Iâ-so͘khìChhui-lôSe-tùnêkéng-lāi. Ūchi̍t-ji̍tkapha̍k-sengtehkiâⁿlō͘, tú-tio̍hchi̍têKa-lâmhū-jîn-lângkiûIâ-so͘kóng, “Chúah, Tāi-pi̍têhō͘-è, khó-lîngóa; góaêcha-bó͘-kiáⁿhōan-tio̍hsiâ-sîn, put-chíkan-khó͘.” Iâ-so͘m̄ìni. Ha̍k-sengkóng, “Hū-jîn-lângtīāu-bīntehkiò, thangkahikhì.” Iâ-so͘kóng, “Góahōng-chhesībehkiùÍ-sek-lia̍tkesit-lo̍hêiûⁿ.” Hitêhū-jîn-lângthiaⁿ-kìⁿIâ-so͘kóngán-ni, kohchìn-chênglâipàiIâ-so͘, kiûkóng, “Chútio̍hpang-chāngóa.” Iâ-so͘ìnkóng, “The̍hsòe-kiáⁿêpiáⁿ, hiathō͘káusīm̄-tio̍h.”
|
耶穌去Chhui-lô Se-tùn的境內。有一日kap學生teh行路，tú著一個迦南婦人人求耶穌講，「主ah，大衛的後裔，可憐我；我的查某囝犯著邪神，不止艱苦。」耶穌毋應伊。學生講，「婦人人tī後面teh叫，通教伊去。」耶穌講，「我奉差是beh救以色列家失落的羊。」Hit ê婦人人聽見耶穌講按呢，koh進前來拜耶穌，求講，「主著幫贊我。」耶穌應講，「提細囝的餅，hiat hō͘狗是毋著。」 |
|
Iû-thàilânglia̍hīⁿ-pangchhin-chhiūⁿkáu, só͘-íIâ-so͘ēnghitkùōelâichhìhū-jîn-lângêsim.
|
猶太人掠異邦親像狗，所以耶穌用hit句話來試婦人人的心。 |
|
Hū-jîn-lângthiaⁿ-kìⁿIâ-so͘kóngán-ni, bôsiū-khì, ikam-gōanjīnka-kīsīpi-chiān, Iû-thàilângsīchun-kùi; kohchaiIâ-so͘ūtōakôan-lêng, ūlîn-bínlângêsim, só͘-íkóng, “Chúán-nitio̍h: chóng-sīsòe-kiáⁿchia̍h-liáu, toh-ēka-la̍uhêpiáⁿ-sut, káuia̍hōe-tit-thangchia̍h.” Iâ-so͘thiaⁿ-kìⁿhū-jîn-lângkóngchitkùōe, chiūkóng, “Hū-jîn-lâng, líêsìntōa, chiàulíêì-àithangtit-tio̍h.” Tùihit-tia̍pcha-bó͘-kiáⁿhó.
|
婦人人聽見耶穌講按呢，無受氣，伊甘願認家己是卑賤，猶太人是尊貴；koh知耶穌有大權能，有憐憫人的心，所以講，「主按呢著：總是細囝食了，桌下ka-la̍uh的餅屑，狗亦會得通食。」耶穌聽見婦人人講chit句話，就講，「婦人人，你的信大，照你的意愛通得著。」對hit-tia̍p查某囝好。 |
|
Hū-jîn-lângtò-khì, khòaⁿ-kìⁿcha-bó͘-kiáⁿan-jiântótībîn-chhn̂g--ni̍h, chaikúií-kengchhut.
|
婦人人tò去，看見查某囝安然倒tī眠床裡，知鬼已經出。 |
|
Lánkhòaⁿchitêsó͘-chāisó͘kì-chài, tio̍hchailánūsím-mi̍hkhiàm-kheh, behkiûIâ-so͘eng-kaitio̍ho̍hchitêhū-jîn-lângêsìn, thun-lún, pek-chhiat. Lângsiat-súōeán-ni, tek-khakōetit-tio̍hChúêlîn-bínsi-un.
|
咱看chit ê所在所記載，著知咱有甚物欠缺，beh求耶穌應該著學chit ê婦人人的信，吞忍，迫切。人設使ōe按呢，的確ōe得著主的憐憫施恩。 |
