| 冊名 | 《現代流行撞球相褒歌》 |
| 編者 | 宋文和 |
| 出版社 | 嘉義捷發漢書部 |
| 出版年 | 1935 |
| 篇名 | 全本 |
| 來者 共 恁 恰 怎座 ， 卜念 撞球 个 相褒 ， 只漸 歌仔 我 新做 ， 就是 基隆 宋 文和 。 |
Lâi-tsia kāng lín khah tsak-tsō , Bueh-liām tōng-kiû ê sio-po , Tsit-tsām kua-á guá sin-tsò , Tsiū-sī ke-lâng Sòng Bûn-hô . |
| 事業 做了 時間 外 ， 朋友 兄弟 招 一拖 ， 球宮 所在 濶濶濶 ， 來靴 消涼 恰 看活 。 |
Sū-gia̍p tsuè-liáu sî-kan guā , Pîng-iú hiann-tī tsio tsi̍t-thua , Kiû-king sóo-tsāi khuah-khuah-khuah , Lâi-hia siau-liâng khah khuànn-ua̍h . |
| 朋友 兄弟 相晶 柳 ， 有 个 招 我 去 撞球 ， 有 个 呌 我 食 燒酒 ， 通 改 心悶 恰 清休 。 |
Pîng-iú hiann-tī sio-tsinn liú , Ū ê tsio guá khì tōng-kiû , Ū ê kiò guá tsia̍h sio-tsiú , Thang kái sim-būn khah tshing-hiu . |
| 我 想 秤彩 榔總 好 ， 相  球官 來  迌 ， 只宮 整理 真 尿多 ， 女給 見面 笑呵呵 。 |
Guá siūnn tshìn-tshái lông-tsóng hó , Sio tshuā kîn-king lâi thit-thô , Tsit-king tsíng-lí tsin jió-tō , Lú-kip kìnn-bīng tshiò-ho-ho . |
| 來 到 球宮 个 所在 ， 女 給 見面 笑西西 ， 真 有 親切 塊 欵待 ， 卜 撞球 今 提 來 排 。 |
Lâi kàu kiû-king ê sóo-tsāi , Lú kip kìnn-bīn tshiò-sai-sai , Tsin ū tshin-tshiat teh khuán-thāi , Bueh tōng-kiû tann the̍h lâi pâi . |
| 四粒 今 皆 排 好世 ， 球扻 一人 夯 一枝 ， 着來 術看 省人 起 ， 親象 囝仔 塊 術池 。 |
Sì-lia̍p tann kai pâi hó-sì , Kiû-tshê tsi̍t-lâng giâ tsi̍t-ki , Tio̍h-lâi sut-khuànn siánn-lâng khí , Tshin-tshiōnn gín-á teh sut-tī . |
| 門?｜斷 只存 燕 女給 煞來 罩 四个 ， 看 伊 撞球 敢 真能 ， 生成 巧神 面肉 白 。 |
Tú-tn̄g tsit-tsūn bô lag5-kheh , Lú-kip suah-lâi tàu sì-ê , Khuànn i tōng-kiû kánn tsin-ē , Sinn-sîng khiáu-sîn bīn-bah pe̍h . |
| 阮是 草地 个 查某 ， 家貧 來 食 人 頭路 ， 望 恁 大家 相 照顧 ， 未 撞 先 共 恁 明呼 。 |
Gún-sī tsháu-tuē ê tsa-bóo , Ka-pîn lâi tsia̍h lâng thâu-lōo , Bāng lín tāi-kē sio tsiàu-kòo , Buē tōng sing kāng lín bîng-hoo . |
| 知 汝 球 都 真 高点 ， 也屎 廣甲 化 顧謙 ， 話頭 汝 免 代先 念 ， 有 汝 一欵 省 敢 歉 。 |
Tsai lí kiû too tsin koo-tiám , Ia̍h-sái kóng-kah huah kòo-khiam , Uē-thâu lí bián tāi-sing liām , Ū lí tsit-khuán siáng kánn hiâm . |
| 撞球 阮 都 未省曉 ， 一球 八点 竪 未 朝 ， 想着 有影 真 見少 ， 看 恁 生成 真 清標 。 |
Tōng-kiû gún too buē-siánn-hiáu , Tsi̍t-kiû pueh-tiám khiā buē tiâu , Siōnn-tio̍h ū-iánn tsin kiàn-siàu , Khuànn lín sinn-sîng tsin tshing-phiau . |
