Chó-tōanêchhehūkóng, Tēng-kokêtāi-hukoaⁿ, PîChò, kāinkok-n̍i̍hêcháiⁿ-siòngChú-sánkóng, Góakhòaⁿkohbôjōa-kúTēng-kokōeūhé-chai; chhiáⁿlítio̍hchòechiòlâikî-tó, ǹg-bāngkhòaⁿōebián-titūchit-êchai-ê. Chú-sánm̄thiaⁿi. Kehbôkúi-ji̍t, kó-jiânūtōahé-chai. PîChòkohkāikóng, nām̄thiaⁿgóaêchhùi, m̄-biánjōa-kú, iáu-kúūhé-chai. Chú-sánìnikóng, Thiⁿêchòetāi, hō͘lângthàiōehiáu-tit? Āu-lâiêsū, lângnáōechai? Put-kòtio̍hchīnlângêpún-hūnlâichòe, khahiàu-kín. Āu-lâiTēng-kokkàubétoiāpêng-anbôtāi-chì; iābôkohūhé-chai.
|
左傳的冊有講，鄧國的大夫官，裨佐，kā in國裡的宰相子產講，我看閣無偌久鄧國會有火災；請你著做醮來祈禱，向望看會免得有chit-ê災厄。子產毋聽伊。隔無幾日，果然有大火災。裨佐閣kā伊講，若毋聽我的嘴，毋免偌久，iáu-kú有火災。子產應伊講，天的做代，予人thài會曉得？後來的事，人哪會知？不過著盡人的本分來做，較要緊。後來鄧國到尾都也平安無代誌；也無閣有火災。 |
|
Tâi-ôankapTiong-kokéngūchi̍tkhóanhithōlâng, choan-bûnkóngkésian-tiêōe, ū-sîkóng, Kohjōa-kúōeūhé-chai, ásīchúi-chai; ū-sîkóng, Bó͘-mi̍hsîōeōe tú-tio̍hun-e̍kêkan-khó͘; lóngtio̍hthàncháchhiáⁿkóahê-siūⁿá-sītō-sū, lâichòechiò, thangkái-tûchitkhóanêchai-ē. Án-nisi̍t-chāikan-talām-sámliáuchîⁿnā-tiāⁿ, lóngbôchi̍t-tiám-áūlō͘-ēng. Ia̍h-kengêchhehkóng, Chek-chūhóêke-lāi, inêhok-khìtek-khekūchhun; chek-chūpháiⁿêke-lāi, inêchai-ētek-khakchhiong-chiok. Su-keng-n̍i̍hiākóng, Chòehóêchiūēngpahhānghok-khìsiúⁿ-sùi; chòem̄hóêchiūchiongpah-hāngchai-ēkànghō͘i. Án-ni-siⁿkhòaⁿ, lângtio̍hchiàutō-lílâikiâⁿ, o̍hchòehó-lâng, chiūthangsiám-pīta̍kiūⁿêchai-lān. Hô-hòngchúi, hé, un-e̍k, chithōchai-ē, sītùilângm̄sió-simlâitú-tio̍h. Siat-súōechiongkhiⁿ-kaukhuihō͘thàu, hōaⁿ-cha̍hkhíhō͘kian-kò͘, behthàiōeūchúi-chaileh? Ia̍hnāchá-àmhé-chekōehiáusòe-jī, ta̍kpáitāi-sengtî-hông, behthàiōeūhé-chaileh? Kohlim-chia̍hnāōehiáu-tittio̍hchheng-khì, khiā-khíêsó͘-chāikapsin-chhēngōekín-sīn, ia̍hbehthàiōeūun-e̍kleh? M̄-kúlânglóngm̄tùihit-êsi̍t-chāiêsūlâikáng-kiù, kan-tasìnhithōhê-siūⁿtō-sūêliām-kengpài-chhàm, chòe-chiòsio-hiuⁿ, chhòng-lònghiah-êbôlī-ekêsū; hôêlō͘chhut-chāiithat-teh, bôbehkhui; hō͘-hōaⁿkù-chāiitó-hoāi, bôbehsiu-lí; koe-lō͘oe̍hchiⁿ-chiⁿ, chhù-the̍hcha̍tthóng-thóng, Sì-kòekiaⁿ-sílô-lâng; khiā-khíêsó͘-chāi, iāak-akchak-chak; chia̍hchhēngêmi̍h, iābōehiáu-tittio̍hchheng-khìsòe-jī, chiàuōe-sengêhoat-tō͘lâikiâⁿ, kan-tabehkhòhiah-êpu̍t-á, ēngchòe-chiòngiâlāu-jia̍t, lâiǹg-bānginpó-pì, hō͘lánpêng-anbôtāi-chì. Án-nibehthàiōekhò-titleh?
|
台灣kap中國往有一款hit號人，專門講假先知的話，有時講，閣偌久會有火災，抑是水災；有時講，某乜時會拄著瘟疫的艱苦；攏著趁早請寡和尚抑是道士，來做醮，通解除這款的災厄。按呢實在kan-ta濫糝了錢若定，攏無一點仔有路用。易經的冊講，積聚好的家內，in的福氣的確有賰；積聚歹的家內，in的災厄的確充足。書經裡也講，做好的就用百項福氣賞賜伊；做毋好的就將百項災厄降予伊。按呢生看，人著照道理來行，學做好人，就通閃避逐樣的災難。何況水、火、瘟疫，這號災厄，是對人毋小心來拄著。設使會將坑溝開予透，岸閘起予堅固，欲thài會有水災咧？亦若早暗火燭會曉細膩，逐擺代先持防，欲thài會有火災咧？閣啉食若會曉得著清氣，徛起的所在kap身穿會謹慎，亦欲thài會有瘟疫咧？毋過人攏毋對hit-ê實在的事來講究，kan-ta信hit號和尚道士的念經拜懺，做醮燒香，創弄hiah-ê無利益的事；河的路出在伊塞teh，無欲開；護岸據在伊倒壞，無欲修理；街路狹chiⁿ-chiⁿ，厝宅實thóng-thóng，四界驚死勞人；徛起的所在，也齷齷齪齪；食穿的物，也袂曉得著清氣細膩，照衛生的法度來行，kan-ta欲靠hiah-ê佛仔，用做醮迎鬧熱，來向望in保庇，予咱平安無代誌。按呢欲thài會靠得咧？ |
