台獨聯盟Houston支部主辦第一屆北美洲台語文夏令會：地點德州Houston台灣人活動中心；主事者蔡正隆（聯盟主席）、李勤岸（聯盟宣傳部主委）、陳柏壽、簡忠松、胡民祥等，是後日á世界台語文化營ê前身。會中賴永祥牧師發表有關賴仁聲、鄭溪泮白話字小說ê論文，有歷史出土ê意義。賴牧師koh kā 3 phō POJ小說交許文宏影印、分hō͘文友閱讀：賴仁聲，《Án-niá ê Ba̍k-sái》（高雄州屏東郡：醒世社，1925）；鄭溪泮，《Chhut Sí-sòaⁿ》上卷40回（高雄州屏東郡屏東街：醒世社，1926）；賴仁聲，《Chhì-á-lāi ê Pek-ha̍p-hoe》（台中中會青年部、教育部，1954）。胡民祥編《第一屆「北美洲台語文夏令會」文集》，無出版。胡民祥擬ê〈聲明〉（07.16發表）：「『台灣語文』包括四大族群ê母語。」李勤岸：「正隆kap我本底beh用美國本部ê名義來辦，因為中委會有人反對，後--來m̄-tsiah以Houston支部ê名義來辦，koh去tshuē m̄是盟員ê民祥來做秘書長。時間上，是等我考試了tsiah辦--ê。民祥所擬ê〈聲明〉有傳來hō͘我看--過……」