| 看 汝 球步 足 成能 ， 四粒 打 塊 乳郎栖 ， 詳世 看 恁个 形体 ， 第 一 巧神 娘 一个 。 |
Khuànn lí kiû-pōo tsiok tsiânn-ē , Sì-lia̍p phah teh lin-lông-se̍h , Siông-sè khuànn lín-ê hîng-thé , Tuē it khiáu-sîn niû tsi̍t-ê . |
| 撞球 我 是 全無 學 ， 四粒 打塊 乳郎鵝 ， 看 君 生成 人才 好 ， 今日 罕行 來 迌 。 |
Tōng-kiû guá sī tsuân-bô o̍h , Sì-lia̍p phah-teh lin-lông-gô , Khuànn kun sinn-sîng lîn-tsâi hó , Kiann-li̍t hán-kiânn lâi thit-thô . |
| 撞球 我 無 學 半項 ， 白个 打去 撞着 紅 ， 案算 四点 敢 允凍 ， 無宜 打無 加 了工 。 |
Tōng-kiû guá bô o̍h puànn-hāng , Pe̍h--ê phah-khì tōng-tio̍h âng , Àn-sǹg sì-tiám kánn ún-tàng , Bô-gî phah-bô ke liáu-kang . |
| 看 汝 打 無 門｜ 亭手 ， 接落 我 打 月中愁 ， 看 君 生成 即 幼秀 ， 想 卜 問君 个 理由 。 |
Khuànn lí phah bô tú thîng-tshiú , Tsiap--lo̍h guá phah ge̍h-tiong-tshiû , Khuànn kun sinn-sîng tsiah iù-siù , Siūnn bueh bn̄g-kun ê lí-iû . |
| 看 汝 連打 廿一点 ， 紅 白 四粒 格 相廉 ， 看 娘 生水 斷点炎 ， 平無 半位 通 犯歉 。 |
Khuànn lí liân-phah lia̍p-it-tiám , Âng pe̍h sì-lia̍p kik sio-liâm , Khuànn niû sinn-suí tn̄g-tiám-iām , Pīng-bô puànn-uī thang huān-hiâm , |
| 迴轉 四下 打 十七 ， 汝 个 球步 足 成實 ， 閣 打 四点 門｜ 廿一 ， 二个 却 也 平頭直 。 |
Huê-tsuán sì-ē phah tsa̍p-tshit , Lí ê kiû-pōo tsiok tsiânn-si̍t , Koh phah sì-tiám tú lī-it , Ln̄g-ê khiok iá pînn-thâu-ti̍t . |
| 球 來 那打 話 那廣 ， 看 娘 年已 都 相當 ， 心肝 大大 有 希望 ， 可惜 甲 娘 初 相逢 。 |
Kiû lâi ná-phah uē ná-kóng , Khuànn niû nî-kí too siong-tong , Sim-kuann tuā-tuā ū hi-bōng , Khó-sio̍h kah niû tshoo siong-hông . |
| 看 恁 想著 心肝 內 ， 無 打 球扻 放落來 ， 心肝 想着 足成 愛 ， 自由 進步 汝 都 知 。 |
Khuànn lín siōnn-tī sim-kuann lāi , Bô phah kiû-tshê pàng-lo̍h-lâi , Sim-kuann siōnn-tio̍h tsiok-tsiânn ài , Tsū-iû tsìn-pōo lí too tsai . |
| 看 汝 意賜 在 心內 ， 今日 初逢 恁 都 知 ， 不知 因 帶 省 所在 ， 球扻 閣煞 放落來 。 |
Khuànn lí ì-sù tsāi sim-lāi , Kiann-li̍t tshoo-hông lín too tsai , M̄-tsai in tuà siánn sóo-tsāi , Kiû-tshê koh-suah pàng-lo̍h-lâi . |
| 看 君 伊 煞 無 撞球 ， 看 人 簡化 呆 目周 ， 不知 伊 有 牽手 ， 人 廣 婚約 都 自由 。 |
Khuànn kun i suah bô tōng-kiû , Khuànn lâng kán-huah phái ba̍k-tsiu , M̄-tsai i ū tshuā khan-tshiú , Lâng kóng hun-iok too tsū-iû . |
