tsiān-pi kánn tsiùnn-sinn , Tián-ko bûn ti kiann-puànn-sí , Tio̍h mn̄g sió-bē tsiùnn kiânn-gî . Ông Phàu kìⁿ-seh sim-hé khí , Tio̍h mā chiān-pi káⁿ chiùⁿ-siⁿ , Tián-ko bûn ti kiaⁿ-pòaⁿ-sí , Tio̍h mn̄g sió-bē chiùⁿ kiâⁿ-gî .
白冘悟 小妹 无 倒返 ， 今旦 只事 乞 我 害 ， 害 你 一身 无人 遲 。	Tam-ngōo sió-bē lí tò-pinn , Kin-tuànn tsí-tāi khit guá hāi , Hāi lí tsi̍t-sin bô-lâng ti̍h . Tam-ngō͘ sió-bē lí tò-piⁿ , Kin-tòaⁿ chí-tāi khit góa hāi , Hāi lí chi̍t-sin bô-lâng ti̍h .
小妹 說出 典哥 听 ， 典哥 你 心 多 把定 ， 只是 小妹 生 反命 。	Sió-bē seh-tshut Tián-ko thiann , Tián-ko lí sim too pé-tiānn , Tsí-sī sió-bē sinn phái-miā . Sió-bē seh-chhut Tián-ko thiaⁿ , Tián-ko lí sim to͘ pé-tiāⁿ , Chí-sī sió-bē siⁿ phái-miā .
王 炮 心中 有 主意 ， 送 去 蘇家 去 還依 ， 送來 蘇 採 又 不遲 ， 王 愢 思 了 一 計智 。	Ông Phàu sim-tiong ū tsú-ì , Sàng khì Soo--ka khì hîng-i , Sàng--lâi Soo Tshái iū m̄-ti̍h , Ông Phàu siūnn liáu tsi̍t kè-tì . Ông Phàu sim-tiong ū chú-ì , Sàng khì So͘--ka khì hêng-i , Sàng--lâi So͘ Chhái iū m̄-ti̍h , Ông Phàu siūⁿ liáu chi̍t kè-tì .
王 炮 一時 得 知機 ， 做 得 一狀 去 告伊 ， 告 得 蘇 採 離 妻兒 ， 離妻 離ㄙ 乜 道理 。	Ông Phàu tsi̍t-sî tit tsai-ki , Tsuè tit tsi̍t-tsn̄g khì kò-i , Kò tit Soo Tshái lī tshe-lî , Lī-tshe lī-bóo mi̍h tō-lí . Ông Phàu chi̍t-sî tit chai-ki , Chòe tit chi̍t-chn̄g khì kò-i , Kò tit So͘ Chhái lī chhe-lî , Lī-chhe lī-bó͘ mi̍h tō-lí .
蘇 採 聞知 氣 冲 天 ， 豆寸耐 王 炮 乜 道理 ， 不嫌 女兒 个 大際 。	Soo Tshái bûn-ti khì tshiong thinn , Phóo-nāi Ông Phàu mi̍h tō-lí , M̄-hiâm lí-lî ê tāi-tsì . So͘ Chhái bûn-ti khì chhiong thiⁿ , Phó͘-nāi Ông Phàu mi̍h tō-lí , M̄-hiâm lí-lî ê tāi-chì .
告 我 不遲 我 不驚 ， 離 了 此ㄙ 好名聲 ， 就 做 訢狀 到 官廳 。	Kò guá m̄-ti̍h guá m̄-kiann , Lī liáu tshí-bóo hó-miâ-siann , Tio̍h tsuè sòo-tsn̄g kàu kuann-thiann . Kò góa m̄-ti̍h góa m̄-kiaⁿ , Lī liáu chhí-bó͘ hó-miâ-siaⁿ , Tio̍h chòe sò͘-chn̄g kàu koaⁿ-thiaⁿ .
本縣 大爺 是 姓 蔣 ， 蔣爺 做官 真 愛民 ， 看 得 此狀 頭 多 眩 。	Pún-kuān thài-iâ sī sìnn Tsiúnn , Tsiúnn-iâ tsuè-kuann tsin ài-bîn , Khuànn tit tshí-tsn̄g thâu too hîn . Pún-kōan thài-iâ sī sìⁿ Chiúⁿ , Chiúⁿ-iâ chòe-koaⁿ chin ài-bîn , Khòaⁿ tit chhí-chn̄g thâu to͘ hîn .
