Chi-náchiàn-kokêsî, ngó͘-pàchāi-lāihit-êChînBo̍k-kong, ūchi̍tpáikhìNiû-soaⁿêsó͘-chāiphah-la̍h. Hitmî-hngphahm̄kìⁿkúi-nāchiah-êhóbé, chiūphàilângsì-kòekhìchhē. Kehbôjōakúūlânglâipòkóng, TīKi-soaⁿêlâm-pêng, ūchha-put-tosaⁿpahêthó͘-lâng, í-kengchiongbéthâikhìlah; hiān-sîtehchúbehkhìchia̍h; nāàm-chīⁿphàipengkhì, ōelóng-chónglia̍htio̍h. ChînBo̍k-kongthiaⁿ-liáuthó͘-khùikóng, Góaphàilínkhìchhē, sīǹg-bāngōekohtit-tio̍hhiah-êbé. Taⁿbéí-kengsí, hōan-chōeêlângīhiah-n̍i̍hchōe, nālóngkāilia̍hlâipān, bōebián-tithō͘lângkónggóakhòaⁿcheng-siⁿkhahtùi-tiōng, lia̍hlângêsìⁿ-miākhòaⁿkhahkhin. Kohgóathiaⁿ-kìⁿkóng, Chia̍hhóbéêbah, bôchia̍hchiúkhìchānisiau-hòa, chiūōetìpīⁿ; hiah-êthó͘-lânglóngm̄chaichitkhóanêlī-hāi. Chiūkiòlângchiongisó͘tòalâiêhóchiú, taⁿkhìhō͘hiah-êthó͘-lâng, kahinsûi-êpuntām-po̍hkhìchia̍h; hiah-êlângthiaⁿ-liáuput-chíkám-kek.
|
支那戰國的時，五霸在內hit-ê秦穆公，有一擺去梁山的所在拍獵。Hit暝昏拍m̄見幾若隻的好馬，就派人四界去chhē。隔無偌久有人來報講，tī岐山的南爿，有差不多三百個土人，已經將馬thâi去啦；現時teh煮beh去食；若暗靜派兵去，會攏總掠著。秦穆公聽了吐氣講，我派lín去chhē，是向望會koh得著hiah-ê馬。今馬已經死，犯罪的人又hiah-n̍i̍h濟，若攏kā伊掠來辦，bōe免得hō͘人講我看精牲較對重，掠人的性命看較輕。Koh我聽見講，食好馬的肉，無食酒去贊伊消化，就會致病；hiah-ê 土人攏m̄知這款的利害。就叫人將伊所帶來ê好酒，擔去hō͘ hiah-ê 土人，教in隨個分淡薄去食；hiah-ê人聽了不止感激。 |
Āu-lâikehūchi̍tnîkú, ChînBo̍k-kongkapChìnkokêpengtīHânêsó͘-chāikau-chiàn, Bo̍k-kongtōapāi, Chìnêpengí-kengchiongBo̍k-kongêchiànchhiaûi-teh. ChìnêniápengkoaⁿNiûIû-bíiāí-kengkhiútio̍hBo̍k-kongsó͘chēhittiuⁿchhiaêbé. Tnghitchāmchingûi-kipêsî, hut-jiânkhòaⁿ-kìⁿsaⁿpahgōalâng, iābôkhiâbé, iābôchēchhia, chhiú-n̍i̍hkia̍htōato, ta̍k-êchi̍tkhiāchi̍tthòkoâiⁿ, hiôngkài-kàiti̍t-ti̍tphahji̍p-lâi, khòaⁿ-kìⁿChînBo̍k-konghō͘Chìnkokêpengûi-teh, chiūphe-sí-miā, chionghiah-êpengphahthè, m̄-nākiù-chhutChînBo̍k-kong, hóan-tńgchiongChìnHūi-konglia̍h-lâi. Bo̍k-kongkhòaⁿ-liáuchinhoaⁿ-hí; chiūtiàuinlâimn̄gkóng, Línsītoh-lo̍hêlâng, siáⁿ-sūkin-á-ji̍tlâikiùgóa? Hiah-êlângkóng, Góanchiū-sīkū-nîthau-khankun-ôngêhóbéhiah-êlâng; kám-liāmkunêtōaun-tek, bôpāngóanêchōe, kohkiaⁿgóanphòa-pīⁿ. In-ūikūn-ji̍tthiaⁿ-kìⁿtī-chiatehsio-thâi, só͘-ísaⁿ-kaplâibehpang-chānkunkau-chiàn; taⁿchin-chiàⁿūthàngóanpò-tapkunêsim. Bo̍k-kongthiaⁿ-liáuthó͘-khùikóng, Chèngkoetit-tio̍hkoe, chèngtāusiu-sêngtāu. Siat-súgóakū-nîchiongchiah-êlânglia̍hkhìpān-chōe, kin-á-ji̍tthàiōetit-tio̍hinêla̍tlâikiùgóaleh? Chiūmn̄ginkóng, Línkam-gōanji̍piâⁿchòepengm̄? Ta̍k-êkóng, Góansīthó͘-lâng, bōehiáusiúkui-kú, m̄káⁿchòekun-peng. Bo̍k-kongchiūkiòlângthe̍hkim-gûnchâi-pósiúⁿ-sùin; iniālóngm̄sin, chòeinsio-sîtò-khì.
