Hoâi-lâm-chúêchhehkóng, Ūchi̍têcha-bó͘gín-nábehchhut-kèêsî, inchhù-piⁿêlângkāiêpē-búkóng, Líncha-bó͘-kiáⁿkè-khìlângtau, āu-lâiōesiⁿkiáⁿábōe, sībōeliāu-tit; nābōesiⁿ, kiámm̄sīhōan-tio̍hchhit-chhutêtiâu-lēmah? Lêng-khó͘tio̍hchiàu-kò͘líêcha-bó͘-kiáⁿ, kahināūlī-piānêsî, tio̍hchionginanghitthâuêsaⁿ-á-khò͘kapcha̍p-chhùiêmi̍h, thau-the̍hkóatò-lâilínchhù; bān-itāu-lâibôkālângsiⁿkiáⁿ, hō͘lânglîtò-lâi, iāchiahūthangtō͘oa̍h. Inêpē-búlia̍hchòeán-nisīchintio̍h, chiūkapincha-bó͘-kiáⁿtàu, chionginanghitpêngêmi̍h-kiāⁿ, thau-the̍htò-lâiintau. Kèūhiahkú, inêta-ke-koaⁿchaikiòiêsim-pūtiāⁿ-tiāⁿthau-the̍hmi̍hkhìingōa-kechhù, chiūkóng, Góanchit-êsim-pū, sim-koaⁿí-kengǹgtīgōa-bīn, sībōeēng-titkohlâuitòa-teh, put-jûliōng-cháhō͘ikhì; chiūkāilîtò-khìingōa-kehia. Inêpē-búm̄chaihit-êhō͘lânglîêiân-kò͘, hóan-tńgchinkám-kekchhù-piⁿhit-êlâng, kóngikà-sīin, hō͘inchaithangthàn-chápī-pān.
|
淮南子的冊講，有一個查某gín-ná欲出嫁的時，in厝邊的人kā伊的父母講，恁查某囝嫁去人兜，後來會生囝抑袂，是袂料得；若袂生，kiám毋是犯著七出的條例mah？寧可著照顧你的查某囝，教伊若有利便的時，著將in翁hit頭的衫仔褲kap雜碎的物，偷提寡tò來恁厝；萬一後來無kā人生囝，予人離tò來，也才有通度活。In的父母掠做按呢是真著，就kap in查某囝tàu，將in翁hit爿的物件，偷提tò來in兜。過有hiah久，in的ta-ke-koaⁿ知叫伊的媳婦定定偷提物去in外家厝，就講，阮chit-ê媳婦，心肝已經向tī外面，是袂用得著留伊蹛teh，不如量早予伊去；就kā伊離tò去in外家遐。In的父母毋知hit-ê予人離的緣故，反轉真感激厝邊hit-ê人，講伊教示in，予in知通趁早備辦。 |
Nālūnpún-tókapTiong-kokêlâng, iāchōe-chōeūchithōmâu-pēng, múisiôngchòechi̍thāngtāi-chì, chiūgiâu-gîkiaⁿ-liáubōechiâⁿ; chiū-sīí-kengchòechiâⁿ, iāgiâu-gîkiaⁿ-liáutùbôkú. Tì-kàuūhithōeng-kaitio̍hchīn-la̍tê, m̄khéngkhìchīn-la̍t, eng-kaitio̍hpānêsū, iām̄khéngkhìpān; kan-takiaⁿōepe̍hliáukang, ásīōeliáupún, án-nilóngm̄khéngkhìchòe. Kohūchi̍tkhóan, hithōtāi-chìtaⁿ-chiahchhòng-li̍p, iām̄khénghēpúnchhut-la̍tlo̍h-khìchòe, hóan-tńgsì-kòekhau-khek; nāūthangthàntām-po̍hji̍pchhiú, ka-kīchiūlia̍hchòekàu-gia̍h; ia̍hhithōtāi-chìêsêng-kongásīpāi-hoāi, lóngbôbehkhìkóan. Put-lūnchhòngsím-mi̍htāi-chì, tāi-khàisīūthâubôbé, pòantô͘jîhòeêkhahchōe; bôūhithōkian-kò͘koat-tòanêsim; só͘-íchòelóngbōeōesēng-kong.
|
若論本島kap中國的人，也濟濟有這號毛病，每常做一項代誌，就憢疑驚了袂成；就是已經做成，也憢疑驚了tù無久。致到有hit號應該著盡力的，毋肯去盡力，應該著辦的事，也毋肯去辦；kan-ta驚會白了工，抑是會了本，按呢攏毋肯去做。閣有一款，hit號代誌taⁿ-chiah創立，也毋肯下本出力落去做，反轉四界剾刻；若有通趁淡薄入手，家己就掠做夠額；亦hit號代誌的成功抑是敗壞，攏無欲去管。不論創甚物代誌，大概是有頭無尾，半途而廢的較濟；無有hit號堅固決斷的心；所以做攏袂會成功。 |
Hitkhóanêlâng, m̄-nāchòetāi-chìsīán-ni, chiū-sīthàntō-lího̍k-sāiSiōng-tè, iābôm̄sīán-ni. Phì-lūnchhin-chhiūⁿchit-êlâng, pêng-só͘chináikóngpe̍h-chha̍tlâiphiànlâng, āu-lâiin-ūichaichòetāi-chìnāūha̍htīSiōng-tèêchí-ì, Siōng-tèchū-jiânsiúⁿ-sùhok-khìhō͘i, iūkohlām-sámkóngpe̍h-chha̍t, sīhōan-tio̍hSiōng-tèkaplânglóngsiū-khìêchōe. Án-nichiūlâichun-thànSiōng-tèêchí-ì, ǹg-bāngSiōng-tèsiúⁿ-sùhok-khìhō͘in. M̄-kú kèbējōakú, hut-jiâniūgiâu-gîSiōng-tèsiúⁿ-sùêhok-khì, sībông-bôngbiáu-biáu, bōepîn-chúntit, m̄-thangchoan-choanóa-khòchithāng; put-jûit-biānēngtām-po̍hpe̍h-chha̍tōelâiphiànlâng, iāit-biānlâichun-thàntō-lí, kiámm̄sīnn̄gthâulóngūthangóa-khòmah? Khó-siohchhin-chhiūⁿchitkhóanêlâng, it-senglóngbōeōetit-tio̍hhok-khìêpò-siúⁿ, hóan-tńgkóngchinsînbôūlêng-siàⁿ. Kiámchin-chiàⁿchinsînbôūlêng-siàⁿmah? Sio̍k-gúkóng, Gîsūbûkong; nāsīgiâu-gîêtāi-chì, chòeliáubōesêng-kong, chiū-sīchitêì-sù.
|
Hit款的人，毋但做代誌是按呢，就是趁道理服事上帝，也無毋是按呢。譬論親像chit-ê人，平素真愛講白賊來騙人，後來因為知做代誌若有合tī上帝的旨意，上帝自然賞賜福氣予伊，又閣濫糝講白賊，是犯著上帝kap人攏受氣的罪。按呢就來遵趁上帝的旨意，向望上帝賞賜福氣予in。毋過過袂偌久，忽然又憢疑上帝賞賜的福氣，是茫茫渺渺，袂憑準得，毋通專專倚靠這項；不如一面用淡薄白賊會來騙人，也一面來遵趁道理，kiám毋是兩頭攏有通倚靠mah？可惜親像這款的人，一生攏袂會得著福氣的報賞，反轉講真神無有靈聖。敢真正真神無有靈聖mah？俗語講，疑事無功；但是憢疑的代誌，做了袂成功，就是chit ê意思。 |