王 炮 消坑 第一人 ， 養 淂 此女 敗 家風 ， 太爺 看 狀 有 思量 ， 即時 出票 拿 抄娘 。	Ông phàu Siau-khinn tuē-it-lâng , Iúnn tit tshí-lí pāi ka-hong , Thài-iâ khuànn tsn̄g ū si-niû , Tsik-sî tshut-phiò lia̍h Tshau-niû . Ông phàu Siau-khiⁿ tōe-it-lâng , Iúⁿ tit chhí-lí pāi ka-hong , Thài-iâ khòaⁿ chn̄g ū si-niû , Chek-sî chhut-phiò lia̍h Chhau-niû .
原差 當時 就 起行 ， 卜 拿 抄娘 只 一名 ， 直去 消坑 王厝 尋 ， 不知 抄娘 在 遲塊 。	Guân-tshe tng-sî tio̍h khí-kiânn , Beh lia̍h Tshau-niû tsí tsi̍t-miâ , Ti̍t-khì Siau-khinn Ông-tshù tshē , M̄-tsai Tshau-niû tī tī-tè . Gôan-chhe tng-sî tio̍h khí-kiâⁿ , Beh lia̍h Chhau-niû chí chi̍t-miâ , Ti̍t-khì Siau-khiⁿ Ông-chhù chhē , M̄-chai Chhau-niû tī tī-tè .
抄娘 聞知 心 得驚 ， 我 今 一身 障 歹命 ， 原差 即時 就 鎖起 ， 鎖起 抄娘 多 八死 。	Tshau-niû bûn-ti sim tit-kiann , Guá tann tsi̍t-sin tsiùnn phái-miā , Guân-tshe tsik-sî tio̍h só-khí , Só-khí Tshau-niû too pueh-sí . Chhau-niû bûn-ti sim tit-kiaⁿ , Góa taⁿ chi̍t-sin chiùⁿ phái-miā , Gôan-chhe chek-sî tio̍h só-khí , Só-khí Chhau-niû to͘ poeh-sí .
典哥 聞知 大 着驚 ， 害 淂 我妹 上 官 廳 ， 抄娘 勸 哥 无驚硎 ， 小妹 有事 搃着 行 。	Tián-ko bûn-ti tuā tio̍h-kiann , Hāi tit guá-bē tsiūnn kuann thiann , Tshau-niû khǹg ko bô-kiann-hiânn , Sió-bē ū-sī tsóng-tio̍h kiânn . Tián-ko bûn-ti tōa tio̍h-kiaⁿ , Hāi tit góa-bē chiūⁿ koaⁿ thiaⁿ , Chhau-niû khǹg ko bô-kiaⁿ-hiâⁿ , Sió-bē ū-sī chóng-tio̍h kiâⁿ .
抄娘 押解 一路 來 ， 行人 過路 人 盡知 。	Tshau-niû ah-kè tsi̍t-lōo lâi , Hîng-lîn kè-lōo lâng tsīn-tsai , Chhau-niû ah-kè chi̍t-lō͘ lâi , Hêng-lîn kè-lō͘ lâng chīn-chai ,
抄娘 押 到 岳尾街 ， 看 伊 人人 多 相挨 ， 抄娘 押 到 城門 ， 想起 心酸 目滓流 。	Tshau-niû ah kàu Ga̍k-bé-kue , Khuànn i lâng-lâng too sa-ue , Tshau-niû ah kàu siânn-mn̂g tau , Siūnn-khí sim-sng ba̍k-tsái-lâu . Chhau-niû ah kàu Ga̍k-bé-koe , Khòaⁿ i lâng-lâng to͘ sa-oe , Chhau-niû ah kàu siâⁿ-mn̂g tau , Siūⁿ-khí sim-sng ba̍k-chái-lâu .
人人 風流 无大 際 ， 開 阮 風流 乜 障生 。	Lâng-lâng hong-liû bô-tāi tsì , Khui gún hong-liû mi̍h tsiùnn-sinn . Lâng-lâng hong-liû bô-tāi chì , Khui gún hong-liû mi̍h chiùⁿ-siⁿ .
