Chhitkokêsî, LīnSiong-jûsǹgsīhókháu-châi, kohūtám-le̍kêlâng, iūôan-chôanhittèpó-ge̍ktò-lâiTiō-kok, iātīBín-tîêsó͘-chāi, bôlêng-jio̍k-tio̍hiêkun-ông. Só͘-íTiō-ônghongichòesiōng-kheng. Chit-ūitian-tòpíLiâmPhókhahkoâiⁿ. LiâmPhóchi̍t-ēsiūⁿ, góatùisiàu-liânkàutaⁿ, keng-kèkáng-pahpáiêcheng-chiàn, chiahchòechiong-kunêchit; LīnSiong-jûput-kòkhòiêkháu-châi, hóan-tńgpígóakoaⁿchòekhahkoâiⁿ. Chiūtùilângkóng. Góanātú-tio̍hSiong-jûêsî, tek-khakbehlêng-jio̍ki. Siong-jûthiaⁿ-kìⁿchithōōe, múipáichhut-lâiêsî-chūn, nākhòaⁿ-kìⁿLiâmPhó, chiūkóaⁿ-kínsiámtùipiⁿ-ákhì. Isó͘ēngêlângkhòaⁿ-kìⁿinchú-lângchithōkhóan, chiūlia̍h-chòetōa-tōaêkiàn-siàu; tāi-kelâitùiSiong-jûsaⁿ-sî, behkhìpa̍tūi. Siong-jûchiahkāinkóng, Hiān-sîtē-itkiôngtē-ittōaêchiūsīChîn-kok. Chóng-sīgóatīitiān-téng, siōng-chhiáⁿkáⁿtōasiaⁿhoahlâichek-pīiChînông, hô-hòngLiâmchiong-kun, góakiámchin-chiàⁿsītehkiaⁿmah? Put-kòchit-tia̍pChîn-kokm̄káⁿlâiphahTiō-kok, chiū-sīin-ūiūgóannn̄glâng, nākau-chiapóng-lâiêsū, góaōesiat-hoat, m̄-kúcheng-chiànêtāi-chì, iû-gôantio̍hkhòLiâmchiong-kun. Siat-súgóannn̄gêput-hô, sīchhin-chhiūⁿnn̄gchiahhótehsaⁿ-chiⁿ, hit-êsè-bīnoh-titlóngoa̍h; só͘-ígóanākìⁿ-tio̍hi, chiūtāi-sengsiám-pī. In-ūigóasīlia̍hkok-kaêtāi-chìchòekhahiàu-kín, itùigóasǹgsīkò-jînêhia̍p-hiâmnā-tiāⁿ, só͘-íbôbehkapikè-kàulah. Isó͘ēngêlângthiaⁿ-liáuput-chíūchêng-lí, iāchiūo̍hinchú-lângêkhóan, tú-tio̍hLiâmPhóêkun-lâng, iālóngkhahniūi. LiâmPhóhitpêngêlâng, chiūnákiau-ngō͘khí-lâi, lia̍hchòeSiong-jûchin-chiàⁿkiaⁿi. Āu-lâiūchi̍tlângmiâkiòGûKheng, lâichhēLiâmPhó, chiongLīnSiong-jûêì-sùthiah-bênghō͘ithiaⁿ. LiâmPhóchiahchhíⁿ-gō͘hóan-hóe, chiūthǹg-pak-thehpēchi̍tkitek-poe, lâiSiong-jûintaujīn-chōe, chhiáⁿSiong-jûēngtek-poechek-hoa̍ti. Siong-jûchinhoaⁿ-híkhaniêchhiú, chhiáⁿiji̍p-khìlāi-bīn, hó-lékhóan-thāii; nn̄glângsòakiatchòesiⁿ-síêkau-pôe.
|
七國的時，藺相如算是好口才，閣有膽力的人，伊有完全hit塊寶玉tò來趙國，也tī黽池的所在，無凌辱著伊的君王。所以趙王封伊做上卿。這位顛倒比廉頗較懸。廉頗一下想，我對少年到今，經過káng百擺的爭戰，才做將軍的職；藺相如不過靠伊的口才，反轉比我官做較懸。就對人講。我若拄著相如的時，的確欲凌辱伊。相如聽見這號話，每擺出來的時陣，若看見廉頗，就趕緊閃對邊仔去。伊所用的人看了in主人這號款，就掠做大大的見笑；大家來對相如相辭，欲去別位。相如才kā in講，現時第一強第一大的就是秦國。總是我tī伊殿頂，尚且敢大聲喝來責備伊秦王，何況廉將軍，我kiám真正是teh驚mah？不過這霎秦國毋敢來拍趙國，就是因為有阮兩人，若交接往來的事，我會設法，毋過爭戰的代誌，猶原著靠廉將軍。設使阮兩個不合，是親像兩隻虎teh相爭，hit-ê勢面oh得攏活；所以我若見著伊，就代先閃避。因為我是掠國家的代誌做較要緊，伊對我算是個人的挾嫌若定，所以無欲kap伊計較啦。伊所用的人聽了不止有情理，也就學in主人的款，拄著廉頗的跟人，也攏較讓伊。廉頗hit爿的人，就ná驕傲起來，掠做相如真正驚伊。後來有一人名叫牛筐，來揣廉頗，將藺相如的意思拆明予伊聽。廉頗才醒悟反悔，就褪腹裼背一支竹杯，來相如in兜認罪，請相如用竹杯責罰伊。相如真歡喜牽伊的手，請伊入去內面，好禮款待伊；兩人續結做生死的交陪。 |
