Nn̄gchhengnîchêngTiong-kokūchi̍t-êlâng, ho̍k-sìⁿSe-bûn, tan-miâkiòPà, chòeGia̍p-siâⁿêkoāiⁿ-koaⁿ. Tngikhìchiapjīmêsîkhòaⁿ-kìⁿhiaêjîn-ianchinhi-bî, pahhāngsūlónghong-hòe; ichiūchhâ-khóhit-êgôan-in. Chhâ-liáuchiūchaihiaūchi̍tchéngêpháiⁿhong-sio̍k, chiū-sīchi̍t-êang-îtehchokkoài. In-ūichāihitsó͘-chāiūchi̍ttiâuhôta̍knîkhiā-chhiuêsîhôchúichiūtiòng-khí--lâi, tì-kàuim-tio̍hhiaêlângêchhân-hn̂gchhù-the̍hsún-sitchinchōe. Hitêlāuang-îsiⁿchhutiâu-giânkónghô-sîntehsiū-khì, tio̍hēngmi̍hlâichè-hiàn; iātio̍hchiongchi̍têbēchhut-kèêcha-bó͘gín-náchngsúi-súi, chionglô͘-tekpa̍kchòechûnhō͘ichē, chiahkāipànghō͘chúilâukhì; lâubôlōa-hn̄gchiūtîm-lo̍h--khì, hōchòesànghō͘hô-sînchòebó͘. Ta̍knîlóngtio̍hán-ni. Kohhiaūsaⁿêlāu-tōa, iākaphit-êang-îtàu-khang; nākhòaⁿ-kìⁿūchi̍têkhah-hó-gia̍hêlâng. Inchiūkóngiêcha-bó͘-kiáⁿōeēng-titchòehô-sînêbó͘. Hiah-êhó-gia̍hlângkò͘-tio̍hiêkiáⁿ, chiūchiongchîⁿ-gûnlâimái-chiokin, inchiūtńgchi̍h-koankóng, Hô-sînm̄tiⁿh8chit-ê, sīàihit-ê. Só͘-ítì-kàuhó-gia̍hlânglóngpoaⁿ-khìpa̍tsó͘-chāi; chhunhiah-êsòng-hionglâng. Iū-kohta̍k-nîūchúi-chai, só͘-ípeh-sìⁿchinkan-khó͘.
|
兩千年前中國有一個人，複姓西門，單名叫霸，做鄴城的縣官。當伊去接任的時看見hiah-ê人煙真稀微，百項事攏荒廢；伊就查考hit-ê原因。查了就知遐有一種的歹風俗，就是一個尪姨teh作怪。因為在hit所在有一條河逐年徛秋的時河水就漲起來，致到淹著hiah-ê人的田園厝宅損失真濟。Hit ê老尪姨生出謠言講河神teh受氣，著用物來祭獻；也著將一個袂出嫁的查某gín-ná妝媠媠，將蘆竹縛做船予伊坐，才kā伊放予水流去；流無偌遠就沉落去，號做送予河神做某。逐年攏著按呢。閣遐有三個老大，也kap hit-ê尪姨鬥空；若看見有一個較好額的人，in就講伊的查某囝會用得做河神的某。Hiah-ê好額人顧著伊的囝，就將錢銀來買囑in，in就轉舌關講，河神毋tiⁿh8 chit-ê，是愛hit-ê。所以致到好額人攏搬去別所在；賰hiah-ê sòng-hiong人。又閣逐年有水災，所以百姓真艱苦。 |
|
Se-bûnPàí-kengchaisīán-ni, siūⁿnābehēngchhùikóngsībôlō͘-ēng, in-ūichhèngpeh-sìⁿbêsìnchinchhim, bōebián-titōeēngbôchêng-líêōelâipiān-lūn. Chiūhoan-hùsaⁿêlāu-tōakóng, nābehsàngcha-bó͘gín-náhō͘hô-sînchòebó͘êsî, góaiābehlâi-khìpàii; ta̍k-êkóng, Hó.
