Kó͘-cháChi-náchhit-kokêsî, Chê-kokUi-ôngchē-ūitēpoehnî, Chhó͘-kokūkhíchinchōepengbehlâikong-phahChê-kok. Ui-ôngchiūchheSûn-uKhunkhìTiō-kokchhiáⁿkiù-peng, iāsàngTiō-kokêgûnchitpahkimkapsìcha̍pchiahbé. Sûn-uKhunm̄hóhiâmôngêlé-mi̍hsiuⁿpo̍k, chiūtōachhiò, bō-iaⁿiālak-lo̍h-lâi. Ôngchiūmn̄gkóng, Líhiâmlé-mi̍hkhahkhinmah? Sûn-uKhunkóng, Sînm̄káⁿhiâm. Ôngkóng, Líchhiòsiáⁿ-sū? Sûn-uKhunchiūìnikóng, Góakin-á-ji̍ttùitang-pênghialâi, khòaⁿ-kìⁿchi̍tlângpâichi̍têti-khakapchi̍tchengchiú, siohiuⁿtehhēkóng, Kûsîntio̍hpó-pì, hō͘góaêkoâiⁿ-chhânkē-chhânlónghósiu-sêng, hō͘góaêgō͘-kakmóa-móasī, tōa-pūnlâu, sòe-pūntīⁿ, ūthangchiahia̍hūthangthiò. Góakhòaⁿisó͘ēngêmi̍hchinchió, isó͘kiûêǹg-bāngiūchintōa, só͘-íchiahchiahàichhiò.
|
古早支那七國的時，齊國威王坐位第八年，楚國有起真濟兵欲來攻拍齊國。威王就差淳于髡去趙國請救兵，也送趙國的銀一百金kap四十隻馬。淳于髡毋好嫌王的禮物傷薄，就大笑，帽纓也落落來。王就問講，你嫌禮物較輕mah？淳于髡講，神毋敢嫌。王講，你笑啥事？淳于髡就應伊講，我今仔日對東爿遐來，看見一人排一個豬腳kap一盅酒，燒香teh下講，求神著保庇，予我的懸田低田攏好收成，予我的五榖滿滿是，大畚流，細畚滇，有通食亦有通糶。我看伊所用的物真少，伊所求的向望又真大，所以才chiah愛笑。 |
|
Ui-ôngchaiiêì-sù, chiūke-thiⁿn̂g-kimnn̄gbānniú, pe̍h-ge̍kjīcha̍ptè, bésìpahphit, chhiaiākángpahtiuⁿ. Sûn-uKhunchiahji̍pTiō-kok, kó-jiânchioh-tio̍hcheng-pengcha̍pbān, chiàn-chhiachi̍tchhengtiuⁿ. Chhó͘-kokêpengthiaⁿ-liáu, thàu-mîkóaⁿ-kíncháutòkhì.
|
威王知伊的意思，就加添黃金兩萬兩，白玉二十塊，馬四百匹，車也káng百張。淳于髡才入趙國，果然借著精兵十萬，戰車一千張。楚國的兵聽了，透暝趕緊走tò去。 |
|
Lūnkàuhiān-sîpàingó͘-siōngêlângsīkaphit-êchoh-chhânlângsio-siang, ka-kībóenn̄gîⁿ-ákim, hiuⁿ, chek, á-sīpī-pāntām-po̍hbôiûbôiâmêchè-mi̍h, taⁿkàubiō-lāikhìhàu, siūⁿbehkiûchîⁿ-châi, kiûhok-khì, á-sīkiûsiⁿkiáⁿ. Hókai-chàisīhit-êngó͘-siōngūba̍k-chiubōeōekhòaⁿ, ūhi-khangbōeōethiaⁿ, ūphīⁿ-khangiām̄chaichu-bī. Nābehsió-khóaūlêng-siàⁿ, á-sītām-po̍htì-sek, khòaⁿ-kìⁿlângēngchitkhóanchno͘-sio̍k êhiuⁿchek, bôiáⁿêkim-gûn, kaphiah-êchia̍hbōeji̍p-chhùiêchè-mi̍h, lâikiûit-khàiêtōahok-khì, khahkemāchionghit-êlângkāikóaⁿchhut-mn̂ggōa, sòachek-pīhit-êlângkóng. Líkhóaⁿgóasīthô͘chhio̍kchhâkhekê, bōeōehun-piatchin-képhang-chhàu, chiahēngchithōlâiphiàngóamah?
|
論到現時拜偶像的人是kap hit-ê作田人相像，家己買兩圓仔金，香，燭，抑是備辦淡薄無油無鹽的祭物，擔到廟內去孝，想欲求錢財，求福氣，抑是求生囝。好佳哉是hit-ê偶像有目睭袂會看，有耳空袂會聽，有鼻孔也毋知滋味。若欲小可有靈聖，抑是淡薄智識，看見人用這款粗俗的香燭，無影的金銀，kap hiah-ê食袂入嘴的祭物，來求一概的大福氣，較加mā將hit-ê人kā伊趕出門外，續責備hit-ê人講，你看我是土搦柴刻的，bōe ōe分別真假芳臭，才用這號來騙我mah？ |
Só͘-íSèng-kengūkóng, Lângkèng-pàiSiōng-tè, tek-khaktio̍hēngsimsêng-si̍tlâikèng-pàiI.
|
所以聖經有講，人敬拜上帝，的確著用心誠實來敬拜祂。 |