|
後來隔有一年久，秦穆公kap晉國的兵tī韓ê所在交戰，穆公大敗，晉的兵已經將穆公的戰車圍teh。晉的領兵官梁由靡也已經khiú著穆公所坐hit張車的馬。當hit chām真危急的時，忽然看見三百外人，也無騎馬，也無坐車，手裡kia̍h大刀，逐個一徛一套懸，雄kài-kài直直拍入來，看見秦穆公hō͘晉國的兵圍teh，就胚死命，將hiah-ê兵拍退，m̄-nā救出秦穆公，反轉將晉惠公掠來。穆公看了真歡喜；就召in來問講，lín是toh-lo̍h的人，啥事今仔日來救我？Hiah-ê人講，阮就是舊年偷牽君王ê 好馬hiah-ê人；感念君ê 大恩德，無辦阮的罪，koh驚阮破病。因為近日聽見tī-chia teh相刣，所以saⁿ-kap來beh幫贊君交戰；今真正有趁阮報答君的心。穆公聽了吐氣講，種瓜得著瓜，種豆收成豆。設使我舊年將chiah-ê人掠去辦罪，今仔日thài會得著in的力來救我咧？就問in講，lín甘願入營做兵m̄？逐家講，阮是土人，bōe曉守規矩，m̄敢做軍兵。穆公就叫人提金銀財寶賞賜in；in也攏m̄收，做in相辭tò去。 |
Sè-kanêlâng, thanghunchòesaⁿténg, ūchi̍tténgêlâng, línāēngun-hūikhóan-thāii, ihóan-tńgēngpháiⁿlâipòlí; chemiâkiòkúitō. Ūchi̍t téngêlâng, línāēnghókhóan-thāii, iiāēnghópò-taplí; chekiòchòejîn-tō. Iāūchi̍tténg-hōêlâng, líēngpháiⁿkhóan-thāii, ikhiokēnghólâikhóan-thāilí; chekiòchòethian-tō. Chhin-chhiūⁿBo̍k-kongtehkhóan-thāihiah-êthau-khanbéêlâng, chiàukhòaⁿbōebián-titūsiúⁿ-hoa̍tputbêng; m̄-kúchōeputki̍pchiòng, saⁿpahgōalânglóngin-ūihitkúichiahbélâisiūchōe, khiokiūsiūⁿ-liáuputjím, iū-kohchaihiah-êthó͘-lângsīlóngbōehiáu-tithoat-lu̍tkaplī-hāi. Só͘-íput-jûchòechênghō͘in, m̄sīài-titlângin-ūián-nilâio-lói, ásīūǹg-bāngināu-lâiêpò-tapi, só͘-íūthangkhó-chhú. Chhìsiūⁿhiān-sîūchithōêlângábô; phah-sǹgbô. Khahchōelóngsīhithōbôsiūⁿlánkhòan-thāilângchàiⁿ-iūⁿ, kan-taōehiáuhiâmlângphàiⁿkhóan-thāii. Iâ-so͘kóng, Tio̍hthiàⁿlíêtùi-te̍k; iautio̍hhō͘ichia̍h, chhùi-tatio̍hhō͘ilim; chechiū-sīēngun-hūilâipò-tappháiⁿkhóan-thāilánêlâng.
|
世間的人，thang分作三等。有一等的人，你若用恩惠款待伊，伊反轉用歹來報你；che名叫鬼道。有一等的人，你若用好款待伊，伊也用好報答你；che叫做人道。也有一等號的人，你用歹款待伊，伊卻用好來款待你；che叫做天道。親像穆公teh款待hiah-ê偷牽馬的人，照看bōe免得有賞罰不明；m̄-kú罪不及眾，三百外人攏因為hit幾隻馬來受罪，卻又想了不忍，又koh知hiah-ê 土人是攏bōe曉得法律kap利害。所以不如做情hō͘ in，m̄是愛得人因為án-ni來o-ló伊，抑是有向望in後來ē報答伊，所以有thang可取。試想現時有這號的人抑無；拍算無。較濟攏是hit號無想咱款待人怎樣，kan-ta會曉嫌人歹款待伊。耶穌講，著疼你的對敵；枵著hō͘伊食，嘴乾著hō͘伊啉；che就是用恩惠來報答歹款待咱的人。 |
