台灣民間文學歌仔册資料庫

首頁 >資料庫介紹

回上頁

冊名	新刊神姐歌
編者	未知
出版社	《台灣俗曲集》(台灣總督府圖書館輯)
出版年	1821~1850
篇名	全本

顯示的款式:	倒爿漢字正爿羅馬字		漢字Lô-má-jī
Lô-má-jī 是	Tâi-lô	Pe̍h-ōe-jī
漢字是	原文	改字

一群姿娘仔，要卜問神姐，相邀又相招，卜去須趂早。五更起身来，落床就縛腳。	Tsi̍t-kûn tsir-niû-kánn , Ài-berh mn̄g Sîn-tsiá , Sann-io iū sann-tsio , Berh-khìr su thàn-tsá . Goö-kinn khí-sin lâi , Lo̍h-tshn̂g tio̍h pa̍k-kha . Chi̍t-kûn chir-niû-káⁿ , Ài-berh mn̄g Sîn-chiá , Saⁿ-io iū saⁿ-chio , Berh-khìr su thàn-chá . Go͘6-kiⁿ khí-sin lâi , Lo̍h-chhn̂g tio̍h pa̍k-kha .
頭梳銀錠髟告，放落長偹尾。	Thâu sue gûn-tiānn-kèr , Pàng-lo̍h tn̂g-pī bér . Thâu soe gûn-tiāⁿ-kèr , Pàng-lo̍h tn̂g-pī bér .
下身紅葉裙，上身水月衣，面上抹水粉，唇上点胭脂。	Ë-sin âng-hio̍h-kûn , Tsiünn-sin tsuí-ge̍rh-i , Bīn-tsiünn buat tsuí-hún , Tsûn-tsiünn tiám ian-tsi . Ë-sin âng-hio̍h-kûn , Chiüⁿ-sin chúi-ge̍rh-i , Bīn-chiüⁿ boat chúi-hún , Chûn-chiüⁿ tiám ian-chi .
紅綾鞋，鎖綠墘，白膝褲，綉花枝，紅紅絲帶，結在許腳目邊。	Âng-lîng-uê , Sóo-lia̍k-kînn , Pe̍h-siak-khòo , Siù-hue-ki , Âng-âng si-tuà , Kat tïr hír kha-ba̍k pinn . Âng-lêng-ôe , Só͘-lia̍k-kîⁿ , Pe̍h-siak-khò͘ , Siù-hoe-ki , Âng-âng si-tòa , Kat tïr hír kha-ba̍k piⁿ .
手執弄抗籃，貯尽碗糕粿，也有花粉俴，也有濶芦荟。	Tshiú tsip lòng-khòng-nâ , Tué tsïn uánn-ko-kér , Iā-ū hue-hún-tsînn , Iā-ū khuah lôo-hēr . Chhiú chip lòng-khòng-nâ , Tóe chïn óaⁿ-ko-kér , Iā-ū hoe-hún-chîⁿ , Iā-ū khoah lô͘-hēr .
角車是針筒，出門刘吊人。	Kak-tshia sï tsam-tâng , Tshut-mn̂g kuah-tiàu-lâng . Kak-chhia sï cham-tâng , Chhut-mn̂g koah-tiàu-lâng .
行到神姐厝，打門叫聖媽。	Kiânn kàu Sîn-tsiá tshù , Phah-mn̂g kiò Siànn-má . Kiâⁿ kàu Sîn-chiá chhù , Phah-mn̂g kiò Siàⁿ-má .
壇上供奉諸菩薩，供養却是金舍人，一邊是善才龙女觀音，一邊是灶君土地神，聖媽端的交椅坐。	Tuânn-tsiünn kiong-hōng tsir phôo-sat , Kiong-ióng khiok-sï Kim-sià-lîn , Tsi̍t-pinn sï siān-tsâi Liông-lír kuan-im , Tsi̍t-pinnsï tsàu-kun thóo-tī-sîn , Siànn-má tuan-tiah kau-í tsër . Tôaⁿ-chiüⁿ kiong-hōng chir phô͘-sat , Kiong-ióng khiok-sï Kim-sià-lîn , Chi̍t-piⁿ sï siān-châi Liông-lír koan-im , Chi̍t-piⁿsï chàu-kun thó͘-tī-sîn , Siàⁿ-má toan-tiah kau-í chër .
一帖紙俴對面燒，引卜亡魂過河橋。	Tsi̍t-thiap tsuá-tsînn tuì-bīn sio , Ín-berh bông-hûn kèr Hôo-kiô . Chi̍t-thiap chóa-chîⁿ tùi-bīn sio , Ín-berh bông-hûn kèr Hô͘-kiô .
亡人行到河橋東，腳鬆手也鬆；亡人行到奈河橋，腳搖手也搖。	Bông-lîn kiânn kàu Hôo-kiô tang , Kha sang tshiú iā sang ; Bông-lîn kiânn kàu Nāi-hôo-kiô , Kha iô tshiú iā iô . Bông-lîn kiâⁿ kàu Hô͘-kiô tang , Kha sang chhiú iā sang ; Bông-lîn kiâⁿ kàu Nāi-hô͘-kiô , Kha iô chhiú iā iô .
