閩南文化夏令營tī廈門實驗小學集美分校開辦。講師：黃勁連、陳恆嘉、陳明仁、藍淑貞、劉珠、蔡金安。2008.09，《海翁台語文學》81有活動簡報。

第四屆海翁台灣文學營tī台東大學知本校區舉行。

第13屆世界台語文化營（主題：「台語•生活•台灣」）kap 2008 A-khioh賞頒獎典禮，tī鹿港天后宮香客大樓ê薪傳劇場kap文開國小辦理。A-khioh賞得獎人：研究生論文組，周定邦；大學生論文組，蔡宗餘、鄭清鴻、王一如；台語小說社會組，藍春瑞、周華斌、林裕凱；台語詩社會組，周華斌、陳正雄、柯柏榮；客語創作類，江秀鳳。

《台文Bong報》142出刊。

《海翁台語文學》79開始連載姚嘉文華語原著台譯ê小說《藍海夢》（-2010.08, no.104）。翻譯者：王寶漣、陳德樺、楊允言。

《台文戰線》11出「陳雷專輯」：陳金順，〈台語小說的路觀牌：專訪陳雷〉；陳慕真，〈Kám講阮ê記tî攏準tú煞〉；koh重刊陳雷ê 4篇小說：〈鄉史補記（短篇）〉、〈圖書館ê祕密〉、〈天使〉、〈飛車女〉。Ùi chit期開始，陳金順接總編輯。

陳金順，〈台語小說的路觀牌：專訪陳雷〉（《台文戰線》11）：陳雷早年寫詩集《神話集》（1962.07，中文詩62首）、《仲夏的末了》（-1965，中文詩32首；1965-，詩28首），kap散文集《在年青的夢幻裡》（1963.07-08）；「近代ê台語文運動是ùi一般人民發動、thui-sak--ê，是台灣人文化ê民主運動」；「鄭良光kap《台文通訊》ē-sái講是我台文運動ê『啟蒙老師』」。

台灣海翁台語文教育協會出版《第五屆海翁台語文學獎作品集》。得獎人：詩類，周華斌、楊焜顯、陳金順；散文類，柯柏榮、周華斌、藍春瑞；小說類，林貴龍；gín-á詩，陳廷宣、鄭吉竣、蔡春芬。Chit屆soah，文學獎停辦。