《台灣語文月報》第3號社論〈漢羅合用文初議〉：「咱tī文字方面ê計劃工作，文字本身不是目的。『人』才是咱ê目的。咱人ê幸福，咱人ê美滿ê社會關係，才是咱ê目的。」強調語言計劃ê實施、方法tio̍h考慮5大社會關係。

《台灣語文月報》第3號開始連載賴仁聲ê POJ中篇小說：全羅版kap王耀南翻ê漢羅版《Khó-ài ê Sîu-jîn》（可愛ê仇人）；1979.01《台灣論報》21號刊kàu第12章〈後悔來不及啦〉。

6月底kàu 9月初，王育德訪美。

王育德tī Los Angeles台灣文化欣賞會發表演講，演講稿〈我的語言履歷〉節錄發表tī《台灣語文月報》第5號（1977.09）：「台灣話ē滅亡iah興旺，決定tī台灣人是m̄是有法度建立ka-tī ê國家」；「台灣話、台灣歷史、獨立運動，三項合一」，是a̋n-ân 3條bán做1條ê大索。

台灣語文推廣中心tī New York市辦2週年年會、第二屆台灣文化欣賞會：鄭良偉當選新任會長，李豐明擔任執行秘書。專題演講：「台灣語言與文化所面對的危機」、「台語教學的秘訣」、「順口悅耳的語言」，主要講員：黃武東（順口合聽ê台灣話）、鄭良偉（咱ê語言及咱ê社會關係）、Robert Ryan（台灣話是一種語言，不是方言）。分組討論、主持人：陳榮耀（歌仔戲ê了解）、陳庭楷（咱ê根）、蔡嵩陽（學習白話字ê秘訣）、陳正方（台灣人ê報紙事業）、鄭良偉（台灣語文手冊[漢羅合用ê規範性問題]）。（月報第一號、第三號）

1970sTGS：向陽tī《台灣文藝》革新號2期（總55）發表「鄉里記事•百姓篇」3首台語詩：〈黑天暗地白色老鼠咬布袋〉、〈未犂未寫水牛倒在田坵頂〉、〈三更半暝一隻猫仔喵喵哮〉（3篇寫作日期lóng tī 1977.01.02）。←1978.03第6屆吳濁流新詩獎

林宗源詩，〈祖父的土地〉，《台灣文藝》革新2期。

巫永福，〈一得之愚〉，《台灣文藝》革新2期：1.比較「牙」kap「齒」2字；2.主張「河洛論」。