鯨向海tī《台灣詩學季刊》23期發表〈蹺腳捻嘴鬚〉，是「諺語拼貼」ê手路。

教育部主辦、新竹師範學院承辦、台灣語文學會協辦，第三屆台灣語言國際研討會。論文集《台灣語言及其教學國際研討會論文集》2本（董忠司主編；新竹：台灣語言文化中心）：張良澤，〈日治時代台語正規教育始末〉；洪惟仁，〈閩南語母語教材的編輯〉；陳恆嘉，〈台灣文學中的語言問題〉；姚榮松，〈台灣閩南語歌仔冊的詞彙解讀：以最新落陰相褒歌為例〉；樋口靖、王順隆，〈戰前日本台語研究進展的一個例子：新舊版日台大辭典的對比〉。

客人學台語：陳蘭奇口述、陳宏文筆錄，《台灣教會公報》2412。

台南市菅芒花台語文學會tī鄉城生活學苑召開成立大會，選出9名理事、3名監事；suî召開第一屆理、監事會，選黃勁連做第一任理事長。創會宗旨標榜「繼承1930年黃石輝、郭秋生提倡的『台灣話文運動』」。歷任理事長：黃勁連、施炳華、方耀乾、周定邦、藍淑貞、劉克全。←前身鄉城台語讀冊會（1996.04-）；鄉城生活學苑

陳雷，〈台文小說kap戲劇〉（《台文通訊》52；第3屆世界台灣語文營講稿節錄）：「『正港』ê台灣文學bē-tàng脫離台文母語文學」；「（戰後）到1960年代為止，是『張我軍精神』實現ê時期，tī台灣無台灣文學！只有『中國文學在台灣』」；「（戰後）中文ê鄉土文學kap楊逵所代表ê日文ê鄉土文學本質上是仝款--ê，攏是殖民地文學，m̄是台灣人ê母語文學」；「鄉土文學大漢了後，一部份顛倒變做保守ê力量，甚至mā有鄉土文學ê作者kap讀者反對台文文學」；「1980年代中期以來，台文文學……是1960-80年代鄉土文學成熟以後，真自然ê進一步ê發展」；「tī小說kap戲劇ê創造方面，全用漢字是真不利ê限制kap束縛」；「台文小說kap戲劇若欲健康發展，羅馬字ê使用是一個重要閣必要ê因素」；「台文小說kap戲劇是台灣文學tú-chiah開發ê寶藏，是台灣文學koh過來鬧熱ê大舞台」。

蘇紹連tī《台文通訊》52期發表60 tsuā詩〈Kap一座詩人銅像相拄〉。

李勤岸，〈二零年代台語小說《出死線》作者鄭溪泮：採訪鄭泉聲牧師〉，《台文通訊》52。鄭泉聲講：1.《出死線》寫好99%，phah-sńg tī太平洋戰爭美軍空襲。2.《十字架ê記號》（1924/25，1954版《刺á內ê百合花》ê底本）是台灣頭1本「羅曼史」。3.1950年代台中中會教育部（部長：鄭泉聲）發行白話字刊物《幼葉》。

美國《台灣學生》20期出「台語文專刊」。（謝若蘭2005：539）