Chi-náTông-tiâuêsî, ūchi̍têtāi-sînsìⁿPôemiâTō͘, in-ūihongkong-chioktīChìnêsó͘-chāi, só͘-ílângkóngPôeChìn-kong. Ūchi̍tji̍thut-jiânkânglâipòijóng, Líêìnphah-m̄-kìⁿlah. Piⁿ-áêlângthiaⁿ-kìⁿán-ni, tāi-ketōakiaⁿ, bīnlóngsit-sek. (Kò͘-cháchòekoaⁿêlângìnnāphah-m̄-kìⁿ, koaⁿliáubōesoahtit, ūsîōeūchōe). To̍k-to̍kChìn-konglóngbôsím-mi̍hkhòa-ì, iû-gôankiòlângpī-pāniân-sia̍hlâichhiáⁿlâng-kheh, hoaⁿ-hoaⁿhí-hí, lóngbôhôan-ló. Chèng-lângm̄chaiiêì-sù, put-chíkî-koài. Kàupòaⁿ-mîêsî, hut-jiânūlânglâikāikóng, ìnkohtī-tehlah. Chìn-kongiāhôhoaⁿ-híêkhóan. Āu-lâiūlângmn̄gikóng, Àn-cháiⁿ-iūⁿlíthàián-ni? Chìn-kongchiahkóng, Cheìnput-kòsīgê-ia̍hthau-the̍hkhìēngchi̍t-ē; khoaⁿ-khoaⁿ-sīchū-jiânka-kīkohthe̍h-lâihē-teh; nā-sīchhiⁿ-kôngchhē, peksiuⁿkín, kiaⁿ-liáuthau-the̍hìnêlângbôhoat-tō͘thangthe̍htò-tńg-lâi, tek-khakchiongìnhiatlo̍hchúi-n̍i̍h, á-sīhé-n̍i̍hsio; (in-ūithau-the̍hìnêlângsīsíchōe); án-nichiūbôhoat-tō͘thangchhēliáu.
|
支那唐朝的時，有一個大臣姓裴名度，因為封公爵tī晉的所在，所以人講裴晉公。有一日忽然人來報伊講，你的印拍毋見啦。邊仔的人聽見按呢，大家大驚，面攏失色。(古早做官的人印若拍毋見，官了袂煞得，有時會有罪)。獨獨晉公攏無甚物掛意，猶原叫人備辦筵席來請人客，歡歡喜喜，攏無煩惱。眾人毋知伊的意思，不止奇怪。到半暝的時，忽然有人來kā伊講，印閣tī-teh啦。晉公也無歡喜的款。後來有人問伊講，按怎樣你thài按呢？晉公才講，這印不過是衙役偷提去用一下；寬寬是自然家己閣提來hē-teh；但是生狂揣，迫傷緊，驚了偷提印的人無法度通提倒轉來，的確將印hiat落水裡，抑是火裡燒；（因為偷提印的人是死罪）；按呢就無法度thang揣了。 |
|
Téng-bīnchitchatêkò͘-sū, m̄sīkahlânghōan-sūpàngbô-iàubô-kín, sīkóngbô-lūntú-tio̍hsím-mi̍hkín-kipêtāi-chì, lóngtio̍hsim-koaⁿlia̍h-tiāⁿphah-sǹghō͘hó, m̄-thangpak-lāijûchhiáng-chhiáng, chhiⁿ-kôngti̍t-ti̍tpek, chiūbôiàu-kínêtāi-chì, iālōng-chhutchintōaêsūlâi. Ūsîkò-jînêtāi-chì, pekkàuchū-chīn; iānākhahthôan-théêsū, chiūpekkàupìⁿchiâⁿhóan-pōanêtōachōe. Siông-siôngbatkhòaⁿlângka-kīpháiⁿkí-tî, mi̍hsiu-liáubōekì-tit, lām-sámbû-lōalâng, hāilângkhìsiūchinchōeêkan-khó͘; kàuāu-lâikohchhētio̍h, iiām̄jīnka-kīm̄tio̍h, hóan-tńggîsīhit-êlângthe̍h-lâichhàng-tehhêngi. Sio̍k-gúkóng, Kín-sūkhoaⁿpān; khó-kiànsèng-tēsiuⁿ-kipêlâng, kài gâu lòng-phòatāi-chì.
|
頂面這節的故事，毋是教人凡事放無要無緊，是講無論拄著甚物緊急的代誌，攏著心肝掠定，拍算予好，毋通腹內茹chhiáng-chhiáng，生狂直直迫，就無要緊的代誌，也弄出真大的事來。有時個人的代誌，迫到自盡；也若較團體的事，就迫到變成反叛的大罪。常常捌看人家己歹記持，物收了袂記得，濫糝誣賴人，害人去受真濟的艱苦；到後來閣揣著，伊也毋認家己毋著，反轉疑是hit-ê人提來藏teh還伊。俗語講，緊事寬辦；可見性地傷急的人，kàigâu撞破代誌。 |