| 想 卜 問 娘 个 底下 ， 不閣 朋友 即多个 ， 卜來 廣出 真 呆世 ， 爭差 不敢 來 說白 。 |
Siōnn bueh bn̄g niû ê tué-hē , M̄-koh pîng-iú tsiah-tsuē-ê , Bueh-lâi kóng-tshut tsin phái-sè , Tsing-tsha m̄-kánn lâi sueh-pe̍h . |
| 看 君 真正 有 意賜 ， 想 甲 心肝 自自自 ， 不敢 廣出 想 真久 ， 想卜 愛 伊 做 丈夫 。 |
Khuànn kun tsin-tsiànn ū ì-sù , Siōnn kah sim-kuann tshu-tshu-tshu , M̄-kánn kóng-tshut siōnn tsin-kú , Siōnn-bueh ài i tsuè tiōng-hu . |
| 看 伊 生成 恰水 鳳 ， 年已 歲頭 都 相當 ， 爭差 不敢 開嘴 廣 ， 恰須 心肝 想甲 狂 。 |
Khuànn i sinn-sîng khah-suí hōng , Nî-kí hè-thâu too siong-tong , Tsing-tsha m̄-kánn khui-tshuì kóng , Khah-su sim-kuann siōnn-kah kông . |
| 球扻 我 閣 夯起來 ， 甲 君 廣話 京人 知 ， 人客 即多 上界 害 ， 約 伊 下日 即閣 來 。 |
Kiû-tshê guá koh giâ--khí--lâi , Kah kun kóng-uē kiann-lâng tsai , Lâng-kheh tsiah-tsuē siōng-kài hāi , Iok i ē-li̍t tsiah-koh lâi . |
| 球 今 不撞 卜 返去 ， 女給 瓦來 收 球只 ， 八球 門｜好 廿角四 ， 我 今 親手 提 乎伊 。 |
Kiû tann m̄-tōng bueh tńg-khì , Lú-ki̍p uá-lâi siu kiû-tsí , Pueh-kiû tú-hó lia̍p-kak-sì , Guá tann tshin-tshiú thue̍h hoo-i . |
| 手底 共 阮 猫 一下 ， 手 春 無愛 共 伊 提 ， 呌 因 大家 閣來 坐 ， 目尾 皆 觀 君 一个 。 |
Tshiú-té kāng gún bâ tsi̍t-ē , Tshiú tshun bô-ài kāng i the̍h , Kiò in tāi-kē koh-lâi tsē , Ba̍k-bé kai kuan kun tsit-ê . |
| 朋友 相辭 今 返倒 ， 想着 一層 心肝 糟 ， 天光 衫褲 換好好 ， 自己 卜閣 來 迌 。 |
Pîng-iú sio-sî tann tńg-tò , Siōnn-tio̍h tsit-tsân sim-kuann tso , Thinn-kng sann-khòo uānn-hó-hó , Tsū-kí bueh-koh lâi thit-thô . |
| 看 君 相 因 回返 ， 煩好 煞無 食 下方 ， 害 我 暗當 無 食飯 ， 一冥 困 甲 天 末光 。 |
Khuànn kun sio-tshuā in huê-tńg , Huân-hó suah-bô tsia̍h ē-hng , Hāi guá àm-tǹg bô tsia̍h-pn̄g , Tsi̍t-mî khùn kah thinn buē-kng . |
| 赶謹 來 到 球宮 內 ， 真正 歡喜 笑西西 ， 明明 我 是 乎 汝 害 ， 今日 即有 閣再 來 。 |
Kuánn-kín lâi kàu kiû-king lāi , Tsin-tsiànn huann-hí tshiò-sai-sai , Bîng-bîng guá sī hōo lí hāi , Kiann-li̍t tsiah-ū koh-tsài lâi . |
| 听 汝 廣着 真 罕有 ， 帶利 阮 害 省 理由 ， 恁 是 出外 尋 朋友 ， 相 入來 者 撞球 。 |
Thiann lí kóng-tio̍h tsin hán-iú , Tuà-lī gún hāi siánn lí-iû , Lín sī tshut-guā tshē pîng-iú , Sio tsuā li̍p-lâi tsia tōng-kiû . |