|
西門霸已經知是按呢，想若欲用嘴講是無路用，因為眾百姓迷信真深，袂免得會用無情理的話來辯論。就吩咐三個老大講，若欲送查某gín-ná予河神做某的時，我也欲來去拜伊；逐個講，好。 |
Kàuhit-êsî, hitsaⁿêlāu-tōakó-jiânlâichhiáⁿSe-bûnPàkhìkhòaⁿ. Kiâⁿkàuhô-piⁿêsî, khòaⁿ-kìⁿkáng-chhenglângoe-oekhoeh-khoehtehthèng-hāu. Kohtiap-á-kúchiahkhòaⁿ-kìⁿhit-êlāuang-îlâi, ūsìêtô͘-tēkun-sûii; ka-kīlia̍hchòeisīthòesînpānsū, put-chíkiau-ngō͘êkhóan. Kohkhòaⁿhit-êbehhō͘hô-sînchòebó͘êcha-bó͘gín-ná, siⁿchòeiāpêng-siông. Se-bûnPàchiūtiàuhit-êlāuang-îlâikāikóng, Góakhòaⁿchit-êcha-bó͘gín-nábôsím-mi̍hsúi, thèng-hāugóakéngchi̍têkhahpiau-tìêchiahkāisàngkhì, chhiáⁿlíchionggóaêōekhìkāhô-sînkóng. Chiūbôiông-únikekóngōe, kiònn̄gêkun-lângkāilia̍h-khí-lâithiām-lo̍hhô--n̍i̍h; ipún-siniāchng-chòechinsìnêkhóan, chéng-tùni-koan, ēngkhiân-sênglâikhiātīhô-piⁿ, thèng-hāuitò-tńglâihê-hok.
|
到hit-ê時，hit三個老大果然來請西門霸去看。行到河邊的時，看見káng千人oe-oe khoeh-khoeh teh聽候。閣霎仔久才看見hit-ê老尪姨來，有四個徒弟跟隨伊；家己掠做伊是替神辦事，不止驕傲的款。閣看hit-ê欲予河神做某的查某gín-ná，生做也平常。西門霸就召hit-ê老尪姨來kā伊講，我看chit-ê查某gín-ná無甚麼媠，聽候我揀一個較標緻的才kā伊送去，請你將我的話去kā河神講。就無容允伊加講話，叫兩個跟人kā伊掠起來填落河裡；伊本身也裝做真信的款，整頓衣冠，用虔誠來徛tī河邊，聽候伊倒轉來回覆。 |
Kàuūtiap-á-kú, bôkhòaⁿ-kìⁿhit-êlāuang-îtò-tńg-lâi, chiūtùichènglângkóng, Chit-êlāu-lângchòetāi-chìchinbān, kàutaⁿiáu-bētò-tńg-lâi. Chiūkiònn̄gêsiàu-liânêang-îlâi, kāikóng, Línsu-búkhahlāulah, chòetāi-chìchinbān, líkhìmn̄gikhòaⁿhô-sînkóngàn-cháiⁿ-iūⁿ; tio̍hliâm-piⁿtò-lâihê-hokgóa. Chiūkiòkun-lângkohkāinthoa-lo̍h-khì.
|
到有霎仔久，無看見hit-ê老尪姨倒轉來，就對眾人講，Chit-ê老人做代誌真慢，到今猶未倒轉來。就叫兩個少年的尪姨來，kā伊講，恁師母較老啦，做代誌真慢，你去問伊看河神講按怎樣；著連鞭tò來回覆我。就叫跟人閣kā in拖落去。 |
|
Kehchám-jiânkú, iû-gôanbôtōngbôchēng; chiūtiàuhitsaⁿêlāu-tōalâikóng, Tàu-tísīhū-jîn-lânglóngbōepān-sū, khìliáusòabôbehtò-tńg-lâi. Línsaⁿlângkhahláu-liān, ta̍k-hāngtāi-chìkhahōehiáu-tit; chhiáⁿlíchionggóaêì-sùkhìkāhô-sînkóng; tio̍hkóaⁿ-kínlâihê-hok. Iābôiông-úninhun-sò͘, kiòkun-lânglóngkāinthoa-khì, thiāmtīhô--n̍i̍h. Chèngpeh-sìⁿkhòaⁿ-liáutōakiaⁿ, Se-bûnPàiû-gôankéchòechinkhiân-sênglâithèng-hāu; m̄-kúiāsībôpòaⁿ-lângōetò-tńg-lâihê-hok. Chiūkohtiàuhiah-êtē-póchhiam-siúlâi, kāinkóng, Góakhòaⁿhū-jîn-lângkaplāu-lânglóngsībôlō͘-ēng, ta̍k-êūkhìbôhê-thâu; líntiong-kansím-mi̍hlângchòetāi-chìkhahmé-lia̍h, tio̍hkhìchhui-pekin. Hiah-êlângtōakiaⁿ, ta̍k-êkha̍p-thâukiûkóng, Góanlóngm̄-káⁿlah. Se-bûnPàchiūkóng, Chhiáⁿkohthèng-hāutiap-á-kú. Chèng-lângsim-koaⁿpho̍k-pho̍kchhéng, kha-chhiúngia̍uh-ngia̍uhchhoah. Kohkèūhiahkú, Se-bûnPàkohmn̄gchèng-lângkóng, Línphah-sǹgcháiⁿ-iūⁿ? Tāi-kekóng, Góanchênglónghō͘hit-êáng-îphiàn-khì; taⁿm̄káⁿlah. Se-bûnPàchiahkóng, āu-lâināūlângkohkónghô-sînbehchhōabó͘, góachiūbehēngikhìchòehm̂-lâng. Tùián-nichiahkahchèng-lângtò-khì.
