趙有源牧師tī歐洲Wuppertal辦「今日台灣人的拯救大會」，陳錦芳後日kā會中黃彰輝kap Rev. Don Keeby（彌迪理牧師）ê講詞寫做文字稿、發表tī全歐會《鄉訊》；陳錦芳（2005：385）稱：這是世台會以後kā演講、討論會ê錄音紀錄寫做文字稿發表tī《台灣季刊》ê淵源，mā是世台會kap海外台語運動連線ê由來。

*楊兆禎著、東海大學民族音樂研究室編，《客家民謠：九腔十八調的研究》（台北：育英）。

*台語齣國語劇本：蘇逸峰編劇，拍字油印布精裝《閩南語連續劇：薛丁山與樊梨花》2本70集（中華電視台）；製作人：陳義、林西野。

*林金鈔，《閩南語與廣韵之硏究》（手寫油印本）。

*王育德，《台灣語入門》（東京：風林書房∕台灣青年社）修訂再版。

*警察強行進入和平鄉tng leh做禮拜ê Tayal博愛教會、查抄族語聖經kap聖詩。（Jîn-sek 2008）

*天主教、基督教合作翻譯、出版ê白話字《新約》，俗稱「紅皮聖經」。梁淑慧（2006）：「鄭良偉（1987a）指出chit ê譯本有以下5點特色：（一）翻譯者ê母語是台語，che kap往過先由外籍傳教士學ē曉漢語了後chiah進行翻譯ê情形 有真大ê無kâng。（二）是天主教kap新教（基督教）共同合譯--ê。Khah早2 ê教派所用ê宗教譯語無kâng，為tio̍h chit ê合譯本彼此做bē少ê調整。（三）語音是根據台灣ê台中腔來翻譯，kap過去使用廈門音無kâng。（四）受政府禁止、沒收，所以真chē人m̄-bat見過chit ê譯本，對台灣教會界無造成影響。（五）採用新ê翻譯原則（指「Dynamic Equivalence」）。」←高積煥、陳邦鎮；1975.01.16：冊iáu tī印刷廠tō去hō͘國民黨剿--去

*許常惠，《恆春調思想起的比較研究》。