抄娘 押入 德化城 ， 腳 酸 手 痛 又着 行 ， 天 我 今旦 障 歹命 ， 來 只 城內 賣 名聲 。	Tshau-niû ah-li̍p Tiak-huè-siânn , Kha sng tshiú thiànn iū-tio̍h kiânn , Hīn guá kin-tuànn tsiùnn phái-miā , Lâi tsí siânn-lāi buē miâ-siann . Chhau-niû ah-li̍p Tiak-hòe-siâⁿ , Kha sng chhiú thiàⁿ iū-tio̍h kiâⁿ , Hīn góa kin-tòaⁿ chiùⁿ phái-miā , Lâi chí siâⁿ-lāi bōe miâ-siaⁿ .
抄娘 押 到 縣門前 ， 動 淂 有 尺 三二千 。	Tshau-niû ah kàu kuān-mn̂g-tsuînn , Tāng tit khuànn lâng sann-nn̄g-tshuinn . Chhau-niû ah kàu kōan-mn̂g-chûiⁿ , Tāng tit khòaⁿ lâng saⁿ-nn̄g-chhuiⁿ .
有人 說 伊 真 可撚 ， 天 人 說 伊 愛風流 ， 有 人 說說 共 笑笑 ， 笑 淂 抄娘 乜 八死 。	Ū-lâng seh i tsin khónn-lîn , Iáu lâng seh i ài-hong-liû , Ū lâng seh-seh kāng tshiò-tshiò , Tshiò tit Tshau-niû mi̍h pueh-sí . Ū-lâng seh i chin khóⁿ-lîn , Iáu lâng seh i ài-hong-liû , Ū lâng seh-seh kāng chhiò-chhiò , Chhiò tit Chhau-niû mi̍h poeh-sí .
抄娘 說出 眾人 听 ， 勸 恁 大家 莫 相笑 ， 風流 大際 值人 无 ， 值个 少年 无 撻桃 ？	Tshau-niû seh-tshut tsìng-lâng thiann , Khǹg lín tāi-ke bo̍h sa-tshiò , Hong-liû tāi-tsì tī-lâng bô , Tī-ê siàu-liân bô thit-thô ? Chhau-niû seh-chhut chèng-lâng thiaⁿ , Khǹg lín tāi-ke bo̍h sa-chhiò , Hong-liû tāi-chì tī-lâng bô , Tī-ê siàu-liân bô thit-thô ?
勸 恁 不通 來 相欹 ， 到 恁 其當 恁 就 知 ， 抄娘 押 到 县口庭 ， 原差 入內 去 報名 。	Khǹg lín m̄-thang lâi sa-khi , Kàu lín ki-tng lín tio̍h ti , Tshau-niû ah kàu kuān-kháu-tiânn , Guân-tshe li̍p-lāi khì pò-miâ . Khǹg lín m̄-thang lâi sa-khi , Kàu lín ki-tng lín tio̍h ti , Chhau-niû ah kàu kōan-kháu-tiâⁿ , Gôan-chhe li̍p-lāi khì pò-miâ .
老爺 問 报 淂 知机 ， 吊 卜 抄娘 來 審 起 ， 排例 竹杯 共 桚子 ， 抄娘 看見 驚半死 。	Ló-iâ mn̄g pò tit tsai-ki , Tiàu beh Tshau-niû lâi sím khí , Pâi-lia̍t tiak-pue kāng tsán-tsí , Tshau-niû khuànn--kìnn kiann-puànn-sí . Ló-iâ mn̄g pò tit chai-ki , Tiàu beh Chhau-niû lâi sím khí , Pâi-lia̍t tiak-poe kāng chán-chí , Chhau-niû khòaⁿ--kìⁿ kiaⁿ-pòaⁿ-sí .
