Ló͘Ai-kongmn̄gKhóng-chúkóng, Góathiaⁿ-kìⁿlângtehkóng, Hithōchingâubōekì-tittāi-chìêlâng, tehpoaⁿchhùêsî, liâninbó͘iābōekì-titpoaⁿkhì. Khóng-chúkóng, Cheiáum̄sîgâubōekì-titêlâng; hithōchingâubōekì-titêlâng, liânipún-siniāsòabōekì-tit. Ai-kongmn̄gkóng, Àn-cháiⁿ-iūⁿpún-siniāsòabōekì-tit? Khóng-chúkóng, Kó͘-cháêsîūchi̍têHāKia̍t-ông, iêchun-kùichòekàuhông-tè, iêhó-gia̍hkóankàuthongkok. M̄-kúm̄thànsian-ôngêtō-lí, chhia-chhíiàn-lo̍k, bêtīchiú-sek; āu-lâikokphòakabông, sòahō͘Thong-ôngthâi-khì, chekiámm̄sīsòabōekì-titipún-sinmah?
|
魯哀公問孔子講，我聽見人teh講，hit號真gâu bōe記得代誌的人，teh搬厝的時，連in某也bōe記得搬去。孔子講，Che iáu m̄是gâu bōe記得的人；hit號真gâu bōe記得的人，連伊本身也續bōe記得。哀公問講，按怎樣本身也續bōe記得？孔子講，古早的時有一個夏桀王，伊會尊貴做到皇帝，伊會好額管到通國。M̄-kú m̄趁先王的道理，奢侈宴樂，迷tī酒色；後來國破家亡，續hō͘湯王thâi去，che kiám m̄是續bōe記得伊本身mah？ |
Sè-kanhithōbōekì-titpún-sinêlâng, kiámkan-taHāKia̍tnā-tiāⁿ? Sè-kanbōekì-titpún-sinêsū, iām̄-tān-nāchiú-seknā-tiāⁿ. Hōan-nālângchòechi̍thāngbôchiàulí-khìêtāi-chì, ásīkóngchi̍tkùbôlíêōe, í-ki̍pchûnchi̍thāngbôtō-líêliām-thâu, chiūlóngkàu-gia̍hthanghāi-tio̍hinêseng-khukapsim-koaⁿ. Só͘-íkó͘-chákun-chúêlâng, tùika-kīchi̍tê, iātio̍hchûnkín-sīnkéng-kàiêsim.
|
世間hit號bōe記得本身的人，kiám kan-ta夏桀nā-tiāⁿ？世間bōe記得本身的事，也m̄-tān-nā酒色nā-tiāⁿ。凡若人做一項無照理氣的代誌，抑是講一句無理的話，以及存一項無道理的念頭，就攏夠額thang害著in的身軀kap心肝。所以古早君子的人，對家己一個，也著存謹慎警戒的心。 |
