Chāi-cháChi-náhunchòeLia̍t-kokêsî, Chhó͘-kokKiong-ôngkapChìn-kokLē-kongtīIan-lêngêsó͘-chāikau-chiàn; Chhó͘-pengtōapāi, Kiong-ôngchi̍tba̍ktio̍hsiong. Iniápengêchóngsi-lēng-koaⁿmiâkiòChú-hóan, sim-lāiput-chíhôan-ló. M̄-kúichi̍têphiahchinm̄hó, chiū-sīàichia̍hchiú; nāchia̍hchiúchiūkhùnkui-mîkui-ji̍t; in-ūichhut-kun, só͘-íkìmchiú. Iūchi̍têlô͘-po̍k, miâIông-kok, put-chígâukhóan-thāii, chingâuthiàⁿiêchú-lâng, khòaⁿ-kìⁿChú-hóanhôan-lókàuán-ni, siūⁿipêng-sò͘àichia̍hchiú, chiūphângchi̍ttōaau, tngchènglângêbīn-chêngphiànikóngsītê. Chú-hóanchi̍t-ēphīⁿchiūchai-kiòsīchiú; chiūsiūⁿ, chesīIông-kokthiàⁿgóa, só͘-íchhòngchiúphiànkóngsītê, lâihō͘góachia̍h. Ichiūkāilim-lo̍h-khì, kohkiòphângtêlâi. Iông-kokiû-gôanchiongchiúhō͘i; bôsiūⁿchi̍taukèchi̍tau; chia̍h-liáusòatōachùi, tótītùiⁿ-pîⁿlāi, khùnkàuput-tithian-tē.
|
在早支那分做列國的時，楚國恭王kap晉國厲公tī鄢陵的所在交戰；楚兵大敗，恭王一目著傷。伊領兵的總司令官名叫子反，心內不止煩惱。毋過伊一個癖真毋好，就是愛食酒；若食酒就睏規暝規日；因為出軍，所以禁酒。伊有一個奴僕，名陽穀，不止gâu款待伊，真gâu疼伊的主人，看見子反煩惱到按呢，想伊平素愛食酒，就捀一大甌，當眾人的面前騙伊講是茶。子反一下鼻就知叫是酒；就想，這是陽穀疼我，所以創酒騙講是茶，來予我食。伊就kā伊啉落去，閣叫捀茶來。陽穀猶原將酒予伊；無想一甌過一甌；食了續大醉，倒tī帳棚內，睏到不知天地。 |
|
Chhó͘Kiong-ôngsiūⁿkehji̍tbehkohkapChìn-kokkau-chiàn; chiūchhelângkhìchhiáⁿChú-hóanlâichham-siông; siáⁿchaiChú-hóanchiú-chùinásíchi̍tpoaⁿ-iūⁿ. Chiūsiūⁿka-kīiātio̍h-siong, choankhòChú-hóanchi̍tlâng; taⁿián-ni, behthàiōekohkau-chiàntit? Ko͘-put-chiongthàumîthiupengtò-khì. ChiūchiongChú-hóankau-thokchi̍têchingâucho̍h-chìⁿêlâng, miâkiòIóngIû-ki, lâipó-hō͘i, kiaⁿ-liáuhō͘Chìn-koklia̍hkhì, chiūchinlêng-jio̍k. Kàukeh-ji̍têji̍tbehtàu, Chú-hóanchiú-chùicheng-sîn, chiahchaichiah-êtāi-chì, chiūkóng, Iông-kokhāigóa, Iông-kokhāigóa; góathàiūbīnthangkohkìⁿgóaêông? Chiūka-kīchū-chīnlâisí.
|
楚恭王想隔日欲閣kap晉國交戰；就差人去請子反來參詳；啥知子反酒醉若死一般樣。就想家己也著傷，專靠子反一人；今伊按呢，欲thài會閣交戰得？姑不將透暝抽兵tò去。就將子反交託一個真gâu射箭的人，名叫勇由基，來保護伊，驚了予晉國掠去，就真凌辱。到隔日的日欲晝，子反酒醉精神，才知chiah-ê代誌，就講，陽穀害我，陽穀害我；我thài有面通閣見我的王？就家己自盡來死。 |
Chiàuán-nikhòaⁿ, Chú-hóanêlô͘-po̍kIông-kok, phângchiúhō͘Chú-hóanchia̍hêsî, pèngbôpòaⁿtiámbehhāiChú-hóanêi-sù; put-kòin-ūiChú-hóanpêng-sò͘àichia̍hchiú, só͘-íchiongchiúhō͘ichia̍h, ài-titihoaⁿ-hí, sǹg-sīchhuttīthiàⁿ-thàngêsim; bôliāuChú-hóankèng-jiânin-ūián-nilâigō͘tōa-sū, sòaliáusìⁿ-miā. Hiān-sîêpêng-iúsiông-siôngkhǹglângchia̍h-hunlim-chiú, kiámm̄-sīiû-gôanchhuttīhó-ì? M̄-kúāu-lâiin-ūihit-êlângsòatiâuhunbōekóe-tit, tì-kàukheng-katōng-sán; á-sīin-ūichiú-chùilâilāuchhuttāi-chì, kiámm̄sīhó-ìpìⁿchiâⁿphàiⁿ-ìlah? Só͘-íchinsimthiàⁿpêng-iúê, lóngtio̍hchhuttījîn-ài, m̄-thangchhuttīle̍k-ài; nāsīle̍k-ài, chiūbôsǹgsīchinthiàⁿ-thàng. Chim-giânūkóng, “Thiàⁿkiáⁿ-jîê, chiū-sīhāikiáⁿ-jî, ” iāsīchit-êì-sù.
|
照按呢看，子反的奴僕陽穀，捀酒予子反食的時，並無半點欲害子反的意思；不過因為子反平素愛食酒，所以將酒予伊食，愛得伊歡喜，算是出tī疼痛的心；無料子反竟然因為按呢來誤大事，續了生命。現時的朋友常常勸人食薰啉酒，kiám毋是猶原出tī好意？毋過後來因為hit-ê人續tiâu薰袂改得，致到傾家蕩產；抑是因為酒醉來漏出代誌，kiám毋是好意變成歹意啦？所以真心疼朋友的，攏著出tī仁愛，毋通出tī溺愛；但是溺愛，就無算是真疼痛。箴言有講，「疼囝兒的，就是害囝兒，」也是chit-ê意思。 |