四邊 皂棣 喝兼聲 ， 听候 老爺 審 奸成 ， 老爺 当時 就 坐堂 ， 看見 抄娘 好 挑粧 。 老爺 看見 大怒氣 ， 皂隸 看見 搖頭耳 ，	Sì-pinn tsō-lē huah-hán-siann , Thìng-hāu ló-iâ sím kan-tsiânn , Ló-iâ tng-sî tio̍h tsē-tn̂g , Khuànn-kìnn Tshau-niû hó thiau-tsng , Ló-iâ khuànn--kìnn tuā-nōo-khì , Tsō-lē khuànn--kìnn iô-thâu-hīnn . Sì-piⁿ chō-lē hoah-hán-siaⁿ , Thèng-hāu ló-iâ sím kan-chiâⁿ , Ló-iâ tng-sî tio̍h chē-tn̂g , Khòaⁿ-kìⁿ Chhau-niû hó thiau-chng , Ló-iâ khòaⁿ--kìⁿ tōa-nō͘-khì , Chō-lē khòaⁿ--kìⁿ iô-thâu-hīⁿ .
老爺 陞堂 問 因由 ， 問 你 此子 從 何來 ？ 全頭 說出 本县 知 。	Ló-iâ sing-tn̂g mn̄g in-iû , Mn̄g lí tshí-kiánn tsiông hô-lâi , Tsn̂g-thâu seh-tshut pún-kuān tsai . Ló-iâ seng-tn̂g mn̄g in-iû , Mn̄g lí chhí-kiáⁿ chiông hô-lâi , Chn̂g-thâu seh-chhut pún-kōan chai .
抄娘 心內 有 主張 ， 跪落 所出 拙因由 ， 老爺 容乞 王氏 分 ， 並 无 生出 子兒孫 。	Tshau-niû sim-lāi ū tsú-tiunn , Kuī--lo̍h sòo-tshut tsuah-in-iû , Ló-iâ iông-khit Ông--sī hun , Pīng bô sinn-tshut kiánn-lî-sun . Chhau-niû sim-lāi ū chú-tiuⁿ , Kūi--lo̍h sò͘-chhut choah-in-iû , Ló-iâ iông-khit Ông--sī hun , Pēng bô siⁿ-chhut kiáⁿ-lî-sun .
這是 小姑 來 害 我 ， 害 我 今旦 无依倚 。	Tsé-sī sió-koo lâi hāi guá , Hāi guá kin-tuànn bô-i-uá , Ché-sī sió-ko͘ lâi hāi góa , Hāi góa kin-tòaⁿ bô-i-óa ,
老爺 听說 發 怒氣 ， 豆寸耐 蘇 採 无道理 ， 多 是 尔妹 个 大際 ， 望告 你 ㄙ 生 子兒 。 卜 吊 伊 妹 來 判情 。	Ló-iâ thiann-sueh huat nōo-khì , Phóo-nāi Soo Tshái bô-tō-lí , Too sī lí-bē ê tāi-tsì , Bōng-kò lí bóo sinn kiánn-lî , Beh tiàu i bē lâi phuànn-tsîng . Ló-iâ thiaⁿ-soeh hoat nō͘-khì , Phó͘-nāi So͘ Chhái bô-tō-lí , To͘ sī lí-bē ê tāi-chì , Bōng-kò lí bó͘ siⁿ kiáⁿ-lî , Beh tiàu i bē lâi phòaⁿ-chêng .
蘇 採 見說 大着驚 ， 要 害 我妹 上官廳 ， 許時 我妹 就 歹名 。	Soo Tshái kìnn-sueh tuā-tio̍h-kiann , Beh hāi guá-bē tsiūnn-kuann-thiann , Hí-sî guá-bē tio̍h phái-miâ . So͘ Chhái kìⁿ-soeh tōa-tio̍h-kiaⁿ , Beh hāi góa-bē chiūⁿ-koaⁿ-thiaⁿ , Hí-sî góa-bē tio̍h phái-miâ .
蘇 採 跪落 訢 因伊 ， 不是 我妹 个 大際 ， 正是 賤婢 親生兒 ， 老爺 听訴 就 透機 ， 就 叫 衙役 拿 拶子 ， 抄娘 听見 驚半死 。	Soo Tshái kuī--lo̍h sòo in-i , M̄-sī guá-bē ê tāi-tsì , Tsiànn-sī tsiān-pi tshin-sinn-lî , Ló-iâ thiann-sòo tio̍h thàu-ki , Tio̍h kiò gê-ia̍h lia̍h tsán-tsí , Tshau-niû thiann--kìnn kiann-puànn-sí . So͘ Chhái kūi--lo̍h sò͘ in-i , M̄-sī góa-bē ê tāi-chì , Chiàⁿ-sī chiān-pi chhin-siⁿ-lî , Ló-iâ thiaⁿ-sò͘ tio̍h thàu-ki , Tio̍h kiò gê-ia̍h lia̍h chán-chí , Chhau-niû thiaⁿ--kìⁿ kiaⁿ-pòaⁿ-sí .
