Iâ-so͘hō͘háipêng-chēng, chûnbôlōakúkàuhitpênghōaⁿ. Iâ-so͘kapha̍k-sengchiūⁿsoaⁿ, tú-tio̍hhōansiâ-sîn--êtùibōng-ni̍hchhut-lâi. Hitêlângbôkhiāchhù, sīkhiātīthióng-soaⁿ, thi̍h-liānpa̍kibōetiâu. Mî-ji̍tâu-kiò, ēngchio̍hka-kīsiong. Hn̄g-hn̄gkhòaⁿ-kìⁿIâ-so͘, cháulâipàii, tōa-siaⁿkiòkóng, “Chì-koâiⁿSiōng-tèêKiáⁿIâ-so͘, góakaplísím-mi̍hkan-sia̍p? Thok-tiōngSiōng-tèêmiâ, kiûlíbo̍h-titkhó͘-chhó͘góa.” In-ūiIâ-so͘ūbēng-lēngsiâ-sînlīchitêlâng, siâ-sînsui-bóngm̄-ài, iáu-kúbôtâ-tit-ôatio̍hchhut.
|
耶穌hō͘海平靜，船無偌久到hit旁岸。耶穌kap學生上山，tú著犯邪神的對墓裡出來。Hit ê人無徛厝，是徛tī塚山，鐵鏈縛伊bōe tiâu。暝日喉叫，用石家己傷。遠遠看見耶穌，走來拜伊，大聲叫講，「至koâiⁿ上帝的囝耶穌，我kap你甚物干涉？託重上帝的名，求你莫得苦楚我。」因為耶穌有命令邪神離chit ê人，邪神雖罔毋愛，尚且無tâ得ôa著出。 |
|
Iâ-so͘mn̄gkóng, “Lísím-mi̍hmiâ?” Ìnkóng, “GóanmiâkiòIâⁿ, sīgóanchiah-êput-chíchōeêiân-kò͘.” Chhiat-ìkiûIâ-so͘bo̍h-titkóaⁿichhuthitêsó͘-chāi. Hitsîūchi̍ttīntitīsoaⁿ-ni̍htehchia̍h, kúikiûIâ-so͘chúninji̍pti. Iâ-so͘chún, kúiji̍pti-kûn, tichiūcháulo̍hháichìm-sí.
|
耶穌問講，「你甚物名？」應講，「阮名叫贏，是阮趕逐不止濟的緣故。」切意求耶穌莫得趕伊出hit ê所在。Hit時有一tīn豬tī山裡teh食，鬼求耶穌准in入豬。耶穌准，鬼入豬群，豬就走落海浸死。 |
|
ChiàuMô͘-seêlu̍t-lē, tisībôchheng-khìêcheng-siⁿ, iniáu-kúchhī. Iâ-so͘chúnkúiji̍pti, ūlângphah-sǹgsībehhō͘inchaiinêm̄-tio̍h.
|
照摩西的律例，豬是無清氣的精牲，in尚且飼。耶穌准鬼入豬，有人拍算是beh hō͘ in知in的毋著。 |
|
Chhīti--êji̍psiâⁿkālângkóng, chèng-lângchhut-lâikhòaⁿsó͘kiâⁿ, kiûIâ-so͘lī-khuiinêsó͘-chāi. HItêtāi-senghōan-tio̍hkúi--ê, chhēngsaⁿchū-chāi, kaptāi-senglóngbôsaⁿ-tâng, Siat-súlângōehiáu-titsiūⁿhitêtāi-chì, tek-khakm̄-àiIâ-so͘lī-khui; chóng-sīhitsó͘-chāiêlângūchhò-gō͘, to̍k-to̍ksiūⁿhitêsit-lo̍htiêtāi-chìnā-tiāⁿ; m̄-nābôhó-lé, hóan-tńgchhiáⁿIâ-so͘lī-khui!
|
飼豬的入城kā人講，眾人出來看所行，求耶穌離開in的所在。Hit ê代先犯著鬼的，穿衫自在，kap代先攏無相同，設使人ōe曉得想hit ê代誌，的確毋愛耶穌離開；總是hit所在的人有錯誤，獨獨想hit ê失落豬的代誌若定；毋若無好禮，反轉請耶穌離開！ |
Lângūtit-tio̍hIâ-so͘kiùithoat-līMô͘-kúiêchhiú-thâuábô, iêsó͘kiâⁿtek-khakūcheng-choa̍h. Iâ-so͘tah-chûnêsîtāi-senghōankúi--êkiûkapIsaⁿ-kapkhì.
|
人有得著耶穌救伊脫離魔鬼的手頭á無，伊的所行的確有cheng-choa̍h。耶穌搭船的時代先犯鬼的求kap祂saⁿ-kap去。 |
|
Lání-kengtit-tio̍hChúêun, tio̍hchhin-chhiūⁿchitêlâng, put-chíàichhin-kūnIâ-so͘, m̄-kampàng-lī. Kohlántio̍hchhin-chhiūⁿiēngChúêhókhóan-thāikālângkóng. Siat-súbôsím-mi̍hchhim, ta̍k-lângōeēngChúkhóan-thāiipún-sinêtāi-chì, lâikónghō͘lângthiaⁿ.
|
咱已經得著主的恩，著親像chit ê人，不止愛親近耶穌，毋甘放離。Koh咱著親像伊用主的好款待kā人講。設使無甚物深，ta̍k人ōe用主款待伊本身的代誌，來講hō͘人聽。 |
