Saⁿchhengnîchêng, ChiuBú-ôngkhípenghoa̍tTiū-ông. Kàutek-sèngtò-lâiêsî, ūtiàunn̄gêsiūlia̍hêpeng-álâi. Bú-ôngmn̄ginkóng, Línkok-n̍i̍hūchhutsím-mi̍hkî-koàiêsūbô? Chit-êpeng-ákóng, Góankok-lāikî-koàiêtāi-chì, chiū-sīchheng-thianpe̍k-ji̍tkhòaⁿ-kìⁿthiⁿ-téngêchhiⁿ, ia̍hlo̍hâng-hō͘chhin-chhiūⁿlo̍hhui̍hêkhóan. Iáuchi̍têpeng-ákóng, Chit-êtāi-chísui-jiânsūkî-koài, sǹgsīsió-khóa; góankok-n̍i̍htē-ittōakî-koàiêtāi-chì, chiū-sīkiáⁿ-jîm̄thiaⁿlāu-pēêōe, sió-tīm̄thiaⁿhiaⁿ-koêōe, jîn-sînm̄thiaⁿkun-ôngêōe, chithōchiahthangsǹgsītōakî-koàiêtāi-chì. Bú-ôngthiaⁿ-kìⁿchithōōe, chiūngiauh-khí-lâi, kāhit-êpeng-ákiâⁿchi̍têtōalé. CheBú-ôngm̄sīchun-kènghit-êlia̍hlâiêpeng-á, sīchun-kèngisó͘kóngêōe.
|
三千年前，周武王起兵伐紂王。到得勝tò來的時，有召兩個受掠的兵仔來。武王問in講，恁國裡有出甚麼奇怪的事無？一個兵仔講，阮國內奇怪的代誌，就是青天白日看見天頂的星，亦落紅雨親像落血的款。猶一個兵仔講，Chit-ê代誌雖然是奇怪，算是小可；阮國裡第一大奇怪的代誌，就是囝兒毋聽老父的話，小弟毋聽兄哥的話，人臣毋聽君王的話，這號才通算是大奇怪的代誌。武王聽見這號話，就ngiauh起來，kā hit-ê兵仔行一個大禮。這武王毋是尊敬hit-ê掠來的兵仔，是尊敬伊所講的話。 |
|
Taⁿlánchiaêhū-jîn-lâng, bêng-bêngsīthiⁿsiⁿchū-jiânchi̍tsiangōekiâⁿōecháuêhókha, khioktian-tòhùichinchōesim-sîn, siūchinchōekan-khó͘thàng-thiàⁿ, lâipa̍kkàusòe-sòe-sòe, pháiⁿkiâⁿpháiⁿta̍h, náchhin-chhiūⁿtài-chi̍têkhóan. Kohchi̍thāngbêng-bêngsītē-itto̍k, chinkhò͘chinkùiêa-phiànhun, khiohkāikhòaⁿchòethn̂g-tiⁿbi̍t-tiⁿêmi̍h: chá-cháàm-àm, chhit-chôngpeh-chông, iāsībehó͘lâichia̍h, kheng-katōng-sàn, bó͘-kiáⁿpàng-làngteh, iābôiàu-kín. Ia̍hkohbêng-bêngsīchi̍tsinhithōthô͘chhio̍k, ásīchhâkhek, chóakô͘êmi̍h, ūba̍k-chiubōekhòaⁿ, ūhī-khangbōethiaⁿ, ūchhiùbōekóngōe, bôkêngbôsiàⁿêngó͘-siōng, khiokbô-lūnsīchun-kùi, hā-chiān, sòng-hiong, hó-gia̍h, ta-po͘, cha-bó͘, lāu-lânggín-ná, gōng-êsek-ê, ta̍kténg-hōêlânglóngtehliáuchîⁿliáukangkhìkèng-pàii. Chekiámm̄sīlánchiaêsaⁿhāngtē-ittōakî-koàiêtāi-chìmah?
|
今咱chia的婦人人，明明是天生自然一雙會行會走的好腳，卻顛倒費真濟心神，受真濟艱苦痛疼，來縛到細細細，歹行歹踏，若親像帶疾的款。閣一項明明是第一毒，真苦真貴的鴉片薰，卻kā伊看做糖甜蜜甜的物：早早暗暗，七傱八傱，也是欲挖來食，傾家蕩產，某囝放閬teh，也無要緊。亦閣明明是一身hit號土石，抑是柴刻，紙糊的物，有目睭袂看，有耳孔袂聽，有嘴袂講話，無能無聖的偶像，卻無論是尊貴，下賤，sòng-hiong，好額，查埔，查某，老人gín-ná，戇的識的，逐等號的人攏teh了錢了工去敬拜伊。這kiám毋是咱chia的三項第一大奇怪的代誌mah？ |