蘇 採 跪落 訴 一場 ， 老爺 当時 拶 抄娘 ， 抄娘 拶 去 面憂憂 ， 是 我 当初 要 風流 。	Soo Tshái kuī--lo̍h sòo tsi̍t-tiûnn , Ló-iâ tng-sî tsán Tshau-niû , Tshau-niû tsán khì bīn-iu-iu , Sī guá tng-tshue ài hong-liû . So͘ Chhái kūi--lo̍h sò͘ chi̍t-tiûⁿ , Ló-iâ tng-sî chán Chhau-niû , Chhau-niû chán khì bīn-iu-iu , Sī góa tng-chhoe ài hong-liû .
今旦 刑罰 着 忍痛 ， 抄娘 說出 老爺 听 ， 人 說 无針 不 引線 。	Kin-tuànn hîng-hua̍t tio̍h lím-thiànn , Tshau-niû seh-tshut ló-iâ thiann , Lâng seh bô-tsam put ín-suànn . Kin-tòaⁿ hêng-hoa̍t tio̍h lím-thiàⁿ , Chhau-niû seh-chhut ló-iâ thiaⁿ , Lâng seh bô-cham put ín-sòaⁿ .
牡丹 不 近 芭蕉樹 ， 凰鳳 不 入 山雞群 ， 阮厝 一位 王 典哥 ， 日日 入厝 來 撻桃 。	Bóo-tan put kūn pa-tsio-tshiū , Hōng-hông put li̍p suann-kue-kûn , Gún-tshù tsi̍t-uī Ông Tián-ko , Li̍t-li̍t li̍p-tshù lâi thit-thô . Bó͘-tan put kūn pa-chio-chhiū , Hōng-hông put li̍p soaⁿ-koe-kûn , Gún-chhù chi̍t-ūi Ông Tián-ko , Li̍t-li̍t li̍p-chhù lâi thit-thô .
老爺 見說 發 怒氣 ， 豆寸耐 王 典 无道理 ， 一時 出差 就 拿 伊 。	Ló-iâ kìnn-seh huat nōo-khì , Phóo-nāi Ông Tián bô-tō-lí , Tsi̍t-sî tshut-tshe tio̍h lia̍h i . Ló-iâ kìⁿ-seh hoat nō͘-khì , Phó͘-nāi Ông Tián bô-tō-lí , Chi̍t-sî chhut-chhe tio̍h lia̍h i .
王 典 拿 來 到 县堂 ， 抄娘 看見 好 心酸 ， 双人 一齊 跪 老爺 ， 双人 相看 目滓流 。	Ông Tián lia̍h lâi kàu kuān-tn̂g , Tshau-niû khuànn--kìnn hó sim-sng , Sang-lâng it-tsuê kuī ló-iâ , Sang-lâng sa-khuànn ba̍k-tsái-lâu . Ông Tián lia̍h lâi kàu kōan-tn̂g , Chhau-niû khòaⁿ--kìⁿ hó sim-sng , Sang-lâng it-chôe kūi ló-iâ , Sang-lâng sa-khòaⁿ ba̍k-chái-lâu .
記淂 当初 黃 五娘 ， 双人 偷走 到 泉州 ， 致了 林 大 去 告狀 ， 跪落 知州 訢 情由 。	Kì-tit tng-tshue N̂g Gōo-niû , Sang-lâng thau-tsáu kàu Tsuân-tsiu , Tì-liáu Lîm Tāi khì kò-tsn̄g , Kuī-lo̍h Ti-tsiu sòo tsîng-iû . Kì-tit tng-chhoe N̂g Gō͘-niû , Sang-lâng thau-cháu kàu Chôan-chiu , Tì-liáu Lîm Tāi khì kò-chn̄g , Kūi-lo̍h Ti-chiu sò͘ chêng-iû .