| 明明 都是 汝 害我 ， 看 汝 目尾 足賢 拖 ， 即有 閣再 行 只誓 ， 心肝 乎 汝 城 甲 活 。 |
Bîng-bîng too-sī lí hāi-guá , Khuànn lí ba̍k-bé tsiok-gâu thua , Tsiah-ū koh-tsài kiânn tsit-tsuā , Sim-kuann hōo lí siânn kah ua̍h . |
| 汝 廣 个 話 阮 不信 ， 牽拖 阮 害 省 何因 ， 恁 甲 朋友 行 做陣 ， 牽拖 是 阮 好 目神 。 |
Lí kóng ê uē gún m̄-sìn , Khan-thua gún hāi siánn hô-in , Lín kah pîng-iú kiânn tsuè-tīn , Khan-thua sī gún hó ba̍k-sîn . |
| 查方 約束 民仔再 ， 今日 汝 煞 假 不知 ， 心肝 汝 無 想 看覓 ， 今日 只誓 逃工 來 。 |
Tsa-hng iok-sok bîn-á-tsài , Kiann-li̍t lí suah ké m̄-tsai , Sim-kuann lí bô siōnn khuànn-māi , Kiann-li̍t tsit-tsuā thiau-kang lâi . |
| 人 我 有影 煞 未記 ， 阿君 汝 真 好 記池 ， 想 卜廣 又 真 燕氣 ， 汝 敢 也未 妻兒 。 |
Lâng guá ū-iánn suah buē-kì , A-kun lí tsin hó kì-tî , Siōnn bueh-kóng iū tsin iàn-khìn , Lí kánn iah-buē tshuā tshe-lî . |
| 汝 問 我 有 牽手 ， 我 謹 共 恁 說 理由 ， 恰早 一个 成 夭壽 。 來 三日 命 着 休 。 |
Lí bn̄g guá ū tshuā khan-tshiú , Guá kín kāng lín seh lí-iû , Khah-tsá tsi̍t-ê tsiânn iáu-siū , Tshuā lâi sann-li̍t miā tio̍h hiu . |
| 听 汝 死 某 真 可惜 ， 那無 閣 對倒着 ， 我 卜 問 汝 个 底借 ， 卜 也卜 乎人 招 。 |
Thiann lí sí bóo tsin khóo-sioh , Nā-bô koh tshuā tsiù-tó-tio̍h , Guá bueh bn̄g lí ê tué-tsio̍h , Bueh tshuā ia̍h-bueh hōo-lâng tsio . |
| 也無 喜號 真 門｜好 ， 我 今 閣 永是 無 ， 朋友 有个 共 我 報 ， 奉招 京 甲 人 未和 。 |
Ia̍h-bô hit-hō tsin tú-hó , Guá tann koh tshuā íng-sī bô , Pîng-iú ū-ê kāng guá pò , Hông-tsio kiann kah lâng buē-hô . |
| 汝 那 有 想 卜 奉招 ， 我 今 報 爾 上界 着 ， 阮 靴 格壁 張仔却 ， 因 查某子 卜 奉招 。 |
Lí nā ū siōnn bueh hông-tsio , Guá tann pò lí siōng-kài tio̍h , Gún hia keh-piah Tsionn-á-khioh , In Tsa-bó-kiánn bueh hông-tsio . |
| 汝 卜 共 我 做 媒人 ， 却官 因子 卜 招尫 ， 那卜 共 我 罩 相共 ， 實在 汝 真賢 做人 。 |
Lí bueh kāng guá tsuè hm̂-lâng , Khioh-kuann in-kiánn bueh tsio-ang , Nā-bueh kāng guá tàu sann-kāng , Si̍t-tsāi lí tsin-gâu tsuè-lâng . |
| 汝 那 卜 乎 伊 做尫 ， 即呌 宋个 做 媒人 ， 我 即 共恁 罩 相共 ， 因厝 都 也 末 無空 。 |
Lí nā bueh hōo i tsuè-ang , Tsiah-kiò Sòng--ê tsuè hm̂-lâng , Guá tsiah kāng-lín tàu sānn-kāng , In-tsù too iā buē bô-khang . |
| 報 我 乎 伊 做 尫婿 ， 我 个 底係 伊 不知 ， 呌 伊 即來 探听 覓 ， 良必 相當 能 合台 。 |