橋頭將軍，橋尾土地，獻俴獻鈔，買路過河橋。	Kiô-thâu tsiong-kun , Kiô-bér thóo-tī , Hiàn-tsînn hiàn-tshau , bué-lōo kèr Hôo-kiô . Kiô-thâu chiong-kun , Kiô-bér thó͘-tī , Hiàn-chîⁿ hiàn-chhau , bóe-lō͘ kèr Hô͘-kiô .
引来一位亡魂仔，說伊年登即十二，離父離母就過世。	Ín-lâi tsi̍t-uī bông-hûn-kánn , Serh i nî-ting tsiah tsa̍p-lī , Lî pë lî bú tio̍h kèr-sì . Ín-lâi chi̍t-ūi bông-hûn-káⁿ , Serh i nî-teng chiah cha̍p-lī , Lî pë lî bú tio̍h kèr-sì .
煞了！甲汝引阮媽，汝引亡魂仔。	Suah--lòo ! Kah-lír ín gún-má , Lír ín bông-hûn-kánn . Soah--lò͘ ! Kah-lír ín gún-má , Lír ín bông-hûn-káⁿ .
既然要引汝媽，未知汝媽是江也是母？	Kì-liân bēr ín lír-má , Bēr-tsai lír-má sï kang iá sï bú ? Kì-liân bēr ín lír-má , Bēr-chai lír-má sï kang iá sï bú ?
煞了！阮媽是姿娘，不是半陰陽。	Suah--lòo ! Gún-má sï tsir-niû , M̄-sï puànn-iam-iûnn . Soah--lò͘ ! Gún-má sï chir-niû , M̄-sï pòaⁿ-iam-iûⁿ .
既然汝媽是姿娘，男亡請退邊，女亡引来說。	Kì-liân lír-má sï tsir-niû , Lâm-bông tshiánn thèr-pinn , Lír-bông ín-lâi serh . Kì-liân lír-má sï chir-niû , Lâm-bông chhiáⁿ thèr-piⁿ , Lír-bông ín-lâi serh .
亡人亡哀哀，信女請汝出壇来。	Bông-lîn bông-ai-ai , Sìn-lír tshiánn lír tshut-tuânn lâi . Bông-lîn bông-ai-ai , Sìn-lír chhiáⁿ lír chhut-tôaⁿ lâi .
「媳婦呵！媳婦呵！ … … 」	“ Sin-pū a ! Sin-pūa ! ... ... ” “ Sin-pū a ! Sin-pūa ! ... ... ”
煞了！未知是不是，只是哭，只是啼。	Suah--lòo ! Bēr-tsai sï-m̄-sï , Tsí-sï khàu , Tsí-sï thî . Soah--lò͘ ! Bēr-chai sï-m̄-sï , Chí-sï khàu , Chí-sï thî .
「那卜不是汝媽，因乜敢来到只。」	“ Nā berh m̄-sï lír-má , In-mi̍h kánn lâi-kàu tsí . ” “ Nā berh m̄-sï lír-má , In-mi̍h káⁿ lâi-kàu chí . ”
汝那是阮媽，几个子？几媳婦？可全頭說知机。	Lír nā-sï gún-má , Kuí-gê kánn ? Kuí sin-pū ? Thang tsn̂g-thâu serh tsai-ki . Lír nā-sï gún-má , Kúi-gê káⁿ ? Kúi sin-pū ? Thang chn̂g-thâu serh chai-ki .
「大仔不在厝，二仔在漳浦炰番薯，三仔賭博弄蕩出門去。	“ Tuā-kánn m̄-tïr tshù , Lī-kánn tïr Tsiunn-phóo pû han-tsîr , Sann-kánn pua̍h-kiáu lōng-tōng tshut-bn̂g khìr . “ Tōa-káⁿ m̄-tïr chhù , Lī-káⁿ tïr Chiuⁿ-phó͘ pû han-chîr , Saⁿ-káⁿ poa̍h-kiáu lōng-tōng chhut-bn̂g khìr .
大媳婦梳頭我歡喜，二媳婦縛腳過我意，三媳婦在我面前切切啼。」	Tuā-sin-pū sue-thâu guá huann-hí , Lī-sin-pū pa̍k-kha kèr guá-ì , Sann-sin-pū tïr guá bīn-tsuînn tshueh-tshueh-thî . ” Tōa-sin-pū soe-thâu góa hoaⁿ-hí , Lī-sin-pū pa̍k-kha kèr góa-ì , Saⁿ-sin-pū tïr góa bīn-chûiⁿ chhoeh-chhoeh-thî . ”
真真着，正正是。引媽下身穿几重？	Tsin-tsin-tio̍h , Tsiànn-tsiànn-sï . Ín-má ë-sin tshīng kuí-tîng ? Chin-chin-tio̍h , Chiàⁿ-chiàⁿ-sï . Ín-má ë-sin chhēng kúi-têng ?