Lūn-kàuput-hôêtāi-chì, m̄-nākok-n̍i̍hūán-ni, ke-lāiiāsīūán-ni. Chiū-sīIâ-so͘êkàu-hōe, iābōekóngtitchiūbôán-ni. Batkhòaⁿ-kìⁿūsîchitpêngêkàu-hōekhòaⁿ-khinhitpêngêkàu-hōe, ásīhitpêngêhōe-iúkhòaⁿ-khinchitpêngêhōe-iú. Ūsîkóngbó͘lângsīkiûpiáⁿtit-tio̍hpiáⁿ, ásīkóngbó͘lângsīóa-khòsè-le̍k, iābatkóngbó͘mi̍hlângtobôha̍k-būn, hóan-tńgtehchòechip-sū, ásīkóngbó͘mi̍hlângtobôjia̍t-sim, cháiⁿ-iūⁿtehchòethôan-tō. Án-nitāi-kephoe-phêng; kóng-liáutolóngūinêlí-khì. Sū-put-timô͘-kúií-kengthànchit-êki-hōe, hō͘lílī-khuichèng-kengêlō͘, lâiji̍ptīiêkhôan-thòlah. Iāchiū-sīsè-sio̍klâng, in-ūikhòaⁿ-kìⁿlánêhōe-iúka-kīput-bo̍kbôsaⁿ-thiàⁿêsimōesòakiaⁿkàum̄káⁿlâi; án-nikàu-hōethàiōeheng-ōngni̍h? Só͘-íchhim-chhimǹg-bāngkàu-hōelāiêpêng-iú, nāūchithō, chiūkóaⁿ-kínkóe; nābôiātio̍hkín-sīnin m̄-thanghōan-tio̍h, bo̍h-titūphāngthanghō͘mô͘-kúiji̍p-khì.
|
論到不和的代誌，毋若國裡有按呢，家內也是有按呢。就是耶穌的教會，也袂講得就無按呢。捌看見有時這爿的教會看輕hit爿的教會，抑是hit爿的會友看輕這爿的會友。有時講某人是求餅得著餅，抑是講某人是倚靠勢力，也捌講某物人都無學問，反轉teh做執事，抑是講某物人都無熱心，怎樣teh做傳道。按呢大家批評；講了都攏有in的理氣。殊不知魔鬼已經趁一個機會，予你離開正經的路，來入tī伊的圈套啦。也就是世俗人，因為看見咱的會友家己不睦無相疼的心會續驚到毋敢來；按呢教會thài會興旺ni̍h？所以深深向望教會內的朋友，若有這號，就趕緊改；若無也著謹慎毋通犯著，莫得有縫通予魔鬼入去。 |
|
Ia̍hkohchi̍thāng, Siong-jûkapLiâmPhósńg-sīsiāngchi̍ttiānêjîn-sîn, LiâmPhóêsimūhō͘hit-êkong-bêngmiâ-siaⁿbê-khì, chiūkapSiong-jûm̄-hó. Siong-jûiākhoan-iôngi, kàuichaithanghóan-hóejīn-chōe, chiūhoaⁿ-híkohchiap-la̍pi, kapikau-pôe; chesǹg-sīchi̍tlângtùichi̍tlâng, pêng-iúóng-lâiêsūnā-tiāⁿ. Iáuūchi̍thāngkhahtōaiàu-kín, chiū-sīsè-kanlângkiâⁿm̄tio̍hlō͘, pōe-biūtō-lí, Siōng-tèiāchhut-chāiinkhìchòe, kàuichaithanghóan-hóejīn-chōe, chiūbehkohchiap-la̍pichòekiáⁿ; chithōsǹg-sīsiⁿlánêlêng-hûn, pē-kiáⁿêchì-chhin, chū-jiânkohkhahiàu-kín. Iūchhe-khiánKiù-chúIâ-so͘lo̍h-lâisè-kan, hō͘lângsìnlâitit-tio̍hkohkapSiōng-tèchhin-kūn. Iâ-so͘lâisè-kanthôanSiōng-tèkokêhok-im, hō͘lângchhíⁿ-gō͘chaichōe, sīchhin-chhiūⁿGûKhengthiah-bêngSiong-jûêì-sù. Taⁿlánlóngtio̍ho̍hLiâmPhó, chaithangchhíⁿ-gō͘jīn-chōe, bián-titāu-lâibehhóan-hóeêsî, chiahchaií-kengtîlah.
|
亦閣一項，相如kap廉頗算是siāng一殿的人臣，廉頗的心有予hit-ê光明名聲迷去，就kap相如毋好。相如也寬容伊，到伊知通反悔認罪，就歡喜閣接納伊，kap伊交陪；這算是一人對一人，朋友往來的事若定。猶有一項較大要緊，就是世間人行毋著路，悖謬道理，上帝也出在in去做，到伊知通反悔認罪，就欲閣接納伊做囝；這號算是生咱的靈魂，父囝的至親，自然閣較要緊。伊有差遣救主耶穌落來世間，予人信來得著閣kap上帝親近。耶穌來世間傳上帝國的福音，予人醒悟知濟，是親像牛筐拆明相如的意思。今咱攏著學廉頗，知通醒悟認罪，免得後來欲反悔的時，才知已經遲啦。 |