Pò guá hōo i tsuè ang-sài , Guá ê tué-hē i m̄-tsai , Kiò i tsiah-lâi thàm-thiann māi , Liōng-pit siong-tong ē ha̍h-tâi . |
| 汝 那 意愛 免 探听 ， 在 我 塊想 得壳 成 ， 只頭 代志 我 保領 ， 做 汝 放心 不免 京 。 |
Lí nā ì-ái bián thàm-thiann , Tsāi guá teh-siōnn tik-khak tsiânn , Tsit-thâu tāi-tsì guá pó-niá , Tsuè lí hòng-sim m̄-bián kiann . |
| 查某 罵着 我 看覓 ， 生成 水呆 即 能知 ， 那是 大家 有 意愛 ， 姻緣 也是 天 推排 。 |
Tsa-bóo mā-tio̍h guá khuànn-māi , Sinn-sîng suí-bái tsiah ē-tsai , Nā-sī tāi-ke ū ì-ài , Im-iân iā-sī thinn tshui-pâi . |
| 汝 那 是 卜 我 今 共 汝 說 理由 ， 面前 一欉 梨首樹 ， 生 甲 六瑞 打 葛球 。 |
Lí nā sī bueh khuànn khan- tshiú , Guá tann kāng lí sueh lí-iû , Bīn-tsîng tsi̍t-tsâng Lê-siú-tshiū , Sinn kah la̍k-suī phah kat-kiû . |
| 汝 卜 共 我 報 所在 ， 案盞 做味 乎我 猜 ， 我 都 有 恰 淺 腹內 ， 京了 出嘴 猜 未來 。 |
Lí bueh kāng guá pò sóo-tsāi , Àn-tsuánn tsuè-bî hōo-guá tshai , Guá too ū khah tshián pak-lāi , Kiann-liáu tshut-tshuì tshai buē-lâi . |
| 听 汝 廣着 化 古意 ， 我 今 卜 共 汝 通知 ， 近 治 目前 遠 千里 ， 手 夯 鉛筆 有 一枝 。 |
Thiann lí kóng-tio̍h huah kóo-ì , Guá tann bueh kāng lí thong-ti , Kīn tī ba̍k-tsîng hn̄g tshian-lí , Tshiú giâ iân-pit ū tsi̍t-ki . |
| 汝 廣 我 共 汝 看覓 ， 看着 汝 面 即 能知 ， 梨首 來設 算術界 ， 盤只 五粒 做 一排 。 |
Lí kóng guá kāng lí khuànn-māi , Khuànn-tio̍h lí bīn tsiah ē-tsai , Lē-siú lâi-siat sǹg-su̍t-kài , Puânn-tsí gōo-lia̍p tsuè tsi̍t-pâi . |
| 我 看 安哖 門｜是 汝 ， 也無 爭差 甲 半糸 ， 乎 我 那 想 那 歡喜 ， 配着 水娘 真 無宜 。 |
Guá khuànn àn-ni tú-sī lí , Ia̍h-bô tsing-tsha kah puànn-si , Hōo guá ná siōnn ná huann-hí , Phuè-tio̍h suí-niû tsin bô-gî . |
| 看 汝 嘴仔 笑笑笑 ， 要卜 汝 來 乎 阮 招 ， 是 咱 緣份 相 貯着 ， 名聲 恰好 林 板橋 。 |
Khuànn lí tshuì-á tshiò-tshiò-tshiò , Ài-bueh lí lâi hōo gún tsio , Sī lán iân-hūn sio tú-tio̍h , Miâ-siann khah-hó Lîm Pang-kiô . |
| 汝 愛 我 乎 汝 做 尫 ， 我 卜閣 問 汝 一人 ， 恁厝 擔頭 輕 也 重 ， 擔代 能起 咱 即通 。 |
Lí ài guá hōo lí tsuè ang , Guá buehkoh bn̄g lí tsi̍t-lâng , Lín-tshù tànn-thâu khin ia̍h tāng , Tam-tài ē-khí lán tsiah-thang . |
| 若 論 擔頭 也 真重 ， 野有 二个 示大人 ， 招 汝 入來 罩相共 ， 也免 干苦 去 做工 。 |