審 了 陳 三 去 充軍 ， 寓着 運使 結完婚 。 老爺 即時 氣 沖天 ， 豆寸耐 王 典 敢 障生 。	Sím liáu Tân Sann khì tshiong-kun , Gū-tio̍h ūn-sài kiat-uân-hun , Ló-iâ tsik-sî khì tshiong-thinn , Phóo-nāi Ông Tián kánn tsiùnn-sinn . Sím liáu Tân Saⁿ khì chhiong-kun , Gū-tio̍h ūn-sài kiat-ôan-hun , Ló-iâ chek-sî khì chhiong-thiⁿ , Phó͘-nāi Ông Tián káⁿ chiùⁿ-siⁿ .
蘇 採 乞ㄙ 未曾 ， 不 想 經業 做 生理 ； 你 敢 做出 浪蕩兒 。	Soo Tshái khit-bóo bē-tsîng tshuā , M̄ siūnn king-gia̍p tsuè sing-lí ; Lí kánn tsuè-tshut lōng-tōng-lî . So͘ Chhái khit-bó͘ bē-chêng chhōa , M̄ siūⁿ keng-gia̍p chòe seng-lí ; Lí káⁿ chòe-chhut lōng-tōng-lî .
王 典 跪落 訢 分明 ， 老爺 這事 无這情 ， 世上 風流 也 有人 ， 受虧 王 典 也 不通 。	Ông Tián kuī--lo̍h sòo hun-bîng , Ló-iâ tsit-sī bô-tsit-tsîng , Sè-siōng hong-liû iā ū-lâng , Siū-khui Ông Tián iā m̄-thang , Ông Tián kūi--lo̍h sò͘ hun-bêng , Ló-iâ chit-sī bô-chit-chêng , Sè-siōng hong-liû iā ū-lâng , Siū-khui Ông Tián iā m̄-thang ,
老爺 見說 氣 冲天 ， 看 你 大胆 乜躭当 ， 双人 押落 打腳川 。	Ló-iâ kìnn-seh khì tshiong-thinn , Khuànn lí tuā-tánn mi̍h-tam-tng , Sang-lâng ah-lo̍h phah-kha-tshng . Ló-iâ kìⁿ-seh khì chhiong-thiⁿ , Khòaⁿ lí tōa-táⁿ mi̍h-tam-tng , Sang-lâng ah-lo̍h phah-kha-chhng .
双人 打 淂 几十迣 ， 双人 發落 夗央枷 ， 老爺 当時 有 主意 ， 就 甲 蘇 採 來 去 。	Sang-lâng phah tit kuí-tsa̍p-tsuā , Sang-lâng huat-lo̍h uan-iunn-kê , Ló-iâ tng-sî ū tsú-ì , Tio̍h kah Soo Tshái lâi tshuā--khì . Sang-lâng phah tit kúi-cha̍p-chōa , Sang-lâng hoat-lo̍h oan-iuⁿ-kê , Ló-iâ tng-sî ū chú-ì , Tio̍h kah So͘ Chhái lâi chhōa--khì .
你 今 去 返鄉里 ， 免淂 外人 說 便宜 ， 蘇 採 力話 就 應 伊 ， 我 是 丈夫 个 男兒 。 此ㄙ 我 当真 不遲 。	Lí tann tshuā-khì tńg-hiunn-luí , Bián-tit guā-lâng seh pân-gî , Soo Tshái lia̍h-uē tio̍h ìn i , Guá sī ta-poo gê lâm-lî . Tshí-bóo guá tong-tsin m̄-ti̍h . Lí taⁿ chhōa-khì tńg-hiuⁿ-lúi , Bián-tit gōa-lâng seh pân-gî , So͘ Chhái lia̍h-ōe tio̍h ìn i , Góa sī ta-po͘ gê lâm-lî . Chhí-bó͘ góa tong-chin m̄-ti̍h .