|
隔嶄然久，猶原無動無靜；就召hit三個老大來講，到底是婦人人攏袂辦事，去了續無欲倒轉來。恁三人較老練，逐項代誌較會曉得；請你將我的意思去kā河神講；著趕緊來回覆。也無容允in分訴，叫跟人攏kā in拖去，填tī河裡。眾百姓看了大驚，西門霸猶原假做真虔誠來聽候；毋過也是無半人會倒轉來回覆。就閣召hiah-ê地保籤首來，kā in講，我看婦人人kap老人攏是無路用，逐個有去無回頭；恁中間甚麼人做代誌較猛掠，著去催逼in。Hiah-ê人大驚，逐個磕頭求講，阮攏毋敢啦。西門霸就講，請閣聽候霎仔久。眾人心肝噗噗筅，腳手ngia̍uh-ngia̍uh-chhoah。閣過有hiah久，西門霸閣問眾人講，恁拍算怎樣？大家講，阮前攏予hit-ê尪姨騙去；今毋敢啦。西門霸才講，後來若有人閣講河神欲娶某，我就欲用伊去做媒人。對按呢才kap眾人tò去。 |
Āu-lâiSe-bûnPàkhòaⁿhit-êtōe-sèêkoâiⁿ-kē, lâikhuihittiâuhô; sui-jiântú-tio̍hkhiā-chhiu, iālóngbôchúi-chai, peh-sìⁿlóngkohpoaⁿtò-tńg-lâi, bôlōa-kúchiūchinheng-ōng.
|
後來西門霸看hit-ê地勢的koâiⁿ低，來開hit條河；雖然拄著徛秋，也攏無水災，百姓攏閣搬倒轉來，無偌久就真興旺。 |
|
Ūlânghiâmkóng, Se-bûnPàēngán-niêhoat-tō͘sīsiuⁿngī, bôūjîn-ài. Sū-put-tichitkúiêlânghāichinchōeêpeh-sìⁿ, keng-kèkúi-nācha̍pnîkú, koaⁿ-húlóngbôhoat-tō͘thangtī; chiū-sīhō͘chitkúiêsí, inêchōeiāiáupó͘bōekè, hô-hòngkohōetû-khìāu-lâiêhō-hōan.
|
有人嫌講，西門霸用按呢的法度是傷硬，無有仁愛。殊不知這幾個人害真濟的百姓，經過幾若十年久，官府攏無法度通治；就是予這幾個死，in的罪也猶補袂過，何況閣會除去後來的禍患。 |
|
Taⁿhiān-sîūkóahong-súisian-siⁿ, kappok-kòa, khòaⁿ-miākhòaⁿ-ji̍têlâng, kónginêsó͘tòansīchintio̍h, bôchhabôchhok; línchhiáⁿbānchiahsìni, kiòinka-kīsengkhìkhòaⁿinêhong-súi, sǹginka-kīêmiā-un; nākó-jiânūèng-giām, āu-lâichiahkhìsìniiābētî.
|
今現時有寡風水先生，kap卜卦，看命看日的人，講in的所斷是真著，無差無錯；恁且慢才信伊，叫in家己先去看in的風水，算in家己的命運；若果然有應驗，後來才去信伊也袂遲。 |