Nā lūn tànn-thâu ia̍h tsin-tāng , Iá-ū ln̄g-ê sī-tuā-lâng , Tsio lí li̍p-lâi tàu-sann-kāng , Ia̍h-bián kan-khóo khì tsuè-kang . |
| 不免 做工 去 干苦 ， 是 有 業產 通 收租 ， 也是 做 省 大頭路 ， 也是 省欵 。 |
M̄-bián tsuè-kang khì kan-khóo , Sī ū gia̍p-sán thang siu-tsoo , Iah-sī tsuè siánn tuā-thâu-lōo , Ia̍h-sī siánn-khuán . |
| 二个 示大 是 真老 ， 招 汝 入來 岸 手頭 ， 有時 也通 出 外口 ， 頭家 咱 煞 歉 外交 。 |
Ln̄g-ê sī-tuā sī tsin-lāu , Tsio lí li̍p-lâi huānn tshiú-thâu , Ū-sî ia̍h-thang tshut guā-kháu , Thâu-ke lán suah khiâm guā-kau . |
| 招我 去 通 做 頭家 ， 不知 卜創 省乜 个 ， 也着 共 我 照實 說 ， 意賜 着 共我 折白 。 |
Tsio-guá khì thang tsuè thâu-ke , M̄-tsai bueh-tshòng siánn-mi̍h ê , Ia̍h-tio̍h kāng guá tsiàu-si̍t seh , Ì-sù tio̍h kāng-guá thiah-pe̍h . |
| 咱厝 治塊 開 米價 ， 田 榔 治靴 圳岸脚 ， 汝 都 巧巧 免人 教 ， 米商 事業 允 能合 。 |
Lán-tshù tī-teh khui bí-ká , Tshân lóng tī-hia tsùn-huānn-kha , Lí too khiáu-khiáu bián-lâng kà , Bí-siong sū-gia̍p ún ē-ha̍h . |
| 厝 个 米價 咱 有竪 ， 煞 買 五台 自動車 ， 運轉手 咱 着 煞 倩 ， 相當 咱 都 真 好額 。 |
Tshù ê bí-ká lán ū-khiā , Suah bué gōo-tâi tsū-tōng-tshia , Ūn-tsuán-tshiú lán tio̍h suah tshiànn , Siong-tong lán too tsin hó-gia̍h . |
| 也着 煞 倩 運轉手 ， 听 汝 塊廣 有 理由 ， 咱 都 不是 外 幼秀 ， 租項 汝 着 煞 去 收 。 |
Ia̍h-toi̍h8 suah tshiànn ūn-tsuán-tshiú , Thiann lí teh-kóng ū lí-iû , Lán too m̄-sī guā iù-siù , Tsoo-hāng lí tio̍h suah khì siu . |
| 汝 卜 呌 我 收 租項 ， 我 都 不識 做 粗工 ， 喜欵 失頭 恰 粗重 ， 敢着 呌 阮 老丈人 。 |
Lí bueh kiò guá siu tsoo-hāng , Guā too m̄-bat tsuè tsoo-kang , Hit-khuán sit-thâu khah tshoo-tāng , Kánn-tio̍h kiò gún lāu-tiūnn-lâng . |
| 招 汝 只欵 个 子婿 ， 粗重 呌 恁 丈人 來 ， 不是 我 共 汝 打沛 ， 汝 廣 只句 真 不皆 。 |
Tsio lí tsit-khuán ê kiánn-sài , Tshoo-tāng kiò lín tiōnn-lâng lâi , M̄-sī guá kāng lí phah-phài , Lí kóng tsit-kù tsin put-kai . |
| 听 汝 塊廣 也 有影 ， 好 塊 我 廣 小仔聲 ， 老人 人 廣 老步定 ， 失頭 伊 野 做 能營 。 |
Thiann lí teh-kóng ia̍h ū-iánn , Hó teh guá kóng suè-á-siann , Lâu-lâng lâng kóng lāu-pōo-tiānn , Sit-thâu i iá tsuè ē-iânn . |
| 做人 汝 真 無 徹套 ， 食 老 品氣 有 恰 無 ， 失頭 汝 着 替 伊 做 ， 應當 榔着 汝 伐落 。 |
Tsuè-lâng lí tsin bô thiat-thò , Tsia̍h lāu tsing-khì ū khah bô , Sit-thâu lí tio̍h thuè i tsò , Ìng-tong lóng-tio̍h lí hua̍t-lo̍h . |