淂 此ㄙ 呆名聲 ， 我 在 德化 卜 出名 ， 望 卜 龍雲 來 板桂 ， 愛 卜 金榜 帶 題名 。 後來 中 了 舉人名 。	Tshuā tit tshí-bóo phái-miâ-siann , Guá tī Tiak-huè beh tshut-miâ , Bāng beh lîng-hûn lâi phan-kuì , Ài beh kim-pńg tuà tuê-miâ . Āu--lâi tiòng liáu kí-lîn-miâ . Chhōa tit chhí-bó͘ phái-miâ-siaⁿ , Góa tī Tiak-hòe beh chhut-miâ , Bāng beh lêng-hûn lâi phan-kùi , Ài beh kim-pńg tòa tôe-miâ . Āu--lâi tiòng liáu kí-lîn-miâ .
老爺 当時 有 主意 ， 呵腦 蘇 採 有 志氣 ， 就 將 抄娘 当堂 配 ， 賣 了 番銀 幾十元 。 蘇 採 領 銀 櫊再 。	Ló-iâ tng-sî ū tsú-ì , O-ló Soo Tshái ū tsì-khì , Tio̍h tsiong Tshau-niû tong-tn̂g phuè , Buē liáu huan-gûn kuí-tsa̍p-khoo . Soo Tshái niá gûn koh-tsài tshuā . Ló-iâ tng-sî ū chú-ì , O-ló So͘ Chhái ū chì-khì , Tio̍h chiong Chhau-niû tong-tn̂g phòe , Bōe liáu hoan-gûn kúi-cha̍p-kho͘ . So͘ Chhái niá gûn koh-chài chhōa .
徐厝 探咐 淂 哉机 ， 一時 送聘 去 定 伊 ， 当時 当官 就 去 ， 去 徐厝 結 夫妻 。	Tshî--tshù thàm-thiann tit tsai-ki , Tsi̍t-sî sàng-phìng khì tiānn i , Tng-sî tng-kuann tio̍h tshuā--khì , Tshuā khì Tshî--tshù kiat hu-tshue . Chhî--chhù thàm-thiaⁿ tit chai-ki , Chi̍t-sî sàng-phèng khì tiāⁿ i , Tng-sî tng-koaⁿ tio̍h chhōa--khì , Chhōa khì Chhî--chhù kiat hu-chhoe .
有緣 千里 將 相會 ， 无緣 對面 不相逢 。 抄娘 生 淂 真 妖嬌 ， 嫁 去 徐厝 又是 嬈 。	Ū-iân tshuinn-lí tsiong siong-huē , Bô-iân tuì-bīn put-siong-hông . Tshau-niû sinn tit tsin iau-kiau , Kè khì Tshî--tshù iū-sī hiâu . Ū-iân chhuiⁿ-lí chiong siong-hōe , Bô-iân tùi-bīn put-siong-hông . Chhau-niû siⁿ tit chin iau-kiau , Kè khì Chhî--chhù iū-sī hiâu .
徐厝 丈夫 又 不遲 ， 賣 去 大田 去 豎起 ， 開 了 客店 做 生理 。	Tshî--tshù tiōng-hu iū m̄-ti̍h , Buē khì Tuā-tshân khì khiā-khí , Khui liáu kheh-tiàm tsuè sing-lí . Chhî--chhù tiōng-hu iū m̄-ti̍h , Bōe khì Tōa-chhân khì khiā-khí , Khui liáu kheh-tiàm chòe seng-lí .
老爺 当時 思量 起 ， 放 起 王 典 返 鄉里 ， 須 着 荊農 做 生理 ， 不通 傳 做 這 大際 ， 許時 拿來 刑罰 死 。	Ló-iâ tng-sî si-niû khí , Pàng khí Ông Tián tńg hiunn-lí , Su tio̍h king-lông tsuè sing-í , M̄-thang tsài tsuè tsit tāi-tsì , Hí-sî lia̍h--lâi hîng-hua̍t sí . Ló-iâ tng-sî si-niû khí , Pàng khí Ông Tián tńg hiuⁿ-lí , Su tio̍h keng-lông chòe seng-í , M̄-thang chài chòe chit tāi-chì , Hí-sî lia̍h--lâi hêng-hoa̍t sí .