「一重一，二重二，三重三，四重四，汝媽下身是我穿五重。」引媽上身穿几重？	“ Tsi̍t-tîng tsi̍t , Nn̄g-tîng nn̄g , Sann-tîng sann , Sì-tîng sì , Lír-má ë-sin sï guá tshīng goö-tîng . ” Ín-má tsiünn-sin tshīng kuí-tîng ? “ Chi̍t-têng chi̍t , Nn̄g-têng nn̄g , Saⁿ-têng saⁿ , Sì-têng sì , Lír-má ë-sin sï góa chhēng go͘6-têng . ” Ín-má chiüⁿ-sin chhēng kúi-têng ?
「一重一，二重二，三重三，四重四，五重五，六重六：汝媽上身是我穿六重。」	“ Tsi̍t-tîng tsi̍t , Nn̄g-tîng nn̄g , Sann-tîng sann , Sì-tîng sì , Goö-tîng goö , La̍k-tîng la̍k : Lír-Má tsiünn-sin sï guá tshīng la̍k-tîng . ” “ Chi̍t-têng chi̍t , Nn̄g-têng nn̄g , Saⁿ-têng saⁿ , Sì-têng sì , Go͘6-têng go͘6 , La̍k-têng la̍k : Lír-Má chiüⁿ-sin sï góa chhēng la̍k-têng . ”
煞了！誰處矇瞳鬼，到此来混障？	Suah--lòo ! Tsuî-tèr bóng-tóng-kuí , Kàu-tshír lâi hūn-tsiùnn ? Soah--lò͘ ! Chûi-tèr bóng-tóng-kúi , Kàu-chhír lâi hūn-chiùⁿ ?
上身明明是我與媽穿七重，因乜是六重？引媽見說目滓流：「七重是七重，	Tsiünn-sin bîng-bîng sï guá ír má tshīng tshit-tîng , In-mi̍h sï la̍k-tîng ? Ín-má kìnn-serh ba̍k-tsái lâu : “ Tshit-tîng sï tshit-tîng , Chiüⁿ-sin bêng-bêng sï góa ír má chhēng chhit-têng , In-mi̍h sï la̍k-têng ? Ín-má kìⁿ-serh ba̍k-chái lâu : “ Chhit-têng sï chhit-têng ,
那因當時第三子上街去剪袄，灣入去輦宝，輸到空空；媳婦汝即做一領无兜裡袄，汝媽穿到奈何橋，被一惡鬼就剝倒。」	Nā-in tong-sî tuē-sann-kánn tsiünn-kue khìr tsián-ó , Uan-li̍p-khìr lián-pó , Su kàu khang-khang ; Sin-pū lír tsiah tsèr tsi̍t-niá bô-ta-lí-ó , Lír-má tshīng kàu Nāi-hôo-kiô , Pī tsi̍t ok-kuí tio̍h pak-tó . ” Nā-in tong-sî tōe-saⁿ-káⁿ chiüⁿ-koe khìr chián-ó , Oan-li̍p-khìr lián-pó , Su kàu khang-khang ; Sin-pū lír chiah chèr chi̍t-niá bô-ta-lí-ó , Lír-má chhēng kàu Nāi-hô͘-kiô , Pī chi̍t ok-kúi tio̍h pak-tó . ”
引媽須着保庇阮媳婦呵，保庇好花土汝枝，好仔乞汝飼，臭頭爛耳汝莫碟。	Ín-má su-tio̍h póo-pì gún sin-pū a , Póo-pì hó-hue tshiünn lír ki , Hó-kánn khit lír tshī , Tshàu-thâu nuā-hï lír bo̍h-ti̍h . Ín-má su-tio̍h pó͘-pì gún sin-pū a , Pó͘-pì hó-hoe chhiüⁿ lír ki , Hó-káⁿ khit lír chhī , Chhàu-thâu nōa-hï lír bo̍h-ti̍h .
汝媽話說了，即時卜返去。	Lír-Má uē serh-liáu , Tsiak-sî berh tńg-khìr . Lír-Má ōe serh-liáu , Chiak-sî berh tńg-khìr .
神姐起位来，娘子曰得流。	Sîn-tsiá khí-uī lâi , Niû-kánn ba̍k-tsái lâu . Sîn-chiá khí-ūi lâi , Niû-káⁿ ba̍k-chái lâu .
世人搃是癡，神姐无影厘；不如入廟燒好香，尋神終須无采俴。	Sè-lîn tsóng-sï tshi , Sîn-tsiá bô-iánn lí ; M̄-lîr li̍p-biō sio-hó-hiunn , Tshēr-sîn tsiong-su bô-tshái tsînn . Sè-lîn chóng-sï chhi , Sîn-chiá bô-iáⁿ lí ; M̄-lîr li̍p-biō sio-hó-hiuⁿ , Chhēr-sîn chiong-su bô-chhái chîⁿ .