| 爾 廣 只句 却 也是 ， 着來 倩人 通 開池 ， 田 个 無水 真 費氣 ， 開 好 也通 煞 放魚 。 |
Lí kóng tsit-kù khiok ia̍h-sī , Tio̍h-lâi tshiànn-lâng thang khui-tî , Tshân ē bô-tsuí tsin huì-khì , Khui hó ia̍h-thang suah pàng-hî . |
| 開池 工人 着 去 呌 ， 權田 圳水 食 末着 ， 下冬 失頭 那 恰少 ， 着煞 設計 整 瓦磘 。 |
Khui-tî kang-lâng tio̍h khì kiò , Kuân-tshân tsùn-tsuí tsia̍h buē-tio̍h , Ē-tang sit-thâu nā khah-tsió , Tio̍h-suah siat-kè tsíng hiā-iô . |
| 若卜 設計 來 燒瓦 ， 罵着 煞來 整 牛車 ， 赤牛 買 塊 二十 隻 ， 煞買 一隻 馬 來 騎 。 |
Nā-bueh siat-kè lâi sio-hiā , Mā-tio̍h suah-lâi tsíng gû-tshia , Tshiah-gû bué teh lī-tsa̍p tsiah , Suah-bué tsit-tsiah bé lâi khiâ . |
| 也 卜 騎馬 無塊 嬲 ， 買馬 罵閣 無 馬朝 ， 看 汝 設計 都 能曉 ， 隨在 乎 汝 去 理寮 。 |
Ia̍h bueh khiâ-bé bô-tè hiau , Bué-bé mā-koh bô bé-tiâu , Khuànn lí siat-kè too ē-hiáu , Suî-tsāi hōo lí khì lí-liāu . |
| 聽 爾 塊廣 有影即 ， 無 咱 換 買 自動車 ， 自用 貸切 買 一隻 ， 運轉 閣 倩 一个 額 。 |
Thiann lí teh-kóng ū-iánn-tsiah , Bô lán uānn bué tsū-tōng-tshia , Tsū-iōng tāi-tshiat bué tsi̍t-tsiah , Ūn-tsuán koh tshiànn tsi̍t-ê gia̍h . |
| 閣倩 一个 運轉手 ， 買塊 十台 揮 發油 。 看 汝 都 真 有 講究 ， 出門 咱 着 帶 目周 。 |
Koh-tshiànn tsi̍t-ê ūn-tsuán-tshiú , Bué-teh tsa̍p-tâi hui huat-iû . Khuànn lí tō tsin ū káng-kiù , Tshut-bn̂g lán tio̍h tuà ba̍k-tsiu . |
| 目周 是 我 上 利害 ， 乜項 物件 看 着知 ， 不免 爾 共 我 打沛 ， 事事 我 想 能得 來 。 |
Ba̍k-tsiu sī guá siōng lī-hāi , Mi̍h-hāng mi̍h-kiānn khuànn tio̍h-tsai , M̄-bián lí kāng guá phah-phài , Sū-sū guá siōnn ē-tit lâi . |
| 只漸 今 念 到者 煞 ， 號做 撞球 相褒歌 ， 那好 下漸 者閣 續 ， 是 打笑魁 無 虛花 。 |
Tsit-tsām tann liām kàu-tsia suah , Hō-tsò tōng-kiû sio-po-kua , Nā-hó ē-tsām tsiah-koh suà , Sī phah-tshiò-khue bô hi-hua . |
| 那卜 編 來 接 下漸 ， 意賜 野能 恰 酸喃 ， 男女 也無 做 喃慘 ， 一般 是 那 打 笑談 。 |
Nā-bueh pian lâi tsiap ē-tsām , Ì-sù iá-ē khah sng-lam , Lâm-lú ia̍h-bô tsuè lām-sám , It-puann sī ná phah tshiàu-tâm . |
| 宋个 歌仔 念 完備 ， 今 甲 朋友 恁 相辭 ， 查某 返去 居花喜 ， 查埔 返去 大趁錢 。 |
Sòng--ê kua-á liām uân-pī , Tann kah pîng-iú lín sio-sî , Tsa-bóo tńg--khì ki-hue-hí , Tsa-poo tńg--khì tuā-thàn-tsînn . |
