ChêSoan-ôngàithiaⁿûga̍k-khi, (chhin-chhiūⁿtōng-siau), ta̍k-páitehpûnêsî-chūn, tio̍hsaⁿpahlângchòechi̍t-ēlâipûn. Tong-sîūchi̍têLâm-kokêsian-siⁿlâikìⁿSoan-ông, chhéngbehji̍pchit-êpûnûêchit-hūn. Soan-ôngput-chíhoaⁿ-hí, ta̍kge̍h-ji̍tiāsùchinchōeêhōng-lo̍k, kàu-gia̍hthangiúⁿ-chhīku̍i-nā pahlâng. Āu-lâiSoan-ôngsí-khì, Bín-ôngchiap-khí-lâichē-ūi; iāiû-gôanchinàithiaⁿûêga̍k-khì. Chóng-sīBín-ôngm̄àihiahchōelângsaⁿ-kappûn, iàisûilângchi̍t-êchi̍t-êpûnhō͘ithiaⁿ. HitêLâm-koksian-siⁿthiaⁿ-kìⁿchithōsiau-sit, chiūthàncháchòeitô-cháukhìliáu.
|
齊宣王愛聽竽的樂器，（親像洞簫），逐擺teh歕的時陣，著三百人做一下來歕。當時有一個南郭的先生來見宣王，請欲入chit-ê歕竽的職份。宣王不止歡喜，逐月日也賜真濟的俸祿，夠額通養飼幾若百人。後來宣王死去，愍王接起來坐位；也猶原真愛聽竽的樂器。總是愍王毋愛遐濟人saⁿ-kap歕，伊愛隨人一個一個歕予伊聽。Hit ê南郭先生聽見這號消息，就趁早做伊逃走去了。 |
Chiàuán-nikhòa, chit-êLâm-koksian-siⁿ, gôan-pínsīchi̍t-tiám-ápûnûêpún-sūtobô. In-ūikhòaⁿ-kìⁿSoan-ônghoaⁿ-híthiaⁿsaⁿpahlângchòechi̍t-chôepûn, lia̍hchòechesīchiuhóêki-hōe, ōe-thangká-māukapinhô͘-hūnchāi-lāi; ka-kīpûnliáuhóthiaⁿásīm̄hóthiaⁿ, phah-sǹgSoan-ôngiāthiaⁿbōechhut. Āu-lâiBín-ôngiūàibehsûilângchi̍t-êchi̍t-êlâipûn, án-nichiūchi̍t-tiám-ákiàn-siàutobōekham-tit, bōebián-tittio̍htng-bīnlàu-khùi; só͘-íput-tek-puttio̍htāi-sengtô-cháu. Khó-siohsè-kanchhin-chhiūⁿchit-êLâm-koksian-siⁿêlângsīchinchōe; bô-lūnsīchòekoaⁿ, á-sīkào̍h, í-ki̍pchòethôan-tōê, éng-éngūchitténg-hōêlâng; chí-ūchaihô͘-hūnlâithat-gia̍h, chòetāi-chìló-lóchhó-chhóchiūkāikè-khì, siūⁿthangtô͘-bô͘hitsîêhōng-lo̍k, tek-khakbôsiūⁿka-kīêpún-sūcháiⁿ-iūⁿ, iābôsiūⁿ-kàutāi-chìêsèng-pāisīcháiⁿ-iūⁿ; lâitì-káusiong-thianhāi-lí, gō͘lângêtōasū. Lóngbôsiūⁿkàuāu-lâitek-khakūchi̍têji̍t-kî, chiongta̍klângsó͘chòeêkang, iābehchi̍t-êchi̍t-êtng-bīnkāichhì, lâitiāⁿ-tio̍hinêsiúⁿ-hoa̍t. Kàuhitsîkhiokbôsó͘-chāithangkhìtô-siám, m̄-sīchhin-chhiūⁿhit-êLâm-koksian-siⁿ, cháu-līchiūōesoahtit.
|
照按呢看，chit-ê南郭先生，原本是一點仔歕竽的本事都無。因為看見宣王歡喜聽三百人做一齊歕，掠做這是真好的機會，會通假冒kap in胡混在內；家己歕了好聽抑是毋好聽，拍算宣王也聽袂出。後來愍王又愛欲隨人一個一個來歕，按呢就一點仔見笑都袂堪得，袂免得著當面漏氣；所以不得不著代先逃走。可惜世間親像chit-ê南郭先生的人是真濟；無論是做官，抑是教學，以及做傳道的，往往有這等號的人；只有知胡混來塞額，做代誌潦潦草草就kā伊過去，想通圖謀hit時的俸祿，的確無想家己的本事怎樣，也無想到代誌的勝敗是怎樣；來致到傷天害理，誤人的大事。攏無想到後來的確有一個日期，將逐人所做的工，也欲一個一個當面kā伊試，來定著in的賞罰。到hit時卻無所在通去逃閃，毋是親像hit-ê南郭先生，走離就會續得。 |