王 典 一時 出 堂兜 ， 看見 人人 笑嘻嘻 ， 王 典 說出 眾人 听 ， 勸 恁 暗路 不通 行 ， 卜 行 暗路 心 又 驚 。	Ông Tián tsi̍t-sî tshut tn̂g-tau , Khuànn-kìnn lâng-lâng tshiò-hi-hi , Ông Tián seh-tshut tsìng-lâng thiann , Khǹg lín àm-lōo m̄-thang kiânn , Beh kiânn àm-lōo sim iū kiann . Ông Tián chi̍t-sî chhut tn̂g-tau , Khòaⁿ-kìⁿ lâng-lâng chhiò-hi-hi , Ông Tián seh-chhut chèng-lâng thiaⁿ , Khǹg lín àm-lō͘ m̄-thang kiâⁿ , Beh kiâⁿ àm-lō͘ sim iū kiaⁿ .
勸 恁 不通 討 查ㄙ ， 恁 若 那卜 討 查ㄙ ， 不通 親像 我 受苦 ， 甘原 返去 勤 共 苦 。 趁 卜 錢銀 來 乞ㄙ ， 免 被 查ㄙ 割吊 苦 。	Khǹg lín m̄-thang thó tsa-bóo , Lín lio̍k nā-beh thó tsa-bóo , M̄-thang tshin-tshiūnn guá siū-khóo , Kam-guān tńg--khì khûn kāng khóo . Thàn beh tsînn-gûn lâi khit-bóo , Bián pī tsa-bóo kuah-tiàu khóo . Khǹg lín m̄-thang thó cha-bó͘ , Lín lio̍k nā-beh thó cha-bó͘ , M̄-thang chhin-chhiūⁿ góa siū-khó͘ , Kam-gōan tńg--khì khûn kāng khó͘ . Thàn beh chîⁿ-gûn lâi khit-bó͘ , Bián pī cha-bó͘ koah-tiàu khó͘ .
鋤草 郎君 鋤 草根 ， 讀書 郎君 讀 書文 ， 釣魚 郎君 看 溪还 ， 採花 娘仔 看 花園 。	Tî-tsháu lông-kun tî tsháu-kun , Tho̍k-si lông-kun tho̍k si-bûn , Tiò-hî lông-kun khuànn khue-pinn , Tshái-hue niû-kánn khuànn hue-hn̂g . Tî-chháu lông-kun tî chháu-kun , Tho̍k-si lông-kun tho̍k si-bûn , Tiò-hî lông-kun khòaⁿ khoe-piⁿ , Chhái-hoe niû-káⁿ khòaⁿ hoe-hn̂g .
一盆 好花 在 樓前 ， 發心 發葉 並 發枝 ， 頭上 針 花 蝶 針只 ， 失落 花園 尋 不 起 。	Tsi̍t-phûn hó-hue tī lâu-tsuînn , Huat-sim huat-hio̍h pīng huat-ki , Thâu-tsiūnn tsam hue kim tsam-tsí , Sit-lo̍h hue-hn̂g tshē m̄ khí . Chi̍t-phûn hó-hoe tī lâu-chûiⁿ , Hoat-sim hoat-hio̍h pēng hoat-ki , Thâu-chiūⁿ cham hoe kim cham-chí , Sit-lo̍h hoe-hn̂g chhē m̄ khí .
二盆 蓮花 在 池中 ， 愛 卜 採蓮 深 又 深 。	Lī-phûn liân-hue tī tî-tiong , Ài beh tshái-liân tshim iū tshim . Lī-phûn liân-hoe tī tî-tiong , Ài beh chhái-liân chhim iū chhim .
此歌 陸續 忙 抄 來 ， 尾后 大際 也 未知 ， 消坑 出 有 此 歌詩 ， 處 傳 至今 人人知 。 王 抄娘 歌 終 。	Tshí-kua lio̍k-sio̍k bâng tshau âi , Bé-āu tāi-tsì iá bē-tsai , Siau-khinn tshut ū tshí kua-si , Teh thuân tsì-kim lâng-lâng-tsai . Ông Tshau-niû kua tsiong . Chhí-koa lio̍k-sio̍k bâng chhau âi , Bé-āu tāi-chì iá bē-chai , Siau-khiⁿ chhut ū chhí koa-si , Teh thôan chì-kim lâng-lâng-chai . Ông Chhau-niû koa chiong .